Re: 天富苑媽咪入「黎」chat
billman,
係呀, 係天瑞o個間, 幾年前幫呀女搵學校既時候巳經有人推介呢間, 不過我睇幼稚園天書覺得佢舊同細都無去睇到, 點知到呀女間學校無啦啦要closedown咁咪去visit吓, 一睇就鍾意, 佢裝修新clean & tidy, 因為得六個classrooms 所以相對個室內遊樂空間唔算細, 課室設計有好玩, 每日都有外籍英文老師價錢平, 我女不知幾鍾意個環境同d玩具, 我鍾意佢地d老師好nice好小轉工, 只可惜得半日班, 我有兩個小朋友所以揀唔到.
我女間係屯門碼頭既奧斯卡學校因租金上升40%要closedown, 佢安排返屯門新屯中既kinder叫新一代英文稚園, 會請大部份既奧斯卡老師同姐姐過去, 雖然我個女讀得好開心同學到好多野, 但路程太遠對小朋友同大人都係一個問題, 呀女成日見d同學仔媽咪daddy可以返學校接佢, 佢自己無佢不知幾唔開心, 而學校有活動要家長出席, 我地所須時間都長咗, 本來可以請2-3個鍾假, 變咗最小要半日或一日, 除非佢讀嗰間近公司又唔同講法.
而家佢知道返天水圍讀, 知道全部老師同同學都會唔同, 但佢都好想轉, 因為唔駛坐咁耐校車(回程) 同我有得湊佢返學. 我見佢仲有一年, 之前嗰間比較自由, 所以而家搵咗間傳統d, 中文好d, 派位唔錯既伊利沙伯幼稚園俾佢. 而家學費平d, 再報多d其他野都無咁肉"chek", 佢而家學緊ballet, drawing 同珠算, piano就剛剛停咗(因佢唔鍾意), 我又想佢讀劍橋英文, kungfu; 而唱歌, swimming, 溜冰佢都好鍾意, 你話ar呢d開支真係唔小架, 不過佢鍾意, 你俾唔俾ar? 所以我覺得幼稚園唔駛讀得太貴, 其實我諗真係唔會相差好遠, 反而老師友唔友善, 老師資歷, 流失率, 學校安全, 清潔, 空間等比較重要.
~不要計較生命中不足的地方, 反要珍惜生命裹擁有的一切~ ~ 我們往往忙於計劃明天, 卻忘記珍惜今天巳擁有的, 彷彿我們從未好好活在今天~ ~ 不要窮盡一生去賺取財富, 最終只會耗盡財富去重整健康 http://i117.photobucket.com/albums/o61/ANDYCH151/829.gif