少年成長今日: 1|主題: 15859

收藏本版

發帖

返回列表

跳至頁

查看: 1550 | 回覆: 2

急-想為6歲小孩進行情緒評估,有何介紹 [複製鏈接]

JAY媽

男爵府

積分: 5993

1^#

發表於 06-11-18 21:58 |顯示全部帖子

Re: 急-想為6歲小孩進行情緒評估,有何介紹

我諗你都係擔心你囡囡有無過度活躍專注力不足症既問題...如果私家,我可以介紹我囝囝個治療師度做個評估,無記錯大概係九百幾至一千蚊左右,詳情我pm俾你啦(

我怕响樹公開講會變成賣廣告...)

chcheung 寫道:
女兒性格專注力很弱,入讀傳統的小一後亦未能適應環境,好想盡快替她作性格或專注力等的分析做參考。請問有冇好介紹。只要能提供專業的意見及能盡快安排約見便可，價錢並不是首要考慮點. 謝

心急母親上

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息

私人傳訊

JAY媽

男爵府

積分: 5993

2^#

發表於 06-11-21 02:53 |顯示全部帖子

Re: 急-想為6歲小孩進行情緒評估,有何介紹

CHECK pm.

至於政府嗰邊既評估,如果小朋友仲未做健康院三點最後嗰次既評估,你可以直接向健康院要求轉介去做評估,不過政府慳資源,求健康院姑娘不如學似你咁講直接求私家醫生寫轉介信,然後你直接去政府度申請評估,詳情我又吾太清楚,等我問問之前個BK爸爸先至再答你,因為佢之前懷疑囝囝有自閉傾向,都係直接搵家庭醫生寫信去政府度排期做評估架!

一般政府至少都要等幾個月甚至半年左右,睇下佢地有無位俾你啦,如果遇岩嗰排少D人排隊都會快少少既,如果小朋友吾係真係咁惡搞又吾係嚴重嗰隻,都吾怕既...不過之後若然有訓練,你就一定要爭取上密D喇!早輪我至發現原來可以咁要求政府嗰邊上密D..以前我囝囝去政府嗰邊做訓練都成三個幾星期一次,依家要求到每星期一次,我真係安心好多!不過訓練呢家野已經係評估後既事黎,慢慢逐步黎啦!

另外,聽我大佬講,QE係有一個部門係專責研究同治療ADD(過度活躍)同ADHD(過度活躍專注力缺乏症)架!呢樣我都仲摸索緊,大家不妨响樹搵埋料,然後番黎BK公告天下...

事關我都好想知...THX!