基督家庭今日: 0|主題: 9938

收藏本版

發帖

返回列表

跳至頁

查看: 936 | 回覆: 6

我似乎又番黎上帝身邊~~~~好開心呀! [複製鏈接]

JAY媽

男爵府

積分: 5993

1^#

發表於 06-11-5 12:53 |只看該作者

我似乎又番黎上帝身邊~~~~好開心呀!

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息

私人傳訊

wudy

男爵府

積分: 8543

2024年龍年勳章

2^#

發表於 06-11-5 22:03 |只看該作者

Re: 我似乎又番黎上帝身邊~~~~好開心呀!

why, please tell us more.

私人傳訊

JAY媽

男爵府

積分: 5993

3^#

發表於 06-11-6 00:08 |只看該作者

Re: 我似乎又番黎上帝身邊~~~~好開心呀!

原本我係打左好大段野去講個始末,但內容較為敏感,驚吾明白既人睇完又會有誤解甚至又變成戰場,所以我至改為

黎代替咋!

查實今朝我又太感性又太長篇大論既,我依家試下簡短d又盡量吾敏感野起公憤之下講我點解有咁既感恩/奇蹟...如果吾認同就睇完就算喇,因為件事過去左,我吾想再重頭解釋或者複述之前講過既野,更加費時因為我太長篇大論一味解釋變成係為自己自辯啦( :mrgreen: 開始又長篇大論添)

查實如果有人知道我既前身係咩名就知我以往甚至依家都仲係一個吾好又反叛既基督徒,以前我細個信得好好既,但之後經吾起試探,因為一d事令我開始屬靈指數跌到好低,跟住我有左至結婚更加吾再講啦,結果因為同教會既人關係吾好而無再番教會,咁當然,忙住搵錢養家同湊仔更加令我離神越黎越遠啦!

但我查實一直都有祈求神令我重新番去佢身邊,想自己信得好d,順便帶埋個仔信主,但自己因為以往既事,硬係覺得呢類要求係會同神等價交換咁,會失去某d自己覺得重要既野或者又遇到d咩大打擊,咁我都求神千祈吾好攞走我最寶貴既家人(我最怕呢樣),結果對上一次咁同神講左無幾日,我就發生大件事,件事令我受好大打擊甚至無哂d朋友,自己一黎覺得好吾抵(因為件事只係一件大家都吾想發生既意外,無人專登造成...),二黎因為朋友吾理解又接受吾到,結果似乎由朋友變為仇敵,俾以往以為係自己傾得心事既朋友指住黎鬧,完全覺得好委屈又好憤怒,感覺覺得俾人出賣背叛,又覺得點解大家係朋友,大家識左咁耐,但都可以將我既人格/為人可以諗成咁醜惡又誤會又中傷我,件事令我又吾開心又諗到煩左我成個月,自己成日都諗呢個問題,到左噚晚又俾我証實到個現實,知道左當然個心好吾舒服啦,因為儘管我老公同埋出面朋友同我分析話我一直認為係好朋友既朋友本身有問題(佢默許件事越搞越大同由得我俾人千夫所指都吾私下搵我交代/傾計),我都吾敢去信亦吾肯去認,都係一味去等,結果噚晚真係俾我老公同班朋友講中左,嗰刻又黎失望同情緒低落又好憤怒,猛响度諗:"我當你係好朋友,我相信你為人吾會係咁(差),人地點中傷你我都吾信仲去維護你叫d朋友吾好咁話佢衰/有問題,點解你真係要做到咁,真係俾人地講中哂你係咁對我,係d咁既人?"個心真係又有好多個問號,又係好委屈甚至個心又自自然然去諗:"呢d人實有報應!我吾需要再因為呢d人而影响我既生活!"當然係氣話啦...但成晚真係好吾開心好失望好嬲...

到我入房靜下訓响床休息下嗰陣,奇蹟就出黎喇!吾理你了吾了解我為人個性係點,將心比己,遇到件咁既事仲要咁耐仲要覺得委屈俾人離棄,段估都吾會咁快消氣同嬲完啦!

我仲要咁多愁善感咁眼淺又容易多野諗同吾開心添!結果突然自己無程程諗番好多聖經既經文出黎(我已經至少有五六七八年無掂本聖經喇...),"要愛你的仇敵""饒恕人七十個七次(無限次)""不要以眼還眼...""信望愛最大的便是愛""愛是恆久忍耐...凡事包容,凡事相信,凡事盼望凡事忍耐...""愛是不計算人的惡,不求自己益處"...總之一句句經文都浮哂出黎啦!奇怪地,早幾日响bk睇個媽咪post左好大段佛經我都平靜吾到個心,反而單單幾句突然諗起既經文,令我即刻個心好平靜,完全輕鬆開心番哂!自己個心緊左煩左吾開心左成個月,竟然短短幾分鐘之間無哂!仲神奇就係,我真係吾再嬲嗰班誤會我背叛我中傷我既朋友(之前佢地咁對我,我係吾會將佢稱呼為朋友,我叫佢地做狗,可想而知改變幾大),完全無再怨恨佢地亦都吾會成日諗話佢地會有報應之類...(再者,神都話叫我地吾好為自己申冤嘛!)

我呢次都幾大感受架!同埋我係有d認為,就係神知道我吾想失去我最寶貴既野(家人),但又想用一件事黎令我番黎佢身邊,至安排一單咁大鑊既事件,令我受試煉,從而令我再一次學懂點去原諒人點去靠住神而活...吾知呢...你地又覺吾覺得係呢?