吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 有無三個小朋友

在職全職今日: 107|主題: 47928

收藏本版

發帖

返回列表

跳至頁

樓主: carriewu929

[全職媽媽] 有無三個小朋友 [複製鏈接]

123 4 5...190

carriewu929

大宅

積分: 1877

21^#

發表於 04-1-14 22:49 |只看該作者

Re: 有無三個小朋友

程程媽
我大女今次都比我預期差.無辦法啦!第一次考試(上了小一)
我放鬆了大家 :-(
下次我檢討下大家ga la!(

私人傳訊

鄭太

複式洋房

積分: 292

22^#

發表於 04-1-15 18:39 |只看該作者

Re: 有無三個小朋友

我剛剛生了第一個, 有想過再生多起碼一至兩個. 我原本是返工的, 不過為了培育小孩, 決定辭工不做. 真要有很大的勇氣.

私人傳訊

HPChingchingma

男爵府

積分: 7400

23^#

發表於 04-1-16 09:39 |只看該作者

Re: 有無三個小朋友

鄭太，

早晨！如果已是全職媽媽，相隔年多再懷孕不失為好時機，但要心理準備，很囡身，但樂趣多呢！如丈夫是 family man 就更好，其實好溫馨，弄兒為樂！！！

新年就到，班 3 個 boss 話學校有糕點食，學要寫揮春，行花市，好鬼開心，日日望住日曆問我那天是年初一，細女仲話要買粉紅色裙過新年，在家裡真係感到好開心，喜氣洋洋架！

快樂取決你主觀的心不在決定於客觀的事

私人傳訊

carriewu929

大宅

積分: 1877

24^#

發表於 04-1-16 12:01 |只看該作者

Re: 有無三個小朋友

程程媽
舒服哂!大女終於考完試啦!可以放鬆

私人傳訊

鄭太

複式洋房

積分: 292

25^#

發表於 04-1-16 18:02 |只看該作者

Re: 有無三個小朋友

見到你們真高興, 常常在想何時我的小朋友也大呢?

私人傳訊

carriewu929

大宅

積分: 1877

26^#

發表於 04-1-16 20:29 |只看該作者

Re: 有無三個小朋友

鄭太
妳好嗎?其實妳的小朋友也一天一天長大但妳自己唔覺咋!
得閒入

私人傳訊

SandyKL

琥珀宮

積分: 151837

27^#

發表於 04-1-16 22:22 |只看該作者

Re: 有無三個小朋友

程程媽, carriewu929 及其他媽咪:

hi!妳地好，程程媽，收唔收到我個pm?

我都係3個百討厭星既下屬，我d老細分別係大仔8歲、細仔5歲幾及細女16個月，我唔係全職媽咪，我要番工搵錢俾班老細，我知全職媽咪好辛苦，我唔係口行行架，因為我岩岩由12月15日起至1月13日做左一個全職媽咪，我放左一個月大假俾我菲姐，我於是就做左佢替工，冇陰公，我做家務做到兩隻手爆哂拆，而且朝早要6:45起身，仲早過返工，但係服待理班老細都既開心既，不過，真係非常辛苦，妳地好野!

我菲姐番左黎個刻，我簡直好似見到個天使落黎凡間打救我咁呀，我真係好佩服妳地呀!

私人傳訊

carriewu929

大宅

積分: 1877

28^#

發表於 04-1-16 23:17 |只看該作者

Re: 有無三個小朋友

SandyKL
我有D野想請教妳呀!妳的工人除照顧妳3位Boss外,做家頭細務掂唔掂架!妳如何分配工作給她呢!(妳返工後放心嗎?)
我三位Do ra me分別6歲幾,4歲和2歲.我巳是全職媽咪.我請的那位印傭就過得去啦!總好過之前抄果個 :-(
早上6:45起床(我遲些少)她幫大女換衫,我就帶返學.跟住8:00到細女起身,她幫細女換衫,我就會帶埋細女和細仔出街.(細女返K1細仔陪我吃早餐)吃完早餐我會買埋送返屋企.佢就拖地掃地做清潔.我覺得佢巳算辛福,好多時我都會幫佢手.(好多野我都驚佢做唔掂,因為小朋友年紀細和三個小朋友都頗多野要做)
如果妳個工人要揍住細女,無做抹窗等清潔,妳會話佢嗎?
我個工人就係

私人傳訊

SandyKL

琥珀宮

積分: 151837

29^#

發表於 04-1-17 00:30 |只看該作者

Re: 有無三個小朋友

carriewu929 ,

我算係幾好彩，除左工人之外，我阿婆會留係我屋企幫手湊女，而我阿媽就日頭黎幫下手，幫我個女沖涼，而我係唔識煮飯既，所以如果我要做全職媽咪，就要鑽研下d廚藝，前幾個星期，我老公食我煮既公仔麵，個衰佬話，叫我千其咪煮野，連整公仔麵都咁難食，真係嚴重傷害我自尊心!

好，言歸正傳，我對工人冇要求，只要求
1. 地板一定要非常清潔，因為d小朋友無論大細，都pa地。
2. 對我d老細要有愛心，因為以前大仔由一歲起，係單獨俾佢湊，而有時會單獨留低一個小朋友俾佢湊(女未出世係留細仔，個女出左世，就留低個女)。

係佢7年前上工既時候，已經同佢講清楚理兩點要求，我冇要求佢做其他家務要好掂，有d野佢都要我叫先做架，我唔會覺得佢地好似我地d香港人咁醒，我同我老公放左工都要幫手，我老公就幫手煮送，一般既送佢都煮得唔錯，但係一d特別d既例如海鮮就要我老公操刀勒。

仲有兩樣野，我要讚佢既，就係佢手腳乾淨，亦冇借錢，另外亦唔駁咀，我曾經試過誤會左有d野係佢做既話佢，佢都冇駁咀，總之我叫佢東就東、西就西。

佢一早要整早餐俾我大仔食，跟住湊佢落樓下搭校車，番上黎俾支奶我細仔食，跟住再湊佢去附近搭校車，跟住去買送，番黎預備午餐，12點落街湊細仔番屋企食飯，食完飯同細仔沖涼，再洗碗，跟住抹地及其他家務，四點幾，接番大仔番黎，同佢沖完涼，佢就預備晚餐，7點幾食完晚餐，洗碗，洗完碗自由時間，咁就係一日既流程，非常忙，而個女完全唔駛佢湊。

至於妳話佢要湊仔而唔抹窗，我要我工人一個月抹一次窗，要我抹窗，我寧願湊仔，我唔會問佢有冇做，我會用眼去check個窗就知佢有冇做，如果認真污遭，我會出聲叫佢做，我個工人就會好醒咁儘快去做。

佢做左7年以來，我都係鬧過佢一次，但係鬧得好甘，佢好驚，我同我老公都唔鬧佢，只有話同吩咐，自己都係打工，都明白打工既辛苦，唔係太離譜，我會由得佢。

要我放低哂三件俾佢湊就緊係唔放心啦，因為我自己湊都會睇漏眼，何況佢，佢地真係要人幫架，妳d friend咁講又唔係太岩，佢地依家個牌頭係「家務助理」而唔係「家務全理」，就算自己做老闆，都唔可以放哂手唔做野，除非妳盤生意已上哂軌道(d老細大哂，唔駛人照顧)啦!

私人傳訊

carriewu929

大宅

積分: 1877

30^#

發表於 04-1-17 10:39 |只看該作者

Re: 有無三個小朋友

SandyKL
Thank you !
我同意妳的講法.見妳七年都無換人就即是妳的工人表現良好啦!請工人都要講運ga!
講開又講,煮

私人傳訊

SandyKL

琥珀宮

積分: 151837

31^#

發表於 04-1-17 12:14 |只看該作者

Re: 有無三個小朋友

carriewu929,

係呀係呀，我同妳老公煮出黎d麵一模一樣，佢又係話我"林patpat"，我煮送太大陣象啦，我唔可以好似你地咁，份量用手落已可以，而我就攪到成個方太咁，即係將d調味料預先用量器量好，每一樣放係一個碗度備用，跟住要睇實個菜譜跟住做，我心中冇煮送把呎，唯有依食譜，所以好慢好慢，睇得黎d送都煮到過哂火，我煮送冇天份，有努力過，但冇能力。

我都覺得請工人要講運氣，我眼見好多朋友不斷轉工人，好煩，見親佢地就講點解要炒個工人，我都好怕，所以我知我地要俾長期服務金佢，但係為免麻煩，左轉右轉，所以我個工人比上不足，比下有餘，我地都唔轉，求其d小老細冇話唔要佢湊就算。佢之前替一個僱主做左兩個合約，係我d舊同事，就係因為長期服務金同埋佢英文唔好，所以炒佢，過左戶俾我，但之後間中佢前僱主都問起佢，亦問我繼唔繼續請佢，佢話想請番佢，我問我工人食唔食回頭草，佢好嬲，話唔食。

係呢，Carrie，妳理個印傭係唔係妳第二個工人?印傭要俾d時間佢地適應架，佢地sense冇菲傭咁好，但有d慢慢會有好大進步，都唔錯既。

私人傳訊

HPChingchingma