大家有無幫襯過一間永利工程公司 WING LEE ENGINEERING COMPANY叫嘅維修公司? 呢間公司D師傅真係好掂架! 可以幫你卸責卸到睜大眼講大話。
樓上伸延落嚟我屋企嘅屎渠穿咗, 我叫咗屋苑管業處, 加埋屋宇署上嚟睇過,
個個都話條渠穿咗漏緊水。於是管業處通知樓上業主維修, 師傅嚟到檢查, 用張紙巾抺咗滴水, 比大家睇, 話唔係漏水, 係生锈漬, 之後用手好大力係咁搓條喉, 伸隻手比大家睇, 話: 你哋睇, 幾多粉, 如果濕就唔會有粉啦。
佢走咗, 我哋發現條喉有層灰喺面, 原來佢搓咗D灰上去吸咗D水。明眼人都睇到, 樓上業主驚我哋話佢屎渠漏水整到我廁所裝修要佢賠, 於是死唔認渠漏水。但係個師傅又好嘢, 為咗一單生意去到咁盡, 幫個客造假,
造到咁出面, 咁假。我懷疑可能唔係客, 係有關係, 如果唔係為乜要用間公司聲譽嚟咁幫個客造假。
佢哋而家話會嚟去锈, 睇下情況。我相信又係以去锈為名, 到時又唔知做咩手腳。我到時會拍底, 睇下到底又可以去到幾假。
待續………..
發表於 
返回列表
