自由講場 今日: 992 | 主題: 1302230

積分: 93097

43^#

發表於 07-8-20 02:58 |只看該作者

提示: 作者被禁止或刪除內容自動屏蔽

私人傳訊

bb2

翡翠宮

積分: 86013

44^#

發表於 07-8-20 09:41 |只看該作者

其實我都有類似的遭遇…..都令我有小小唔開心架….有次樂x會係我屋企樓下搞左個音樂馬拉松之類, 咁啱我個朋友對小朋友參加左,咁佢叫埋我地一齊去捧場, 我朋友幫樂x會呢個活動籌左過千元架….咁我咪同埋我對2歲多既小朋友去囉….入到會場見到入口counter有d氣球, 我對小朋友就走埋佢想攞, 仲係度猛叫波波添, 但d姐姐見到佢只係叫佢地叫媽媽捐錢….咁我朋友咪幫我地走埋佢想攞d氣球比小朋友囉…不過d工作人員就話要捐$先可以攞….咁我朋友心諗我咪捐左成過千元囉, 攞個波都唔得…我同朋友相視而笑….呢d所謂’慈善機構’係咪淨係向$看…一d愛心都冇!本來捐多十元廿元唔係咩咁大問題, 但佢地比我的感覺就真係好差,講真就係呢次我對呢個機構的印象真係大打折扣!

咁啱最近我有個舊同事入左呢間公司都做, 先發覺原來呢間公司的福利同埋人工真係好到不得了, 公司阿head仲係住豪宅架….突然我心諗….佢地係點控制善款既呢?行政費用比例又係點既呢?

有感而發...........

私人傳訊

awah112

積分: 93097

45^#

發表於 07-8-21 06:37 |只看該作者

提示: 作者被禁止或刪除內容自動屏蔽

私人傳訊

積分: 74328

46^#

發表於 07-8-21 08:51 |只看該作者

據我所知,樂X會採取既係低薪政策,即係用低薪請人,如果唔係有心人,就唔會留低,所以,留得低既都係精英同有心人.
點解我知?
因為我有一個朋友,本身係政府度做高官,係月薪都有成十萬八萬個隻,但佢都放棄左,然後入左樂X會,依家已經幾年啦.佢依家係攞緊幾萬蚊一個月,可能好多人會覺得好高人工,但其實只係同級數既二分一乍!佢將人工大部份用來進修同比屋企,佢自己著既衫,十年都唔買新架!!在大陸,佢就同農民一齊吃飯,都係豆腐青菜.
而且,我知道佢地既總幹事(即係雙目失明個位),佢之前亦係做政府高官,做左一段長時間,為了理想先轉做樂X會,如果一個人唔大洗,係政府每月逗十幾萬人工,做滿10年提早退休,將來又會有長俸,咁儲儲埋埋有間大屋,都唔等如係佢係呢間樂X會儉財呀!
唔知底蘊而講一D表面見到既,好誤導架.
我都去過樂X會的北角Office參觀同聽扶貧講座,你去到就會感受到個種助人既氣氛.
你朋友在一個機構捐款,唔等如人人都會知,然後人人都要當佢上賓咁招待架!雖則說一個汽球,但點解一定要人地比?
宣傳為籌款,有咩唔妥?
錢唔會從天而降,如果唔宣傳,誰知他們做緊如此有意義既事?
樂x會,宣x會,紅十x會,救x軍,無國x醫生等都係世界性組織,佢地需要精英去組織,策劃,推動服務,咪睇人地收咁高人工好似儉財,實際上係減左人工一大截啦!等如個個月將個人收入捐左一截出來,成幾萬蚊架,捐款多過普通打工仔月薪有突呀!

原文章由 bb2 於 07-8-20 09:41 發表
其實我都有類似的遭遇…..都令我有小小唔開心架….有次樂x會係我屋企樓下搞左個音樂馬拉松之類, 咁啱我個朋友對小朋友參加左,咁佢叫埋我地一齊去捧場, 我朋友幫樂x會呢個活動籌左過千元架….咁我咪同埋我 ...

私人傳訊

積分: 74328

47^#

發表於 07-8-21 09:02 |只看該作者

不過呢類大機構又唔會虧待小職員,因為小職員再收少d,就好似係剥削啦,
如果一個文員,一般收$5k~7k一個月,
一個清潔工,公價4,5千,咁cut一半,得2,3千,點生活呀?
佢地可能會比較市面高既錢請小職員添!

私人傳訊

大眼肥妹

積分: 8013

48^#

發表於 07-8-21 09:29 |只看該作者

提示: 作者被禁止或刪除內容自動屏蔽

私人傳訊

bb2

翡翠宮

積分: 86013

49^#

發表於 07-8-21 10:06 |只看該作者

對於莊陳有先生同埋你朋友既高尚情操, 我係百份百相信同埋表示欽佩, 但係我所講既亦都係鐵一般既事實!當然我所講住半山豪宅的並不是莊先生啦!

我相信一定有不少有心人係為慈善為理想出心出力, 但係你唔可以否定樹大有枯枝呢個道理!

我朋友最近就係因為呢間公司可以比現有公司多3x%人工而跳槽(唔係你所講的低薪政策囉.....或者係我地公司先至真係低薪???:-(), 但係職銜仲係低一級; 大假每年多8日, ot仲有得補假, 仲有好多好多福利, 聽到我地口水流.........!我唔係話福利好唔啱, 而係一個慈善機構竟然可以有咁好既福利, 咁$從何來呢?不由得令我諗下佢地係善款同行政費比例方面係點做啫......

仲有, 雖然我地唔係咩上賓:mrgreen:但係個職員都無理由唔知道我個朋友有捐錢, 因為佢睇住我地係係觀眾席度走出嚟....原則上只有參加音樂會既人先會坐觀眾席, 而參加音樂會就要捐款, 同埋我老公都曾經係旁邊搭口話我地係參加音樂會架喎.....算啦!我唔係計較一個氣球兩個氣球的問題, 我係覺得一個慈善機構理應就有比一般人多一點的愛心, 一個小朋友的小小慾望都唔可以成全..........仲講咩呢?

原文章由 方方媽媽 於 07-8-21 08:51 發表
據我所知,樂X會採取既係低薪政策,即係用低薪請人,如果唔係有心人,就唔會留低,所以,留得低既都係精英同有心人.
點解我知?
因為我有一個朋友,本身係政府度做高官,係月薪都有成十萬八萬個隻,但佢都放棄左,然後入 ...

[ 本文章最後由 bb2 於 07-8-21 10:22 編輯 ]

私人傳訊

積分: 74328

50^#

發表於 07-8-21 14:08 |只看該作者

佢有大屋,係咪因為份糧呀?
我老板都有間大屋,但係,未來我公司做之前,佢已經住係呢間大屋架啦!
我朋友間公司既行政助理,月薪約三萬!
我另一位朋友間公司既行政助理,月薪六千!
唔同公司既職位,係無得比架.
你朋友比人請左去一個更好幅利既機構,唔等如就係間機構用左好多行政費.可能係你朋友做得好呢.
我公司都有新畢業既副學士(成續勁好!)做緊份$5k既工,除左佢上司,無人知架,佢地累積到一定經驗,必定跳槽啦,跳親就多能唔止30%添.
呢d都係真人真事.
而且,以NGO來講,假期真係比一般既多,因為佢地好重視每個人既生活質素,唔係物質,而係平衡既生活.
我都係社會服務機構度做,一年24日假,生bb之前,儲左成30日,加埋產假,我放左三個月假,返工既時候,仲有14日剩番未用,恨死好多做私人機構既朋友.
但我地永遠無花紅,無雙糧,無任何私人公司有可能有既金錢上既福利.亦唔會因為做得好,或上司鍾意你,就加你多d人工.
所以話,無得將d野拆開一件件來計算.
我明白樓主同你都因為對方唔肯比一d你地認為好低價值既野或者你認為應得既野而唔開心,如果比著我係個職員,我都一定會比.只不過,又唔洗label到呢類咁既情況就叫做無愛心既.
開開心心,放人一馬又放自己一馬囉.

原文章由 bb2 於 07-8-21 10:06 發表
對於莊陳有先生同埋你朋友既高尚情操, 我係百份百相信同埋表示欽佩, 但係我所講既亦都係鐵一般既事實!當然我所講住半山豪宅的並不是莊先生啦!

我相信一定有不少有心人係為慈善為理想出心出力, 但係你唔可以否 ...

私人傳訊

bb2

翡翠宮

積分: 86013

51^#

發表於 07-8-21 21:19 |只看該作者

冷靜d......我地無話唔放人一馬, 我只係因為樓主生活的一些事一些情而有感而發啫, 無話邊個啱邊個唔啱...有D人可能會因為一個氣球而唔開心, 有D人可能就算手上'一球'股票放得一個好靚價都無動於衷....咁點呢?

你唔好講到我係針對呢間機構, 講真, 係之前我都有捐錢比呢個機構, 佢地定時亦會send d appeal letter同埋email比我, 如果我唔認同佢地某方面的工作我都唔會捐錢......但係咁又點, 佢地果次的處理方法真係令到我有d唔開心, 呢d係好主觀的感受, 點解要講到我地好唔啱!??-(

我敢話我朋友公司人工同福利好(或者比我公司好..)當然係用相同類型的公司嚟比較啦, 我都係係類似的NGO機構度做, 對於呢類機構的運作我唔係一D都唔知.(同樣地如果我朋友無類似的工作經驗間公司都未必請佢!).......所以當我朋友講起佢公司的種種先令我有d好奇, 佢地係點做.........., 咁又有咩問題, 既然你咁清楚呢個機構, 咁你可唔可以話比我聽佢地係善款同行政費方面的比例係點呢?佢地的經費來源主要係邊幾方面呢?有冇受外來的機制監管?作為一個小市民, 我真係有興趣知囉!起碼我會知道善款捐到呢個機構係咪得到妥善的運用?好似公益金咁, 佢地好多時係活動都會講明活動收益係全數撥捐轄下福利機構, 行政開支係另有贊助商支持云云!

我真係唔明點解你反應會咁激動囉?或者你好鍾意呢間機構, 我唔知, 但係我點解唔可以係呢度表達我對呢間機構的感受同埋疑慮呢?

p.s. 如果你認為唔同機構人工係無得比的話, 點解你又將你朋友以前係政府度做嚟比較呢?唔同公司唔同職位係無得比架(你話架!)當然我明白你係想用嚟講出你朋友好有理想, 好有心, 甘願為左理想放棄高薪厚職呢個論點啦!!不過你唔係唔知政府好多職位不嬲人工都比外面高架la!!(商業機構高高層當然當別論!好似任志剛人工就高過曾特首!

)

原文章由 方方媽媽 於 07-8-21 14:08 發表 ?
佢有大屋,係咪因為份糧呀?
我老板都有間大屋,但係,未來我公司做之前,佢已經住係呢間大屋架啦!
我朋友間公司既行政助理,月薪約三萬!
我另一位朋友間公司既行政助理,月薪六千!
唔同公司既職位,係無得比架.
你 ...

私人傳訊

doryee

王國長老

積分: 13011

好媽媽勳章王國長老

52^#

發表於 07-8-21 21:50 |只看該作者

一個汽球可以令大家聯想咁多野，一個汽球真係咁緊要嗎?

如果係街邊任拎果D擺明唔比都話唔高興,但講明有規則先可以拎都要比人投訴??你唔守規則仲要投訴人態度差??

義工會唔會因為想籌多D錢先同小朋友講要捐錢先有呢?一個汽球咪捐幾元去拎囉,仲可以趁機教導小朋友,可能你都一向有教,但義工當時的責任係叫人捐錢,唔通咁都有錯??捐左成千大元都可以再捐架

我都係有感而發,唔啱聽都無計

個性固執,熱情(愛結交朋友),愛和平(不喜爭執),頭腦靈活,做事欠勇氣及信心(所以較容易放棄機會),要學習加強主動性喺做事方面、加強表達力及疑心(易相信別人)。

私人傳訊

EVA222

積分: 81485

53^#

發表於 07-8-21 22:01 |只看該作者

提示: 作者被禁止或刪除內容自動屏蔽

私人傳訊

kittynleo

大宅

積分: 4466

54^#

發表於 07-8-21 22:08 |只看該作者

我覺得...一個咁大既人可以為左一個小小氣球...
聯想到咁多...做多咁多(事後功夫)....

因為我有小朋友>>所以人地應該講下人情??

身教重於言教,請各位媽咪反省....
物質不是最重要,心靈才是人最珍貴,最獨一無二的....

大家有冇諗,如果我捐了10元,
有9元給了慈善機構,仍有1元去到有需要的人手上
但如果我一個仙也不捐,
有需要的人,一個仙也拿不到

你到紅十字會捐血,血液放過期了,會被倒掉
那你還會不會捐血??

1元,對山區人士來說,可以是一筆很大的財富
一包血,對垂死的人來說,是救命的良丹

施比受更有褔!!!

私人傳訊

Lily

別墅

積分: 751

55^#

發表於 07-8-22 00:05 |只看該作者

我覺得投訴不是壞事﹐有聲音到佢耳仔﹐義工姐姐仔才知道自己有不足之處需要檢討。

我建議樓主唔好抱住志在必得心態﹐派的東西有什麼稀罕﹖攞不到都無所謂啦﹗

私人傳訊

edea

王國長老

積分: 119066

王國長老

56^#

發表於 07-8-22 00:11 |只看該作者

算啦,唔好再話樓主啦,樓主都已明白,至少佢冇堅持話自己一定岩,一定冇錯...係咪?:lol: 我諗佢唔係為一個氣球既問題,而係個心俾人咁鬧好唔開心!

我唔係經常上BK, 想搵我嘅朋友請email: [email protected]

私人傳訊