亞殘運比賽繼續,今日港隊又會有咩成績?
只希望港隊運動員繼續努力,爭取好表現。
32台9:45開始節目,不過你哋睇第一場比賽唔係直播㗎,係錄播昨晚嘅賽事。
唔好俾佢右上角個Live字眼呃咗,佢播緊嗰場比賽分分鐘唔係直播㗎
UPDATE:
第一面獎牌其實係喺琴日晚上取得,係4×100男女混合自由泳銀牌
因為比賽時間已經過咗港台嘅節目時段,結果佢選擇喺今日9:45開播節目時,先播返呢場比賽
今日會攞到唔少獎牌, 所以會統一跟項目報告。
乒乓球比賽:
男士單打C9級, 港隊王志賢半決賽不敵國家隊選手,獲得銅牌。
女子單打C6級, 彭穎加半決賽不敵韓國選手, 獲得銅牌。
女士單打C7級,焦瑾珊決賽不敵國家隊選手,奪得銀牌。
女子單打C11級, 兩位闖入四強嘅港隊選手:
衛冕冠軍吳玫薈,半決賽不敵日本選手, 獲得銅牌。
隊友王婷莛,延續不敗紀錄, 贏咗另一位日本選手 ,進入決賽,可惜決賽未能取勝,獲得銀牌。
草地擲球比賽:
男子個人B2級銅牌戰, 港隊李志明擊敗國家隊選手奪得銅牌。
男子個人B6級銅牌戰, 港隊畢熾揚不敵韓國選手,未能獲得獎牌。
女子個人B2級金牌戰, 港隊鄧順儀不敵國家隊選手,獲得銀牌。
女子個人B6級銅牌戰, 港隊陳月呂擊敗印度選手,獲得銅牌。
女子個人B7級,鄔文英擊敗泰國選手, 獲得金牌。
硬地滾球個人賽:
男子BC4級, 梁育榮擊敗日本選手,獲得銅牌。
女子BC4級,張沅 擊敗泰國選手,獲得銅牌。
女子BC2級, 郭可瑩 擊敗日本選手奪得銅牌。
隊友楊曉琳係金牌戰,擊敗南韓選手, 奪得金牌。
輪椅劍擊女子重劍個人A級賽, 港隊余翠怡半決賽不敵 國家隊選手,獲得銅牌。
女子100米蛙泳SB14級決賽,港隊陳睿琳獲到銀牌。
補上:男子1500米T13級決賽,港隊黃景陽奪得銅牌。
祝賀各位港隊運動員得到佳績
今日32台嘅直播會由9:45分開始,會有游泳同埋乒乓球比賽。
我睇返兩項比賽嘅賽程,對比32台報出嚟嘅項目,居然俾我發現
一個搞笑嘅事情!
9:45開始節目,第一項要播嘅比賽:
男女混合4×100自由泳決賽,根本係24號晚上比賽,因為過左佢哋節目時間,
所以改第二日節目開場就錄播呢場比賽。
而香港隊攞到銀牌,我亦忘記咗留意賽果,所以冇入琴日嘅post度。
咁就錯有錯着,入今日數啦,雖然賽會肯定入琴日獎牌榜。
至於男女子100米蛙泳比賽,按賽程表,男女子100米蛙泳比賽,會安10:28比賽,所以我估計32台一定係播完游泳比賽先會去直播乒乓球比賽。
於是可能又再出現昨日嘅情況!
因為 9:30已經有香港隊嘅四強晉級賽開始,32台隨時又嚟延遲播映已經完結嘅比賽。
兩項游泳賽事直播完,睇時間表應該會喺10:45,我寧願佢跟住直播11點開始嘅女子單打賽事,早前舉行嘅男子單打比賽係做完女子單打之後先做。
我最唔明白嘅係,明明直播嘅游泳比賽係10點幾先做,點解節目唔可以9:30開始,直播乒乓球男子單打比賽,起碼你可以直播一場港隊男子單打比賽先至轉去睇游泳直播!
甚至,畢竟嗰兩場只係游泳初賽,唔係應該要讓路比更重要嘅係乒乓球晉級賽嗎?點解唔可以早上直播乒乓球場嘅比賽,稍後先補返兩場游泳比賽呢?
可惜港台呢個編輯部,永遠鍾意按自己嘅喜好編排!
等我琴日仲咁開心,以為佢真係緊貼,直播港隊比賽。
我又諗起佢下晝會播既硬地滾球比賽,因為呢啲比賽又全部都係上午舉行㗎⋯⋯
更正:我就一次俾自己個大佬欺騙,明明港台個節目你出嚟係啵,硬地滾球銅牌賽及決賽,我以為佢波四強比賽,最大問題係我琴晚查資料時,根本網站未有下午嘅比賽資料
游泳比賽喺港台節目安排負責人眼中果然好重要,
所以初賽都要直播,為咗呢兩場初賽,寧願調動節目開播時間,
甚至要其他比賽讓路!
仲有,羽毛球比賽已經去到淘汰賽晉級階段,港隊陳浩源會同馬來西亞水手進入四強,
雖然呢場比賽未必會喺上晝進行。
但係10:00有朱文佳嘅四強戰,係咪覺得佢一定會贏到國家隊選手呢?
最大問題,港台預告嘅節目裏面完全冇羽毛球!
我希望港台可以會播羽毛球比賽,就算你唔直播都唔該你延播。
不過,如果播放已經結束咗嘅賽事,唔該你個畫面顯示唔好再有個Live字!
呢啲係欺騙觀眾,根本唔係直播就唔好show個直播英文字出嚟呃人啦
琴日睇硬地滾球女子BC3級分組賽,見過主持係咁吹何婉淇實力點強,點叻,但係睇住佢喺附加賽輸俾韓國選手,你越吹噓我就越覺得唔舒服,佢有直播唔做係都要播場已經完結嘅比賽!