嬰兒醫護 今日: 0|主題: 79098

Hello Happy-pp ，健康院嘅免疫接種計劃已經包含衞生防護中心建議BB要接種嘅疫苗，私家醫生就有提供唔同類型嘅混合疫苗，例如5合1﹑6合1，同一D額外疫苗，好似乙型流感嗜血桿菌、口服輪狀病毒等；疫苗可以減低BB患上該傳染病嘅風險，為免重複接種，建議媽媽帶埋針卡，向私家醫生請教有關詳情呀。

初生BB嘅呼吸速度一般比成人快，如果BB有喉嚨分泌，聽落可能會好似呼吸唔順咁，醫院和健康院話無問題，一般都唔太擔心 ! 留意BB食奶或者瞓覺時頸部會唔會摺住令bb 抖氣大聲? 媽媽可以觀察住BB抖氣情況，如果抖氣有"He he" 聲，面色有發紫咁就要同BB睇睇醫生。BB食奶好唔好呀?

如果精神和胃口OK都代表BB無唔舒服，初生BB容易有肚風，建議媽媽可以係食奶前/兩餐中間，5隻手指靠攏掌心微曲，用陰力順時針方向， BB放左D 風出黎先食奶，胃口可能會好D/食得快D，皮膚觸摸亦有安撫BB情緒作用，係好親密溫馨嘅親子活動。