論盡家傭 今日: 4 | 主題: 133737

積分: 376

1^#

發表於 18-10-21 21:10 |只看該作者 |倒序瀏覽 |打印

第一次請工人，我係一名雙胞胎孕婦仲有四個月先生得，全職在家，屋企另有一個2歲小朋友，因為今胎係雙胞胎，所以就一次過請左兩個工人..第一個工人係15號入屋，海外印傭.第二個工人將會係12月到..我地心地善良，唸住對工人好他們就會用心工作..工人來我家六日，第一日大概五點幾到我屋企，我地只要求距吃晚飯後洗碗，第二日我老公放假，我地帶左距出去吃喝玩樂左成日，距基本唔使點做嘢，之後我地又帶距去買新衫，工人又有自己的獨立房，屋企的水果零食任距食，因為我係一名全職在家的孕婦，小朋友我基本唔使工人姐姐湊，餵飯同教小朋友我鍾意親力親為，工人姐姐入屋果日我發現距手汗好大，因為我有少少潔癖，所以我連飯都唔需要距煮，我煮埋比距食，距只需要幫我做家務同洗碗，有時小朋友扭計幫我抱下，食飯永遠都係工人食先，因為我要餵飽阿仔我先食，我唸住當距家人，距用心工作我都無咩所謂
因為我個大仔有番N班，中午12點放學，然後2、3點午睡，我同阿仔一齊訓兩三個鐘，姐姐係呢段時間無咩嘢做，我係cam度見到距上網，我覺得ok，只要距完成自己的工作。平時我係度姐姐會笑臉迎人，好聽話架殷勤，電話唔敢拎出黎。昨晚距黎我家的第五日，我去沖涼，第一次單獨擺低阿仔拜託姐姐幫我照顧住阿仔十五分鐘，點知我沖完涼出來，係cam度睇到距比阿仔玩電話，自己係度發呆對著小朋友無表情無笑容同平時好大出入，我同距講唔可以比小朋友玩電話，因為我地無呢d習慣，對小朋友眼睛唔好，姐姐有同我講sorry。今日星期日阿仔放假，玩得太興奮，唔肯午睡，我老公又不在家，所以我又拜託姐姐幫我照顧阿仔，我想休息一陣，點知係我休息的一個小時裡面，姐姐又全程掛住玩電話，任由我個仔爬上檯係檯度跳，任由我個仔周圍爬周圍破壞亂搞檯燈，距只顧上網，又不停同我個仔影相，又同距D同鄉玩live，又影埋我個仔個樣，我一出房距就收埋電話，但距d罪證比cam影低曬，，事後我比番D罪證距自己睇，距又係講sorry，仲眼濕濕..

好失望，真心換來無責任感，帶住假面具的人，請大家指點一下我應該點做？

0 0 0

私人傳訊

積分: 14425

2^#

發表於 18-10-21 21:31 |只看該作者

THJ 發表於 18-10-21 21:10
第一次請工人，我係一名雙胞胎孕婦仲有四個月先生得，全職在家，屋企另有一個2歲小朋友，因為今胎係雙胞胎 ...

你好少上這個家傭版嗎？

好多你這樣好人的僱主，當工人係屋企人，第一大錯，人哋嚟打工，一入你家門，就當人哋係屋企人，人哋肯嗎？你一廂情願，唔好怪人，唔好意思，我大直接

這情况也好。只是幾天，看清真面目，立即改变策略

唔需帶工人吃喝玩樂，太好人，當你傻的，她們沒有分吋的。屋企食物不準工人隨意攞，你要分配俾佢，俾工作纸。需要嚴厲一些管策，俾多d 工作佢做，每天抹抹抹。訂立規佢

佢眼濕濕，又如何! 唔好心軟。佢哋個個影后上身

私人傳訊

積分: 376

3^#

發表於 18-10-21 21:56 |只看該作者

回覆細姐姐的帖子

我不介意你直接，你都係善意提醒我，我都希望大家可以比多D寶貴意見我。我好少上呢度，個帳號都係剛剛為左打呢篇野先註冊。我要唔要send D 罪證去中介度投訴距？自此之後我發覺自己都唔需要成日對距E起棚牙，距自己蘿黎，抵死。距平時食兩碗飯，今日我話完距距都無謂口食嘢，只飲左一碗湯，唔食就算，我粗身大細煮埋比距食仲想點，不過就扮勤力不停係廚房抹抹抹

私人傳訊

積分: 14425

4^#

發表於 18-10-21 22:06 |只看該作者

THJ 發表於 18-10-21 21:56
回覆細姐姐的帖子

我不介意你直接，你都係善意提醒我，我都希望大家可以比多D寶貴意見我。我好少上呢度 ...

你發現得早，咪好囉!

板起面啱架喇! 總之盡僱主責任，冇餓親佢，有足夠休息就可以

可以叫agent remind 佢工作時不可玩電話，live, 影家中地方，人物，绝不可以

工人現在表面知驚好d, 唔好心軟

我都係煮埋俾工人食，我唔想教，工人係旁邊洗嘢。我出街食，工人就自己煮，我係街食，佢已經做少好多嘢

印。唔食豬，可買定d雞扒，雞翼，雞肉腸之類放雪柜俾佢自己煮，仲有印尼麵。辣椒醬

私人傳訊

積分: 14425

5^#

發表於 18-10-21 22:55 |只看該作者

THJ 發表於 18-10-21 21:56
回覆細姐姐的帖子

我不介意你直接，你都係善意提醒我，我都希望大家可以比多D寶貴意見我。我好少上呢度 ...

你工人海外印，你如何同佢溝通？

英文？廣東話？識咩？

私人傳訊

積分: 376

6^#

發表於 18-10-21 23:16 |只看該作者

辣椒醬、沙爹醬、蝦片、肉...我全部都有提供比距，對呢D人太好，越唸自己越傻仔，我地用少少廣東話、少少英文加大量身體語言來溝通再加畫埋圖比距睇，距成日話明，點知成日做錯嘢我之前都唸住距係新人所以大量包容距，我仲傻仔到怕距放假唔識路走失蹤，親自帶距搭⬅️兩次車去火車站話距知可以係咩出口等朋友，後來距同我講係香港有幾個朋友，朋友識路，頂....來到第三日距電話叉電線壞左，我怕距屋企人萬一有急事聯絡唔到距，我又怕距壞左叉電線照用搞到我屋企火燭，於是我送埋電話叉電線比距，我唸住距工作完同訓覺前同家人聯絡一下好人道，點知仲方便左距，我一轉身就上網仲要帶壞埋我個仔，今日我收番之前自己送比距的叉電線，我叫距自己買一條，限制距每日只可以叉一次電
呢種人真係抵💩，身在福中不知福，不過同時都因為自己太好心先比人地有機可乘，是一個教訓

私人傳訊

vivienfong

積分: 9298

7^#

發表於 18-10-21 23:31 |只看該作者

其實我第一次請工人時也遇過和你差不多的遭遇，但經過多年後的總結是：工人來香港是來打工，不是和你做家人，不要一廂情願，也不要以為你對佢好，佢就對你好，什麼將心彼己，全錯的！大部分只視你家為工作地點，不會愛惜你家中物品，只會浪費、破壞！不偷已是萬幸！視你們是服務對象，全無感情可言！你侍佢好，只會試你底線，越踩越過，至於虛偽，個個都係影后，所以現在待工人不克簿，做好僱主本份，就夠了

點評

MABOMA

發表於 18-10-23 11:38

私人傳訊

積分: 14425

8^#

發表於 18-10-21 23:44 |只看該作者

THJ 發表於 18-10-21 23:16
辣椒醬、沙爹醬、蝦片、肉...我全部都有提供比距，對呢D人太好，越唸自己越傻仔，我地用少少廣東話、少少英 ...

佢哋好多friend，放假去街一定識路，去街市就話怕盪失，我之前有個英文印，放假元朗，湾仔都去到，去街市認路就話lose

我上一個海外印。一到家。問佢有冇親戚，朋友，隔離屋係香港打工，話冇，又係大話，原來佢老公家姐係香港

最緊要鎖好財物，錢銀手飾一定要鍞好,唔好引人犯罪，佢哋偷嘢閒過食飯

點評

MABOMA

發表於 18-10-23 11:39

私人傳訊

Solarflare

積分: 7514

9^#

發表於 18-10-21 23:47 |只看該作者

本帖最後由 Solarflare 於 18-10-21 23:49 編輯

第一日便帶佢吃喝玩樂, 仲笑笑口叫佢呢樣唔使做果樣唔使做。
佢而家以為僱主好好蝦。
你唔彭彭聲丙佢一獲, 好難再樹立太太既威嚴。
我剛剛上星期先柄到姐姐上天花板 (鬧左成個鐘頭)。呢個星期乖左好多。
你要夠惡。否則食唔住工人。
得閒可以比啲小恩小惠佢。但千萬唔好比佢覺得你林善...
信我, 我是工人帶大的, 大大話話有7-8個。對佢地太好, 再遲啲水都唔肯針比你飲 (發生在童年的我身上)。
我曾經當工人姐姐是朋友, 換來的是她回鄉時偷了我辛苦儲錢買的鑽石頸鏈...
唔好相信佢地, 唔好以為佢地識知恩圖報 (佢地不是儒家思想教育), 尤其你要炒姐姐果陣, 記得即炒即送走, 否則佢會有機會偷你野。
做僱主都好多野要學, 加油。

私人傳訊

積分: 376

10^#

發表於 18-10-21 23:50 |只看該作者

回覆 vivienfong 的帖子

收到。同時問下工人放假出街前你地會check bag 嗎，呢個女人雖然自己獨立一間房，但我個仔有D物品係放係裡面，同時姐姐個小朋友同我個仔差不多大，好怕距偷走，從今日開始我的起心肝嚴厲監管，你不仁我不義😡😡

私人傳訊

積分: 376

11^#

發表於 18-10-22 00:03 |只看該作者

回覆 Solarflare 的帖子

你的意見對我來說好寶貴，12月會再黎多一個海外印，好驚距地會蛇鼠一鍋。我唸兩年後完左約我唔會再請外傭了，之後寧願請本地鐘點，第一次出師就不利，無信心同距地同一屋簷下，好假。

私人傳訊

積分: 376

12^#

發表於 18-10-22 00:05 |只看該作者

回覆細姐姐的帖子

係啊，黎香港之前距地已經大把朋友係香港，學壞好容易

私人傳訊

Solarflare

積分: 7514

13^#

發表於 18-10-22 00:24 |只看該作者

THJ 發表於 18-10-22 00:03
回覆 Solarflare 的帖子

你的意見對我來說好寶貴，12月會再黎多一個海外印，好驚距地會蛇鼠一鍋。我唸兩年 ...

請2個.. 你啲情況仲複雜。
我細個屋企都試過請2個, 我記得2個姐姐日日係度狂傾計唔做野的。我媽問佢地點解個地無拖佢地就互相指黎指去。結果又係無人拖地。我阿媽話, 2個姐姐係屋企果段時間, 間屋仲污嘈過得1個姐姐果陣。

建議分工要清楚 (由你分工! 不是他們自已分工! 問責要請楚否則佢地互相指住話以為對方做左, 你就喊咁口) , 唔好比佢地有機會傾計 (例如分不同任務比佢地, 一個係廳時另一個係廚房)。同埋係工作時間禁止佢地 chatting。否則你口口聽到啲印尼文係度bilibala你係會顛。

私人傳訊

macdullbaby

積分: 13825

14^#

發表於 18-10-22 10:57 |只看該作者

要恩威並重，和保持一定距離，善待不等於沒有規矩。關係一定不能似家人或朋友。

私人傳訊

macdullbaby

積分: 13825

15^#

發表於 18-10-22 13:01 |只看該作者

還有，食物、平常日用品不能任用或自取的。例如，麵包一星期可以買兩次，價格相約口味自己㨂⋯⋯有規範中的自由。

私人傳訊

Poyau

寶石宮

積分: 291280

2023年兔年勳章

16^#

發表於 18-10-22 13:07 |只看該作者

回覆樓主:

成日上網用家中wifi?

私人傳訊

Karaqlsc

大宅

積分: 1544

17^#

發表於 18-10-22 13:39 |只看該作者

THJ 發表於 18-10-21 21:10
第一次請工人，我係一名雙胞胎孕婦仲有四個月先生得，全職在家，屋企另有一個2歲小朋友，因為今胎係雙胞胎 ...

本帖最後由 Karaqlsc 於 18-10-22 15:38 編輯

第一日入屋真的要講清楚規矩，我工人來之前我自己列左一張清單。工人來了以後，我教佢做野，但我最多示範一兩次比佢睇，之後就由佢做，做得唔對我再矯正。我唔會同佢講，這個那個唔使做，要靠佢自覺，但我會教佢如何有效率地做野同埋比priority。工人第一次來香港，做錯或者唔係你想要的，一定要出聲，提佢時我都有斟酌吓言辭。我都係第一次請工人，管理工人係一門學問，希望可以幫到你。

私人傳訊

小鈴鐺

積分: 5147

18^#

發表於 18-10-22 15:47 |只看該作者

本帖最後由小鈴鐺於 18-10-22 15:49 編輯

唔好太勞氣住,
大家文化背景, 要求都唔同,
佢地果邊湊細路, 可能就係咁,
海外工人, 第一次出黎做野,
根本唔知工作要求,
你叫佢就做, 唔叫佢做就hea,
邊個打工都會咁,
起馬佢在你面前識收電話.
你無足夠指令叫佢點做野,
唔好真係信佢地有受過d咩training.

工人初到, 要在佢身邊睇佢地做,
話俾佢地聽應該點做, 真係洗潔精落幾多都要示範一次.
唔好以為佢地識, 亦唔好意為佢地會主動做.

俾多d指引佢, 話俾佢知咩情況要點樣做, 睇下有無改善,
未必係你想到咁差.

你黎緊仲會多一個工人, 有d人性格會得寸進尺,
你呢個唔會但難保下一個唔會,
如果有時會買貴野食, 就唔好俾佢地任食你d野,
免得有日自己開你d罐頭鮑魚黎食. (有jm試過)
同佢去超市, 見到d餅乾果d, 問下佢鍾唔鍾意食, 買黎請佢自己食就得.

煮好飯, 拎阿仔食既份量, 其他蓋好,
餵完小朋友先至正式開飯,
唔好習慣俾姐姐咁樣先食,
真係做壞規矩架.

請姐姐最緊要開頭, 佢知你既要求,
做落就大家都方便.

私人傳訊

積分: 376

19^#

發表於 18-10-22 17:07 |只看該作者

回覆小鈴鐺的帖子

你分析得好啱，本來我今日唸過打電話去中介度投訴距，嚇下距，結果我都係無咁做到，想睇定D先，睇下能不能夠磨合。距尋日比我話完之後，好似驚左我，平時我同距有講有笑，今日我扮黑面，望都唔望距，距想同我個仔玩但又唔太敢。距今日放假，六點幾就起床抹塵，我不領情同距講：你今日休息唔使做家務，我唔想犯法（其實我係扮生氣），距答我：係，但轉頭又走去做其他嘢😪😪。最搞笑係，今天第一次放假八點幾出門，中午12點就番到屋企，距明明話約左兩個朋友，我之前同距講夜晚八點半前要番到屋企，距好開心，但我完全無預料到距會早番，其實我唔多想距咁早番，始終未係好慣屋企多左個外人

私人傳訊