Re: 有無22歲以下的媽媽!
to maggie~
其實我f. 5 果陣時都有過一次..同個男仔分左手之後先發覺..果個男仔好不負責任..諗都唔諗就叫我去墮..後來我同媽咪講左..佢陪我返大陸墮..之後我就repeat 左一年..係果年內..由於我同果個男仔住係同一區..果陣時我好驚見到佢..見到佢我就好像見到鬼咁..走都走唔切..到依一刻..我仲好記得墮bb 果一日..墮之前果晚..我喊足成晚....但左依家..我f. 7..同我依家既男朋友有左..佢既父母雖然口話尊重我同我男朋友既決定..但..我仲差d 做左單親媽咪..唉..都係算啦..不過好彩..到左依家..我已經有左差唔多四個月..我男朋友無放棄我同bb ..下個月既十號我同佢仲會註冊!! 依家我無做野..其實有諗過放棄考個a-level ..不過咁辛苦撐到依家叫我放棄..我有d 唔甘心..不過到左依家..我都無乜溫過書 ~"~ 諗住生完個bb ..就出黎做野..因為單靠我男朋友係養唔起我同bb !! 我好開心有個咁支持我既媽咪..到依家..我完全感覺到做媽咪既辛苦..真係家中最辛苦既奴婢又係家中所有人最尊敬既老師 ( 抄阿長今..嘿嘿 )
to lilywl~
我今年預科畢業..好彩o者 ^^
我由有左果日就嘔到依家..琴晚先勁..嘔左十幾次..又嘔埋d 胃酸出黎..破過我之前嘔既紀錄 = ="
各位媽咪要加油呀 !!
世家才俊凌宵揚,然諾有禮人敬仰。
多謝Joycelyn 贈予的詩