Baby Kingdom - 親子王國 香港 討論區 › 首頁 › 懷孕前後› 有啡色野流, 應該點做?

懷孕前後

收藏本版
發帖
返回列表
跳至頁

首頁
1

尾頁
   0
dorismyw


民房

積分: 25


1#
發表於 04-5-24 13:04 |只看該作者

有啡色野流, 應該點做?

各位姊妹, 你地好!

借問聲, 若發現有啡色野流, 應該點做好?

我7週時因有小小啡色野流, 入左瑪嘉烈, 第2-3日流得愈來愈多, 第4日就小產左. 現在巳收拾心情, 部署再次懷孕.

想問點解有D姊妹唔駛入院, 係屋企訓床, 都可以保住BB, 而我入e院都保唔住.

真係好擔心若再次懷孕, 若再次有野流, 唔知點做? 好大陰影呀!

麻煩晒!

my
私人傳訊

mrs.so


公爵府

積分: 29591

畀面勳章 環保接龍勳章 hashtag影視迷勳章


2#
發表於 04-5-24 13:15 |只看該作者

Re: 有啡色野流, 應該點做?

如果你見有野流入政府醫院佢地一定等你流產，最好搵私家醫生檢查下先啦，我有個朋友個CASE好似你，佢又係第一胎見紅，入左威記結果醫生比藥佢食幫佢流產，話BB保唔到，而家第二次懷孕佢心情好驚，我叫佢去睇私家醫生，講前科比醫生聽，醫生叫佢最好頭三個月儘量瞓床，如果見紅見啡就比電話醫生，叙述情況，唔好入醫院住，佢話會儘量幫佢保住個胎，我覺我個醫生幾好，比著政府醫院一早叫你唔好要嗱!
私人傳訊

ShinTeresa


侯爵府

積分: 20956

好媽媽勳章


3#
發表於 04-5-24 13:24 |只看該作者

Re: 有啡色野流, 應該點做?

Hi doris,
如果你見紅見啡, 記住唔好去政府, 先搵個 私家 check 下先, 有d 私家醫生有葯食可以保住個胎, but 就一定要瞓床, 起碼一個禮拜, but if 留到個b, 瞓一個禮拜都冇問題 la , take care la ~~
私人傳訊

dorismyw


民房

積分: 25


4#
發表於 04-5-24 13:32 |只看該作者

Re: 有啡色野流, 應該點做?

Mrs. So,

多謝你回覆我. 因為個日係公眾假期，搵唔到ｅ生，好驚，所以第一時間入院．係呀, e院淨係幫我keep住檢查, 次次唔同醫生, 話冇藥食, 又冇話我聽情況點, 只係叫我留意住流量, 若發現有大舊血塊就要話俾姑娘聽，佢地只係等我自然流產，根住就話要我做刮宮手術．

我好後悔，因為自己冇經驗，太老定(冇諗過咁容易小產)．一心想生個MonkeyBB，而家巳經趕唔到．好sad.

私人傳訊

ShinTeresa


侯爵府

積分: 20956

好媽媽勳章


5#
發表於 04-5-24 13:41 |只看該作者

Re: 有啡色野流, 應該點做?

Hi Doris, 你唔好甘難過 la, 仲有大把機會, 我聽人講而家好多女士都會甘, 對你第二時再懷孕係冇影響 ka, but 你一樣要補番, d 人話當生左一次, 要好似生完甘補番牙~~
私人傳訊

dorismyw


民房

積分: 25


6#
發表於 04-5-24 13:49 |只看該作者

Re: 有啡色野流, 應該點做?

Hi Teresa,

多謝你呀!

我而家係街度見到D大肚婆同有小ｂｂ既媽咪就會好妒嫉佢地呀，點解人地咁順利既，而自己就．．

．．．我會繼續努力架喇! 係呢度真係學到好多野呀!
私人傳訊

EMILYKEN


洋房

積分: 48


7#
發表於 04-5-24 14:00 |只看該作者

Re: 有啡色野流, 應該點做?

你放心同我你既case一樣呀 我好知你心情 我又係第一胎保唔住呀 第二胎即是今次我訓床都訓左個幾月呀 你最緊要睇醫生既 現在我紀經8個月啦 7月份就生啦 其實我都現在都有少少陰影 只要有朋友同老公支持個心都好定好多架啦 你唔好甘擔心呀
私人傳訊

dorismyw


民房

積分: 25


8#
發表於 04-5-24 14:19 |只看該作者

Re: 有啡色野流, 應該點做?

Hi Emily,

咁你係咪一confirm有左就開始訓床呀? 咁你有冇做野架?

我當初唔知道要咁樣訓床法架, 當自己未懷孕一樣, 個派我媽媽又入左醫院, 好多時要去醫院探佢, 成日企, 又踎低企高幫佢較床, 幫佢做運動咁, 好大動作. 晚晚仲好夜訓. 一句講晒, 冇經驗咯.

祝你7月生個健康精靈既Monkey BB! (好羨慕你呀!)
私人傳訊

honeybbho


複式洋房

積分: 370


9#
發表於 04-5-24 14:30 |只看該作者

Re: 有啡色野流, 應該點做?

dorismyw
有情況流啡色野係signal, 要多休息安胎, 未必胎兒有事, 見紅就　”可能”有事．　我好明白妳的心情, 我都發生過同妳一樣的情況（仲差過妳）, 身邊好多朋友第一次都唔成功, 第二次先ok, 我都建議妳先調理好身體, 3-6個月后再試, 不過揾個好d的私家e生, 雖然話可以打針食安胎藥, 但最緊要還是妳的身子, 心情（盡量放鬆，減少自己比自己壓力）, 休息（工作唔好太緊張，隨時可以請吓假休息）.
唔好想太多了，什麼年都好！最緊要到時一切平平安安．
ｐｓ唔好飲凍野(傷腎, 對子宮唔好)
私人傳訊

dorismyw


民房

積分: 25


10#
發表於 04-5-24 14:42 |只看該作者

Re: 有啡色野流, 應該點做?

Thanks, honeybbho. 我完全收到晒!

你介唔介意share下你上次既經驗, 唔好意思呀!
私人傳訊

EMILYKEN


洋房

積分: 48


11#
發表於 04-5-24 15:14 |只看該作者

Re: 有啡色野流, 應該點做?

hi dorismyw
唔好羨慕我 你都可以架 我第二胎頭一個月都無野呀 但係度左兩個月呀 又見紅我真係好驚呀 上次有甘 之後我去睇私家醫生話如果你要呢一個bb 希望你盡量唔好返工 我立即辭職要放棄份工呀 我之後係屋企足足一個半月未出個街 淨係訓係張床度呀 不斷有睇中醫同西醫 所以你都可以收拾心情將過去既野忘記 再來過 你放心啦
私人傳訊

dorismyw


民房

積分: 25


12#
發表於 04-5-24 15:21 |只看該作者

Re: 有啡色野流, 應該點做?

Hi Emily,

咁你上次見紅有冇入e院呀? Or淨係係屋企訓床呀? 見紅左幾多日呀?

對唔住呀, 問你地咁多野, 因為我真係想攞多的經驗呀!

Thanks.
私人傳訊

EMILYKEN


洋房

積分: 48


13#
發表於 04-5-24 16:44 |只看該作者

Re: 有啡色野流, 應該點做?

唔緊要架 你問我 我仲開心啦 有識多個朋友呀 我無入院呀 我淨係去私家睇呀 我先頭見紅成兩日斷斷續續 之後係屋企安胎都有少少架 我好信得過我個個醫生甘講我咪照甘休息 現在至今都ok呀 所以你放心啦 唔好過份擔心啦 我先頭有左心態都好似你甘架
私人傳訊

mrs.so


公爵府

積分: 29591

畀面勳章 環保接龍勳章 hashtag影視迷勳章


14#
發表於 04-5-24 16:47 |只看該作者

Re: 有啡色野流, 應該點做?

最緊要放鬆心情，同bb一切努力。
私人傳訊

honeybbho


複式洋房

積分: 370


15#
發表於 04-5-24 17:13 |只看該作者

Re: 有啡色野流, 應該點做?

dorismyw

經驗太多好難講，又唔想妳想太多唔好的方面（唔好嚇親妳）經驗所得．．．出外帶多件外套唔好冷親，最好有問題就揾私家ｅ生，唔好緊張（會成個人連子宮都拉緊哂），盡量ｂｅｄｒｅｓｔ，初期有好多野仲要留意，可以睇多ｄ書或上網搜查．
我ｅ生講得好好，由受精，分裂，著床，成長，過程好奇妙，當中任何時候都可以受內外影響而出錯，所以胎胎都係獨立ｃａｓｅ，最重要還是心理的準備ａｒ！！！
私人傳訊

chingchingmom


大宅

積分: 2478


16#
發表於 04-5-24 17:23 |只看該作者

Re: 有啡色野流, 應該點做?

dorismyw:

希望你不要為上次沒有看私家醫生，感到後悔或內疚，因為你已經去看了醫生，雖然等候時間較長，但不會因而影響胎兒的。這是以往一篇報道的主要內容，給你參考﹕

「孕婦作小產的機會不算低，最少有15至20%曾經驗流血。若胎兒健康，縱使孕婦曾作小產，亦不會真的小產，同時胎兒的成長與出生，並不會因而多了問題。故此，「作小產」應立即就診，由婦產科醫生進行超聲波檢驗，檢查胎兒大小是否符合胎齡、有沒有心跳、位置是否正常（例如是否宮外孕）、孕婦的子宮與卵巢有沒有問題等等。若檢查後發覺完全沒有問題，胎兒正常，孕婦流血亦不多，只要照常覆診便可。

「作小產的慱統治理方法，是教孕婦臥床休息，但目前沒有科學證據，證實臥床休息絕對能保住胎兒，因為最後若小產，多數是因為胎兒本身出現問題，例如與染色體、遺傳等有關，而臥床不會令基因有任何改變，故幫助甚微。不過作小產的孕婦應該休息，或作任何高危動作等。上廁、洗面、出外散步這些活動則一般沒問題。

「至於傳統的安胎藥則為孕激素。其實只有極少數孕婦因本身荷爾蒙有毛病，或非正常受孕（如人工授精），身體才未能製造孕激素，令子宮收縮，引致作小產。這類孕婦比例甚低，大部分孕婦服藥後，對心理幫助比生理更大。」

祝你心想事成呀﹗
私人傳訊

elleray


複式洋房

積分: 222


17#
發表於 04-5-24 17:23 |只看該作者

Re: 有啡色野流, 應該點做?

我個朋友有同樣經驗，最近半夜勁咳到見紅(其時約7週), 天朦光去瑪嘉烈, 結果等左幾個鍾急症室d e生先睇佢, 最慘係睇完一個到一個, 個個都唔識婦產科, 又唔比葯佢止咳, 開頭仲叫佢番屋企, 後尾有個稍為senior d要佢留院, 之後就插條管入陰道話睇
Elleray
私人傳訊

dorismyw


民房

積分: 25


18#
發表於 04-5-24 18:11 |只看該作者

Re: 有啡色野流, 應該點做?

各位, 多謝晒你地既回應呀, 俾左好多資料我呀!

elleray,
我上次入瑪嘉烈時, 日日都有不同既醫生同我做陰道檢查呀, 照超聲波咁, 都係搞到我好痛, 第2-3日D血就愈流愈多喇. 有個醫生仲係我陰道抽左一D組織去驗, 話如果係胎盤組織, 即係有小產跡象, 個報告未出, 第日照陰道超聲波時, 另外一個醫生巳經話見唔到個水囊, 他表示我巳小產, 叫我簽紙做刮宮, 知道消息後, 我巳不懂反應, 只好照簽. 及後, 我不斷在想我是不是真的小產了, 我信不過這些醫生, 信唔過部機, 另外個化驗報告又未出, 我姐姐又想我試試睇中醫, 我唔想咁就冇左個B, 我就同醫生講唔做手術住, 點知個俾個醫生閙左我一大"餐"....諗番都覺得自己好傻, 點都唔肯接受現實.

我而家心情巳經恢復喇, 好彩有你地聽我講野, 我唔敢同我家姐佢地講, 佢地好擔心我.

再次多謝你地!
私人傳訊

chingchingmom


大宅

積分: 2478


19#
發表於 04-5-24 19:14 |只看該作者

Re: 有啡色野流, 應該點做?

dorismyw:

我上次8周幾無左，係去瑪麗睇，我覺得公立醫院都未必好差。雖然係急症室等好耐，但之後follow-up都好好，最初唔駛入院，確定silent miscarriage（胎size6周或以下，胎囊略為變型，沒有胎心跳）後至要入院，用藥等胎兒自然排出，唔駛做手術。雖然後好唔開心，好失落，但我真係相信，如果胎兒發育不正常，佢要自然流失，都無辦法，又或者長遠來講，仲係比較好的。我當時出院後，助養了一個中國小朋友，我希望雖然小胎兒沒法成長，但因為佢，有一個小朋友有了一個新機會。
私人傳訊

dorismyw


民房

積分: 25


20#
發表於 04-5-25 10:25 |只看該作者

Re: 有啡色野流, 應該點做?

Dear chingchingmom,

多謝你的回應. 世界上真有很多事情是我們無法去控制的, 是我的始終是我的, 她/他要走, 可能對大家都是好.

我會盡量忘記過去, 期待健健康康BB的來臨.
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見