少年成長

收藏本版
回覆 發帖
返回列表
跳至頁

首頁
1

尾頁
   849
kk2008


子爵府

積分: 13164

好媽媽勳章


1#
發表於 12-5-10 13:18 |顯示全部帖子
DEAR SUPER SANDRA,

HI 因事態嚴重, 我可能9月要quit左份工去帶小朋友返k1, 請解說:

我有對孖仔3yrs, 大孖正常發展, 有溝通有笑有哭有商有量, 細孖好有性格, 工人姐姐亦都對他照顧周到, 係一個港孩!!! 細孖對唔鍾意既事情, 只會黑面發皮氣掉野打人唔同人溝通,我懷疑佢有情緒病.

e.g. 1 飲完支奶黎手就掉左個奶樽, 真係想一把二手把打佢(當然無打過啦, )!!
e.g. 2 細孖夜晚唔刷牙, 我無佢付, 試過一次強迫佢刷, 一路CRY一路刷, 但刷完又無野, 無發皮氣, 我唔可能日日用強迫方法, 我覺得佢係LAZY.

因黎緊9月可能無工人姐姐, 佢無得發皇子病,我應該採取咩方法去改變細孖呢??? 其實有時大孖都會compliant 細孖?? 我唔識處理, 請指教!

另外, 我要面對返k1問題, 因之前返過幾個月N1 & 興趣班, 跟本佢地(twins)都好好好怕羞, 只有cry, 同要我抱, 唔肯返學.......黎緊9月k1無得話唔返, 如果我係一對一既, 我都有信心, 但係我要一對二, 2個都話唔返, 一講返學就cry, 大孖好d問我可唔可以陪佢一齊返, 但細孖完全係超出3yrs人仔既思想, 唔鍾意老師, 又話要係屋企(=要自由), 我覺得 細孖認為返學比人管 & 要佢合作, 佢知道無得做皇子.......真係多得工人姐姐3年的仲! 我可以點收科呢?
私人傳訊回覆 引用

kk2008


子爵府

積分: 13164

好媽媽勳章


2#
發表於 12-5-11 19:23 |顯示全部帖子
SandraLo 發表於 12-5-10 23:27
kk2008 :

第一次有人咁叫我！

細孖語言方面係有問題, 我都觀察中, E.G. 昨晚想玩哥哥的新玩具, 我叫佢問哥哥, 細孖有問(哥哥可唔可以借比我玩5分鐘), 到今朝一起身, 細孖又話要玩哥哥個新玩具, 我叫佢自己問, 細孖叫我問(想CRY, 說: 媽咪問), 我幫佢問哥哥, 但哥哥又要細佬自己問先比(已經示意再自己問就比佢玩), ENDUP細孖都係唔問, 嬲同想cry (鴨咀) 覺得好受氣&受委屈.......之前N1老師話佢唔係有病(自閉etc), 係佢性格問題, 唔鍾意服從, 叫佢唔好走, 就特登走來走去.

其實昨晚玩哥哥新玩具最後都唔想比返哥哥, 想據為己有, 話玩5分鐘, 又5分鐘, 呢個位我真係唔知點做???? (請指教) 如果我係佢手上自取返比哥哥, 佢實發顛, 佢已經想掉左去, 唔比返哥哥, 最後我見佢放左係地下, 我一手抱起佢, 等佢無得keep住個新玩具, 又爆cry.

我有時鑽細孖 e.g. 細佬你學野好快.....跟住大孖就問 我呢?....我話哥哥都學野好快, 我咁回答恰當嗎? 細孖好似唔開心我又讚埋哥哥

另外, 細孖經常回答(我鍾意ma) (我唔鍾意ma), e.g. 發皮氣, cry...我問點解要咁做 (佢咁答我應該點做呢) 再同佢講道理? 好似好羅梭....

please help
私人傳訊回覆 引用

kk2008


子爵府

積分: 13164

好媽媽勳章


3#
發表於 12-5-14 16:10 |顯示全部帖子
SandraLo 發表於 12-5-13 00:20
kk2008 :

孖b 嘅頭號問題係會「比較」, 所以兩個一齊嘅時候, 你都要小心用讚, 避免只讚一個, 另外, 「學 ...
Dear Super Sandra,

睇左你另一個post 教人點讚, 發覺自己常常犯錯, 我係用左有條件的讚, 我現在留意緊自己的說話, 發覺 無條件的讚 雖然係好simple, 但到實踐既時候原來好難, 因為講既句子來來去去都係果幾句, e.g. 你好乖呀, 你好叻呀, 你做得好好........我真係得呢幾句, 請問可唔可以教下我多d例句點讚? 我講完 你好乖呀, 之後又唔小心再講左一d長編既道理, 唉! 可能本身自己講野都唔叻, 定還是simple既讚就足夠呢?


應用技巧

(1) 讚要盡情
讚要真心、開心、冇保留同唔可以有條件(condition)或即時翻舊帳，即係唔可以話：「嗱，咁做就乖啦」、「唔打人就乖啦」 (有條件的讚，表示打人就唔乖)，或者「咁先至乖架，之前咁咁咁咪唔好囉！」(翻舊帳話佢之前唔啱)，咁就唔算係「真」心讚，因為你依然有話佢！


另外, 有d事情係一定要做,e.g. 臨訓前刷牙, 細孖話唔刷, 呢類唔可以等有後果(即蛀牙)先要佢做, 咁可唔可以強迫佢做呢?

請指教!!
私人傳訊回覆 引用

kk2008


子爵府

積分: 13164

好媽媽勳章


4#
發表於 12-6-22 14:32 |顯示全部帖子
本帖最後由 kk2008 於 12-6-22 16:17 編輯

Super SandraLo,

我睇左點讚既post, 跟住做好work!!!! 不過我個細孖唔知係比工人就慣定天生性格問題, eq好低, 有咩不滿唔講又唔出聲只係黑面同發皮氣粒聲唔出, 一唔開心就掉玩具/掃低chair

EG 1 我放工返到屋企第一時間去toilet洗手腳, 佢會好大力不停怕toilet門, 要我快d出返黎.

EG 2 細孖唔自己食dinner, 要食cake/麵包, 我唔agree, 只有發皮氣, 我ignore佢, 佢又死死地氣行黎我身邊, 但又唔講野又唔表示要食, 抱他上chair比碗筷佢又唔食, 又倒亂table d野, 我最後抱住佢自己一路食一路唔比佢攪事, 如果他想食就捉住我隻手去夾餱放係佢個口, 我試過引導佢出聲講出要求, 但都失敗

EG 3 大細孖同我玩緊, 類似玩反應果類GAME, 大孖想拍我隻手 我要避開, 細孖怕我痛, 就大叫大CRY唔比大孖打我.

平時我用讚對佢係work既, 佢係有飄飄然, 只係表達能力同eq低(平時講說話係清楚句子), 為左佢我下個月做全職媽媽, 我應該點handle & 改變佢唔肯出聲既行為? 我覺得佢唔識表達自己, 收收埋埋type.

另外, 我問佢點解要咁樣做, 佢會答: 我鍾意MA......, 我會解釋比佢聽, 但他會反駁: 我唔鍾意xxx(對的行為), 我要xxx(錯的行為), 唉! 其實3.5yrs人仔都明白是非, 應唔應該解釋?


私人傳訊回覆 引用

kk2008


子爵府

積分: 13164

好媽媽勳章


5#
發表於 12-6-26 13:34 |顯示全部帖子
SandraLo 發表於 12-6-24 22:28
kk2008 :

我覺得你不能單是猜測細孖表達能力同eq低, 保險d 應該要帶佢去做個語言能力的評估, 一般言語發 ...
Dear SandraLo,

例二嗰度, 你係点引導佢出聲講出要求但失敗？

我會問佢係唔係想食飯? 係唔係想食魚? 係唔係想食xxxx? 睇佢反應估到佢想點之後, 就叫佢講出黎, eg佢想食蔥, 我會夾住d蔥問佢你想咩呀? 係唔係想食蔥呀?.................但係佢都係唔肯講, 捉住我對快子把食物放入口, or點點頭表示要食

另外, 我唔係唔想帶佢去做評估, 而係我3個小朋友分唔到身, 佢地9月返k1, 想睇下進度如何, 會唔會太遲呢? 有無書or網站可以教家長點樣去引導呢類小朋友表達情感?
私人傳訊回覆 引用

kk2008


子爵府

積分: 13164

好媽媽勳章


6#
發表於 12-7-2 00:18 |顯示全部帖子
Dear Sandra,

我睇左，最尾寫注(待續)個扁，對嗎？
私人傳訊回覆 引用

kk2008


子爵府

積分: 13164

好媽媽勳章


7#
發表於 12-9-1 01:47 |顯示全部帖子
Super Sandra

我之前問過你有關我對3.5歲twins問題(我要照顧三個仔無人幫手)，我無返工自己湊左兩個月，人都顛，之前工人仲䃶左佢地，加上我又心急想教返好佢地，所以日日都打罵他們！ 而家好後恢，唔知點收科，又要做家務，真係身心疲倦！

我一直都有用讚 but+打罵，用唔到/唔識用ignore…我對仔既問題其實來來去去都係一般港孩問題，但我想請教点讚
1) 我應該同時讚曬兩個仔嗎？
2) 可能我又要做家務，一有時間讚(即未曳之前)我就好似背書甘講四五樣……eg 哥哥好乖喎 無打人 無大叫 出街無周圍走 自己刷牙 去次所wee wee…… 甘樣讚有效嗎？ 日日讚，但係到現在都無咩改善
3) 承上題，其實我唔識分 行為&能力， 唔用尿片去次所wee 我又讚，自己食飯唔駛餵又讚，自己刷牙又讚，自己著衫又讚，收拾玩具又讚！ 我有無讚錯？ 可否具體講下邊d可以讚一，邊d 唔駛讚。

謝謝！
私人傳訊回覆 引用

kk2008


子爵府

積分: 13164

好媽媽勳章


8#
發表於 12-9-2 23:56 |顯示全部帖子
Super Sandra

令我打/罵他們的事情多的是，我目的係想即時stop佢地

eg 1 老大成日手多多， 佢經過細佬身邊手多多打下細佬，有時會用力cool住對方條脛；

eg 2 一見到對方攞住自己鐘意既東西，但又唔係私人物品，例如一張pizza hut傳單，二話不說就去搶+尖叫+大咸，繼而相方打交大叫大咸，我同佢地講道理唔聽仲反駁話要大叫架要xxx 唔可以xxx,總之同我打對台

eg 3 佢地三個成日爭要我，我同時間唔可以抱曬三個，甘佢地就打我/大叫/蚊我頭髮

另外，我發覺細孖好鐘意touch我個胸，好似好好奇，佢又成日食手指，食玩具，將某些字調轉左講 例如我叫佢行d 佢就向前行，遠d近d, 多d少d, 佢都講錯(理解錯左)，同埋有潔癖，玩及印仔整dirty左手仔又發顛，少少事都怕危險但係落街自己走左去又唔怕(我覺得佢好大膽)，係唔係有問題？
私人傳訊回覆 引用

kk2008


子爵府

積分: 13164

好媽媽勳章


9#
發表於 15-1-10 01:14 |顯示全部帖子
Sandra,

請問如果細仔4yrs同大仔6yrs玩，用手扮槍打哥哥，哥哥好嬲起腳大力打返弟弟, 我應該點處理？ 因為呢類爭執每日都會發生幾次，哥哥因少事而出手打人 大發皮氣！

Many thanks!
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見