今日 , 係我咁大個多 , 做咁多次志工之中 , 最開心既一日 , 或者係因為 , 我深深咁愛上咗做志工啦 !
==========================================
時 間 : 09:00am
地 點 : 荃灣竹林禪院
人 地 : 慈濟一眾師姐
===========================================
今朝一早 , 人都未回魂 , 我就約咗娜娜喺樓下個巴士站等 , 一齊搭265M 向荃灣出發喇 ! 因為師姐出錯咗個口喻 , 我地傻更更咁就企咗個幾鐘頭喇 !
但好彩既係 , 呢個幾鐘 , 並冇影響到我既心情 , 反之 ... 我同娜娜重可以喺說說笑笑之間 , 輕易咁過渡呢個幾鐘添 !
等齊人喇 ! 我地就喺地鐵站下面分批搭的士上去 , 對第一次做長者志工既我嚟講 , 的確百感交雜 , 又驚又喜 ! 驚既係 , 怕自己會做得唔好 , 怕自己會做唔嚟 ... 喜既係 , 眼見眼前呢一班婆婆 , 佢地年紀超過八十歲 , 但個個都好精靈 , 而且佢地重好樂觀添喎 !
開工喇 ! 講起就失禮喇 ! 話晒自己十幾歲時 , 都做過三幾年既髮型屋丫 , 但竟然重學唔識剪頭髮 , 冇計啦 ! 我可以做既 , 就係幫d 婆婆剪指甲腳甲喇 ! 我諗我係時候要搵契老豆教我剪吓頭髮先得喇 !
因為今日要返學校睇飯 , 加上之前等咗個幾鍾頭 , 所以今日既志工只係做咗一個鍾碘倒咋 ! 而一向手慢腳慢既我 , 只係服侍得一位老人家咋 ! 唔打緊啦 ! 下次再嚟 !
今日呢個服務 , 我真係有個好深刻既感受 , 自己重後生 , 行得走得 , 但未好好咁去做過真正有意義既事 , 喺呢一年入面 , 我感恩娜娜帶我打開咗一個咁精彩既人生 ! 我亦好想話比人地知 , 香港人情唔係薄過紙架 !