, 上星期我打去訂團體票既hotline問, 第一次打去, 有位小姐話買滿20張門票就有8折 (好筍! 
), 佢叫我send email俾佢就ok, 星期二我發覺唔見左個email address, 咁咪再打去hotline問, 呢次位小姐就話要買滿100張門票先至有9折
, 又話只需要電話登記就可以訂門票, 我覺得好奇怪點解會咁大出入, 於是問佢可唔可以transfer line俾經理同我講, 因為我仲有好多野想問 (p.s. 呢位小姐講野口窒窒又一舊舊, 仲要每次我問野佢都要hold我條線一陣再答返我, 好煩ga mar~), 佢話經理好忙喎, 於是我留低contact no叫佢覆電話. 隔左一陣, 有位"經理"打番俾我問我有乜野事, 仲要串串地咁同我講係要用公司名義同埋訂100張門票先至有折, 其他人買唔會有ga, 咁我都明我訂三十幾張門票對佢地黎講真係small business, 但佢地啲同事講野一時一樣我就覺得好confuse同埋好似俾人呃左咁! 之後呢位"經理"就叫我send email俾佢confirm booking, 咁好啦, 琴日朝早我send左confirmation俾佢, 仲俾哂credit card資料俾佢, 但到今日都無email或者電話confirm係咪ok, 於是我再打去hotline搵個位"經理", 而接聽電話既小姐話呢位"經理"唔响度, 我問佢幾時返呢? 唔知; 我再問佢係咪放左假呀? 都係唔知; 我問咁我可唔可以留contact叫佢打俾我呀? 唔可以, 因為我唔知佢幾時响度! 
跟住我問佢究竟有無呢位"經理"存在, 佢話有, 但唔係經常响度, 我再問佢咁我應該幾時再打黎呀? 佢話唔知ga, 你再試下啦! 我真係 !!! 咁係咪即係叫我每個鐘頭都打黎搵呢位經理?! 又或者其實你地有無其他同事可以幫我follow up? 佢話如果你send左email黎咁隔三五日就會有人打俾你ga la, 你等下啦!
發表於 
返回列表
