32台8:55開始播影亞殘運會節目。
昨日亞殘運比賽,港隊進帳好多面獎牌,今日港隊又會有咩成績
只希望港隊運動員繼續努力,爭取好表現。
昨晚32台如果今日叫焦點賽事,輪椅劍擊團體賽又來了。
不過,兩項劍擊團體賽,港隊都係抽籤上遇到國家隊!
有冇機會晉級?奇蹟出現囉?
特別係男子花劍團體,港隊要同國家隊爭入四強,我覺得正常嘅賽果係》
港隊落敗,會喺稍後時間打五至八名排位賽⋯⋯
香港女子隊比較幸運,喺女子重劍團體比賽,香港隊直接入四強,就算半決賽對上國家隊,都已經肯定有獎牌。
好開心, 32台改變直播策略,將羽毛球比賽改回上晝做!
今日既賽艇比賽,港隊只有兩位運動員參加一個項目,32台會播映相關比賽。希望兩位運動員努力加油。
草地擲球比賽,今日仍然係小組賽,希望各運動員加油。
硬地滾球今日進行團體同混合雙人小組賽,祝願各玩動員加油。
田徑項目,32台跟進港隊三個競賽項目,佢哋比賽時間係上午9:30後,我唔知會唔會同輪椅劍擊比賽撞期,因為輪椅劍擊喺比賽中途人員轉換,輪椅調教呢你方面比較花費時間,我唔知半小時港隊嘅比賽能否完結。
更加唔知, 32台係咪直播完港隊比賽就會轉去田徑比賽?
10點既WH2級半決賽,港隊陳浩源喺對日本殘奧冠軍,祝願佢努力表現,一報上次受誤判,落敗之仇!
至於朱文佳同王鎮炎,非常不幸,佢哋係半決賽相遇,上演港隊內鬥⋯⋯
亦代表佢哋其中一位將會得到銅牌,另一位向金牌進發,加油吧!
祝福各位比賽嘅港隊運動員,努力加油爭取表現
Update:
港隊任國芬在田徑項目,女子100米T36級決賽,以刷新個人最佳成績獲得銅牌。恭喜!
羽毛球男單半決賽:
港隊陳浩源在WH2級不敵日本選手,奪得銅牌。
港隊王鎮炎在港隊內戰中落敗,不敵朱文佳,獲得銅牌。
輪椅劍擊女子重劍團體銅牌戰,港隊不敵韓國隊, 只能得第四名,無緣獎牌。
輪椅劍擊男子花劍團體排名賽,港隊最終取得第五名。
硬地滾球賽事, 港隊混合雙人BC3和BC4,2個組合晉級4強, 明天將進行半決賽。
港隊陳睿琳 喺女子100米蝶泳S14級決賽,以破大會紀錄奪金! 恭喜