oscarmummy 寫道:
我仔仔四歲半, 差唔多高一米三, 每次我一個人同佢出街需要揾厠所時都要同佢去女厠, 但經常比人眼望望, 曾經有個妹妹仲話"做咩佢入女厠" 搞到好難為情咁...
曾經試過叫仔仔自己一個人去男厠, 但佢話好驚, 試過一次係佢熟悉既商場自己一個人去, 不過佢叫我係男厠門口等佢, 仲難為情 其實得仔仔四歲半, 我非常唔想佢一個人係陌生既地方一個人去厠所, 我可以點做又唔難為情呢??
kitty 寫道:
話時話丫,你仔仔真係幾高喎,我女女就7歲都係得11xcm咋!
各位媽媽,
你們小朋友去廁所如果不帶入女廁的話,最最好真的在男廁門口等他,因世上有好多壞人專蝦小朋友,因我仔仔以前試過一次了,果時佢約7歲,佢如常自己去廁所,(深水po 大快活的男廁,好似平時咁出返來,我見佢唔出聲隔了一陣我問佢做咩,佢個樣好似好驚咁,佢話頭先有個叔叔問佢有冇廁紙,我仔話冇,之後個賤人問佢長唔長(整出來比佢睇)我仔即刻出返來,於是我即刻入去睇下個賤 人仲係唔係度,有一格有人閂埋門,我唔敢肯定是否那賤人,後來出去同d 收銀講,但佢冇理到,白白比個賤人走甩左,前後約15分鐘,由我仔去完廁所出來,佢可能驚得滯,在我身邊坐了一陣先同我講,如果唔係唔會比個賤人走甩,我打字好慢都要打出來比大家有所警惕,我以前就係冇防範,所以先咁,好彩果次之後對我仔冇咩影響!
Bluestar 寫道:
我個仔6歲,有124cm 高,不喜歡自己入男廁(會驚,怕燈光暗),在許可情形下情願跟我入女廁。
有帶著小孩的母親,通常會明白是為小孩安全,不會出聲。
去年暑假曾經在樂富遊樂場(足球場那種)參加baseball 班時,我替個仔在女更衣室換衫時,被個亞嬸型場務員驅趕,同時有另外一位媽咪和賓賓在替2位小男孩更衣,我們都沒有理會個亞嬸,因小朋友5y+不懂自己更衣。
後來我向有關部門(lcsd)投訴,有位職員答覆,說7歲以下男孩子可以跟隨母親/照顧人士用女更衣室。