Re: 你地會比工人放假6am出街嗎?
我自己就同prettywife o既意見一樣, 我個工人都係返9am church, 但佢7am 就出門口, 因為話要同d sisters 食早餐,如果係d special 節目, 好似x'mas, easter.......佢會6am 出門口, 不過會早一日問下我得唔得(都好過唔問啦), 咁我會答佢, "唔係唔得, 不過你要安全至上, 因為太早, 天仲黑會有d 危險, 最好就唔好啦, 不過如果你真係好想咁早出門口, 都無問題, 因為係你自己day off, 要小心d".
至於話佢放= 自己無得放~~~咁呢個就一定架啦, 所以佢day off 我通常都唔多開火煮食, 因為懶得洗, 就算係自己想整獲勁o既比老公食, 都會揀星期6, 因為我攪完個廚房, 有佢執手尾嘛. 而我個小朋友都係同佢同房, 不過我會叫佢早一晚攞定哂d 衫呀, 手袋呀係toilet, 咁佢wake up 時, 一出左個bedroom, 就關埋個房門面(but 留番一條gap), 咁都唔會太嘈, 不過如果唔好彩一小朋友真係醒左唔肯再訓, 咁我地咪唯有起身囉.
我自己個人就好讚成個工人放假, 就比佢開開心心咁出去玩, 總之唔好遲到返屋企就ok. 做足6 日, 都真係要抖下氣, 見下d 同鄉. (雖則我都係返足咁多日工, but 起碼我返到屋企就乜都唔使做, 淨係同小朋友玩呀, 沖涼呀, 睇下書呀........我都覺得好relax 架喇).
不過好多野都係睇下自己點同個工人傾, 當然一定係"先緊後鬆".
多謝am 幫我搵個好英o既buzz 呀! 特此鳴謝!!!