我的情況就係我阿媽係拜祖先同其他偶像既，但我自己一家就係基督徒(我老公都係後來才洗禮的)，我已前都好介意我阿媽做呢d野，有時佢講要咩時候要點點點咁，我都吾係好想回應佢，只係成日同佢講要信耶穌先上到天堂等等，但都無用，只係會佢又吾開心，我地又吾開心，又好似好有隔膜咁，我d細路又係佢湊既，所以後來我都想通左，係因為我地對佢都無愛心，佢又點會被感動呢? 後來我都盡量成日關心佢多d，出街都成日一齊，佢話拜山都一齊去，但就講明吾裝香，佢比既野我地都照食，因為牧師教過我地求神潔淨我地d食物就得，總之同佢講明佢做既野我地一定吾會做，但搬搬抬抬都可以幫下手既，佢想打麻雀我都陪佢，都同佢講明係陪佢先打，然後又求神比我吾好贏錢先至打，我又會成日叫我d細路得閒就要同婆婆講信耶穌先會得永生，又叫佢陪我地返教會(還掂我其他兄弟姊妹都很少叫佢出街，佢地淨係識返黎食飯)，跟住又可以一齊飲茶。好明顯佢都見到我地既轉變，當然我有不停同佢地祈禱啦， 依家每到星期六，佢會比錢我d細路第二日奉獻，最近佢幾個星期都有同我地一齊返教會，雖然佢仲有拜祖先個d野，我都吾知佢點諗，但我會繼續求神早日感動佢會決志信主。我想分享既係，我地要執著同埋堅守我地既信仰，但千祁吾好忽略佐佬人家既感受，亦都吾好張壓力卸比老公，佢做咪尤佢做，避得就避囉，我知好難頂，但如果自己洩底少少，可以幫耶穌搵多幾個人返黎，一定值得既，因為我d朋友無人信我老公係一個會信主既人。真係謝謝主， 藉著耶穌同埋我自己既改變，我都得佐! 不個我仲有好多個家人，所以 "不要怕，只要信"
Train up a child in the way he should go:
and when he old, he will not depart from it.
Proverbs 22:6
發表於 
返回列表
