吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 移民的心情 (已移民的JM請分享一下人在他鄉的心情) ...

自由講場今日: 1064|主題: 1303956

收藏本版

發帖

返回列表

跳至頁

查看: 8655 | 回覆: 90

移民的心情 (已移民的JM請分享一下人在他鄉的心情)

[複製鏈接]

12 3 4 5

厚多士

伯爵府

積分: 17016

1^#

發表於 17-4-29 14:35 |只看該作者 |正序瀏覽 |打印

過往幾年我經常同C6傾移民的事，C6及女兒有外國passport. 講真想走都是因為個女，再加上香港的生活壓力亦越來越大。之前C6講起移民都幾抗拒，但近期他工作不愉快，加上女兒快上小－，老公主動提議今年走。其實移民對老公影響不算大，他的親友都在外地，而他亦有親友表示可安排c6當地工作。但c6忽然話想九月前走，一來配合個女開學，二來份工作亦不能等C6太久。
但這突如其來的決定令我七上八落。我所有親朋也在香港，工作雖不是高薪厚職，但都工作挺開心。我忽然好擔心自己可否適應，但見到c6工作到人乾一樣，個女又有更好的學習環境，又冇理由唔走。
有冇過來人分享下移民遇到的開心同唔開心？等我有個心理準備。

0 1 0

私人傳訊

Hahamc

子爵府

積分: 11344

91^#

發表於 17-4-30 11:00 |只看該作者

chrisdina 發表於 17-4-30 08:14
非常同意，攪到我好有回流既衝動，始終外國，你永遠係外國人

我十歲已經係衣面生活，到今時今日，都會比 ...

就算土生土長都會受到歧視
所以呢幾年我已回香港工作
感覺上舒服好多，始終大家係「自己友」

私人傳訊

gobears

大宅

積分: 2276

90^#

發表於 17-4-30 10:40 |只看該作者

同埋除非早好多年巳經上左車，而家係美國根本好難上車，因為比大陸人同埋搞startup 發達既人整到高晒，本身唔係特別專業人士既打工仔同埋要租屋既生活並唔容易

私人傳訊

gobears

大宅

積分: 2276

89^#

發表於 17-4-30 10:36 |只看該作者

nintendo 發表於 17-4-30 10:15
香港人太多誤解。
外國，想入好大學，其實唔易。當然，如果冇要求，可以 hea ，入 D 三線大學。
係小學少 ...

無錯，我曾經喺做過part time 補習老師（喺美國），小學就要學DNA, mitosis meiosis，無香港人諗到咁hea，中小學一樣有好多學生要搵tutor

私人傳訊

gobears

大宅

積分: 2276

88^#

發表於 17-4-30 10:23 |只看該作者

GillianChung 發表於 17-4-30 09:25
中學先去其實個mindset已定曬，就算覺得可以融入但我眼見都幾難入main stream... 讀完小學去其實已夠睇夠 ...

去讀Middle school 英文無可能會差，可能係highschool先去係難pick up少少, 大學先去真係遲，
太早去小學中文程度都無會limit左淨係當地發展，英文係basic, 而家要做野有competitive advantage 既話一定要識中文同講國語，因為無可否認而家全球經濟係圍住中國轉，識英文加中文係全球各地做野同埋做global or regional office問題都唔太大
而家好多朋友後悔細個無學好中文

私人傳訊

nintendo

侯爵府

積分: 24316

2018復活節勳章

87^#

發表於 17-4-30 10:15 |只看該作者

張就仁發表於 17-4-29 15:13
HK太多人及讀書壓力太大,如有機會,會鼓勵下一輩走.起碼不用做屋奴.或佢等小朋友大再回流

PS:我無錢,所以只 ...

香港人太多誤解。
外國，想入好大學，其實唔易。當然，如果冇要求，可以 hea ，入 D 三線大學。
係小學少 D 功課，但中學都大壓力，要成績好。

屋？而家都比大陸人炒貴晒，以往 usd100萬可以買大屋，而家要將就。

出去外邊走走，係為見識。好事。
唔移民都去生活下。
唔好好似好多人，見人話去外國就葡萄。

私人傳訊

linchan

男爵府

積分: 8373

86^#

發表於 17-4-30 10:00 |只看該作者

我喺加拿大5年, 想最初真係有d唔適應, 呢邊倒garbage都要限時限刻, 連淋花都係. Vancouver d hotel連buffet都冇 (除咗Christmas), 賣d嘢又老土, 屋企又冇工人, 咩都要自己做. 搵文職或服務行業都好難, 除非你有呢邊工作經驗又或者喺呢邊讀吓d課程啦,會好少少. 個政府夠唔係路啦, 至中意收d難民番嚟, 其實佢地大部份都同呢邊格格不入, 英文又唔識, 根本溶入唔到個社會. 呢邊成日話自己係多元文化, 但其實B6只同B6埋堆, 香港人同香港人埋堆, 本地老外同番本地老外, Iranian 同番Iranian, Korean同留Korean之嘛. 當然工作上或有d接觸嘅, 但其實大家都唔係好中意大家囉. 重有政府又比大麻合法, 又每戶家庭可種4株, 但住apartment又點呢, 個政府都未諗清楚d條例同會帶來嘅社會問題, 求求其其咁.
其實呢邊小學係好休閒, 但一上到high school, 好多人都去補習班架, 由其是現在好多中國人同韓國人係度讀書, 但應該好過香港d啩!

至于好嘅方面係雖然d樓價愈來愈貴,但拍馬都追唔上香港, 如果移得過嚟, 可能都可以喺度at least 買間condo啦, 最多係買入少少嘅city又或舊少少啫. 空氣, 食物, 個人空間都唔錯, 至於搵工, 如果肯放低之前嘅高薪厚職或一定只做文職, 其實都有大把工, 如酒樓成日話缺人, 醫務人員, 護理人員同稚兒園教師等. 兒童又有牛奶金, 都OK啦.

私人傳訊

whywhite22

水晶宮

積分: 70333

85^#

發表於 17-4-30 09:54 |只看該作者

frombetter 發表於 17-4-29 15:54
好多時，叫人走或者好想走的都係未喺外國生活過的。

仲要係生活未必如意嘅。

私人傳訊

kamjjj

男爵府

積分: 7266

2018復活節勳章瞓得好勳章開心吸收勳章最關心BB問題熱投勳章

84^#

發表於 17-4-30 09:44 |只看該作者

每個人嘅價值觀、priority都不同。

我外國嘅生活比較舒適、相對壓力低啲.

但我選擇回香港陪父母 (gave up 外國 high pay)，小孩子可以學好中文。某程度上我以前啲外國出世嘅中國人好朋友，會有點identity crisis...

私人傳訊

yatmanchris

男爵府

積分: 7263

83^#

發表於 17-4-30 09:43 |只看該作者

厚多士發表於 17-4-29 14:35
過往幾年我經常同C6傾移民的事，C6及女兒有外國passport. 講真想走都是因為個女，再加上香港的生活壓力亦越 ...

我都移左民去澳洲3,4 年初頭係果度冇人冇物係好思鄉但到我兩個女先後出世就好忙都唔得閒思鄉再加上又係當地識到新朋友其實如果而家要我回流返香港我會好唔慣因為兩地文化同生活步伐真係好唔同

私人傳訊

fatgarden

子爵府

積分: 11984

82^#

發表於 17-4-30 09:38 |只看該作者

張就仁發表於 17-4-29 15:13
HK太多人及讀書壓力太大,如有機會,會鼓勵下一輩走.起碼不用做屋奴.或佢等小朋友大再回流

PS:我無錢,所以只 ...

讀書考試壓力太多就要移民走人，只要香港獨有。

私人傳訊

54heima

水晶宮

積分: 55644

81^#

發表於 17-4-30 09:36 |只看該作者

chrisdina 發表於 17-4-30 08:14
非常同意，攪到我好有回流既衝動，始終外國，你永遠係外國人

我十歲已經係衣面生活，到今時今日，都會比 ...

舊年聖誕睇巡遊，小朋友企最前邊，巡遊隊伍一個女仔（十歲左右）走來我地衣邊同觀眾小朋友擊掌，前邊個個有互動，到左我女面前就冇伸手，再之後又有，當然左右全是白人小朋友，得亞女一個亞洲面孔。其實呢件事好平常唔涉及咩歧視，對方只是小朋友，反應簡單直接，我的感受是，好多時，你的面孔你的外表已第一時間決定了你是否屬於那個群體，雖然這些東西不是絕對不可衝破，但付出是不一樣的，需要更成熟強大内心。有人怨天怨地，有人積極面對，有人整天縮在自己舒適圈不去理會⋯⋯生活狀態大多由態度決定

少奶奶的身份，丫頭的命...

私人傳訊

gracelam

珍珠宮

積分: 38105

環保接龍勳章

80^#

發表於 17-4-30 09:33 |只看該作者

gobears 發表於 17-4-29 15:19
建議等你個女中學先走，而家呢個年代學好中文好重要

非常認同。小一過去，小朋友一定唔想學中文。我朋友的小朋友又係6歲一家移民，宜家已經變左竹星妹。中文真係好有用，將來出嚟做野一定有優勢。建議楼主小朋友中學或高小先過去，起碼識多D中文先。過到去先學係迫到迫唔到，因為平時少用。

教養孩童,使他走當行的道, 就是到老, 他也不偏離!

私人傳訊

GillianChung

男爵府

積分: 9641

79^#

發表於 17-4-30 09:25 |只看該作者

gobears 發表於 17-4-30 09:09
我都係過來人，我喺外國讀中學，融入唔係問題，但見到班小學去既friend中文真係差
...

中學先去其實個mindset已定曬，就算覺得可以融入但我眼見都幾難入main stream... 讀完小學去其實已夠睇夠寫中文，我妹妹小學五年級去外國，佢嘅中文又冇乜問題，當然唔會可能勁到可以寫篇論文... 中學先去外國調返轉頭又會怕到時英文差，我覺得中文緊要但英文仲緊要，始終英文仍然係世界語言，諗真D，唔叻中文唔會揾唔到錢，但唔叻英文就會一定影響讀書（因為讀上去大學全部都會係英文書）同將來搵錢機會... 所以我自己中三過外國，我睇返都覺得遲，我自己就plan比自己小朋友小學後返去讀書。