要數到小編最愛嘅節日,頭三甲一定有中秋節份!除咗因為有一日公眾假期,中秋節係一個可以任食嘅節日。每年中秋一路賞月一路bbq,再加埋其他美食湯圓、碌柚,同埋唔同口味嘅月餅,直程好似過新年咁!為食嘅國王把握今次機會,首次優惠國民用積分換取一次參加「myCOOKey 和菓子冰皮月餅親子班」嘅機會,提早同大家迎中秋!
小編食咗咁多次冰皮月餅,都好想知到底係點樣整出嚟,所以特登早咗去到偷師,見到枱面已經準備好晒整月餅嘅模具啦!
開波啦!導師先講解下所需嘅材料,做個簡單嘅示範。
大家一邊聽導師介紹材料時,仲可以一邊品嚐咖啡同朱古力奶。去過嘅jm喺bk forum都有分享返今次活動招呼非常周到,簡直係又食又拎!
大家齊齊做阿茂,仲整色整水添!唔好以為冰皮月餅五顏六色係加咗好多人造色素,其實係取自天然菜粉,例如可可粉、海藻粉、取自藤類植物嘅水溶性色素,食得放心,搓得開心!
中秋節嘅原意係「團圓」,喺月餅班中亦見到唔少親子moment,好sweet呀!
萬眾期待嘅製成品出爐啦!五顏六色嘅月餅,賣相滿分,小編都好想試一啖呀!
入埋精美禮盒,自己食定送俾人都毫不失禮,直程好似喺街買咁添呀!最後,每個家庭都得到一套月餅模具,可以學以致用再整俾親戚朋友食。
呢個小朋友係咪諗緊,未到中秋節,可唔可以食咗先呀?
各位國民,嚟緊記得喺BK同EK密密出POST同留言,儲定啲分等參加
王國教室嘅活動啦!小編在此亦祝大家有個「人月兩團圓」、食得開心嘅中秋節!