吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 有用資料

大仔大女媽媽會今日: 0|主題: 177860

收藏本版

發帖

返回列表

跳至頁

查看: 16218 | 回覆: 55

[2007年] 有用資料 [複製鏈接]

12 3

jackie_lau2000

大宅

積分: 3103

1^#

發表於 07-3-5 12:12 |只看該作者

有用資料

資料 : 由penguin,提供
A曳媽咪！自家坐月飲食及注意事項《公開版》A

．此坐月飲食表以一共四十朝為期，共分休養期、進補期、大補期及滋補期。
．餸菜均以少鹽、紅糖(或白糖)、麻油、適量黑糯米酒等來調味，以烚、蒸及炆煮來烹調，不宜太味濃及油膩。而湯品以隔水清燉及煲來烹調。
．肉類以瘦肉、少肥油豬展肉、魚肉、雞柳肉或雞胸肉為主，而原雞隻或冰鮮雞食用前必須先去皮、去肥膏、去頭尾及去清內臟(烏雞則不須去皮)
．飯類可以糯米、紅米、糙米來代替白米；另亦可進食通粉、米粉、面線等。
．燉品湯水在日間進食較易吸收，而養生甜品則在夜間進食效果會更好。
．飲品主要以代茶為主較好，能較易被腸胃吸收有關調理身子的功效。而水份、熱奶或熱豆漿亦都可以飲，勿一次過飲太多避免腸胃下垂，以適可而止為佳。
．產後一星期不太適宜進食水果，如真的想吃的話，可選擇木瓜、提子。
．各湯水甜品等可自行加入燕窩、雪蛤膏、沙參、淮山、玉竹、花膠等滋陰潤燥的材料。
．而當歸、鹿茸、人參、鹿尾羓等呢類補品均須過四十朝後進食會較好，開刀媽咪則再延遲至產後二個月進食較佳。而進食次數亦不宜太密，一個月吃一至兩次就足夠了。
．坐月期間最好以少吃多餐，一日五至六餐最適宜。
．十二朝前最緊要清淡，餸菜可配以黑木耳(白背黑木耳功效最好，而普通木耳尚都可以)同煮，能幫助排清惡露，但不可過量。
．煮食時須注意均衡營養的吸收，最好能做到青、紅、黃、白、黑之五色蔬果均俱全。

… … … … … … … … … … … …

．開刀生產的媽咪須額外注意：—
1. 最好過二十朝後才開始進補，慢慢增加行血壯血食物的數量，例如：紅棗、薑、黨參、薑醋等。
2. 薑茸炒飯最好過二十朝後才開始進食
3. 大補期內既牛肉全以豬肉替代
4. 十二朝前可以清燉雞湯來補身，可以陳皮代替薑片；另不應飲用生魚湯，以免肉芽增生。

．餵人奶媽咪注意：—
1. 不想飲食魚類來增奶量，可另外選擇木瓜、花生或通草來配章魚、蓮藕來煲湯。
2. 亦都可以食雞酒，最好安排在餵完BB後才進食，但亦須要留意BB的反應，如面紅紅、面出粒粒、大便有沒有困難等，則須相隔三至四小時後才再餵哺。
3. 食得太鹹會容易回奶，亦會令媽咪水腫難消。

．因每位媽咪體質不同，如食了某類湯飲食物後：—
1. 發覺惡露回流、流量增多或變回鮮紅色，則可能導致行血，便要留意了，須暫停食用某類食物，待過後才再烹煮飲用。
2. 出現失眠、生飛滋、喉嚨痛、口乾等，則可能過燥，須改為進食較滋潤的湯飲食品了。

… … … … … … … … … … … … …

．媽咪們生產後，是身體組織一個大規模的新陳代謝、重整既時期，所以越早開始調補就越好，
如能好好把握調理，進補得宜，是可以令身體復原得更好更健康。故最好調理至四十朝，如有心補身調理是可以補至一百朝的。

【一】休養期《平補、排惡露》適合產後頭五天

注意：剛生完後體質較虛弱，腸胃亦均須休息，故餸菜以清淡自然平補調理為主，暫不可進補。

《一》早餐紅糖粥 / 桂圓粥 / 五更飯(以於清晨時份吃最能吸收及補氣)

《二》湯品清燉桂圓烏雞 / 桂圓蓮子木耳湯 / 木瓜花生湯 / 花膠椰肉燉雞

《三》餸類南瓜炒肉絲 / 梅菜清蒸鱸魚 / 蓮藕花生炆雞柳

《四》飯類黑豆飯 / 麻油薑茸炒飯

《五》菜類可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜

《六》代茶炒米茶 (可配以桂圓、杞子或去核紅棗同煲，但紅棗數量暫不可太多粒)

《七》甜品紅糖蓮子百合糖水 / 紅糖桂圓紅豆沙 / 雪耳燉木瓜

【二】休養期《平補、去瘀血、防風寒》適合產後第六天至十天

注意：腸胃將慢慢適應，但餸菜最好仍以清淡為主，只能清補，尚未能大補。
本休養期主力去清瘀血，強身抗風寒。

《一》早餐紅糖粥 / 桂圓蓮子粥 / 五更飯 / 花膠紅米粥

《二》湯品淮山杞子桂圓燉花膠 / 蓮子合桃煲瘦肉 / 南棗桂圓燉烏雞

《三》餸類金針黑木耳蒸桂花魚 / 栗子紅腰豆炆蓮藕 / 冬菇瑤柱蒸雞

《四》飯類麻油薑茸炒飯 / 陳皮紅棗蒸雞焗飯

《五》菜類可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜

《六》代茶益母草紅糖水 / 桂圓南棗薑汁茶 / 沙參黑豆南棗茶

《七》甜品芝麻糊 / 花生紅棗糖水 / 杞子桂圓紅糖煲鵪鶉蛋

【三】進補期《溫補、補血潤腸胃》適合產後第十一天至十五天

注意：可以開始以白糖、冰糖來代替紅糖。
此進補期開始溫補，以幫助消化及排便机能的恢復，但不宜太燥。

《一》早餐桂圓蓮子粥 / 五更飯 / 花膠紅米粥

《二》湯品黑豆合桃煲瘦肉 / 蓮藕章魚紅豆湯 / 黨參桂圓燉豬展

《三》餸類金針雲耳蒸雞 / 陳皮紅豆炆鯇魚 / 桂圓肉煎蛋

《四》飯類麻油薑茸炒飯 / 菠菜蕃茄雞粒炒飯 / 薑醋飯

《五》菜類可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜

《六》代茶紅棗黨參桂圓茶 / 桂圓南棗薑汁茶 / 南北杏木瓜水

《七》甜品薑汁芝麻花生湯丸 / 杞子紅棗煲雞蛋 / 淮山雪耳糖水

《八》水果木瓜、提子、龍眼、西梅、桃類

備註： 1) 十二朝拜祖先：準備雞酒及豬腳薑，須拜過祖先後才可派比人
2) 古老儀式：十二朝剃胎髮，意旨“去穢氣”

【四】進補期《溫補、壯腰補腎》適合產後第十六天至二十天

注意：此進補期以溫補，主力補腦固腰腎。

《一》早餐南瓜肉絲通粉 / 花膠紅米粥 / 瑤柱花生魚片粥

《二》湯品紅棗桂圓蓮藕湯 / 木耳豬潤紅棗湯 / 蓮子百合南棗煲豬展

《三》餸類花生炆豬手 / 栗子紅腰豆炆雞柳 / 麻油雞酒 / 豬腳薑

《四》飯類麻油薑茸炒飯 / 菠菜蕃茄雞粒炒飯 / 薑醋飯

《五》菜類可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜

《六》代茶黨參蓮子合桃茶 / 桂圓南棗薑汁茶 / 紅棗杞子茶

《七》甜品合桃芝麻糊 / 杞子紅棗煲雞蛋 / 薑汁桂圓蕃薯糖水

《八》水果木瓜、提子、龍眼、西梅、桃類

【五】大補期《養血、大補元氣》適合產後第二十一天至二十五天

注意：大補期可慢慢開始大補強身、行補氣血。

《一》早餐薑片南瓜粥 / 冬菇紅棗魚片粥 / 紅棗桂圓雞粥

《二》湯品黨參紅棗桂圓燉雞 / 菠菜豬潤湯 / 淮山杞子紅棗燉烏雞

《三》餸類淮山猴頭菇炆豬展 / 黨參紅棗杞子蒸桂花魚 / 百合牛肉炒蜜豆 / 豬腳薑

《四》飯類麻油薑茸蛋炒飯 / 冬菇雲耳蒸雞焗飯 / 薑醋飯

《五》菜類可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜

《六》代茶薑汁木瓜水 / 沙參紅棗杞子茶

《七》甜品薑汁花生湯丸 / 陳皮桂圓栗子糖水 / 蓮子百合紅豆沙

《八》水果木瓜、提子、龍眼、西梅、桃類、荔枝、榴槤

【六】大補期《養血、大補元氣》適合產後第二十六天至三十天

注意：大補期可慢慢開始大補強身、行補氣血。

《一》早餐薑片南瓜粥 / 花生紅棗肉粥 / 蠔鼓豬潤粥

《二》湯品薑片紅棗牛肉湯 / 杞子椰肉燉雞 / 猴頭菇花膠煲豬展

《三》餸類冬菇栗子炆雞柳 / 黨參杞子蒸排骨 / 麻油雞酒 / 豬腳薑

《四》飯類麻油薑茸蛋炒飯 / 冬菇雲耳蒸雞焗飯 / 薑醋飯

《五》菜類可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜

《六》代茶黨參紅棗桂圓茶 / 沙參紅棗杞子茶 / 紅棗合桃茶

《七》甜品南北杏冰糖雪耳燉木瓜 / 薑汁芝麻花生湯丸 / 杞子紅棗桂圓煲鵪鶉蛋

《八》水果木瓜、提子、龍眼、西梅、桃類、荔枝、榴槤

備註： 1) 準備彌月用品：紅粉、雞蛋、碌柚葉
2) 三十朝滿月：須用碌柚葉沖涼後(即洗酥)才可拜祖先，而拜祖先食物有雞酒、豬腳薑及
紅雞蛋

【七】滋補期《養血補氣》適合產後第三十一天至三十五天

注意：經過大補期的行補氣血後，滋補期的作用就是潤燥養血

《一》早餐桂圓蓮子粥 / 南瓜粥 / 瑤柱花膠粥

《二》湯品黨參紅棗桂圓燉烏雞 / 淮山杞子椰肉燉花膠 / 木瓜花生魚尾湯

《三》餸類冬菇肉絲蒸鱸魚 / 金針雲耳蒸雞 / 百合牛肉炒蜜豆

《四》飯類麻油薑茸蛋炒飯 / 冬菇雞粒炒飯 / 薑醋飯

《五》菜類可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜

《六》代茶黨參蓮子合桃茶 / 沙參紅棗杞子茶 / 桂圓杞子茶

《七》甜品南北杏冰糖雪耳燉木瓜 / 薑汁芝麻花生湯丸 / 冰糖沙參玉竹煲鵪鶉蛋

《八》水果木瓜、提子、龍眼、西梅、桃類、哈蜜瓜、車厘子

【八】滋補期《益脾、滋陰潤肺》適合產後第三十六天至四十天

注意：經過大補期的行補氣血後，滋補期的作用就是潤燥養血

《一》早餐可以回復平時以各款三文治、麵包、麥皮、粟米片等作早餐

《二》湯品沙參玉竹燉烏雞 / 淮山杞子椰肉燉花膠 / 木瓜紅棗鯇魚尾湯

《三》餸類桂圓肉煎蛋 / 鮮茄南瓜燴豬扒 / 香菇青椒雞粒扒豆腐

《四》飯類薑醋飯或白米飯

《五》菜類可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜

《六》代茶南北杏木瓜水 / 沙參桂圓茶

《七》甜品南北杏冰糖雪耳燉木瓜 / 蜜棗桂圓燉木瓜 / 沙參蜜棗煲雞蛋

《八》水果木瓜、提子、龍眼、西梅、桃類、哈蜜瓜、車厘子

私人傳訊

gphoebe

大宅

積分: 1082

2^#

發表於 07-3-5 12:44 |只看該作者

Re: 有用資料

行街所得的部份奶樽comment

nuk:比dr.brown & bfree 平d,同樣可以做到排氣效果,但食個時排氣孔要向上,premium貴d,但個奶咀比一般的好,岩bb口形,但用料都係一般依家市面上的膠料,都有機會有有害物質釋放
avent:同nuk差唔多,但因為最近報導話有問題,所以d人唔敢用,但sales話香港的係英國入口,而報導話有問題的係美國入口
pigeon:又平又抵,如果用熱水sap(即唔係用電煲..會係比較"襟"的一隻)日本brand,但冇功能可言
bfree:有排氣效果,有溫度顯示,係日本認為最好的膠料(唔記得佢叫咩膠)唔會有有害物質釋放,但價錢較貴,冇sale的話都要around$6x一個

自家製手作仔,得閒來睇睇http://hk.myblog.yahoo.com/[email protected]

私人傳訊

gphoebe

大宅

積分: 1082

3^#

發表於 07-3-5 12:45 |只看該作者

Re: 有用資料

西田bb用品sale今日開始.....

自家製手作仔,得閒來睇睇http://hk.myblog.yahoo.com/[email protected]

私人傳訊

gphoebe

大宅

積分: 1082

4^#

發表於 07-3-5 14:04 |只看該作者

Re: 有用資料

copy from ernie_kmy

1/葵芳有MOHTERCAREbb衫個倉(0-2yr都有)葵豐街鐘意恒勝大廈1206室 Tel : 2612-1213

2/baby closet: 域多利皇后街還有一間, 利隆大廈301 電話：31010107, 有peter rabbit一歲以下的衫(一定要打左電話先好上去因為有時會唔開的)

3/merry- go- round 地址在中環擺花街2-10號匯財中心703室電話：21166113 (一定要打左電話先好上去因為有時會唔開的)

4/油麻地city baby: bb用品，有好多combi野，大約係出面85%price 電話 : 96391817 油麻地彌敦道430號5樓
(即係中央郵政局對面,ICAC樓上5樓,附近有一間中華書局)
康嬰之城 - www.citybaby.com.hk
(Aprica-#91431 (粉紅)

2200 8折=$1760)

5/re-on：日本奶粉/日本bb貨 (主要賣日本奶粉紙尿褲，兼售好多日本bb食品e.g.果汁、餅及bb日用品)
弘翹(香港)有限公司
地址：香港柴灣豐業街4號志同昌工業大廈13樓F1室。
電話：3580 0525
傳真：3580 0526
http://www.re-on.com.hk/
$195/can, 1 pack 8 cans, free delivery

6/BabyMomMom
現在入會有83折coupon.，Thanks
www.babymommom.com

7/旺角 B.B Asia Healthcare Product Co.
www.bbasia.com.hk

8/baby super
旺角彌敦道610號荷里活商業中心1403室
電話：2385 8108
時間：星期一至六上午11時至下午8時
CASH ONLY

9/新華 - 旺角亞皆老街3號啟如商業大廈1樓
(都幾齊，sales都唔錯)

10/子供部屋 - www.d4deal.com

11/瑞德衛生紙品有限公司
香港新界葵涌工業街屈臣氏中心十七字樓 (在15樓轉電梯) TEL: 2410 9813 / 2427 6951
星期一至五 09:00 - 12:00, 14:30 - 16:30
星期六 09:00 - 11:00
佢果度無得送貨, 要自己去買o架, 仲要俾現金。
好大個紙箱 (大約兩個生果箱咁大), 最好預備手推車。

12/上樓童裝
"Smartkids"
官塘巧明街106號冠力工業大廈8/F.,803室
(官塘MTR, B3出口,落開源道向前行,第一個路口轉,
向前行2分鐘倒,"冠力"係對面街)
TEL : 2402 3797 / 6038 1361
BUSINESS HOUR : 11:00-7:00 (MON-FRI)
11:00 - 4:00 (SAT)
CLOSE : SUNDAY & PUBLIC HOLIDAY
（咪信佢收幾點,去前先CALL定,問實佢0個日開工同收工時間）

13/Baby Outlet---訂Chu Chu & Atropico (9折)
香港銅鑼灣糖街13號銅鑼灣商業大廈6樓602B室 (地鐵站E出口)
Room 602B, 6/F Causeway Bay Commercial Building, 13 Sugar Street, Causeway Bay, HK (MTR Exit E)
Tel No. 電話: 2890-4110
Business Hours 營業時間: 11:30am - 7:00pm (星期一至日 Mon-Sun 星期日及假日照常)
Website 網址: http://www.MamaBebe.com.hk
14/媽咪寶寶天地 (博朗有限公司)---訂Chu Chu & Atropico (9折)
沙田火炭坳背灣街2-12號威力工業中心8樓N室
電話 : 2368 6288
傳真 : 2690 9660
滿$500送貨
www.mamibabyland.com

15/香港護理人員協會
佐敦白加居道慶雲大廈2/F
電話 : 23146925
Discount with Wyeth/Nestle club

16/愛嬰坊
將軍澳南豐廣場1樓
電話 :22742525
訂Aprica/Combi BB High Chair 7折

17/####
香港九龍油塘茶果嶺道 428號榮山工業大廈 9字樓 K/L座
電話 : 2191 9082/9388 0892蔡太
http://####
訂明治/森永/雪印/Goon/Nepia尿片
$250/can

18/Cotton Wool Supplier – 永恆洋行
香港新界沙田火炭坳背灣街 26-28 號富騰工業中心 615 室
電話 : 2604 2833
傳真 : 2601 0649
http://www.whmsl.com.hk/next_2003/product.asp

19/B&M
8/F, Wang Cheung Industrial building,168 Wai Yip Street, Kwun Tong
電話 : 3188-4136 陳小姐
http://www.hkbabyfood.com/Commerce/default.aspx
訂明治/森永/雪印/unicharm尿片
$190/Can, 1 pack 8 cans, Fee Delivery

20/EglJMart (訂明治/森永/雪印)
香港尖沙咀漆咸道南 45~51 號其士大廈 1306A 室
電話 : 3526 3521
$900/3 cans, $1500 Free Delivery

21/ASA Pacific (HK) Ltd. (訂明治/森永/雪印)
益生貿易有限公司
電話：2498 7381 (張小姐)
$250/can, 16 Cans (95折-即$237.5)

22/MBK (訂明治/森永/雪印)
電話：2647 1138
$262.5/can, 1 pack 8 cans for free delivery

23/永恆倉 (訂明治/森永/雪印)
電話：2556 7787 (廖先生)
$220/can, 4 Cans Free delivery

自家製手作仔,得閒來睇睇http://hk.myblog.yahoo.com/[email protected]

私人傳訊

sammischu

大宅

積分: 1984

5^#

發表於 07-3-6 10:11 |只看該作者

Re: 有用資料

copy from jackie_lau

Re : 租Medela 電動泵奶大機

Medela (煒華香港有限公司)
=================
http://www.meridianhk.com.hk/company_overview_chi.html

私人傳訊

pigletcoco

大宅

積分: 1255

好媽媽勳章

6^#

發表於 07-3-6 10:50 |只看該作者

Re: 有用資料

copy from cutepekkle

幾個website有日本奶粉賣比出面平.

http://www.re-on.com.hk/
http://www.priceco.hk/index.php
http://www.hkbabyfood.com/Commerce/default.aspx
http://www.egljmart.com/

私人傳訊

ernie_kmy

大宅

積分: 1559

7^#

發表於 07-3-7 19:05 |只看該作者

Re: 有用資料

last update: 7 March 2007

1/葵芳有MOHTERCAREbb衫個倉(0-2yr都有)葵豐街鐘意恒勝大廈1206室 Tel : 2612-1213

2/baby closet: 域多利皇后街還有一間, 利隆大廈301 電話：31010107, 有peter rabbit一歲以下的衫(一定要打左電話先好上去因為有時會唔開的)

3/merry- go- round 地址在中環擺花街2-10號匯財中心703室電話：21166113 (一定要打左電話先好上去因為有時會唔開的)

4/油麻地city baby: bb用品，有好多combi野，大約係出面85%price 電話 : 96391817 油麻地石壁道9號2樓...(中華書局旁石階上左邊的住宅大廈)
康嬰之城 - www.citybaby.com.hk
(Aprica-#91431 (粉紅)

私人傳訊

3cats

大宅

積分: 2122

8^#

發表於 07-3-7 23:58 |只看該作者

Re: 有用資料

見大家已經買緊野,所以我搵番以前出過o既post,係關於買bb野o既checklist,方便大家參考下啦~~~

產婦篇 - 入院用品

1. 網褲 - 6條
2. 有扣/冇扣產婦衛生巾 - 2-3包 (之後可轉用普通夜用衛生巾)
3. 生理清洗器 - 1個
4. 細支裝滴露 - 1支 (可以唔用)
5. 廚房抹手紙 - 1卷 (清洗傷口後用以印乾下身用,好處係,如果用普通紙巾,濕左水好易爛&黐o向下身,then容易發炎。)
6. 乳墊 - 10-20片左右
7. 日用品 - 牙刷牙膏、洗面毛巾、拖鞋、水杯、一般梳洗用品
8. 出院衣物 - 1套
(以下物品則依據個別需要準備)
9. 水泡 - 1個
10. 大膠盆 - 1個
11. 床墊
12. 鎖仔

嬰兒篇 - 入院用品

1. 初生紙尿片 - 1包 (推介用Pampers特級棉柔)
2. BB濕紙巾 - 1-2包 (用以抹便便用)
3. 棉花球 - 1包 (替BB洗面用)
4. 手套 - 1-2對 (防止BB抓傷身體)
5. 出院衣物 (內衣、外衣、包被、帽、手套、腳套) - 1套
6. 大毛巾 (BB保暖用) - 1條 (bb夏天出世,可以唔帶)
(以下物品則依據個別需要準備)
6. 細膠盆 - 1個

嬰兒用品購物單
床上用品篇
1. BB床
2. 床褥 (如用二手床仔,因衛生問題最好都係換張新床褥)
3. 床單、床圍 - 2-3套 (起碼2套,方便更換清洗)
4. BB被、被袋 - 1套
5. BB枕頭 - 1個 (初生頭三個月都冇需要用枕頭,及至BB四個月大起,可考慮用枕頭,建議用"睡安豬")

食用篇
1. 8安奶樽 - 6-8個
2. 4安奶樽 - 2個
3. 消毒奶煲 - 1個
4. 奶樽鉗 - 1個
5. 奶刷 - 1個
6. 奶粉格 - 1個
7. 暖奶器 (optional) - 1個 (NUK唔錯,平靚正)
8. 打奶咀器 - 1個
9. 洗奶瓶專用清潔液 - 1支
10. 保溫熱水瓶 - 1個
11. 暖奶袋 - 1個

衣物篇
1. 內衣、和尚袍 - 4-6件
2. 外衣 - 2-4件
3. 羊毛內衣 - 2件 (冬天先買都唔遲)
4. 手套、腳套 - 2套
5. 包被 - 1-2張
6. 帽 - 1-2頂
7. 紗巾 - 24條
8. 抹身大毛巾 - 2條
9. 睡袋 - 1個

其他日用品篇
1. BB車 - 1部 (建議買可170度平訓款式)
2. High-chair (optional) - 1張
3. 探熱針 (耳探) - 1部
4. 指甲鉗 - 1個
5. 安全扣針 - 4-6個 (看門口用)
6. BB潤膚露
7. BB沖涼液
8. 沖涼盆
9. 紙尿片
10. BB用濕紙巾
11. 消毒藥水
12. 棉花捧
13. 棉花球
14. 暖爐/暖風機

暫時諗到係咁多,有經驗媽咪可以再補充下。

私人傳訊

yynets

等待驗證會員

積分: 1878

9^#

發表於 07-3-9 00:30 |只看該作者

Re: 有用資料

今日去了護協, 地方很細, 各位請參考以下報價：

nuk奶樽煲(唔包奶樽) $432
nuk奶樽 250ml $27
nuk奶樽 125ml $27
nuk玻璃奶樽 250ml $32.8
bfree 奶樽 8oz $75
bfree 奶樽 4oz $74
bfree 奶樽set 8ozx4 $287
bfree starter set $244
tommee tippee 奶樽 250ml $35
tommee tippee 奶樽 125ml $35

奶泵：
medela電泵 (單) $552
medela電泵 (雙) $1185
nuk 泵 $224
pigeon 泵 $204
tommee tippee 泵 $176

另外, 經護協訂pampers

NB (36片) 一箱8包 $384
S (58片) 一箱4包 $404
M (54片) 一箱4包 $416
L (46片) 一箱4包 $424
XL (32片) 一箱4包 $368

私人傳訊

pigletcoco

大宅

積分: 1255

好媽媽勳章

10^#

發表於 07-3-9 10:12 |只看該作者

Re: 有用資料

【蘋果】天才奶粉不及平價貨

對嬰兒腦發育功效，天才奶粉不及平價貨

【本報訊】藝人袁詠儀早前被發現以 420 元高價，購買日本森永嬰兒奶粉，旋即被坊間捧為「天才奶粉」，認為該奶粉 DHA 脂肪酸特高，有助嬰兒腦部發育。記者搜羅巿面奶粉，發現有百多元的平價奶粉， DHA 含量較森永更高，對嬰兒腦部發育效果更好。有兒科醫生強調：「貴未必最好。」　記者：黃可欣

本港父母近年對日本奶粉趨之若鶩，認為它們 DHA 較高；專賣日本貨的東瀛遊每月大賣數千罐日本奶粉，其中以明治、雪印及森永三個牌子最受歡迎。袁詠儀早前到銅鑼灣 city'super ，購買售價 420 元的森永初生嬰縮氨酸奶粉，較一般奶粉貴逾倍。

縮氨酸防嬰兒腸胃不適

記者日前到該超巿巡視，森永初生嬰縮氨酸奶粉的售價最貴，罐上日文標明「近似母乳」。售貨員向記者稱，該奶粉除含有 DHA ，另一賣點是加了縮氨酸（ peptide ）成份，對奶粉敏感的嬰兒飲用後不會腸胃不適。但該奶粉只在罐底貼著簡單英文標籤，列出如脂肪等營養成份，份量欠奉；罐身寫的全是日文字，不懂日文的人根本不清楚奶粉成份及使用方法。其他日本奶粉也有同樣情況。
記者拿森永奶粉比較市面其他日本貴價奶粉，以及一般奶粉的成份（見表），當中日本明治奶粉的 DHA 最高，每 100 克奶粉含 100 毫克 DHA ；其次是只售 173.9 元的美贊臣奶粉，含 90 毫克；森永只有 70 毫克，較雀巢及美素力奶粉略高。

消委會：不應盲目追捧

兒科醫生陳以誠稱，奶粉中含有的 DHA （二十二碳六烯酸）及 ARA （花生四烯酸），均是幫助嬰兒腦部發育的重要脂肪酸，但 DHA 及 ARA 份量愈多並非愈好，也要計清楚兩者比例，最佳是 1:2 ；而縮氨酸則普遍用於低敏感配方奶粉，對牛奶敏感的嬰兒飲用該等奶粉可避免出現奶癬、濕疹及便秘，「但係人奶始終係 DHA 、 ARA 同胡蘿蔔素等營養最豐富既嬰兒食品。」
消委會副總幹事劉燕卿表示，市面部份日本奶粉只有日文標籤，港人若看不明白，不要盲目追捧某一產地的產品，以及購買一些沒有清晰成份標籤的食品。

私人傳訊

3cats

大宅

積分: 2122

11^#

發表於 07-3-9 10:47 |只看該作者

Re: 有用資料

re: 產前運動

http://www.healthno1.com/articles/sudden/s178/mh-a/html/178mh-a01.html

http://www.dadupo.com.tw/m-u/lamaze/good-1.htm

http://teach3.ntcn.edu.tw/stuwww5/T-huang/hewwww/9321a/topic05/002.htm

http://tw.knowledge.yahoo.com/question/?qid=1106101808924

http://www.baby-life.com.tw/mamibaby.com.tw/2001/12/link-5.htm

老一輩的長者常認為孕婦不應進行體力勞動，怕動了所謂"胎氣"。然而適當的運動不但可讓孕婦保持健康，更有助胎兒發育及減少分娩困難。以下是一些供大家參考的要訣﹕

避免在太熱或太冷的環境下進行訓練；
避免須過分跳躍、彈跳或大幅度動作的運動；
懷孕期超過四個月後避免以仰臥姿勢進行訓練；
整個訓練須包括運動前的熱身、伸展及運動後的調息階段。懷孕期時的生理改變會導致韌帶鬆弛，伸展時須小心避免過分拉扯肌肉及關節。
游泳、走路、健身單車或重量訓練都是不錯的選擇。室內健身中心環境較戶外舒適，而且多數有專業教練提供運動指導，是較理想的訓練地方。 1. healthno1.com

私人傳訊

3cats

大宅

積分: 2122

12^#

發表於 07-3-9 10:50 |只看該作者

Re: 有用資料

re:旺角bb衫情報

真係好抵全都係進口貨,棉質夾衣和bb衫摸上手好柔軟,我都忍唔住買左十幾件BB衫仔呀。

資料

1. 藏寶庫 - 専營出口童裝及時裝
花園街185號兆業大廈(2B室) 電話:2395 6320
營業時間:上午10:30至晚上8:30
($20-100)都有多款

2. T.S.出口服裝中心
九龍旺角花園街177或200號地下電話:2395 4710/23800090
($10-幾十)

3. 花園街馬龍記對開一個呀姨衫仔(冇鋪名)由$7起一件套裝當然貴O的喇。

RE

AMPERS

最抵都係藥房喎,報個價先。

NB(36片)$43.5
S(58片)$86.5
M(84片)$135.5
L(68片)$135.5
XL(56片)$135.5

參考一下吧!

私人傳訊

vernachung

大宅

積分: 1098

好媽媽勳章

13^#

發表於 07-3-10 11:27 |只看該作者

Re: 有用資料

about 網上產前講座

Baby 網上產前講座

私人傳訊

ppleungsm

別墅

積分: 631

14^#

發表於 07-3-10 12:39 |只看該作者

Re: 有用資料

以下網址有 BB bathing & 換片VIDEO, 可作參考
部份不雅鏡頭, 請各位mami有心理準備

http://www.babycenter.com/baby

私人傳訊

3cats

大宅

積分: 2122

15^#

發表於 07-3-14 11:04 |只看該作者

Re: 有用資料

白連蘇作用係去胎毒

ｂｂ皮膚靚靚冇粒粒

8個月後要飲白連蘇(係藥房買)

8個月中

一星一次 / $10--3次(叫佢分埋)

9個月

一星期二次 / $5--2次 (叫佢分埋)

白連蘇+恰好既蛋(唔使去殼)+冰糖（小許）

白連蘇唔使洗

2-3碗水

水滾落白連蘇加蛋加冰糖

轉細火

煲１０分－１５鐘

完成

要食埋隻蛋

經驗之談：

最好攪鬧鐘．．．好易唔記得．．．好易會煲乾

私人傳訊

3cats

大宅

積分: 2122

16^#

發表於 07-3-15 12:10 |只看該作者

Re: 有用資料

關於餵人奶:

今次我都係第一次做媽媽. 無經驗. 不過係東區醫院生有產前講座聽. 上星期我去聽果堂就係講餵人奶啦. 分享下我聽左架資料.

- bb 初生最初3-4小時係好清醒唔會瞓覺,呢個時間最好係比佢食奶. 咁新任媽媽多數奶線未係好發達. 所以越早開始餵人奶就越好. 等媽媽開始奶線早d開始有分泌.

- bb 初生食量好少. 3 spoon 架量已經夠飽架啦. 所以唔洗擔心唔夠奶.

- 人奶有分前奶同後奶. 前奶好稀. 後奶杰d至開始有料到. 所以食人奶每餐要比bb食同一邊奶. 唔好一陣食左. 一陣食右. 唔係就會食唔到至有營養架後奶啦.

- bb 食緊一面奶. 另外果面都會同時分泌奶. 要找毛巾/pad 吸奶.

- 人奶冷藏宜放於冰格. 即係雪櫃放雪糕果格. 食果陣至整番暖.

- bb 食奶架姿勢好重要. 唔o岩位bb食唔到足夠奶,仲會整損個"人肉奶咀"添. 但係到時產科護士會教你架啦. 唔洗擔心.

- bb 食飽奶會自動唔要個"人肉奶咀"架啦喎.....

- 如果bb食飽就會瞓. 瞓2-3小時. 咁阿媽就可以去"wet"啦. 呵呵....

私人傳訊

3cats

大宅

積分: 2122

17^#

發表於 07-3-15 13:57 |只看該作者

Re: 有用資料

嬰兒安睡小貼士

• 家長應選擇合標準嬰兒床

• 成人不應與嬰兒同睡一床

• 側睡時，家長可用攬枕頂住嬰兒背部，避免轉身

• 為嬰兒蓋被後，將被子周邊攝入床褥

• 雙腳宜貼近床尾，以免嬰兒腳撐撐鑽進被窩

• 不宜穿太厚衣服

資料來源：育兒專家伍妙敏

私人傳訊

jackie_lau2000

大宅

積分: 3103

18^#

發表於 07-3-16 09:00 |只看該作者

Re: 有用資料

轉貼 :From other BK 媽咪，資料係關醫師提供

婦女懷孕後, 脾胃即受阻, 運化遲則生濕, 濕則生熱, 熱則易動, 血動則胎不安。~
1. 淮山扁豆湯~
材料:淮山一兩~
炒扁豆一兩~
陳皮一角~
排骨十二兩~

煲兩小時, 幼鹽調味, 飲湯吃肉~

健脾袪濕, 順產安胎, 令孕婦增進食慾, 有助消化吸收養料, 運化水濕, 消除疲倦懶散不適
, 養胎長胎。~

2. 苦瓜黃豆排骨湯~
材料:苦瓜一斤(亦可以乾苦瓜三錢代替)~
黃豆二兩~
陳皮一角~
排骨十二兩~

煲九十分鐘, 黃豆腍熟, 幼鹽調味~

建脾清濕熱, 預防及對孕婦濕疹的治療有幫助~

3. 寄生蓮鬚雞蛋湯~
材料:桑寄生二兩~
白蓮鬚三錢~
熟雞蛋一隻~
去核紅棗十粒~

清水七碗煲一小時, 幼鹽調味~

補益血氣, 舒筋活絡, 防止孕婦血虛夜睡抽筋, 胎動不安.~

4. 蓮藕杜仲牛尾湯(可以豬尾骨代替)~
材料:蓮藕一斤~
杜仲五錢~
金狗脊一兩~
陳皮一角~
去皮牛尾一條~

煲兩小時, 幼鹽調味, 強腰補腎, 安胎補血, 對孕婦腰脊痠痛, 腰膝無力, 夜尿頻密的治療
有幫助.~

5. 安胎艾葉雞蛋湯~

材料: 白蓮鬚三錢~
艾葉二錢~
白烚蛋一隻~

煲45分鐘, 可加鹽或加冰糖, 咸甜隨意~

功效:專治子宮不適, 胎動不安, 三至六個月, 每星期飲2-3次, 六個月後每星期飲一次, 有
助安胎順產~

6. 蟲草響螺湯~

材料: 冬蟲草五錢~
淮山一兩~
新鮮響螺一隻~
或急凍響螺頭兩隻~
陳皮一角~

煲三小時, 幼鹽調味~
功效:滋陰潤燥, 健脾補腎養肝, 滋補養胎.~

7. 陳皮稀粥~

材料: 陳皮兩錢(浸透切絲)~
白米適量~

煲成稀粥~

功效:健胃止嘔, 化氣降逆, 專治妊娠嘔吐~

8. 養心安神湯~

材料: 百合一兩~
原粒蓮子(連皮及蓮芯)一兩~
玉竹一兩~
白烚蛋一隻~
陳皮一角~

煲45分鐘, 蓮子腍後加幼鹽調味~
功效:寧心安神, 潤燥助眠, 清心火~

私人傳訊

seavl

子爵府

積分: 12707

好媽媽勳章醒目開學勳章 BK Milk勳章

19^#

發表於 07-3-16 13:51 |只看該作者

Re: 有用資料

揀 BB 奶粉要專一

嬰兒生意市場商機無限，不少奶粉商為招攬生意，向新生嬰兒的父母派發試用裝（一般是 400 克）奶粉作招徠，家長只需出示子女的出生證明書，甚至孕婦的懷孕證明書，便可得到試用裝奶粉。

腸胃不適應

有網友在親子討論區說，因收集了很多奶粉商贈送的試用裝奶粉，為免浪費，打算將不同牌子的嬰兒奶粉，輪流給剛年滿 6 個月大的女兒飲用，惟其他網友紛紛回應，警告她這樣做相當危險，雖然不同牌子的奶粉營養相若，但始終配方不同，小朋友的腸胃可能會不適應，恐弄壞身體。
港大兒童及青少年科學系名譽臨床醫學副授夏修賢也認為網友的做法並不可取，他認為嬰幼兒食開一個牌子的奶粉，健康沒有大問題，除非有敏感等症狀，才需要轉換，並最好先諮詢醫生意見，否則家長不宜隨便轉奶粉，至於短時間內轉換不同牌子的奶粉，小朋友除了腸胃可能不適應外，還會因為味道不一樣而不肯飲用。

私人傳訊

jackie_lau2000

大宅

積分: 3103

20^#

發表於 07-3-16 16:12 |只看該作者

Re: 有用資料

壹週刊 [2007-03-08]

毒奶樽解碼

美國環保組織上週公布四款在港有售的暢銷名牌膠奶樽化驗結果，發現全部含有致癌化學物「雙酚A」（Bisphenol A，簡稱BPA），動物實驗顯示BPA可影響生殖系統和荷爾蒙分泌，導致兒童性早熟、肥胖、影響腦部發育，甚至致癌！

研究結果在媽咪界旋即引起恐慌，一時間，「毒奶樽」成為親子網站熱講話題。奶瓶所釋出的BPA，真的會傷害孩子健康嗎？家長疑雲陣陣，且看專家怎樣說。

疑問一毒奶樽有幾毒?

「我買的那些BB用品全部都是Avent，不得了啦！明日我要致電消委會投訴備案先得！」在親子網頁的討論區上，近日就「毒奶樽」的討論十分熱烈，不少媽咪都擔心孩子所用的奶樽含致癌物質，影響BB健康。

根據美國加州環境研究政策中心的研究顯示，四款在港有售的Avent、Dr Brown's、Playtex 及Gerber 品牌的奶樽，均被驗出含BPA，含量水平由每公斤四點五八至十點零七微克不等。報告又指老鼠實驗顯示BPA可影響生殖系統，屬可能致癌物質，甚至可致免疫系統失調及出現性早熟等徵狀。

BPA在動物實驗上證實有害，但中大生物及化學系副教授陳竟明直言，迄今仍未有研究證實物質對人體有害，且研究結果只說明奶樽含BPA，並不代表BPA會由奶樽釋出進入奶水中，家長毋須恐慌，「由於膠本身較硬，研發人員遂加入BPA，以助軟化，方便製造各類形狀的奶樽，所以BPA在很多塑膠物料上都有，並不出奇。」

疑問二玻璃奶樽最安全?

親子雜誌總編輯、育兒專家伍妙敏指出，若家長仍感不放心，則可改用穩定性較高的玻璃奶樽，減少釋出有害物質的風險。

「醫院都用玻璃奶樽，我自己都喜歡用，但BB回家之後就比較難，尤其是讓外傭來照顧的BB，更需特別注意。」伍妙敏指，玻璃較重，一般八個月大的BB要自己學飲奶，若所用的是玻璃樽，BB需用力捉緊方可固定位置，加上玻璃容易破裂，有一定危險性，家長應注意玻璃奶樽是否破裂，並陪同幼兒飲用。

疑問三食幾多先中招?

人體要攝取多少BPA方有害？目前國際未有就產品中的BPA可含量達致共識；但香港中毒諮詢中心總監劉飛龍指出，根據歐盟訂定的標準，攝取BPA每日最高容量為每公斤五十微克。上述四個品牌的奶樽並未超標。

但家長或許會擔心，若奶樽長期使用，會否增加釋放有害化學物的風險？

根據○三年刊登於《食物添加物及污染醫學》雜誌、由挪威科學家所做的研究報告發現，十二款奶樽在裝入二百毫升水溫達攝氐一百度的沸水達一小時後，每公斤只釋放出零點二三到零點八四微克的BPA；而舊的奶瓶較新的奶瓶釋放較多的BPA，但仍未超出歐盟標準。

而消委會一項測試亦發現，用以製造奶樽的PC膠，在高溫下才會分解微量的BPA，一般日常使用及清洗，沒有危險。

其實，家長只須遵照指示為奶樽進行消毒便可安心使用，切忌「貪心」，以為愈高溫、烚得愈耐愈乾淨，反而會影響膠質的穩定性。此外，奶樽使用半年後也應更換。

塑膠玩具是否安全?

陳竟明說，BB用品受兒童產品安全條例規管，要求更為嚴格，大多屬高級聚合物，耐熱度較高；至於用來盛載熱水、在一般體育用品及行山店有售的耐熱水樽，可承受高達攝氐二百度的高溫，非常耐熱，可安心用來沖奶，但就不要倒含酸鹼性物質入樽內，避免膠質受影響，釋出有毒化學物。

私人傳訊

12 3

跳至頁

返回列表

上一主題 • 下一主題

回覆

發帖

頻道

討論區

大仔大女媽媽會今日: 0|主題: 177860

有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

瀏覽過的版塊

頻道

討論區

熱門搜尋：

大仔大女媽媽會 今日: 0|主題: 177860

有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

Re: 有用資料

瀏覽過的版塊

大仔大女媽媽會今日: 0|主題: 177860