之前老公有產後抑鬱, 原本佢就係唔鍾意小朋友, 不過我話點都想生一個, 年幾前我地個囡囡出世, 出左世之後, 有好多我地unexpected既野, 每晚都瞓得唔好, 番工無精神, 其實囡囡都好乖, 但老公連囡囡喊下都會覺得煩躁, 加上62既病, 成日出入老人院。直到兩個月前62 passed away, 我以為老公會輕鬆D, 但係62原本做開既工作, 要99跟尾, 面99當然唔識做, 要老公做, 99負責交文件, 好多時番到屋企老公見到囡囡都會錫下攬下, 但囡囡痴身同佢玩, 佢就覺得好煩, 唔想囡囡痴著晒, 99又要佢做文件, 好多時佢都會同99嘈, 但唔做99又覺得無交帶, 點都等人地搵到人頂先。
自囡囡出世後, 老公久唔久就投訴我顧住個女, 無理佢。其實我地每星期都有二人世界食飯, 不過佢覺得每個weekend都要同囡囡番PG, 或節目都係就個女, 佢就覺得無左自己既生活, 但係唔理個女? Weekend跟本就無人湊。
今日又唔知發咩神經, 交租我唔記得入錢去佢ACCOUNT (咁多年第一次).. 佢就發卑四話下次要我自己入, 比番個責任我, 我都無所謂, 既然佢唔想入, 我以後星期六特登一早去BANK入都無問題, 我只係話一次唔記得姐, 講責任, 屋企有好多野都係我負責啦.. 出糧比工人、囡囡報校、囡囡食物、囡囡病左.. 佢都無理.. 近派話去旅行要幫囡囡&99攪passport, 幫工人renew contract, 買flight ticket, body check.. 全部都係我做..一句都無煩佢.. 我做咁多野佢都唔appreciate我.. 我第一次唔記得入錢攪到佢彈票就發我卑四? 真係想問佢..”你無野呀?” 你話我顧住個女唔理你, 你又有無為我做過D咩氹下我?! 我唔理個女.. 又邊個理佢??!
頭先我問佢, 你有咩想我負責既, 不如一次過講.. 唔洗你咁辛苦要做咁多野.. 點知佢話: 我想一個人生活可唔可以呀?! 我答佢: 我唔識答你呢個問題~~`
我對住佢有時都好辛苦~ 佢話有時放左工都唔想番屋企對住我地(99, 我, 囡, 工人).. 咁我又何嘗唔係唔想對住成日黑面既人呢?!