Baby Kingdom - 親子王國 香港 討論區 › 首頁 › 在職全職› 有無三個小朋友

在職全職

收藏本版
發帖
返回列表
跳至頁

首頁
12345...23

尾頁
   0
SandyKL


琥珀宮

積分: 151889


1#
發表於 03-12-11 23:07 |顯示全部帖子

Re: 有無三個小朋友

carriewu929,

我都有三個，以前黎講就濕碎啦!我自己本身都係3姊弟妹，以前係同學中，算少兄弟姊妹，但「家庭計劃指導會」咁成功，加上而家d人智識水準提高，對養兒育女既要求相應高左，所以三個係多架啦!

依家d人一來覺得生兒育女責任好大，唔想揹起理個天賦責任，二來香港好多人要供樓，都係減低出生率既原因，因為後生時要放精神係事業度黎搵錢供樓，到供甩層樓，已經年紀唔輕，更加冇心機及精神及膽量去要小朋友勒。
私人傳訊

SandyKL


琥珀宮

積分: 151889


2#
發表於 04-1-16 22:22 |顯示全部帖子

Re: 有無三個小朋友

程程媽, carriewu929 及其他媽咪:

hi!妳地好，程程媽，收唔收到我個pm?

我都係3個百討厭星既下屬，我d老細分別係大仔8歲、細仔5歲幾及細女16個月，我唔係全職媽咪，我要番工搵錢俾班老細，我知全職媽咪好辛苦，我唔係口行行架，因為我岩岩由12月15日起至1月13日做左一個全職媽咪，我放左一個月大假俾我菲姐，我於是就做左佢替工，冇陰公，我做家務做到兩隻手爆哂拆，而且朝早要6:45起身，仲早過返工，但係服待理班老細都既開心既，不過，真係非常辛苦，妳地好野!

我菲姐番左黎個刻，我簡直好似見到個天使落黎凡間打救我咁呀，我真係好佩服妳地呀!
私人傳訊

SandyKL


琥珀宮

積分: 151889


3#
發表於 04-1-17 00:30 |顯示全部帖子

Re: 有無三個小朋友

carriewu929 ,

我算係幾好彩，除左工人之外，我阿婆會留係我屋企幫手湊女，而我阿媽就日頭黎幫下手，幫我個女沖涼，而我係唔識煮飯既，所以如果我要做全職媽咪，就要鑽研下d廚藝，前幾個星期，我老公食我煮既公仔麵，個衰佬話，叫我千其咪煮野，連整公仔麵都咁難食，真係嚴重傷害我自尊心!

好，言歸正傳，我對工人冇要求，只要求
1. 地板一定要非常清潔，因為d小朋友無論大細，都pa地。
2. 對我d老細要有愛心，因為以前大仔由一歲起，係單獨俾佢湊，而有時會單獨留低一個小朋友俾佢湊(女未出世係留細仔，個女出左世，就留低個女)。

係佢7年前上工既時候，已經同佢講清楚理兩點要求，我冇要求佢做其他家務要好掂，有d野佢都要我叫先做架，我唔會覺得佢地好似我地d香港人咁醒，我同我老公放左工都要幫手，我老公就幫手煮送，一般既送佢都煮得唔錯，但係一d特別d既例如海鮮就要我老公操刀勒。

仲有兩樣野，我要讚佢既，就係佢手腳乾淨，亦冇借錢，另外亦唔駁咀，我曾經試過誤會左有d野係佢做既話佢，佢都冇駁咀，總之我叫佢東就東、西就西。

佢一早要整早餐俾我大仔食，跟住湊佢落樓下搭校車，番上黎俾支奶我細仔食，跟住再湊佢去附近搭校車，跟住去買送，番黎預備午餐，12點落街湊細仔番屋企食飯，食完飯同細仔沖涼，再洗碗，跟住抹地及其他家務，四點幾，接番大仔番黎，同佢沖完涼，佢就預備晚餐，7點幾食完晚餐，洗碗，洗完碗自由時間，咁就係一日既流程，非常忙，而個女完全唔駛佢湊。

至於妳話佢要湊仔而唔抹窗，我要我工人一個月抹一次窗，要我抹窗，我寧願湊仔，我唔會問佢有冇做，我會用眼去check個窗就知佢有冇做，如果認真污遭，我會出聲叫佢做，我個工人就會好醒咁儘快去做。

佢做左7年以來，我都係鬧過佢一次，但係鬧得好甘，佢好驚，我同我老公都唔鬧佢，只有話同吩咐，自己都係打工，都明白打工既辛苦，唔係太離譜，我會由得佢。

要我放低哂三件俾佢湊就緊係唔放心啦，因為我自己湊都會睇漏眼，何況佢，佢地真係要人幫架，妳d friend咁講又唔係太岩，佢地依家個牌頭係「家務助理」而唔係「家務全理」，就算自己做老闆，都唔可以放哂手唔做野，除非妳盤生意已上哂軌道(d老細大哂，唔駛人照顧)啦!
私人傳訊

SandyKL


琥珀宮

積分: 151889


4#
發表於 04-1-17 12:14 |顯示全部帖子

Re: 有無三個小朋友

carriewu929,

係呀係呀，我同妳老公煮出黎d麵一模一樣，佢又係話我"林patpat"，我煮送太大陣象啦，我唔可以好似你地咁，份量用手落已可以，而我就攪到成個方太咁，即係將d調味料預先用量器量好，每一樣放係一個碗度備用，跟住要睇實個菜譜跟住做，我心中冇煮送把呎，唯有依食譜，所以好慢好慢，睇得黎d送都煮到過哂火，我煮送冇天份，有努力過，但冇能力。

我都覺得請工人要講運氣，我眼見好多朋友不斷轉工人，好煩，見親佢地就講點解要炒個工人，我都好怕，所以我知我地要俾長期服務金佢，但係為免麻煩，左轉右轉，所以我個工人比上不足，比下有餘，我地都唔轉，求其d小老細冇話唔要佢湊就算。佢之前替一個僱主做左兩個合約，係我d舊同事，就係因為長期服務金同埋佢英文唔好，所以炒佢，過左戶俾我，但之後間中佢前僱主都問起佢，亦問我繼唔繼續請佢，佢話想請番佢，我問我工人食唔食回頭草，佢好嬲，話唔食。

係呢，Carrie，妳理個印傭係唔係妳第二個工人?印傭要俾d時間佢地適應架，佢地sense冇菲傭咁好，但有d慢慢會有好大進步，都唔錯既。

私人傳訊

SandyKL


琥珀宮

積分: 151889


5#
發表於 04-1-19 00:46 |顯示全部帖子

Re: 有無三個小朋友

Carrie,

原來妳個大仔病左，希望佢快d完全復原出院逗利是，完全好番之後可以煲d燕窩佢食，增強肺功能，祝妳大仔龍馬精神!矯若靈猴!
私人傳訊

SandyKL


琥珀宮

積分: 151889


6#
發表於 04-1-20 02:08 |顯示全部帖子

Re: 有無三個小朋友

程程媽:

我冇買唐裝衫俾個仔，因為佢地有絲綿綿襖，而個女呢，我阿婆佢太婆買左套平時著會非常娘，但新年著先唔覺老套既大陸紅(大陸以前好興果隻娘到嘔既紅)加大朵牡丹既中國妹妹仔衫褲，妳就好啦!平平地執到心儀又應景既唐裝衫，往年我會番羅湖城買，但今年得閒死，唔得閒病，都冇去果度執。

Carrie,

恭喜妳，妳個仔係新年前出到院，我都好明白小boss病左，大人同佢真係好辛苦，仲要臨近新年，緊係唔希望佢留係醫院過，真係要小心d，因為天氣咁凍，佢又大病初癒，依家至緊要唔好俾佢再冷親條氣管，唔係就好麻煩架啦!

Wing媽,

我地都係係理度爹下D湊仔野，點會唔歡迎妳，其實兩個同三個都係辛苦架勒!Welcome, welcome!

ABCD媽咪,

我真係配服妳，妳有四個小寶貝，有四個小朋友(二仔二女)都係我理想，但自從有左三個之後，發覺簡直係痴心妄想，一來冇錢，二來冇精神，三來冇時間。妳係唔係全職媽咪黎架?嘻嘻，我想八卦下，妳係唔係鐘意囝囝，所以先生四個呢?好八卦呀何?

helloruby,

咦!妳個第二仔又係老虎仔黎喎，同我個仔一樣，佢今年上小一啦，係唔係呀?佢會讀邊間呢?妳咁快諗住唔請工人呀，但就算妳最細果個讀高班，都好多家務做，因為我岩岩做左一個月菲傭替工，覺得非要工人不可，好鬼辛苦，除非請鐘點幫妳，但係鐘點都唔平。

[size=large]我係理度同各中產、多產既媽咪拜個早年，祝各位媽咪青春常註，心想事成，老公賺多d俾哂d錢我地及聽話，d小朋友活潑健康，學業進步，名列前矛!
私人傳訊

SandyKL


琥珀宮

積分: 151889


7#
發表於 04-1-23 01:13 |顯示全部帖子

Re: 有無三個小朋友

我新年就好忙架啦，依家先得閒d上黎傾下。

程程媽:

妳個女好叻，用左手既人分析能力及推理能力都強，拿，理個係我個人感覺，以前份工作，曾試過成日要見d法官，俾文件佢地簽，d外國人法官多數寫字都係用左手架，仲有我細佬都係用左手，佢讀到博士，佢讀理科既，唔好要佢改用右手，當然如果兩隻手都用到就緊係完美啦，但唔好迫佢一定要轉用右手，妳個女將來可能做法官、醫生或者同理科有關既工作。

我個二老細又係，寫左兩張一樣既揮春--「大吉大利」，另一個「福」字，迫我貼，d字寫得好靚----就冇份，終於都好勉強搵到個角位貼，佢仲話要繼續寫，嚇到我呃佢冇哂紅紙賣。

我出街都好大陣像架，尤其至細果個老細，仲要食飯仔及飲奶，又要帶尿片，依家新年，更加要去奶奶度、阿媽度，朋友度，都好辛苦，又冇菲姐幫手，初一至初四係佢假期，唉!我係年三十洗衣機壞左，好壞唔壞，偏揀理個時候壞，真係激氣。

helloruby,

我個二老細小虎仔，會跟大老細係今年上小一，佢地會讀埋同一間學校，所以佢今次小一分配學位，我完全唔洗煩，但係我就好擔心個細老細，佢只得基本果10分，而我亦唔會諗宗教分，亦因為老大&老二讀果間係男校，帶唔到佢入，所以我都會部署佢讀幼稚園，有可能會俾佢讀直資/私校都唔定，當然啦!可以讀到一間好既津校緊係完美。

有三個老細而唔用工人，真係好辛苦架，我岩岩放完一個月大假，做左一個月菲傭替工，我已經唔洗煮飯，有我阿媽黎幫我手，我都覺得好辛苦，隻手做家務做到爆哂拆，妳點都要請番個鐘點幫下妳，如果唔係都幾甘。

Carrie,

妳個仔點呀?有冇帶佢去拜年?好彩年三十開始放晴，又唔係好大風，咁，唔洗留咁長時間係戶外都唔係大問題，始終大節冇得過佢去人度拜年，佢都可能唔開心啦!

wingma,

其實妳對仔女相隔四年，應該輕鬆好多，冇好似我咁，一級級，真係唔知幾時先可甩身，唉!
私人傳訊

SandyKL


琥珀宮

積分: 151889


8#
發表於 04-1-24 01:19 |顯示全部帖子

Re: 有無三個小朋友

程程媽:

我就覺得同一間學校好跟d，同埋係功課上易跟進d，而妳要適應兩間學校都會辛苦d，理個只係我個人意見，但如果妳個千金考到德望緊係好啦，佢係好學校黎架，而且入得去既，都係有番咁上下既，唔同幸運大抽獎既學校，況且妳只係俾1/3學費，我都會考慮俾個細女老細考德望，所以要入一間有一定程度既幼稚園。而真光我就唔熟，但我感覺上德望好過真光。

ABCE媽咪:

阿A同阿B係唔係孖女黎架?佢地好似樣呀!

Wing媽:

妳就好啦!甩左大半身，咦，妳個大公子今年應該中五，要考會考，係碼?
私人傳訊

SandyKL


琥珀宮

積分: 151889


9#
發表於 04-1-27 00:43 |顯示全部帖子

Re: 有無三個小朋友

我屋企機器(洗衣機)壞，人(大仔同我)又病左，唔知攪嘜，所以冇入黎，依家先攪掂d大頭佛。

Carrie, Ruby,

我終於係擒日去左豐澤買左部金章，佢依家有舊機回增，減左$400，所以幫趁佢，洗衣店擒日先開門，羅左19磅衫去洗，我地每人d外衫著左4日先有得洗，重要捱多2日，部機要星期三送貨，算啦，我已經安慰自己，好彩唔係其他野壞，例如水喉、雪櫃等等，樂觀d會開心d。

我個細仔又攪創意，佢唔知叫邊個，將我d惠康花紙剪成長方形，又寫左兩張「大吉大利」，仲貼左係佢房門外，救命呀!

程程媽:

我住紅磡，因為搬左黎年半，所以好既小學仲係度度緊，而好既幼稚園有，但學費好貴，我都想俾細女考下九龍塘根德園，學費唔貴但唔錯。

ABCD媽咪:

邊個相士咁準，我都想知，我之前都有算命既話我係會梅花間竹咁生，即仔女仔女，所以我有細仔時好有自信係女，知道又係仔時，真係即場眼濕濕，我好鐘意女架，但係其實我覺得有三個係好吃力，所以諗住生兩個一定收工，點知係我接受哂只得仔後，居然意外有左，好擔心又係仔，所以都有諗過唔要，因為真係攪唔掂，但係我老公話船到橋頭自然直，所以咪要羅，個天真係烏龍，將次序調轉左，終於第三個係女，真係好開心，不過，如果都係仔，我諗要去破個算命既招牌啦!
私人傳訊

SandyKL


琥珀宮

積分: 151889


10#
發表於 04-1-28 01:05 |顯示全部帖子

Re: 有無三個小朋友

ABCD媽:

唔駛驚住，因為聽D相士講唔避先會有，如果避孕，未必會有，妳諗下，以前D人個個閒閒地起碼生三、四個以上，但依家我地D三個、四個媽咪都叫多產，唔通真係生唔出咩，只係避左遮，所以唔洗緊張，做好防禦措施，咁就冇有怕，我真係幻想唔到依家有五個既媽咪，可以點湊，起碼要請2個工人幫手先攪得掂，哇!物質、精神破產呀!

程程媽:

唔係掛?根德園今年加學費?咁真係要考慮番我地理頭既保良局幼稚園，但係唔係咁易考到呢，我已買定本幼稚園天書，到時我會耡下部書，又諗過，但出年教署又推出長期小一學位分配基制，到時又未必係依家咁，所以我地依家成日俾教署玩到殘，我個大仔都已經俾佢玩過一次，佢升小一個年，岩岩係改制第一年，好煩好怕，打爛哂之前盤計劃。

妳個女都會係改制第一年，希望我地好運啦!
私人傳訊

SandyKL


琥珀宮

積分: 151889


11#
發表於 04-1-29 20:14 |顯示全部帖子

Re: 有無三個小朋友

Carrie,

唔單只妳個印傭係咁，我個菲傭都係一樣，佢地真係冇心肝架，我老公將所有既窗花塔上鎖，收埋條鎖匙，等佢開唔到，如果妳真係要開窗花做野，亦可以效法我菲傭以前既僱主，佢以前試過幾次唔記得收番條鎖匙，留係門外既鎖上，妳話幾危險，佢主人忍無可忍，終於約法三章，留一次扣人工一百，佢罰過一次之後，就冇留低過條鎖匙勒，聽朋友講，跟據法例，原來可以一個月罰佢地人工唔超過三百蚊，妳可以試下。

ABCD媽:

妳老公咁樣架，佢係唔係足球會既會長?我都想紮，但係我係St.Teresa生，係天主教醫院，唔俾係佢間醫院紮，我個醫生叫我生完第二日轉去播道幫我紮，咁麻煩，所以我冇做到，依家戴子宮環，但係依家月經要成十日，又係好煩，有得生又煩，冇得生又煩，總之，做人真係煩惱!! :-( :-( :-(
私人傳訊

SandyKL


琥珀宮

積分: 151889


12#
發表於 04-1-30 22:07 |顯示全部帖子

Re: 有無三個小朋友

Carrie,

浸會係基督教醫院，緊係可以幫人紮啦，如果入左天主教，只可以自然避孕，用避孕套都唔得架(如果好虔誠果d真係會跟架)，我知有天主教徒因為咁而成為多產人士，所以我入唔到天主教。

程程媽:

我今晚老公去左威，得番我地幾母子女，佢三個係度玩槍，走馬燈咁，嘈到不得了，至攪笑係個細女，羅住支玩具電鑽當手槍，跟住玩具釣魚機，三個頭控埋一齊，生得多至大得益，都係佢地可以自己玩，唔洗煩我。

各位媽咪:

d 小朋友一開學，就又忙到透唔到氣，我兩個仔下星期一先開學，佢地真係已經玩到顛左，嘜都唔記得。
私人傳訊

SandyKL


琥珀宮

積分: 151889


13#
發表於 04-1-31 19:23 |顯示全部帖子

Re: 有無三個小朋友

Carrie

沙士過排，屋企班老細由朝玩到晚，已經唔記得我老公姓嘜，有時玩到好開心，有時又打架鬧架，好彩我要番工，如果唔係，我肯定俾佢地激到要跳「笨豬跳」!

Wing媽

我都好羨慕妳，我都唔知那年那月那日可甩身，依家都要葺低頭望佢地，我諗要dum 好多時間精神同金錢先可以等到要岳高頭望佢地既一日。

Ruby

依家搵食艱難，我已經收到風，我地隔離section要摺埋，咁我地既工作又加重，做到心都淡，希望有朝一日炒老細尤魚，妳就好啦!指日可待。

ABCD媽

阿C係eye-killer?咁靚女緊係aunt/uncler殺手。
私人傳訊

SandyKL


琥珀宮

積分: 151889


14#
發表於 04-2-1 22:13 |顯示全部帖子

Re: 有無三個小朋友

Carrie,

我買左金章，係年初七送黎，緊係好好多啦，起碼唔洗慳住d衫著，又唔洗抬住19磅衫去洗衣舖洗衫，妳好運過我，妳部洗衣機係唔係過年前換到架?

妳就好啦，可以目訓 到晏覺，有工人幫真係差好遠架。

Wing 媽:

我都明白各有前因，莫羨人既道理既，唯有繼續做，繼續盼望啦!
私人傳訊

SandyKL


琥珀宮

積分: 151889


15#
發表於 04-2-3 00:07 |顯示全部帖子

Re: 有無三個小朋友

程程媽:

我之前果係白朗，用左7年，佢摩打壞左，冇得救，如果要整成$2000蚊，我寧可買過部算吧啦，我部白朗應該係負荷太重而死，我老公吩咐我菲傭要塞滿哂先好開機，而我叫佢唔好，但我發覺佢聽佢話唔聽我話，新年前，洗好多野，床舖窗簾布，所以部洗衣機係勞累死既。

唔好買惠而浦，因為唔同人一致俾我既意見係千其唔好買惠而浦，以前佢幾好，但理幾年真係好差，唔知係唔係搬番大陸做既關係呢?


我都冇幫小朋友買門診保險，因為較貴，其他保險反而有買足。

ABCD媽:

睇黎阿C係笑死人而唔係激死人，嘻嘻!

Wing媽:

我地一家除左個女係2003年5月份沙士橫行時，都去過菲律賓，但係我個細仔曬得太犀利所以發燒，而帶去既退燒藥變壞，同個當地導遊講，佢叫我地睇酒店醫生，點知醫生未到，護士黎探熱，跟住話要隔離我地一家，好彩個導遊有d勢力，向酒店投訴，唔俾佢地咁做，我老公唯有俾成人panadol佢食，但減一半份量，丫，點知又掂喎，真係執身彩，如果唔係，我地一家分分鐘，好似台灣果單，已經見左報。
私人傳訊

SandyKL


琥珀宮

積分: 151889


16#
發表於 04-2-3 20:04 |顯示全部帖子

Re: 有無三個小朋友

程程媽:

我絕對唔係妳所講係理兩瓣咁知識廣博，只因我個大仔之前上小一時，的確好煩，佢係改制第一批白老鼠之一，亦曾經同教署交涉過，所以好清楚依家小一理個基制，至於菲傭方面，係因為我識D朋友同事中，有好多關於菲傭既發生，聽得多咪知道羅。

我都不知幾羨慕妳就真，可以照顧到小朋友，睇住佢地成長，雖然都係辛苦，我成日都話，我做服務行業，要幫D僱客，但好受氣，我始終覺得服務敝公司既小老細，就算點受氣都係值得。仲有我唔著套裝，亦俾人話我惡死，依家做野唔同舊時，好難做，咁做又死，點做都死，好勞氣，受人二分四，唔係要搵奶粉錢，彩佢都傻。

Carrie,

哈哈，我都試過走漏眼，俾個細女走左去唔知，好彩佢唔係行得好遠，但搵番佢時，已經喊到成面眼淚，面都紅埋。

Wing媽:

我都想知嘜係虎乳苓之，係唔係中藥房有得買?
私人傳訊

SandyKL


琥珀宮

積分: 151889


17#
發表於 04-2-4 21:56 |顯示全部帖子

Re: 有無三個小朋友

各位靚媽:

今晚好凍，得9度咋，所以打邊爐，我老公話街市好多野都賣哂，今晚應該好多人打邊爐，天氣好凍，我極力推薦禦寒三寶，就係客廳開暖爐，係浴室擺暖風機，床上放暖毯，好正，幾凍都冇有怕。

Ruby,

我都記得妳係在職媽咪，妳話妳想遲一至兩年唔做，番屋企湊仔女，唔通我誤會左?

Wing媽:

我都係得兩個弟妹，我果代我阿媽算生得少，好羨慕，我有個同事又係四姊妹，成日一齊打牌食飯行街，見佢好多節目，真係開心。
私人傳訊

SandyKL


琥珀宮

積分: 151889


18#
發表於 04-2-5 21:36 |顯示全部帖子

Re: 有無三個小朋友

各位中產、多產既媽咪:

原來得我一個捱騾仔!妳地仲可以去飲茶，真係恨死隔離。

Wing媽:

犀利呀!妳有成7姊妹，妳有冇怕怕屋企有咁多人，所以依家都係要兩個清靜d? 我地d少兄弟姊妹既，反而好努力做人呀!
私人傳訊

SandyKL


琥珀宮

積分: 151889


19#
發表於 04-2-6 21:57 |顯示全部帖子

Re: 有無三個小朋友

Carrie,

可以唔做就唔好做啦，出面做野好受氣，依家d人唔同以前，要求高左、識野多左、難服侍左，睇住d小老細慢慢成長，貼身服侍佢地好過，時間一過左，妳想留佢地係屋企對住妳都好難咯，我成日都身在公司，心在家，完全冇哂後生時既拚膊。

妳個印傭又係既，我係妳我寧願俾一個月通知佢，買埋機票送佢走，佢真係連最起碼既安全意識都冇，好似對住個炸彈咁，係一個月內，請個鐘點頂住先，等到下一個工人黎，起碼買左個安心，好戥妳d仔女擔心。 :-( :-( :-(

Kitty媽:

Hi!有d上網公司可以有限制上網時間，我依家用緊netvigator(網上行)，2月到期，岩岩續左，佢話送7個月既親子上網，個sales解釋話係我上述所講限制小朋友上網時間外仲可以限制佢地上嘜網，妳可以打去打聽下，我發覺街果d sales 俾d上網plan平d喎，希望係度以後都可以有妳黎爹下。
私人傳訊

SandyKL


琥珀宮

積分: 151889


20#
發表於 04-2-7 01:29 |顯示全部帖子

Re: 有無三個小朋友

Carrie,

我個工人都係三十幾歲，黎我屋企做，做到依家40幾歲，我覺得工人大細唔係最大問題，有d細既，有妳講既問題，而年紀大d，又會掛住家鄉既仔女，我聽過一單野，有個印傭，佢因為思憶家鄉既仔女，而自己要照顧僱主既仔仔，所以因妒忌，而佢整到佢僱主個仔仔既何B仔紅哂，僱主即刻要佢走。

所以請工人，好講彩數，最近聽到有人請到個做左祖母既菲傭，佢之前都有係香港打過工，做得幾好添。Carrie, 我唔係好鐘意印傭，除左佢地冇菲傭咁醒外，見朋友請d印傭做2個合約就走，好少聽到做到3個合約，因為佢地國家好窮，係香港打幾年工就可以夠番印尼享福勒，睇黎唔係幾適合我地有咁多細既小朋友，因為如果佢地做得好，4年就走，d小朋友咪又要由頭適應另一個，好麻煩喎，不如妳考慮下請菲傭。
私人傳訊


首頁
12345...23

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見