單親天地 今日: 0 | 主題: 18277

積分: 6308

41^#

發表於 08-10-23 00:03 |只看該作者

咁你而家唸住點呀,任由佢兩個擺佈?

私人傳訊

積分: 6095

42^#

發表於 08-10-23 20:16 |只看該作者

原文章由
溫柔
於 08-10-23 00:03 發表
咁你而家唸住點呀,任由佢兩個擺佈?

我昨天已上律師樓, 搵律師辦離婚手續.
昨天, 一邊搭地鐵去律師樓, 一邊流眼淚, 問自己:點解個家會攪成咁?

上到律師樓, 又要拎張紙巾出來抹眼淚......

一邊聽律師講, 一邊忍住唔好喊......

[ 本帖最後由 sallytamsh 於 09-6-11 23:04 編輯 ]

私人傳訊

小孫女

別墅

積分: 828

7周年華麗國民

43^#

發表於 08-10-24 18:09 |只看該作者

堅強d啦,,我地個個都撐你架,,lee個男人咁衰,要唔要都擺啦...
既然佢地咁對你,你就要面對現實,唔好同佢地客氣唔好比好日子佢地過,同佢分身家啦...支持你!!!

原文章由 sallytamsh 於 08-10-23 20:16 發表

我昨天已上律師樓, 搵律師辦離婚手續.
昨天, 一邊搭地鐵去律師樓, 一邊流眼淚, 問自己:點解個家會攪成咁?
上到律師樓, 又要拎張紙巾出來抹眼淚......一邊聽律師講, 一邊忍住唔好喊...... ...

私人傳訊

積分: 6095

44^#

發表於 08-10-25 01:09 |只看該作者

原文章由
小孫女
於 08-10-24 18:09 發表
堅強d啦,,我地個個都撐你架,,lee個男人咁衰,要唔要都擺啦...
既然佢地咁對你,你就要面對現實,唔好同佢地客氣唔好比好日子佢地過,同佢分身家啦...支持你!!!
...

多謝你們~~
其實, 佢以前同我拍拖時, 真係幾窮, 一來佢家境無乜錢, 二來剛出來做野. 但我無乜要求他買野給我, 更唔會要他買貴野俾我. 因我知他很緊張d錢, 佢都不是大駛, 所以我都唔會點用他的錢.

佢好驚我上去佢學校, 令佢份工受到影響, 佢話:"你知唔知我好多野由零開始架?"
我無奈地問他:"無錯, 你好多野都由零開始, 但那時是誰陪你由零開始?"
男人係咪有錢, 有地位, 就好易變呢?
佢同我講今年輸咗近40萬. 其實, 佢以前唔會賭得咁大, 甚至好慳住賭, 有時只會買幾十元至二百元的馬和波.
但他開始變的時候, 就是他不時買股票, 炒窩輪, 買牛熊......的時候.

可能初頭他賺到錢, 個心"紅"咗......

但d朋友講, 叫我唔好聽他說輸咗近40萬, 可能他講大話, 目的是想你可憐他, 唔想你問他取贍養費.
亦有朋友說:"拋棄糟糠, 沒有好下場. 所以輸錢."
唉, 我和他說, 如果佢可以變返十年前的佢一樣咁對我, 我寧願俾晒我份身家佢...

[ 本帖最後由 sallytamsh 於 09-6-11 23:05 編輯 ]

私人傳訊

小傻瓜

積分: 436

45^#

發表於 08-10-25 12:06 |只看該作者

原文章由 lalaella 於 08-10-16 11:09 發表
你個 case 個女角同早前另一個 topic 好似、同樣行頭窄、惡人先告狀、理直氣壯兼厚顏無恥(不過果個topic 比版主block左)

同樣行頭窄?? 即是甚麼意思?
哪一個topic??

樓主, 個男人又賤, 個女人又賤, 個女人遲d現眼報架!

呢d狐狸精, 專勾人老公, 佢遲早俾人搶返個老公!

你點樣為個c6去諗, 為佢費神, 唔值得架. 啲男人好賤架, 失去後先會珍惜, 或者你個c6遲d先發覺你對佢點好, 你咪當佢走寶囉.

[ 本帖最後由小傻瓜於 09-4-11 21:24 編輯 ]

私人傳訊

mable68

積分: 103

46^#

發表於 08-10-25 13:28 |只看該作者

冇錯, 你老公咁衰, 如果有證據, 告佢通姦, 如果佢有錢, 重要同佢分身家, 留d錢照顧仔女,
做人要向前看, 唔好比d衰男人影響到你, 我們會支持你, 加油!!!!!!

私人傳訊

積分: 6095

47^#

發表於 08-10-26 21:22 |只看該作者

好辛苦呀~~

由於間屋係租的, 所以我要11月底前搬走了~~
我真係唔知點執. 一邊執野, 一邊勾起好多回憶, 好痛, 好痛~~

剛寄短訊給他, 問他點解攪出來的禍, 攪出來的爛攤子, 要我獨自去收拾? 我真係好辛苦, 頂不住了...

他致電給我, 說:"對唔住,...你休息下先, ...你可以唔好執住...我唔係趕你走..."
我問他:"你同個女人一齊係咪好開心?" 他說:"唔係."
我真係唔知點執......啲結婚相同油畫, 都唔知點處理?

[ 本帖最後由 sallytamsh 於 09-6-11 23:06 編輯 ]

私人傳訊

溫柔

積分: 6308

48^#

發表於 08-10-26 22:47 |只看該作者

佢而家係咪同個女人一齊住呀?其實我覺得佢咁同你講只係想氹住你先,等你唔好揚佢D醜事同衰嘢出嚟,無錯要分開既時候真係好難,好痛苦,但你要記住,而家係得你1個人痛苦,我唔係話要你攪大佢,但係錯不在你,但點解佢兩個要你獨自"成"受痛楚呀?

私人傳訊

積分: 6095

49^#

發表於 08-10-26 23:36 |只看該作者

原文章由
溫柔
於 08-10-26 22:47 發表
佢而家係咪同個女人一齊住呀?其實我覺得佢咁同你講只係想氹住你先,等你唔好揚佢D醜事同衰嘢出嚟,無錯要分開既時候真係好難,好痛苦,但你要記住,而家係得你1個人痛苦,我唔係話要你攪大佢,但係錯不在你,但點解佢兩個要 ...

我都唔知佢地係咪一齊住...我老公梗係話無一齊住...
我老公之前都承認那女人上過佢屋企.
我之前用短訊問我老公, 那女人係咪大咗肚? 我老公無覆.
我的朋友都講, 無論佢地是否住埋一齊, 佢地要攪野, 有幾難. 那女人的父母也是教師, 那女人可能暫時都未必敢搬出去一齊住, 但一兩晚唔返自己屋企, 扮入camp呃佢父母都得啦!

講起入camp, 其實都好嬲,

我老公負責攪課外活動, 佢地上年的六年級教育營, 我老公特登編埋一齊帶學生入camp(我覺得係特登, 但我老公話咁啱得咁橋. 佢地真係當人傻架?).
佢地一共有4位老師一齊帶學生入camp, 除了他們兩人, 另外兩個更是他們自己友, 可能那時都知道他們的事. 我老公當晚同那女人出咗camp, 走咗去食宵夜.(有無同那兩個老師一齊去? 我就唔肯定) 點解老師可以自己走咗出camp? 如果佢地兩個靜靜雞求其在camp site搵間房..............都無人知啦! 仲成世界既?

其實, 佢地學校現在都有幾個老師知道此事, 不過係佢地自己友, 所以無揭穿他們. 加上, 我知那女人成日在自己友面前扮可憐扮無辜, 扮晒受害者, 博人同情.

但佢之前同我講:"你地拍拖, 我知; 你地結婚, 我都知......即使無我, 都有第3第4個......"
咁咪即係勾人老公, 攪有婦之夫! 狐狸精, 你唔好當人地傻!

那女人真係好識玩手段...

究竟邊個先至係真正的受害者?

我真係好想話俾全世界的人聽, 話俾佢地學校的家長同學生聽: 你呢隻狐狸精, 唔好再扮上菜了! 送上門, 仲要扮無辜, 仲大話連篇, 你有乜資格做人老師? 教壞學生!

[ 本帖最後由 sallytamsh 於 09-6-11 23:08 編輯 ]

私人傳訊

積分: 6095

50^#

發表於 08-10-27 01:27 |只看該作者

我一小時前致電再問佢, 啲結婚物品點樣處理? 佢叫我唔駛咁急搬走, 十二月先搬都得, 佢話暫時未諗到點樣處理, 叫我放低先.
我再問佢:個女人係咪大咗肚?
佢笑住話:"唔係呀, 痴線咩...我好眼瞓了."

咁係咪即係表示, 佢地其實真係有"咩野"過呀?

[ 本帖最後由 sallytamsh 於 09-6-11 21:43 編輯 ]

私人傳訊

glory911

大宅

積分: 1550

51^#

發表於 08-10-28 00:11 |只看該作者

佢地擺明有性關係ga la
你應該為香港的下一代著想
撕下他們的假面具
你不用抓爛自己塊面ga
忠告家長,校長而以
錯的是他們
她說:she's not your student
看看her students 對她的評價

私人傳訊

new_mother

積分: 392

52^#

發表於 08-10-28 01:16 |只看該作者

sallytamsh,

現在一定很難捱, 真係唔知可以點安慰你. 明白你的傷口很痛, 但這個男人就是回頭, 也是會有根刺. 面前最難攪的, 可能是經濟問題. 希望你捱得過, 大家都支持你.

吳太

私人傳訊

積分: 6095

53^#

發表於 08-10-28 02:36 |只看該作者

好辛苦呀, 真係瞓唔到呀!

12點左右同個c6傾過電話.
我問佢:"究竟我做錯d乜野? 有乜野做得唔好? 點解你之前唔一早坦白話我知, 如果發現有問題, 點解唔可以大家坐低傾, 而要一走了之 ?"
佢話:"你無做錯任何野, 錯的是我! 我覺得很醜, 唔知點樣面對你."
我問:"我真係好想知道我地兩個之間有乜野問題? 我真係好想知, 到此刻, 我都不斷問自己, 究竟個問題在哪兒?"
他答:"我之前都講過, 只係因為我自己貪新鮮. 總之, 我對你唔住."
我問:"但你點解要在你的同事(即自己友)面前說, 你和老婆之間出現問題? 你一走了之, 已經對我好唔公平, 你仲為保聲譽, 在人前講大話, 將個責任歸咎於你我的身上? 難道那女人就無責任嗎? 點解佢可以置身事外, 拍拍屁股就走? 我真係好嬲, 狐狸精就在人前扮可憐, 真正可憐的人是我, 不是她!"
他答:"對唔住, 係我貪新鮮."
我說:"她是狐狸精! 總之, 呢啖氣, 我真係吞唔落! 對我唔公平!"
他說:"係, 佢係狐狸精."
我問:"那你是否已和她上X?"
他沒有回答, 只迴避. 問了他幾次, 他說:"我很眼瞓, 你都休息下吧, 總之, 我對你唔住."

我真係好嬲!

男人咸濕, 我明白!
但點解一個女人, 明知人地有老公, 就用呢種污穢的手段去抓住男人? 自己仲係老師! 仲講大話, 仲反罵我. 我點會唔嬲?
簡直係"世風日下, 道德淪亡"!

係咪一個女人失戀, 無男人, 就大晒, 勾人老公, 仲扮無辜, 扮受害者? 如果你係受害者, 你不如報警, 話我老公強x你吖! 狐狸精!!

[ 本帖最後由 sallytamsh 於 09-6-11 23:09 編輯 ]

私人傳訊

happy168

禁止訪問

積分: 12333

好媽媽勳章

54^#

發表於 08-10-28 13:24 |只看該作者

提示: 作者被禁止或刪除內容自動屏蔽

私人傳訊

可樂魚

王國長老

積分: 1906

王國長老

55^#

發表於 08-10-28 18:30 |只看該作者

sally:

希望妳唔好介意我講得好白, 妳老公呢種人,唔可以用一句"男人鹹濕, 我明白"就咁帶過.

唔好將個錯放在出面個女人身上,唔係佢都可能係第二個.

妳老公係最冇良心, 最衰既男人, 佢口口聲聲對妳唔住, 但寧願繼續同第二個女人上床. 換句話說: 得把口. 係真係覺得對妳唔住就斬纜, 唔應該再繼續落去.

妳再鬧呢個女人, 再憎佢都冇用.
妳再問妳老公有冇同人地上床都冇用, 答案好明顯係有.

妳唔放低呢個男人, 妳唔會有好日子過.

我而家已經見到兩個同事, 由老公有女人開始, 點樣返工都近乎精神崩潰到而家企返起身, 勇敢做人, 第一個已經完全放低個男人,仲話送俾佢都唔會要. 第二個仲掙扎緊, 但佢已經好叻, 重新妝扮自己, 努力做人.

我最唔想見到女人為一個賤男人糾纏痛苦自憐, 勇敢d! 一個咁既男人唔值得妳流淚,怨恨. 冇左男人, 女人一樣可以好好地生存落去!

妳做得到!

私人傳訊

csc_y

積分: 280

56^#

發表於 08-10-28 20:28 |只看該作者

你個老公真係好賤.
個女人又真係好cheap.

呢個世界無男人咩? why狐狸精係都要攪人老公? cheap.

明知人地有老公都痴埋去, 呢d女人, 都唔方有矜持啦!:;pppp:

[ 本帖最後由 csc_y 於 09-4-11 19:40 編輯 ]

私人傳訊