Re: 奇怪的病~如有內分泌婦科醫生請指教
aprilyu75,
我好明白你朋友的苦況,因為我都身同感受,好明白果種心情,其實真係冇人明白ga, down都不得了!我的經歷比你朋友仲慘呀,係果段時間之前,真係黑到暈,因為開新舗返工唔得嫻上廁所攪到膀胱炎,去睇個醫生,點知遇著個黃綠,明明好簡單一個病,比佢醫到變腎炎,仲攪到差D變腎病,因為當時我係公司附近是但睇個的,鬼知佢咁差啫!後來我發覺腰肚好痛,走返去要求佢寫紙我入私家醫院,點之條發mo話我可能有腎石,但死
都唔行寫紙我入院,仲話比藥我食,佢都傻架,結果罵到佢xx!
後來唔請得假,都要請假睇自己家庭醫生,佢要我即時入院,唔拖得,因為腎臟急性發炎,可大可小,結果醫生同埋我入私家醫院,入院仲要吊針吊抗生素,足足住左十幾日醫院,之後段段續
續入醫院幾次tim,攪攪下變左日日低燒,結果佢轉介我睇私家
專科,點知食藥食到藥物敏感休克入左私家醫院,真係黑到不得了,佢後咪唔敢醫我,轉介我睇政府專科,結果係由急性變慢性腎炎,好彩搵到原因,如果唔係要洗腎就死啦!就係咁我的婚期要一拖再拖,好啦,醫掂呢樣,宜家又有內分泌失調+多囊卵巢症,我諗住和老公生BB,點之又有病,冇咁容易有BB,拖到身體好D,可以結婚,點之上年結婚時,又遇著沙士,真係down到
暈呀!不過宜家我ga晴天開始出來啦,我停左食政府醫生開ga避孕藥一個月,剛剛,好準時來M,希望可以準時有啦同可以怏些中左吧!
你叫你朋友唔好唔開心啦,宜家食藥醫唔好,唔代表冇得醫架,
我都係用左好多時間,方法去醫的,宜家咪一樣有M來,叫佢比
心機,加油,一定醫得返的!
YOYO囡~~17/11/05沙田威爾斯醫院出世....重0.82kg係早產bb~~
Cindy BB~13/11/06 PWH出世...重3.1kg~~