自由講場

收藏本版
回覆 發帖
返回列表
跳至頁

首頁
12

尾頁
   23
elegant


大宅

積分: 2592


1#
發表於 24-4-21 20:51 |顯示全部帖子
本帖最後由 elegant 於 24-4-23 10:40 編輯

我係國泰嘅銀卡會員，一般就訂機票都有廿四小時免費取消。最近我喺國泰網站買咗一張商務優惠套票、跟住我改變主意、覺得好似好貴所以想取消，但係又怕取消會比罰款、所以我特登打上去國泰客戶服務嗰度查詢、問佢哋話呢隻優惠套票如果銀卡會員取消有冇廿四小時免費優惠、佢哋嘅答案係有。我好開心，跟住三個小時後取消咗張商務機票，跟住就特登買一張經濟機票同一個日子起飛。但係一個禮拜之後佢哋email 我就話要罰我五成機票價錢、成$23,000！、我打去問點解？佢哋就話因為我張機票係七日之內起飛不可以取消，銀卡優惠都不適用。
但係我話你哋啲客戶服務當時冇同我講呢個條件，跟住佢哋就呢個條款就係Terms and condition有寫，但我話我哋一般都以你客戶服務個回答為準。點解當時佢個同事冇同我講有呢一個額外條款。
佢哋跟住話佢地同事喺電話裏有同我講呢個條款，我邀請佢哋再次聽返電話錄音，跟住佢哋調查後覆返我話在電話裏有同我講呢個條款，我話冇可能、因為我好清楚我打個電話個目的。佢哋啲同事在電話裏根本冇同我講七日內cancel又罰款、如果我知我根本就唔會cancel因為不費用實在太大。
我要求佢哋提供錄音為證，但佢哋堅持話唔可以俾我聽錄音，堅持要罰我$23,000取消的罰款。
我話呢個數字實在太離譜、 如果佢個啲國泰客戶同事冇誤導我，我根本就唔會取消嗰個商務機票、而家佢夾硬屈我話我知情才取消、佢哋又不願意出示錄音記錄、話係內部訓練作用。證明佢哋係有心隱瞞佢哋電話錄音嘅內容。
我好嬲呀，講緊$23,000罰款喎，都唔知喺邊度可以投訴，好真係好想東張西望唱衰嘢個國泰！
有冇人可以俾啲建議我可以點做？點先可以追返呢筆咁大個罰款！
私人傳訊回覆 引用

elegant


大宅

積分: 2592


2#
發表於 24-4-21 21:58 |顯示全部帖子
我已經寫過無數郵件去國泰所謂高層個客戶服務，但係佢哋經過幾個星期個回覆都係一樣、
買票嗰時一般都要即時付款，佢哋都會話取消會有罰款，但係國泰銀卡就有廿四小時免費取消。一般係會即時退返俾你但係今次就冇。最關鍵嘅係我再退票之前已經打過去國泰航空公司問佢哋話銀卡廿四小時免費取消都可以受惠、佢哋都話有、呢個係事實如果我知道係要罰款嘅話我一定唔會取消
佢哋一般係先收費後退回，所以我而家係冇得退回，因為佢哋話我係知道呢個罰款，但係又唔肯出示錄音內容因為我好肯定佢哋話唔係有廿四小時免費取消。
請問東張西望係點報料啊？
私人傳訊回覆 引用

elegant


大宅

積分: 2592


3#
發表於 24-4-21 22:00 |顯示全部帖子
回覆 my005 的帖子

請問點聯絡佢哋呀？
私人傳訊回覆 引用

elegant


大宅

積分: 2592


4#
發表於 24-4-21 22:18 |顯示全部帖子
我都知好難告得佢哋入㗎啦，唯有係經過媒體俾大家知道會有咁個問題、佢哋實在太離譜啦，希望大家多啲警惕、真係估唔到咁大間公司聲稱服務好，但係都可以咁做！

私人傳訊回覆 引用

elegant


大宅

積分: 2592


5#
發表於 24-4-21 22:45 |顯示全部帖子
回覆 Sammi11 的帖子

我冇講過航班，不過我講呢一個商務優惠係咪都可以廿四小時之內cancel、佢話有，但係佢冇問我的航班亦但冇講話如果係七日之內起飛就唔可以。
私人傳訊回覆 引用

elegant


大宅

積分: 2592


6#
發表於 24-4-21 22:46 |顯示全部帖子
回覆 domantai 的帖子

好的、謝謝你！我會試吓！不過我估政府部門都會偏幫國泰的。
私人傳訊回覆 引用

elegant


大宅

積分: 2592


7#
發表於 24-4-21 22:50 |顯示全部帖子
回覆 lindia 的帖子

你講得絕對冇錯，就係呢個問題佢哋內部培訓不足、接電話時冇問清楚就亂答、引致到呢個問題。我亦有在電郵裏反映給佢哋所謂高層CS但係佢哋冇理到。電話同埋郵件發覺佢哋好似判咗CS俾大陸同埋印度處理。對答嗰啲都唔似係香港人。所以咪導致咁嘅問題囉。
無啦啦俾罰咗$23,000，梗係心痛啦。我好唔開心咗幾個星期啦，但又唔知點追討！
私人傳訊回覆 引用

elegant


大宅

積分: 2592


8#
發表於 24-4-22 05:15 |顯示全部帖子
回覆 heilok 的帖子

佢哋話係有check過錄音，而且堅持話佢哋喺錄音裏邊有提我呢個50%cancellation個條款，但係事實的確唔係咁，因為我好清楚記得我打電話去個目的，而且我係得到佢哋確認話廿四小時免費取消都可以用喺呢種機票我先至好放心去取消。佢哋最後email回覆話根據條款一定要罰款，錄音只可能用在內部培訓不可公開、已經唔再提電話錄音內容。呢個係問題。
照計如果佢哋CS回答客戶問題，首先要理解機票種類跟住關鍵嘅條款都要提出嚟。當時我問佢哋話呢類機票鈱卡會員有廿四小時免費cancel係咪？佢哋話係，但冇提我七日起飛之內唔識用。
私人傳訊回覆 引用

elegant


大宅

積分: 2592


9#
發表於 24-4-22 05:18 |顯示全部帖子
回覆 www 的帖子

請問乜嘢係小紅書啊？
私人傳訊回覆 引用

elegant


大宅

積分: 2592


10#
發表於 24-4-22 10:32 |顯示全部帖子
回覆 兩孩之媽 的帖子

其實我寫咗無數個email亦都CC咗所謂國泰個上級，但係佢哋都堅持要罰款，所以一定係要用媒體。我知道我要付啲負責任，事實係銀卡係可以廿四小時取消呢張特惠機票都可以、只不過係七日內起飛就唔可以、呢個條款係CS 電話裏冇講過、我在國泰網上買機票無數次、 都冇點有睇條款，呢一個係特別嘅情況、CS應該提我。我覺得佢CS嘅責任更大，佢冇問清楚就答我，我當然以佢為準啦，罰款實在係太大。
正如另外偉媽咪所講，我即時買了張經濟機票、證明我係唔知道係要罰款。如果我知嘅話點解仲要買張經濟機票先取消。佢哋根本就冇考慮過整件事、亦都冇比其他方案我。
私人傳訊回覆 引用

elegant


大宅

積分: 2592


11#
發表於 24-4-22 15:34 |顯示全部帖子
本帖最後由 elegant 於 24-4-22 15:38 編輯

回覆 CathyLss 的帖子

謝謝Cathy, 你講得冇錯個問題就係佢哋堅持話喺錄音裏邊已經通知咗我有罰款, 但係事實上係 ‘冇’ 講過。我真係好難相信佢哋可以改了錄音個內容。回應其他媽咪嗰個問題，我係冇需要迴避問題？我唔罰都俾罰咗，我亦都知道想討回呢筆罰款個機會好微、我上嚟講俾大家知有咁嘅情況、希望大家小心。我喺電話裏便好清楚問Advantage pass呢類機票可唔可以有廿四小時免費cancel？如果佢哋客戶服務係專業嘅話，佢應該知道罰款好大，而且需要提客人一啲額外條款。 我覺得咁大間公司都不誠實、可以改了客戶電話錄音的通話內容係不可接受的。
私人傳訊回覆 引用

elegant


大宅

積分: 2592


12#
發表於 24-4-22 16:07 |顯示全部帖子
回覆 Horsebbj 的帖子

在Cathay Pacific 的網站購買同取消。
私人傳訊回覆 引用

elegant


大宅

積分: 2592


13#
發表於 24-4-22 16:12 |顯示全部帖子
本帖最後由 elegant 於 24-4-22 16:13 編輯

回覆 whyyou 的帖子

Vantage pass 同Advantage pass 都係字眼上嘅問題啫，佢哋識得答我就應該知道我問緊啲乜嘢啦。真係唔知你想搞破壞啊定係想幫忙？如果你係幫忙嘅呢就請少講啲嘢啦，除非你係國泰人員先至咁緊張。
私人傳訊回覆 引用

elegant


大宅

積分: 2592


14#
發表於 24-4-22 16:43 |顯示全部帖子
回覆 Horsebbj 的帖子

冇呀，我即是收到個取消賬單淨係話我取消嗰個航班就冇講實際嗰個付款係點樣。係一個星期後佢啲先至send俾我話個退款update但係裏面已經扣咗取消個罰款。
私人傳訊回覆 引用

elegant


大宅

積分: 2592


15#
發表於 24-4-22 17:35 |顯示全部帖子
回覆 laithin 的帖子

我如果知要咁大罰款我一定唔會取消。問題係我吡誤導以為可以取消。如果我知道有咁大筆罰款，點解我仲要買張經濟機票？二萬幾蚊罰款仲唔夠呀，仲要洗多幾千蚊呀！如果係咁大個罰款，佢哋啲客戶服務係咪應該知道同埋提點客戶呢個要點？
私人傳訊回覆 引用

elegant


大宅

積分: 2592


16#
發表於 24-4-22 17:51 |顯示全部帖子
回覆 domantai 的帖子

十分同意、多謝你的公道說話👍
私人傳訊回覆 引用

elegant


大宅

積分: 2592


17#
發表於 24-4-22 19:44 |顯示全部帖子
本帖最後由 elegant 於 24-4-22 19:45 編輯

回覆 莫失莫忘 的帖子

其實我冇諗住會贏嘅，因為佢咁大間公司好難告得入，但係事實上佢的客戶服務係培訓不足、誤導客戶已引致咁大嘅問題、要我哋啲小市民賠咁大筆取消罰款係好離譜。 仲有最關鍵就係佢哋改編電話錄音內容、呢樣嘢就唔可以接受。
私人傳訊回覆 引用

elegant


大宅

積分: 2592


18#
發表於 24-4-22 20:31 |顯示全部帖子
本帖最後由 elegant 於 24-4-22 20:36 編輯

回覆 洋蔥頭媽咪 的帖子

你睇晒啲資料先好講啦！邊個得閒陰佢哋啊？無啦啦搵啲嘢嚟搞搵自己笨咩？咁大筆罰款如果佢係專業嘅話應該係提醒客戶㗎啦！證明佢都唔清唔楚、培訓不足、就亂答客戶。你唔知得咁多，就唔好上嚟亂講嘢啦？
私人傳訊回覆 引用

elegant


大宅

積分: 2592


19#
發表於 24-4-22 22:26 |顯示全部帖子
回覆 hfl2000 的帖子

佢哋冇講過、只係話呢隻機票都有24小時免費取消。
私人傳訊回覆 引用

elegant


大宅

積分: 2592


20#
發表於 24-4-22 22:40 |顯示全部帖子
本帖最後由 elegant 於 24-4-22 22:43 編輯

回覆 newinewi 的帖子

上嚟講嘢又隱瞞對我有咩益處啊？我真係冇咁得閒呀！唔通我上呢個平台講我就會攞到啲錢返嚟咩？我都係純粹同大家講嘅情況啫！你哋唔信咪算囉，唔使係咁插嘅。 睇嚇將來你哋自己如果遇到咁樣嘅情況損失咁大筆錢睇你哋會點？我純粹上嚟分享、我冇需要回答你哋的每一個問題，亦都冇需要證明啲乜嘢、除非你同我攞返到啲錢、我就答你啦！
私人傳訊回覆 引用


首頁
12

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見