論盡家傭 今日: 7 | 主題: 133736

積分: 3202

1^#

發表於 07-9-24 19:32 |只看該作者 |倒序瀏覽 |打印

話說我婆婆上星期入左醫院...

係星期五晚九點幾，工人係醫院返到黎時，同我講：姑娘話婆婆可以出院喇...
咁大家都無為意，聽左就算啦...

星期六一早（九點都未到），就有姑娘打電話黎，就話：今日婆婆出得院，你地會幾時黎接佢走？？（我個人唔係好like佢用個走字，好似係度趕人咁）
咁我都同佢講返我地既情況：今日成日屋企都無人，可能聽日或者今晚晚飯時候先有人接到...

個姑娘就話喇：我地suppose即日通知，個病人就要即日走喇啵，我地昨晚同你工人講左，已經比你今日走，仲想點？！
個時我就火都黎埋，就話：我地屋企今日無人係度，而家特登黎接佢，都無人可以睇住佢，成屋無人係２星期前已經約左，唔係岩岩先約...　而且而家屋企成屋都係野，我地自己行路都係打橫行，輪椅點入到呀，得老人家自己一個係屋企，係咪都無問題？！

我個心係度諗，你都識講夜晚同工人講啦，我地都無人覆返你得唔得，又搵唔到你；咁係咪你個晚通知，我地就要半夜出院？！

之後可能佢見我"好勁"，就話：唔係～我地只係想知道下你地有無需要送佢去老人院療養院個Ｄ者...

（佢都轉呔轉得幾快）...

之後仲每隔２個鐘就打一次黎，當然唔係之前個個打啦，不過我都係照返咁同佢地講：正常今日係無可能有人接到老人家出院，如果你地（醫院）insist 既，我地只能夠盡可能趕過黎...

咁你地覺得姑娘同工人講既野，可唔可以當係正式通知？？
（之前老人家入院，個醫生係係我面前問我想幾時同老人家出院...）

0 0 0

私人傳訊

積分: 10622

醒目開學勳章

2^#

發表於 07-9-24 22:02 |只看該作者

算啦！你咪原諒姑娘經驗淺囉！
我諗比著我，我鏟得佢仲金啞！

唔好嬲咁多，佢唔識撈啫！

私人傳訊

積分: 3202

3^#

發表於 07-9-24 22:33 |只看該作者

原文章由 winnie_sh 於 07-9-24 22:02 發表
算啦！你咪原諒姑娘經驗淺囉！
我諗比著我，我鏟得佢仲金啞！
唔好嬲咁多，佢唔識撈啫！

岩岩婆婆又整到傷口腫哂...
我媽老點我一早同阿婆去醫院

可能聽日又駁火喇～

私人傳訊

積分: 649

4^#

發表於 07-9-24 22:38 |只看該作者

政府醫院係咁架喇，咁威猛住私家lor，住多幾多日都得la！咁原本冇入院都要有人睇住佢架喇！你預計佢會入院架咩？？（冇特別意思只係講事實！）

原文章由 Maltesers 於 07-9-24 19:32 發表
話說我婆婆上星期入左醫院...

係星期五晚九點幾，工人係醫院返到黎時，同我講：姑娘話婆婆可以出院喇...
咁大家都無為意，聽左就算啦...

星期六一早（九點都未到），就有姑娘打電話黎，就話：今日婆婆出得院，你地會幾時黎接佢走？？（我個 ...

私人傳訊

積分: 3202

5^#

發表於 07-9-24 23:03 |只看該作者

原文章由 pighead 於 07-9-24 22:38 發表
政府醫院係咁架喇，咁威猛住私家lor，住多幾多日都得la！咁原本冇入院都要有人睇住佢架喇！你預計佢會入院架咩？？（冇特別意思只係講事實！）...

（都只係講返自己既感覺出黎）
我地係無預到人呀，我地本身預左出哂去，會叫舅父黎...
九點幾先講，我舅父又訓左，第日又搵唔到佢，搵到佢都唔識攪出院既野...

而家我想問既問題係：姑娘同工人講既野，係咪都可以當係同屋企人講一樣...　個工人雖然話識廣東話，不過有時都唔係好明，亦唔係未試過因誤會而做錯野...　平時野就無所謂，去到老人家係醫院，係咁都叫工人代我地去見醫生？！（我知我媽想咁，咁佢可以顧少瓣）

私人傳訊

Ada_pang

民房

積分: 80

6^#

發表於 07-9-24 23:17 |只看該作者

Haha, we always talk about kids/babies are maids' 人資...
may we think that 婆婆 "probably" be nurses' ...

...打針手工
...black face
...招呼 attitude

oh

私人傳訊

積分: 649

7^#

發表於 07-9-24 23:46 |只看該作者

姑娘同工人講既野，係咪都可以當係同屋企人講一樣 => 當然可以喇，而事實上你工人亦已轉述你聽，只係你冇為意，聽左就算啫！

原文章由 Maltesers 於 07-9-24 23:03 發表

而家我想問既問題係：姑娘同工人講既野，係咪都可以當係同屋企人講一樣...　個工人雖然話識廣東話，不過有時都唔係好明，亦唔係未試過因誤會而做錯野...　平時野就無所謂，去到老人家係醫院，係咁都叫工人代我地去見醫生？！（我知我媽想咁，咁佢可以顧少瓣）

私人傳訊

佘媽

積分: 504

8^#

發表於 07-9-24 23:59 |只看該作者

我係醫院做架，我地間醫院有時係病房文員、有時係我地護士通知家屬，聽呢個人O既語氣，好可能係病房文員。至於工人，我地就唔會當係家屬，就算口頭通知左個工人，都必須有家人覆電先可以confirm。不過可能每間醫院都唔同做法。但工人一定唔可以當家屬睇齊。
如果下次再有O甘O既情形，妳可以即刻問佢貴姓，仲要問埋全名，通常都會嚇窒佢地，及可考慮直接寫信(最好有埋事發日期同時間)或殺上病人聯絡主任度投訴佢地。(自己同業都係O甘話，影衰晒

)

私人傳訊

LILY媽咪

珍珠宮

積分: 41995

9^#

發表於 07-9-25 00:38 |只看該作者

辨入院時佢地會問緊急聯絡人名和電話, 如有什麼事(如出院或轉院) 會直接打比他們, 同會講係幾時, 唔會即日或明天, 加上
點會同工人講咁求期, 就算醫生寫紙可出院, 你地唔得閒佢地無奶油迫你地的喎.

私人傳訊

積分: 10622

醒目開學勳章

10^#

發表於 07-9-25 00:42 |只看該作者

原文章由 pighead 於 07-9-24 23:46 發表
姑娘同工人講既野，係咪都可以當係同屋企人講一樣 => 當然可以喇，而事實上你工人亦已轉述你聽，只係你冇為意，聽左就算啫！

我唔同意同工人講後再轉述係正確做法。
(大家只係對件事討論下，別無他意，請勿介懷)

我又講下唔係工人而係朋友呢個身份問題好嗎？

話說上個月我呀爺走了，當然我地全家都有在身邊啦，之後認領遺體時就出了很大錯誤(又係正苦醫院)，話說當日早上聽清楚姑娘交帶身後事之後，我地全部人都返歸訓覺，要5個工作天先可有認可文件，咁大伯女朋友(已經五十幾歲)無身份無地位，傻下傻下幾日後走去醫院探呀爺，姑娘問佢係唔係家屬？(食x佢)佢答唔係...姑娘跟手比埋份文件佢拎返來比我大伯，你估事後我做o左乜oY？

如果呢個人換轉係工人，咁又係咪可以拎呢份文件呢？又係咪等同家人呢？

私人傳訊

積分: 10622

醒目開學勳章

11^#

發表於 07-9-25 00:44 |只看該作者

原文章由佘媽於 07-9-24 23:59 發表
我係醫院做架，我地間醫院有時係病房文員、有時係我地護士通知家屬，聽呢個人O既語氣，好可能係病房文員。至於工人，我地就唔會當係家屬，就算口頭通知左個工人，都必須有家人覆電先可以confirm。不過可能每間醫院都唔同做法。但 ...

咁又唔好，都係打份工.....

私人傳訊

k-k-mummy

男爵府

積分: 5048

12^#

發表於 07-9-25 00:46 |只看該作者

原文章由 winnie_sh 於 07-9-25 00:42 發表
.....
姑娘問佢係唔係家屬？(食x佢)佢答唔係...姑娘跟手比埋份文件佢拎返來比我大伯，...(又係正 ...

點解佢答唔係,都仲叫佢拎文件? 咁奇怪!

私人傳訊

積分: 3202

13^#

發表於 07-9-25 00:56 |只看該作者

原文章由 k-k-mummy 於 07-9-25 00:46 發表
點解佢答唔係,都仲叫佢拎文件? 咁奇怪!

可能係姑娘聽唔到個 " 唔 " 字，或者無心聽佢講左Ｄ咩...
又有可能係"女朋友"講時 not in appropriate way...

私人傳訊

積分: 3202

14^#

發表於 07-9-25 01:08 |只看該作者

LILY媽咪
我媽就係講左我個電話，so 我做緊野都要係咁接電話...　（試過因為咁而比老細鬧）
我媽比人投訴得多（話佢唔聽電話），所以有咩話搵聯絡人就寫我個電話...

佘媽
已經同左聯絡主任講左喇，上次有野 unlike 都 port 左個護士長（人地侍餐話我阻住佢）…　唔排除係同一人所為…　= =+　（樹大有枯枝，有時我都覺得自己係枯枝）

pighead
唔係真係無為意，我自己入左咁多年醫院，都未見過有醫護人員夜晚先通知家屬…
日光日白唔做，係都要等到夜mama先做，個日我媽都有早上同夜晚都有探老人家，係都要等我媽走左先講既…
如果個工人誤會左個意思，講返出黎就好唔同…
工人話乜就乜，如果個病人係ｂｂ，個段時間咪任佢舞？！
唔係個個都會特登去問返醫院架嘛…

Ada_pang
我住病房都見有Ｄ”姐姐”（即係護士同阿姐中間個Ｄpost既人），有時都對老人家幾兇…　可能我住開pedi，加上阿婆係醫院成日想走佬，Ｄ人唔對佢兇都唔得（要嚇佢先會定一陣=.=’’’）

私人傳訊

積分: 649

15^#

發表於 07-9-25 03:53 |只看該作者

原文章由 Maltesers 於 07-9-24 19:32 發表
係星期五晚九點幾，工人係醫院返到黎時，同我講：姑娘話婆婆可以出院喇...
咁大家都無為意，聽左就算啦...

星期六一早（九點都未到），就有姑娘打電話黎，就話：今日婆婆出得院，你地會幾時黎接佢走？？（我個 ...

你明明係第一段提到"咁大家都無為意，聽左就算啦..."，點解現在又講"唔係真係無為意"，究竟係點架？？

另外，個姑娘從來都冇話夜晚要帶佢走，佢係星期六一早先問你幾時帶佢走，個姑娘並且表明suppose即日通知，個病人就要即日走，呢啲係醫院的一貫作風，但你唔帶佢走個姑娘都吹你唔脹架，大把人濫用公共醫療，當醫院係老人院，當護士係工人 ga la！

仲有個姑娘完全冇信任個工人帶口信，佢係星期六一早再通知你架！

而唔係個個都會特登去問返醫院架嘛…係視符你有幾關心和愛錫個老人家啫！比著我第二朝一早就仆去醫院問清楚，任何事情都可以放低唔做住！

工人話乜就乜，如果個病人係ｂｂ，個段時間咪任佢舞　＝＞　冇可能發生，一定要父或母簽名才可出院(除非父母唔健在)

不用太多假設喇！！

私人傳訊

方方媽媽

水晶宮

積分: 74328

16^#

發表於 07-9-25 08:49 |只看該作者

你明明係第一段提到"咁大家都無為意，聽左就算啦..."，點解現在又講"唔係真係無為意"，究竟係點架？？

我諗,即係聽到,明白,但由於傳話既係工人,又唔係親身聽到護士講,就無理到.

另外，個姑娘從來都冇話夜晚要帶佢走，佢係星期六一早先問你幾時帶佢走，個姑娘並且表明suppose即日通知，個病人就要即日走，呢啲係醫院的一貫作風，但你唔帶佢走個姑娘都吹你唔脹架，大把人濫用公共醫療，當醫院係老人院，當護士係工人 ga la！

個護士係無話要即晚要老人家走,但就講到好似"已經早一晚通知左你啦",寬容左你啦咁!呢點先係樓主最慶既,因為個護士當通知工人就好似通知屋企人咁囉!
如果個護士只係正常咁打電話通知樓主,老人家可以出院,咁唔會有問題架,因為樓主個婆婆都唔係第一次入院啦.依家嬲既係佢講到"已經通知左"呢樣野吖麻.
係呢件事上,亦睇唔到樓主係個d濫用醫療福利,賴c唔接老人家返屋企既人.平時見樓主既分享,都知道佢錫老人家啦!

仲有個姑娘完全冇信任個工人帶口信，佢係星期六一早再通知你架！

如果佢唔打電話,搵唔到當事人,你估邊個會比老細鬧?佢可以唔搵咩?就係個句"再通知"先令人慶吖麻!對家人來說,唔計工人既傳話,星期六上午根本就係第一次通知!

而唔係個個都會特登去問返醫院架嘛…係視符你有幾關心和愛錫個老人家啫！比著我第二朝一早就仆去醫院問清楚，任何事情都可以放低唔做住！[quote]
如果個老人家係出入醫院既常客,而且又知道今次無咩"特別",咁就未必下下要仆去醫院,唔係話唔錫個老人家,只係等如,無論幾錫個老人家,你會唔會日日唔出街,坐係屋企陪個老人家?
而且,唔係一之性,而係經常性入院既話,點可能"任何事情都可以放低唔做住"?

[quote]工人話乜就乜，如果個病人係ｂｂ，個段時間咪任佢舞　＝＞　冇可能發生，一定要父或母簽名才可出院(除非父母唔健在)

樓主係回應緊個護士(?)話"通知左你工人啦"呢段姐,唔係講緊真實發生緊既事.

私人傳訊

積分: 3202

17^#

發表於 07-9-25 09:19 |只看該作者

原文章由 pighead 於 07-9-25 03:53 發表
你明明係第一段提到"咁大家都無為意，聽左就算啦..."，點解現在又講"唔係真係無為意"，究竟係點架？？

另外，個姑娘從來都冇話夜晚要帶佢走，佢係星期六一早先問你幾時帶佢走，個姑娘並且表明suppose即日通知，個病人就要即日走，呢 ...

大家都無為意，聽左就算啦..."，點解現在又講"唔係真係無為意
即係聽左都覺得怪怪地，不過夜mama就無打去算喇

suppose即日通知，個病人就要即日走
我有同姑娘講返係晚餐時間先得，唔通晚飯就唔係個日喇咩？
你講緊係大部份人，唔該你更正，我地屋企唔係，你講得出，可能你係，我一路都無諗過咁既野…

仲有個姑娘完全冇信任個工人帶口信
I don’t think so…
之前有咩事都係姑娘打比我先，佢見到工人都會講，不過係工人返黎之前我已經知道…　探床時間去到八點，工人九點幾先返到黎…　都差唔多成２個鐘，都無打到…　我亦都唔想話 challenge Ｄ醫護人員做乜留到第朝先講…　第朝七點都已經轉左人，話佢地唔講係無意思，佢地只係講野時有問題…

可能你個間係私家醫院，我地公家唔係話幾時去都會開門比你入…
係仆都係仆到門口，比唔比入係要按左鐘，入邊既人決定，佢唔比你入，你就要等…　我亦都唔係好多時間等，好多時自己要去抽血，都係係個個時間…

父母唔健在
會由社署或者其他親戚代行
講緊工人，就更係有父母個Ｄ啦～
有時２個都要做野，工人趁ｂｂ係醫院，做咩都得，之後又用ｂｂ做掩飾…
呢Ｄ野父母都只有用一個辦法，其他都無乎…

你需要照顧既，可能只係一個老人家；我地屋企５個人，４個都係醫院file超過３寸既人，而唔係個一個係我工人！　咁我地個個係咪都應該當醫院係宿舍，當護士係工人？！

我自己仲係一有小小傷風感冒，所以醫生都會寫紙入ward既人，無MO同我睇排版（驚揹鑊），全部都係prof. or associate 黎睇，呢Ｄlong vacation 我唔想全部都係醫院放…

私人傳訊

積分: 3202

18^#

發表於 07-9-25 09:25 |只看該作者

仲有句野無出到（又食我字.\/.）

唔洗咁嬲到咁呀～

打下字仔者～

私人傳訊

積分: 10622

醒目開學勳章

19^#

發表於 07-9-26 00:20 |只看該作者

原文章由 k-k-mummy 於 07-9-25 00:46 發表
點解佢答唔係,都仲叫佢拎文件? 咁奇怪!

我都打去問姑娘原因，姑娘起勢咁係咁對唔住，唔好意思...我鬧夠就算，其實我係針對個八婆，唔係針對班姑娘，呢點我很清楚。
不過又一證明呢個姑娘忙到係可以亂咁來，唔跟規矩，有人簽收就算

私人傳訊