在職全職 今日: 125 | 主題: 47930

積分: 2127

23^#

發表於 05-2-26 23:57 |只看該作者

Re: 有幾多人辭左職先搵工架

Dear All,
多謝你們的安慰, 我真的沒想到在這裡, 有那麼多人可以交個心出來傾計, 我好開心亦好感動, thank you !!!

dear badegg,
我真的很佩服你足足在1間討厭的公司捱3年幾, 相信日子是非常難過的 ! 其實我老公同你老公一樣口吻, 都是說我年紀開始大喇, 同埋個市道唔好, 千萬不可因為衝動而轉工, 他說每間公司都是這樣的, 可以轉多少間呢 ? 反事所有事情均不可盡如人意 (包括 : 家庭, 經濟或事業等), 所以他非常不同意我轉工 !
當我見到你強逼自己捱到大病, 我覺得好同情你的遭遇, 亦替你不值 ! 不過, 我知道你已經搵到新工, 我真的祝福你, 將會是一間好公司及不會再遇到d奇奇怪怪的人啦 !!!

私人傳訊

積分: 12378

24^#

發表於 05-2-27 20:35 |只看該作者

Re: 有幾多人辭左職先搵工架

wongcheukying

我老公而家咪知死囉, 佢知我捱得辛苦, 而家聲氣吾同晒, 好彩我又搵到第二份工, 希望新公司d人好d啦. 我諗吾會有人衰得過我而家呢間公司啦掛, 呢間公司d人, 真係變態架, 由我第一日番工, 佢地就黑口黑面, 好似我殺左佢全家, 問佢地野, 同你講野就呼呼暍暍, 我做左咁多年野, 都未遇過d咁衰既人, 老闆又衰, 總之無個好人.

私人傳訊

積分: 2127

25^#

發表於 05-2-28 00:06 |只看該作者

Re: 有幾多人辭左職先搵工架

dear badegg,

都好衰 !! 無情白事對人黑口黑面, 你會唔會唔小心得罪左佢地, 而自己唔知道呀 ?
我公司d人, 就唔係這樣, 佢地係只要你同佢任何一個人講一句無商大雅的說話, 佢地都可以反轉來講, 再加幾句老作的說話, 這樣便變成是你講的, 我而家係公司是一個啞吧, 亦是一個獨行俠, 我唔敢同任何人隨便講自己的感受或不滿, 現在只限於公事內的普通對答, 我有一個已離開的同事, 她覺得在公司, 等同在一間"8婆會館"中工作, 每一天都唔好過, 雖然我只捱了2年, 但感覺已很心灰, 很失望, 同每一天都唔想面對這樣的公司, 這樣的同事, 究竟我是否應該轉工呢 ? 我真的不知道 !!! :cry: :cry: :cry:

私人傳訊

積分: 12378

26^#

發表於 05-2-28 20:45 |只看該作者

Re: 有幾多人辭左職先搵工架

wongcheukying

吾係架, 由我上黎見工, d人已經黑面架啦, 估吾到番工仲衰呀, 我諗d人吾like我亞頭, 又吾敢話佢, 咪發洩晒係我度囉, 我呢個位 , 之前都走幾個架喇, 咁你就知係幾死位丫.

我係公司都係得我自己一個人架咋, 無人會理你架, 不過我情願你吾好理我, 好過要我就晒你囉, 真係相處吾到, 除非你肯做人妹仔囉, 我幾廿歲人, 點做你妹仔呀, 我做獨行俠好過啦.

私人傳訊

積分: 2127

27^#

發表於 05-2-28 23:41 |只看該作者

Re: 有幾多人辭左職先搵工架

Dear badegg,

不過做獨行俠有時好可憐架, 一個人, 食飯自己帶飯一個人, 什麼事情都是一個人, 連其他與我公司有生意來往的人, 上來請下午茶, 都不會有一個同事過來問我吃什麼, 完全可以不當我存在, 我的感覺是很難受的, 你知道嗎 ? 但另一方面, 我亦很怕同佢地說話, 害怕一不小心, 再被人當話柄來講 !
而頂頭上司亦勁唔滿意我, 同我說話都唔想, 你話我而家這樣的境況, 係咪應該頂起心肝走呢 ? 我自己都唔知道應該點做. :cry: :cry: :cry:

私人傳訊

積分: 12378

28^#

發表於 05-3-1 07:51 |只看該作者

Re: 有幾多人辭左職先搵工架

wongcheukying

而家係轉工季節, 會比較容易走, 你遲d可能會難小小架. 不過, 你做咩架? 可能你果行都容易搵工都未定.

你d同事係咪個個都做左好耐架? 我之前公司d人都做左十幾年, 所以真係好難同佢地溝通, 我同你一樣情況, 之前又係好猶疑走吾走, 就係咁, 晒左幾年時間, 仲病埋, 講真, 我覺得我未完全好番晒, 都成日暈, 都吾知會吾會轉番好似未病之前咁, 因為中醫話 : 一個人大病完之後, 係番吾到去病之前既身體狀況, 唉, 真係成世做藥煲囉.

私人傳訊

積分: 2127

29^#

發表於 05-3-1 23:41 |只看該作者

Re: 有幾多人辭左職先搵工架

Dear badegg,

我係做製衣跟單merchandiser的, 我亦今天打電話給之前一直找工作的agent, 她都講我知現在市道幾好, 她都有工在手, 在於我是否願意去試, 不過, 多數公司都不肯等一個月的, 故叫我認真考慮.
其實我公司的同事都唔係做左好耐, 最短那個都係4-5年啦 ! 但我仍然與佢地溝通唔到, 可能我不是她們那類88卦卦的人啦 !
你要保養番好身體呀 ! 因你接著便要返新工, 可能會好辛苦, 有好的身體才可應付新工作, 或者買d寶的東西食調理翻會好d, 女人始終是要保養的, 尤其係你曾經大病過更加需要呀 !!!

私人傳訊

積分: 12378

30^#

發表於 05-3-2 07:09 |只看該作者

Re: 有幾多人辭左職先搵工架

wongcheukying

我琴日番新工, 嘩, d人同我舊公司d人一比, 你真係覺得舊公司果d吾係人黎架, 而家呢間公司d人, 雖然我吾熟佢地, 但係起碼d人吾會無啦啦黑口爛面對你, 又吾會態度賤格, 我之前舊公司, 第一日番工, d人已經對你有敵意, 痴痴地.

你做跟單merchandiser, 應該吾難搵, 我成日睇報紙都係好多製衣廠請人, 不過搵工都睇際遇, 有人無咩學歷都搵過萬, 有人大學生搵銀幾千, 真係睇彩數,睇經驗, 希望你搵到開心既工啦.

我真係覺得為一份工而成日吾開心, 真係好吾底, 我之前吾開心左四年. 每日都係吾開心中度過, 我真係吾可能永遠係吾開心中過, 所以我做左辭職決定, 我都希望我既決定無做錯.

私人傳訊

積分: 2127

31^#

發表於 05-3-2 23:53 |只看該作者

Re: 有幾多人辭左職先搵工架

dear badegg,

其實merchandiser真係唔難搵工作, 不過, 好似你話, 好唔好就要睇際遇啦, 我擔心如果我唔做而家份工, 何時才找到新工作呢 ? 新工作ok嗎 ? 新公司同事ok嗎 ? 薪金ok嗎 ? 是否可做長些日子呢 ? 我只在此公司2年, 日子是否太短, 見工時會否給人一種不穩定的感覺 ? 我係咪好煩, 擔心這, 擔心那, 我而家都尚未可以決定到, 當我決定到的時候, 我一定會話你知的.
聽你這樣說, 我想你新公司的同事的確比舊公司的同事容易相處d, 當然, 亦要放多些日子來看, 才知道她們是否ok啦 ! 不過, 我相信你沒有決定錯誤, 因為起碼每一日都開心d, 這樣便值得啦 ! 工作搵錢固然重要, 但開心亦係非常重要的 ! 我好似識同你講, 唔識同自己講, 唉 ! 不需要後悔你這樣正確的決定, 我支持你 !!!

私人傳訊

積分: 12378

32^#

發表於 05-3-3 07:28 |只看該作者

Re: 有幾多人辭左職先搵工架

wongcheukying

我初初轉工, 都有小小擔心架, 不過又真係頂吾住, 窨時睇番我既決定都係好岩既. 而家番工興鬆好多, 個同事都好照顧我, 咩都提下我, 我之前番工, d人咩都吾同我講, 你做錯佢地就鬧你, 係問佢地, 佢地又話吾知喎, 一係就話 : 我help吾到你喎.總之一句講晒, 我做左十幾年野, 未遇過一間公司 , d 人同老闆都咁衰.

而家我吾使成日同老闆做埋d無謂野, 一陣又成日叫你落樓下同佢羅野, 佢明明自己岩岩係架車度上黎, 都成日叫你落去落野, 一陣又叫你同佢羅d重到死既野. 佢自己又吾羅, 係羅都叫d男仔羅啦, 幾十磅野, 你估我係大力士咩? 一係就叫你同佢羅臭鞋, 一陣又叫你羅臭衫, 真係好不知所謂.

私人傳訊

積分: 2127

33^#

發表於 05-3-4 00:05 |只看該作者

Re: 有幾多人辭左職先搵工架

Dear badegg,

你做什麼工作架 ? 點解老闆成日叫你攞這攞那, 你係咪佢秘書呀 ? 連鞋同衫都要你同佢去攞, 都用得你好盡喎 ! 其實現在應該登你高興, 起碼而家份工d同事都ok呀, 肯幫你呀 !
希望如果我真係唔做, 都可以同你一樣好彩, 搵到1份ok的工作啦 !!!

私人傳訊

積分: 12378

34^#

發表於 05-3-4 07:47 |只看該作者

Re: 有幾多人辭左職先搵工架

wongcheukying

咪做爛鬼會計, 好彩而家甩難啦.

其實咁啦, 就算你吾辭工, 你都可以上黎傾下計, 當發洩下囉, 如果吾係, 真係人都巔, 我好彩之前成日上bk, 識到d網友, 成日發洩下, 由其係公司谷到想爆炸, 即刻搵d網友呻,等條氣順番.

私人傳訊

積分: 2127

35^#

發表於 05-3-6 00:33 |只看該作者

Re: 有幾多人辭左職先搵工架

Dear badegg,

會計幾好呀 ! 夠專業呀 ! 不過應該唔會純會計, 係咪要理其他行政或者秘書的工作, 你之前間公司係咪這樣的 ? 所以你老闆先叫你做私人事 (如攞東西), 唔叫其他人做呀 ?

我都覺得上黎傾下計, 心情會好d, 有你地了解我的心情同感受, 我真係個心好過一些, 雖然我而家依然要返這份工, 但起碼有你地同我傾下計, 有人明白我 !!! 反而好似自己身邊d朋友都沒有那麼了解我, 她們只會叫你忍, 因你已有家庭, 有小bb的關係, 或者她們有她們的道理, 她們說我已經唔屬於自己了, 是屬於小bb的媽咪, 老公的太太同家庭的一份子, 所以要對小bb, 老公同家庭負責.

私人傳訊

積分: 12378

36^#

發表於 05-3-6 11:44 |只看該作者

Re: 有幾多人辭左職先搵工架

wongcheukying

通常會計就好似打雜咁, 咩都做, 不過舊時個老闆特別衰, 一陣叫你仳生果比佢食, 一陣食飯時間, 我係公司食飯, 佢又走出黎叫你同佢買飯盒, 我果陣仲食緊飯, 一係叫你同佢煮面, 佢當我係家傭, 我係好鬼死憎囉.

而家就好囉, 我呢個老闆無d咁既野, 又吾會成日大吵大鬧, 成間公司d同事做野都好客氣, 吾似以前d人咁, 成日呼呼喝喝囉.

大家有時傾下, 真係心情會好d, 起碼吾使谷谷埋埋丫.

私人傳訊

Capuccino

複式洋房

積分: 388

37^#

發表於 05-3-6 12:48 |只看該作者

Re: 有幾多人辭左職先搵工架

Betty:
你所講o既人生百態所言甚是, 刷鞋王處處皆是, 刷鞋係生存方法嗎? 好似我有個同事咁, 跟本冇被炒危機, 地位又冇乜機會會不保, 但係佢仲係不斷刷, 我高級過佢, 佢周不時想搵機會巴結我, 但又俾我知道佢在貝後講我(話我寸, 扮晒野), 老實講, 我好討厭佢, 成日同我講老細點衰點衰, 但見佢俾老細鬧時都仲笑騎騎(老細梗係覺得佢聽話啦, 邊有老細唔鍾意呀!), 好cheap, 打工駛唔駛做到咁!
你話"要真真正正搵到一間認為開心而又滿意的公司買小見小" - 我完全同意 :-P 到處都係咁, 冇得避!

私人傳訊

積分: 2127

38^#

發表於 05-3-7 00:38 |只看該作者

Re: 有幾多人辭左職先搵工架

dear badegg,

聽你這樣講, 而家間公司的老闆同同事都比以前公司好, 真係登你高興, 唔駛再死忍啦 !!!

當我而家仲想緊做唔做 ? 而我亦覺得新經理可以夾到同佢係一個直腸直肚的人的時候, 佢已經同我講佢唔做啦 ! 佢只係做左1個月多d, 佢話我地間公司, 傳謠言的速度簡直驚人, 早上同人講一句說話, 到了晚上收工前, 一定會傳回你耳中, 不過已變了相反的板本了, 而且佢覺得我地公司裹的人, 成日樹起隻耳聽人講野, 非常恐怖, 她非常唔習慣, 所以佢決定唔做囉. :cry: :cry: :cry:

私人傳訊