母乳餵哺 今日: 0 | 主題: 85693

積分: 255

1^#

發表於 17-3-18 05:34 |只看該作者 |倒序瀏覽 |打印

初生b 一星期全人奶，雖然奶量ok，不過半夜食得一半掃風後已經瞓著，叫又叫唔醒，瞓一陣就要食過⋯ 我自己好攰，同老公無覺好瞓⋯⋯

好想堅持餵人奶。

朝早雖然有陪月幫手，但係要泵奶同埋谷奶都令我無得瞓超過兩個鐘，好攰好攰。
幾日都有喊，老公見我咁，就問我點解唔餵奶粉，話幾個朋友都係餵奶粉、好快戒夜奶，大家有覺好瞓。點知佢用啲激將法、話唔準餵人奶，話要倒晒我三枝的人奶儲貨，我即刻崩潰！佢都唔明呢啲係我嘅心血，雖然最後無倒到，但佢咁樣講，我好失望！都唔係安慰緊我，好似餵人奶係我錯咁，令到佢都無覺好瞓⋯⋯

0 0 0

私人傳訊回覆引用

中女

積分: 1685

2^#

發表於 17-3-18 06:54 |只看該作者

餵人奶的頭一個月都係咁的，我第一個月未試過訓過超過2個鐘，過左一個月後會好d,你人奶夠已經煩少樣了⋯唔需要追人奶⋯
人奶路上會有不少反對聲音，只要是做媽媽的堅持，無人會阻到你的！大家一起加油！

點評

Chirley

發表於 17-4-5 10:14

私人傳訊回覆引用

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

3^#

發表於 17-3-18 08:19 |只看該作者

比比的媽媽發表於 17-3-18 05:34
初生b 一星期全人奶，雖然奶量ok，不過半夜食得一半掃風後已經瞓著，叫又叫唔醒，瞓一陣就要食過⋯ 我自己 ...

唔知你老公係咪肉痛你咁辛苦, 定係佢太攰. 你一定要同你老公講, 佢唔支持唔緊要, 唔好講埋d 低能野.

初生bb 第一個月係咁, 仲要日夜顫倒, 捱幾個月會好d.

我以前有2個做法:
1. 大仔時我淨係夜晚餵奶粉, 餵左半夜有4-5個鐘大家休息時間. d 奶粉係半夜同出街時至餵, 佢滿月後我慢慢轉番全人奶. 當年留院時 qe 姑娘話, 我太攰咪俾奶粉, 起碼自己有得休息先, 我果陣唔夠奶, 咁做有番d 休息, 反而上到奶, 全人奶到8個月.

2. 二仔三女時我同bb 出廳玩天光. 我老公唔介意半夜湊b 或俾佢地嘈醒, 初初佢有假期梗係冇所謂, 但之後佢要揸車返工, 我都唔想佢咁勞累, 怕有意外. 半夜我一邊食補品, 一邊上網同餵奶, 之後佢地訓響個廳既playpen 度 (幾乎個個初生bb 一放入床仔就爆喊, 訓其他地方或抱住就冇問題. 咁樣我老公有得抖, bb 夜晚又靜又可以全人奶, 我又可以成晚上網清靜下relax 下.

私人傳訊回覆引用

sukito630

積分: 2325

4^#

發表於 17-3-18 12:33 |只看該作者

比比的媽媽發表於 17-3-18 05:34
初生b 一星期全人奶，雖然奶量ok，不過半夜食得一半掃風後已經瞓著，叫又叫唔醒，瞓一陣就要食過⋯ 我自己 ...

我剛生完又係無覺好瞓，不過我無要老公陪我無得瞓，佢瞓隔離房！晚晚得我同小b駁鬥

每晚喂一個鐘、泵一個鐘、瞓一個鐘、3個鐘一個循環。每晚瞓得2粒鐘仲要係斷開既

好睬有請陪月日頭補眠

私人傳訊回覆引用

Piglymeowbb

禁止訪問

積分: 16558

5^#

發表於 17-3-18 19:45 |只看該作者

提示: 作者被禁止或刪除內容自動屏蔽

私人傳訊回覆引用

樂樂mamaa

積分: 512

6^#

發表於 17-3-18 21:15 |只看該作者

比比的媽媽發表於 17-3-18 05:34
初生b 一星期全人奶，雖然奶量ok，不過半夜食得一半掃風後已經瞓著，叫又叫唔醒，瞓一陣就要食過⋯ 我自己 ...

攰就比奶粉啦！我b滿月冇耐，我都足奶架，但都係半人奶半粉，冇咁攰呀，又可以訓耐d比家人餵！生完要休息下，人奶係好好，但奶粉都好足營養架。一開始我都想全人奶，但真係好攰好攰，加上生完頭兩個星期會postpartum blue好唔開心架，成日喊又擔心，老公支持好重要，自己都要識諗！唔好因為餵奶令自己太大壓力，一齊加油呀！！！

私人傳訊回覆引用

littlepigstar

積分: 2985

7^#

發表於 17-3-18 21:54 |只看該作者

比比的媽媽發表於 17-3-18 05:34
初生b 一星期全人奶，雖然奶量ok，不過半夜食得一半掃風後已經瞓著，叫又叫唔醒，瞓一陣就要食過⋯ 我自己 ...

我個bb都係咁，飲得20-30mins左右已經瞓著，叫又叫唔醒，有時風都掃唔到，好似醉左咁，但如果佢食完由佢瞓，佢又可以瞓到3個鐘，所以成日怕佢食唔夠。

你bb每次真係認真啜係幾耐？兩邊定只係一邊？

私人傳訊回覆引用

比比的媽媽

積分: 255

8^#

發表於 17-3-18 23:29 |只看該作者

littlepigstar 發表於 17-3-18 21:54
我個bb都係咁，飲得20-30mins左右已經瞓著，叫又叫唔醒，有時風都掃唔到，好似醉左咁，但如果佢食完由佢瞓 ...

第一晚之後就好少再埋身啜了，陪月叫我每邊15分鐘，又漏到啲衫都濕晒，所以之後都泵出嚟，而家一次兩邊加埋150左右，bb食100ml

私人傳訊回覆引用

chingyan0524

積分: 1208

9^#

發表於 17-3-19 01:14 |只看該作者

回覆樓主：

本帖最後由 chingyan0524 於 17-3-19 01:15 編輯

加油呀！揀母乳呢條路的確係辛苦不過見到佢食飽既滿足樣同埋知道母乳對bb好係值得架
我果陣開始都試過覺得好辛苦直頭係差唔多失眠既狀態覺得好大壓力好辛苦點解訓一陣又要起身不過過左一個月到又會好d架喇我記得我bb 2個星期果陣有次夜晚同bb一齊訓耐左有一餐成4個鐘先食一次我即刻緊張到爆喊好內疚結果果日去健康院醫生同我講二個星期既b同岩岩出世既b又好唔同架喇所以呢！係會愈來愈好慢慢習慣架你有足夠奶量已經比好多人幸運
老公方面認真同佢講一次你既堅持同諗法啦希望佢正面咁支持你學上面jm咁講佢可能真係肉赤你先咁講不過都希望佢會唔好講d負面既說話刺激你我明架開頭我連倒1安我都想喊同我講要倒我幾支奶我都發癲都似要講佢知你既底線有d說話唔好亂講
我開頭餵人奶都好驚嘈親老公同餓親bb 所以一聽到聲秒彈起身餵奶
你有陪月記得把握時間休息可以比陪月做既野就比佢做啦你記住之後仲有好多時間對住bb架自己有足夠休息都好緊要更緊要既係有好既心情呀唔開心對奶量都有影響架！支持你呀！一齊加油！ :mother:

私人傳訊回覆引用

Minipoma

男爵府

積分: 8794

10^#

發表於 17-3-19 21:24 |只看該作者

bb初生一個月時，我叫老公訓住廳先，至少唔駛2個都無覺好訓。

樓主，你bb可以埋身餵奶嗎？如果可以，晚上就埋身餵唔好泵，少啲嘢做，日頭先泵返。

bb大個會食得好啲訓得長啲！我個b全人奶埋身，6個星期大開始訓到5-6個鐘！

加油！

私人傳訊回覆引用

ctwkitty38

積分: 777

11^#

發表於 17-3-20 00:05 |只看該作者

比比的媽媽發表於 17-3-18 23:29
第一晚之後就好少再埋身啜了，陪月叫我每邊15分鐘，又漏到啲衫都濕晒，所以之後都泵出嚟，而家一次兩邊加 ...

give you big hugsss！
我個B 2.5月，我已經要上班（返工pump奶追奶給Bb），半夜都係隔2hr食夜奶，其實我好明白睡得唔好個人好易累，大家的情緒難免會唔好......

其實Bb初期因爲胃細，食得密係正常，因為人奶對於Bb來講，食得快，吸得快，排便/尿都會好密，所以Bb索食都會好密，再所難免爸媽需要大量時間來滿足bB食的需要......

如果你先生明白Bb的身體構造同埋代謝原理可能會無咁抗拒，唔會無啦啦崩潰到話要倒曬你D奶咁激動：（
（如果我老公咁做我肯定同他死過XD）

同埋唔係個個Bb都可以靠飲奶粉就睡天光，我個B就係一個例子，飲左30ml配方奶結果攪到便祕仲要4日後先爆屎片......（汗
如果你真係有能力餵到母乳的其實真係唔好放棄，有需要的找下朋輩母乳媽媽（FB group），集思廣益互相鼓勵下給多D正能量自己

加油媽媽！

私人傳訊回覆引用

艾森

子爵府

積分: 11164

12^#

發表於 17-3-20 00:39 |只看該作者

比一堆母乳資料佢睇，我老公之前又係成日叫我餵奶粉唔好咁辛苦，我講左幾十樣母乳好處，佢都係間中同我講一歲餵奶粉啦......
經過一年時間我周不時比d母乳資料老公睇

依加佢識同d親戚講母乳係好過奶粉

做父母既當然想比bb最好既野，可以比到bb最好既母乳，要努力堅持，我成日同老公講，我辛苦一、兩年，但bb既健康係一世，我覺得幾辛苦都值得

母乳除了能為孩子提供容易消化、份量合適、全面的營養素（如蛋白質、脂肪、碳水化合物、維他命及礦物質等），更含有大量酵素、抗體、活細胞這些奶粉無法複製的成份，是有生命的食糧，能保護、鞏固新生兒脆弱的免疫系統，保護粘膜免受感染，減低患敏感症的風險。而且母乳是十分安全的食物：它溫度適中、新鮮、更會隨著環境中的病原體而反應。
http://www.breastfeeding.org.hk/story/1379

私人傳訊回覆引用

yy315

積分: 411

13^#

發表於 17-3-20 10:43 |只看該作者

回覆 sukito630 的帖子

日頭有陪月幫手真係幫好多，可以補眠，半夜先有精神～
我都係半夜／出街奶粉，而家都儲唔到奶，每泵完一次下餐即刻食晒～

之後返工都唔知點比人奶。。

我都想埋身呀，成日唔知食左幾多，有時BB啜1個鐘仲想啜，都唔知夠竟係咪唔夠～

私人傳訊回覆引用

VIKAZ

積分: 2905

14^#

發表於 17-3-22 03:45 |只看該作者

回覆樓主:

真係要休息吓，唔得就補奶粉，其實真係要面對現實……
我個b2個月大，經驗話我知一定要瞓覺先維持到奶量，
今日我胃痛同發高燒，醫生話啲奶bb唔可以飲，我老公話要倒晒啲奶(300ml)既時候，我都發火同喊……

而家唔止嗰300ml，係嚟緊幾日都要倒……好肉赤，好嬲自己點解食錯嘢搞到病!
我想講，如果休息唔夠就會病，病咗啲奶都要倒/用嚟沖涼，到時會仲唔開心。

頭一個月我都有時要補一餐奶粉，bb重得ok，但嚟緊幾日，bb係要全奶粉……我都好想有人開解我……我媽係咁叫我停人奶添……

私人傳訊回覆引用

KaydenMama

積分: 1260

15^#

發表於 17-3-22 11:02 |只看該作者

我支持你呀!!

頭一個月係最辛苦架, 捱過左就OK架喇~ 我今次第二胎, 比起第一胎辛苦好多, 第一胎既時候唔係好夠奶, 所以我有補奶粉, 到第二胎, 奶量好多, 母嬰院姑娘叫我唔洗補奶粉, 唔好嘥左D人奶。但可惜細佬收左水之後反而仲輕過出世既磅數, 姑娘於是叫我要餵密D, 兩個鐘餵一次。

兩個鐘餵一次真係好痛苦架, 餵完最快都要半個鐘, 再暗返BB訓, 休息一個鐘又再餵過, 嗰陣BB晚晚仲要兩個鐘就要喊食, 勁準時, 我仲記得嗰陣係香港最凍既日子, 我要半夜零度起身餵夜奶, 你都咪話唔辛苦。不過, 我既辛苦係值得架, 到BB滿月既時候, BB生長線由25升到60, 真係好鼓舞, 所以你都唔好放棄呀, 努力, 加油!!

P.S. 我仲記得我連續71日唔會訓多過2個鐘.....呢D日子, 捱過左就OK架喇!

私人傳訊回覆引用

kkk23

積分: 984

16^#

發表於 17-3-22 11:59 |只看該作者

VIKAZ 發表於 17-3-22 03:45
真係要休息吓，唔得就補奶粉，其實真係要面對現實……
我個b2個月大，經驗話我知一定要瞓覺先維持到奶量，
...

我個時坐月咳同發燒，睇醫生先開左d可以餵奶嘅藥，諗住可以繼續餵，但d藥都無用，醫生話不如是食d勁d藥，泵奶唔好餵，等病快d好，心諗都有道理，同埋驚傳染比bb，所以個時停左幾日，全部奶都倒咗，雖然好難過，但都無辦法，唯有睇開d，休息多d，心情好，病都快d好，之後就變得越來越輕鬆啦，要加油呀！

私人傳訊回覆引用

Lavenderjanis

積分: 470

17^#

發表於 17-3-22 20:27 |只看該作者

頭一個月真係覺得要崩潰，但捱過左見到佢健康肥肥白白就咩都抵番哂。係艱難既但要自己俾動力自己唔好甘易放棄。

我出院之後一半人奶一半奶粉每晚訓唔多過兩個鐘，日頭又冇陪月，自己黎至多阿媽幫手睇一陣，每次日頭奶奶上黎見餵完ar B之後佢都仲喊哂，成日都質問我係米唔夠奶俾B食。荷爾蒙反應，每次見到奶奶來我就呢埋係度喊。夜晚又自己一個起身餵同安撫ar B, 怕大聲少少會吵醒第二日要番工既老公。老公扯哂鼻寒訓到勁舒服，但我就釣住魚甘餵奶覺得自己慘慘又半夜喊哂，有時at B岩岩訓著就俾佢死人鼻寒吵醒。仲因為無數既小事鬧爆老公。其實男人你唔同佢講佢真係唔明的，所以你要好好地同佢傾你既堅持。同埋喊得多真係奶都少d....要保持心境開朗。

後來我同老公坐低傾，決定半夜餵奶粉，當時ar B 半夜起身食兩次，甘同老公一人餵一更，爭取訓覺的時間。多左時間訓，心情好，奶慢慢多番。呢個係一個無限loop的循環。相反唔夠訓心情差就會少奶。

到第二個月，就做到全人奶。ar B一覺訓到四五點，果餐老公餵我起身泵奶。開始左半夜呢一泵之後，奶奶就humHum聲甘黎，所以捱眼訓都堅持起身泵。慢慢佢一覺訓到6點，7點，而家三個月，可以訓到8點。

結論是，唸住餵人奶ar B會健康d，不停俾動力push自己。同老公傾下輪流餵俾時間自己訓。保持心境開朗。半夜要泵一次。飲多d 湯湯水水。

加油呀！！！

私人傳訊回覆引用

JpAurora

積分: 987

18^#

發表於 17-3-23 11:48 |只看該作者

回覆樓主:

試下夜晚泵出黎比人餵，我都係日頭埋身，夜晚泵，因為阿b 夜晚食得又慢又密，但用樽餵佢就食得快啲。

私人傳訊回覆引用

jenny0630

積分: 1694

我的育兒心得勳章

19^#

發表於 17-3-23 15:12 |只看該作者

夜晚補奶粉

私人傳訊回覆引用

candy131131