吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 你會介意嗎???

夫婦情感今日: 2|主題: 42454

收藏本版

發帖

返回列表

跳至頁

查看: 2679 | 回覆: 21

你會介意嗎??? [複製鏈接]

kchy

複式洋房

積分: 418

1^#

發表於 08-6-22 02:56 |只看該作者 |倒序瀏覽 |打印

尋日, 我去左老公公司幫手做野, 係我第一日放手將個女俾6299睇住.. 做到1:30pm, 我就同老公講, 我要返屋企煮野俾個女食, 之後佢就話, 佢地同囡囡出左去喎~ 之後我話, 咁我都要返去煮野俾個女食架? 佢就問, 你係咪唔想做者?? 我話, 我無話唔想做, 但我之前已經同你講左我會返屋企煮野俾囡囡食架啦~ 之後佢就好唔鍾意咁講左句, 你鍾意啦~ 之後就行開左! 咁我就楂車返屋企喇!

整件事睇落好似無乜野, 但我真係好介意, 我無expect到佢地會同囡囡出去, 就算出去, 都唔係一個問題, 係咪應該打俾我同我講聲呢? 佢地打俾老公, 老公又係咪應該講聲我聽, 而唔到到最後我堅持要返屋企既時候先同我講佢地同囡囡出左去呢? 中途仲要不斷地遊說我係公司, 我已經同左佢講我會返屋企架啦~ 個時佢都唔同我講佢地同囡囡出去~ 到最最後都同我講? 佢咁既做法, 會令我覺得佢有心唔同我講.. 到而家呢個moment, 我真係好介意佢地既做法~ 第一日放低俾佢地就攪呢d野, 我真係唔知仲有幾多信心去信任佢地~ 本身我已經唔太信任, 經過聽日件事, 就令我更加唔放心~ 我已經讓左好大步, 我嘗試去放手俾佢地湊, 最後呢? 最後竟然變成咁~ 亦都因為咁, 老公又嬲左我!!!! 我如果無心幫佢, 就唔會去公司, 點解佢會覺得係我有問題, 而唔係佢有問題呢? 點解次次都因為呢d問題而嬲我?

** 好想問一句, 你會介意嗎? **

我真係好想講句, 已經一齊住, 日日一齊食飯, 日日見, 咁仲唔係陪佢父母嗎? 再係咁, 我只會愈黎愈覺得厭惡~~~~

0 0 0

私人傳訊

lovelybearbear

大宅

積分: 2022

2^#

發表於 08-6-22 08:03 |只看該作者

原文章由 kchy 於 08-6-22 02:56 發表
尋日, 我去左老公公司幫手做野, 係我第一日放手將個女俾6299睇住.. 做到1:30pm, 我就同老公講, 我要返屋企煮野俾個女食, 之後佢就話, 佢地同囡囡出左去喎~ 之後我話, 咁我都要返去煮野俾個女食架? 佢就問, 你係咪唔 ...

比著我, 我會覺得你大反應左d o羅. 你都話已經日日對住, 日日
o係一齊, 即是話你6299都好知你囡囡習性同食d咩, 你咪當放一日假, 同老公食下lunch再陪佢做埋下午o羅, 你老公可能都好想同你拍下拖, 你o甘都唔明.....

聽你o甘講, 你真係24小時o係個囡身邊...多d takecare 個老公啦, 老公至係你"終身"伴侶呀, 我都有倆個小朋友, 唔係叫你唔鍚個囡, but 唔駛o甘緊張o羅, 你老公, 6299都會怕左你嫁. 唔通, 佢地真係會害個孫咩, 有意外佢地都唔想嫁....

單單呢件事, 我會buy你老公 & 6299. 如有不開心的, 當我沒有說過. 忠言逆耳.

私人傳訊

木馬

禁止訪問

積分: 5390

3^#

發表於 08-6-22 09:58 |只看該作者

提示: 作者被禁止或刪除內容自動屏蔽

私人傳訊

babykit

大宅

積分: 1217

4^#

發表於 08-6-22 10:33 |只看該作者

你的反應真係令人吾敢同你講架．．．除非你老公想同你嘈交啦！講真6299同個孫出下去真係無咩問題,你是否因為無同你講而反感呢?還是曾經發生過其他事令你無咗安全感呢??

私人傳訊

小manman

翡翠宮

積分: 81626

5^#

發表於 08-6-22 11:11 |只看該作者

原文章由 kchy 於 08-6-22 02:56 發表
尋日, 我去左老公公司幫手做野, 係我第一日放手將個女俾6299睇住.. 做到1:30pm, 我就同老公講, 我要返屋企煮野俾個女食, 之後佢就話, 佢地同囡囡出左去喎~ 之後我話, 咁我都要返去煮野俾個女食架? 佢就問, 你係咪唔 ...

好老實講,我都知忠言逆耳,但你上得黎問人介唔介意,我都想講真說話~~~

如果係我,我係唔會介意~~~
相反,我單單就咁睇呢件事,我個人覺得你係度小題大做~~~

第一,你同62+99一齊住,佢地都好清楚你同女女的生活習慣,況且,你女女係佢地個孫,斷估佢地都唔會唔鍚你個女,點解只係一日都咁緊張???攏明你就唔放心,亦唔信任佢地,如果我係你老公同6299都唔會鍾意你咁樣~~~

第二,你比得佢地湊,咁佢地都要落街買下野or食野掛,佢地係你長輩,你使唔使要佢地落下街都要向你報告???

第三,依架好似係你需要佢地幫忙,佢地都唔係老馮要幫你,佢地幫左你,你唔該都無聲仲好似責怪佢地咁,我係佢地都怕鬼左你~~~

第四,你老公叫得你返公司幫手,你就應該全情投入去幫佢,你有無擺個心出黎幫佢,你估你老公感受唔到咩???

我好明白為人父母一定緊張自己的仔女,但緊張還緊張,都要係適當的時候放鬆一d,你呢d咁緊張的舉動,真係令人怕左你,況且,都係一餐半餐姐,你女女有你6299照顧,你應該當放自己一日假,同老公享受下二人世界撐下擡腳~~~

如果就咁睇,我諗自從個女出世之後,你緊張個女多過你老公,男人都需要我地去關心架!!!

私人傳訊

colinhoc

別墅

積分: 535

6^#

發表於 08-6-22 11:19 |只看該作者

原文章由 kchy 於 08-6-22 02:56 發表
尋日, 我去左老公公司幫手做野, 係我第一日放手將個女俾6299睇住.. 做到1:30pm, 我就同老公講, 我要返屋企煮野俾個女食, 之後佢就話, 佢地同囡囡出左去喎~ 之後我話, 咁我都要返去煮野俾個女食架? 佢就問, 你係咪唔 ...

我係人老公, 嘗試用另一個角度去分析件事.

首先, 尋日星期六, 你都仲要去你老公公司幫手做野, 又係第一日肯放手將個女俾6299睇住, 代表咗你老公單嘢好趕.

到1:30pm, 你同老公講, 要返屋企煮野俾個女食, 代表咗單嘢未做完.

單嘢又趕又未做完, 佢想你幫佢做埋, 中途仲要不斷地遊說你留係公司幫手, 都係人之常情姐. 唔好俾我講中, 今日你老公分分鐘返咗公司繼續.

整件事, 我個人有以下推測俾你參考, 唔高興嘅就講聲對唔住, 當我冇講過:

一開始, 我相信你先生已經明白佢單嘢有幾趕, 有幾煩, 所以先敢有勞總經理(你)放低"董事長"(你囡囡)俾"佢d亞四"(你6299)照顧, 出山幫佢手. 你都知下級要求上級做嘢, 預咗有說話聽加有手尾跟. 唔係打到埋身都唔會咁做(至少我唔會).

好可能, 你先生一早同佢d亞四講定如果我哋幾點唔返, 你哋就好同董事長出去食嘢, 唔係總經理會怪責佢. 所以根本無人通知你先生佢都知, 因為係佢安排. 唔係佢d亞四唔尊重你, 而係佢d亞四唔知道唔係總經理你嘅吩咐. 係你先生安排得太妥當. 俾著我係佢, 我都一定假傳聖旨, 先斬後奏.

如果係咁, 佢d亞四又真係無辜o架.

條事係你老公錯, 罪狀如下:
1. 太愛錫你, 升咗你做總經理, 佢做你伙計.
2. 死都唔講清楚比你聽, 單嘢有幾趕同幾緊要.
3. 假傳聖旨, 先斬後奏, 要佢d亞四食死貓.
4. 諗住尋日可以趕哂d嘢, 今日可以陪你同個囡, 又無書面通知或新聞公告, 你點知.
5. 最緊要係雖然男人事業為重, 但係激嬲老婆無即時安撫.

以上各罪, 罪罪不輕, 念在佢都係為咗屋企, 請閣下從輕法落, 輕判終生家庭服務令算啦.

私人傳訊

木馬

禁止訪問

積分: 5390

7^#

發表於 08-6-22 11:27 |只看該作者

提示: 作者被禁止或刪除內容自動屏蔽

私人傳訊

wmpl

大宅

積分: 3000

8^#

發表於 08-6-22 11:43 |只看該作者

我介意架，如果６２９９同我老公成日都係咁嘅話，話晒個女係我生家嘛，有咩事都有責任同應份要知家嘛～～但係雖然我好明白點解你會咁大反應，但係明白唔等於認同，同埋同意你係做得啱囉～～

首先我覺得喺哩件事上面，你淨係ｆｏｃｕｓ咗喺你６２９９唔通知你一聲就帶你個女出去玩及你老公唔到最後都唔出聲，不過你一時火遮眼，都好難話要你好冷靜咁去處理，所以你經一事就長一智，以後講嘢都諗真啲人哋係咪有心為難你或故意令你唔開心先至好講，咁就可以少好多無謂嘅誤會同爭拗～～

唔好成日都諗到人哋係有心令你難過嘅，咁你以後做人都會開心好多同可以更冷靜客觀地去做人處事，況且你唔好只係企喺自己個角度諗，都要為你老公着想吓，如果自己個阿爸阿媽問可唔可以帶自己個女出去玩，佢下下都回應佢兩老話要問過個老婆先，咁樣係咪好老土呢？咁佢又係做得唔係幾啱，決定咗仲帶埋個女出街你唔問到都唔同你講，哩一點又係佢嘅問題～～

所以我覺得你應該好好咁同你老公講一次，話俾着邊個做阿媽嘅知道咗自己個女俾人帶咗出街玩都完全唔知，仲要連自己個老公明明都知嘅都唔同自己講，第一時間一定會好大反應，希望佢會體諒你嘅心情，唔係唔俾６２９９帶阿女去街，但最少都要有個知字，所以喺哩件事上面唔係邊個啱，邊個錯嘅問題，而係你兩公婆溝通得唔好啫，真係一件好小嘅事，唔好為咗一事之氣就嬲得咁緊要啦，女人嬲得多個樣好易老架，兩公婆仲有成世溜溜長要對住架，溝通得唔好就以後仲有好多無謂嘢要嬲，真係嬲死都未天光，做人為咩要揾自己笨實啫？你嬲死佢哋都唔會少咗忽肉又唔會食唔落飯架啦，係咪？！

私人傳訊

kumara

大宅

積分: 4280

9^#

發表於 08-6-22 11:55 |只看該作者

如果我係你就唔會介意,你俾人湊得就預咗.
唔通你6299做過乜都要打電話俾你報告.

私人傳訊

babyhowie

水晶宮

積分: 65673

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

10^#

發表於 08-6-22 11:58 |只看該作者

原文章由 colinhoc 於 08-6-22 11:19 發表

我係人老公, 嘗試用另一個角度去分析件事.

首先, 尋日星期六, 你都仲要去你老公公司幫手做野, 又係第一日肯放手將個女俾6299睇住, 代表咗你老公單嘢好趕.

到1:30pm, 你同老公講, 要返屋企煮野俾個女食, 代表咗單 ...

如果我老公有你咁幽默，我唔介意！

俾多個GOOD你

私人傳訊

SASA滾

禁止訪問

積分: 1687

11^#

發表於 08-6-22 12:06 |只看該作者

提示: 作者被禁止或刪除內容自動屏蔽

私人傳訊

colinhoc

別墅

積分: 535

12^#

發表於 08-6-22 12:25 |只看該作者

多謝你, 主要我係一個小男人, 又無事業心, 如果連把口都冇埋, 淨得亞B留住個老婆似乎危d.

原文章由 babyhowie 於 08-6-22 11:58 發表

如果我老公有你咁幽默，我唔介意！
俾多個GOOD你

私人傳訊

琋琋BB

男爵府

積分: 5585

13^#

發表於 08-6-22 13:31 |只看該作者

真係好小事
如果咁都嬲咁都介意
我覺得妳好難同佢地再相處落去囉
我唔知道妳6299做左D咩令到妳咁無信心
但係我覺得妳過份緊張左

私人傳訊

sandy1425

珍珠宮

積分: 41032

好媽媽勳章大廚勳章

14^#

發表於 08-6-22 14:00 |只看該作者

比我幫得老公手做野,我會訓身去做,bb有62,99睇住我會放心(放心過比工人先)屋企野我吾會太上心住...我雖然吾係帮c6做野,但我都有工作,上班時間我真係好小打返屋企,自己打份工都要投入,帮自己老公更加要訓身la,

私人傳訊

54heima

水晶宮

積分: 55644

15^#

發表於 08-6-22 16:03 |只看該作者

我会介意...但我们也要体量...有时男人多也做或是工作时间好长...会好猛...讲D说话就会顾唔到太太的情绪...互相忍让...

私人傳訊

onon1022

子爵府

積分: 12543

好媽媽勳章

16^#

發表於 08-6-22 23:54 |只看該作者

其實算啦...佢地唔同你講...係知道你唔鍾意佢地帶小朋友出街...你可能覺得帶小朋友出街...應該打電話同你講聲...但係係佢地既角度...驚打比你同你講...你會反對佢地帶小朋友出去...最重要佢地睇實同照顧小朋友...你話佢地出街只係同你老公講...唔同你講...咁你有無諗過...假如你父母帶小朋友出街...都係只會同你講...唔會同你老公講...其實好正常...因為個個係佢個仔...講說話都方便d...

[ 本文章最後由 onon1022 於 08-6-22 23:56 編輯 ]

[url=http://lilypie.com][img]

私人傳訊

kchy

複式洋房

積分: 418

17^#

發表於 08-6-23 06:53 |只看該作者

好多謝大家講呢d真心說話我聽.. 冷靜落黎, 我都明白大家所講既野.. 的確係我過份緊張左d..
其實我唔係話嬲或者介意6299咁做, 只不過我覺得至少都講聲我知(至少老公知既時候講聲我知丫嘛~), 唔使等我最後返到屋企先知道個女去左邊?? 我亦都有諗過, 如果係我父母帶個女出去會係點, 我都講聲老公知, 而唔係到最最後先講~

的確.. 當囡囡出世後, 佢地做左一d野令我覺得唔太鍾意既野, 可能佢地覺得唔係一個問題, 我亦明白到佢地係出自關心, 我亦知道, 囡囡都係佢地個孫, 所以, 呢d都無同老公講過, 同時, 我相信佢都唔覺得係一個問題~ 亦可能因為好多野我都收埋係個心度無講, 令到問題愈黎愈大.. 相反, 我都有諗過, 如果所有野都係由我屋企個邊做返呢d角色, 我老公同樣唔鍾意..

其實好多時, 我都唔知應該點同老公傾呢d問題, 可能我自小係一個唔多講野既人, 唔識去表達自己, 好多野都諗住, 算啦~ 由佢, 唔想拗.. 所以先攪到而家咁~~

可以俾d意見我, 我應該點樣同老公係呢訪面溝通嗎?

PS: 多謝大家同我講真心說話.. Thanks for ALL!

私人傳訊

colinhoc

別墅

積分: 535

18^#

發表於 08-6-23 07:12 |只看該作者

回覆 #17 kchy 的文章

"其實好多時, 我都唔知應該點同老公傾呢d問題, 可能我自小係一個唔多講野既人, 唔識去表達自己, 好多野都諗住, 算啦~ 由佢, 唔想拗.. 所以先攪到而家咁~~"

呢一方面你同我太太好相似, 幾乎一樣, (老婆如果你睇到千萬唔好嬲, 我幫人喳, 唔係話你), 好多時問佢, 佢都唔知點同我講, 我都好火

有次真係好唔開心, 又唔想嘈, (因為一齊八年, 都係呢一兩年先至嘈, 次次都係我頂唔順, 火山爆發, 佢就一粒聲都唔出, 淨喊, 或者講同你o個d差唔多嘅對白), 結果我Send咗個Email俾老婆, 叫做"說不出口的話"講哂我d唔開心嘢俾佢聽. 佢有覆, 我地重回咗幾次, 起碼大家知大家諗d嘢, 唔駛你估我我估你.

(再次重申, 老婆我知你好好, 睇到真係唔好嬲, 我幫人喳, 我最怕見到你個唔開心樣, 又幫你唔到.)

私人傳訊

YokoLai

大宅

積分: 1873

19^#

發表於 08-6-23 16:28 |只看該作者

如果我唔知既情況下，6299湊左個女我估我都會嬲，因為我6299唔後生；又唔同住唔熟識ar女，出街萬一拖唔實ar女...追又追唔到，叫又叫唔停時....就大件事，所以我6299係唔會湊我個女，亦未放低比佢地湊過，如果想帶ar女去公園玩(大約30分鐘)，一定會叫埋我或者帶埋堂哥、堂家姐，那我會放心d。

平時如果99(多數係99)，做左d我唔like既野，我會叫老公開聲叫停，或自己用比平時cool+客氣d語氣同奶奶講，返到屋企就同老公傾，慢慢老公就明白我緊張及擔心d乜，就會乖乖同我合作，99亦會自然跟我地做法，雖然有時都會無跟足，但起碼99唔會亂來。

只要你比老公知道你重點在小朋友身上，相信他都會體諒你的。

私人傳訊