心聲留言今日: 13|主題: 17334

收藏本版

回覆發帖

返回列表

跳至頁

查看: 29738 | 回覆: 2

如果發現自己難以放下上一段戀愛關係，可以考慮以下方法 [複製鏈接]

hihi123ah

複式洋房

積分: 474

1^#

發表於 23-1-23 01:02 |只看該作者 |倒序瀏覽 |打印

通常話move on100個入面100個都只係將心事收埋但未必能真正move on，一個原因可能係以前段關係入面有野未完成。

一段關係可能因某D原因話完就完，但一段關係相處之中會產生左好多野，而呢D野係關係完結之後就仲累積左，等緊被完成。例如你做錯事需要向佢道歉，佢做錯事需要你原諒，佢幫助過你你好感激想多謝佢，佢講左/做左D野令你開心，傷心，無奈，焦慮，後悔，欣慰等感覺而呢D感覺仲係個心度未好好表達。。。咁而家關係結束左，但呢D野就仲積左係度等待緊去完成。

所以就要完成番呢段關係入面要做既野：將一段關係入面未道既歉道左佢，未原諒既原諒左佢，未多謝既多謝番對方，未鬧既鬧番對方，未讚既讚番對方，未講既感受講番哂出來。。。咁一段關係入面呢D野完成晒啦，呢段關係入面你無野需要再去做、再去完成，就可以同呢個人正式道別，正式係人生旅途之中放下段關係啦。咁就可能可以move on到啦。

但move on 本身都唔係最重要，而係呢D野本身係人生當中一D不能被磨滅既經歷。佢地值得我地花時間，坐底、認真對待，好好咁做番好哂佢地。

搵個安靜既地方，私下寫一封(唔寄出去既)信，將(以下只供參考，可自行選擇/加減/更改)：

唔開心/灰心既時候
有遺憾，如果可以想再做好D/重新再來過既事
感受到對方既付出、善意，所以想多謝對方既事
對方做錯，想原諒對方既事
對方做錯，唔想原諒對方既事
自己做錯，想對方原諒自己既事
自己做錯，覺得好羞愧唔值得對方原諒既事
關係入面受到既創傷/冤屈/不公
令你印象最深刻既開心/唔開心既野
你心入面曾經對呢段關係既期望/憧憬
想永遠停留係度的美好時光
最後想對方知道既心聲

完完整整，仔仔細細咁寫出來。
歡樂同淚水，滿足同遺憾，憎恨同記掛都好好咁寫出來。呢D都係好重要既回憶，係人生中不可磨滅既一部分，無論結果如何，都值得將自己既感受好好咁寫出來。
然後當佢係你面前，清清楚楚咁講一次俾佢聽，將心底話好好咁講出來。
最後同呢段關係，同佢，好好咁講再見。

***請注意，封信係唔寄出去的。
之後視乎唔同人既選擇，可以銷毀信件，作為人生中一段重要關係既休止符；
亦都可以選擇保留信件，在適當時間拿出來回憶。