吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› c6屋企人話間屋益咗我

婆媳關係今日: 5|主題: 27701

收藏本版

發帖

返回列表

跳至頁

樓主: KiuShaBB

c6屋企人話間屋益咗我 [複製鏈接]

pomanlife

彩鑽殿

積分: 583325

2024年龍年勳章 2024勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

21^#

發表於 09-6-17 09:24 |只看該作者

KiuShaBB:

你要同你c6講清楚, 佢俾層樓你地住唔等於益左你, 兩個囡囡佢有份既, 即使係離左婚, 佢都要提供住既地方&俾贍養費俾囡囡, 加上你同c6結左婚嗰7年期間, 你都有份供樓架, 所以唔好似為佢係益左你, 係你應得既.

仲有, 佢既然話唔同你爭層樓, 又唔賣左佢分錢, 你要佢將層樓轉你個名or轉你囡囡個名(雖然佢唔夠18歲, 不過你可以問下律師點搞), 一陣佢老母真係介紹個福建大陸妹俾佢, 黎到hk知道佢俾左層樓俾你地住, 個大陸妹一定漏夜趕你地3個人走囉, 到時你地哭都無謂.

既然到離婚呢一步, 做野要諗得長遠d, 等自己&兩個囡囡日後既生活得到保障.

私人傳訊

A.C.C.

大宅

積分: 3786

22^#

發表於 09-6-17 11:42 |只看該作者

你老公仲好細路仔, 可能呢個就係你地無辦法相處到嘅原因.
一個無擔當嘅男人, 實在唔適合做爸爸.

佢唔係壞人, 亦唔似對你同囡囡無晒感情......
但係就未成熟到識得處理自己同身邊人嘅關係, 乜都係身邊嘅人同佢揸主意, 你奶奶哦佢數你嘅錯, 佢又唔識得解釋同保護你; 發生婆媳衝突, 佢又唔識得處理; 同老婆一嗌交, 佢又剩識一走了之.....長久落去, 你會好心淡.

依家既然已經行到最後一步離婚, 可唔可以先分居一段時間?
佢無咗你地係身邊, 可能會迫到佢長大; 而且佢番去奶奶到長住, 就未必好似之前咁"蜜月期", 佢同你奶奶姑奶日對夜對, 磨擦就會慢慢出現, 到時佢就未必會咁聽阿媽話.

私人傳訊

KiuShaBB

珍珠宮

積分: 31492

23^#

發表於 09-6-18 14:56 |只看該作者

原帖由 jacquesau 於 09-6-16 17:48 發表
我覺得, 如果可以, 應該俾次機會佢, 我覺得男人唔鍾意你又點會肯同你結婚, 你唔鍾意佢又點會嫁佢丫？反而我諗佢未必可能想生bb, 又或者生咗bb之後適應唔到做爸爸呢個身份！女人一生bb母性就會出哂黎, 但男人唔會架！而且, ...

唔係喎, c6係好鐘意小朋友, 好鐘意女. 我明白佢係唔識咩叫責任. 無人教過佢, 佢亦唔理, 樂得自在.

同佢相處咁耐, 覺得佢係想快d離開佢呀媽, 因為佢成日哦c6, c6好煩, 所以c6未必有諗清楚就結婚, 亦唔知點叫做保護老婆, 總之要聽晒佢地話就算數.

結婚初期就好似放監咁, 鐘意點就點. 但係家務及煩瑣生活是永遠不完的, 生咗對女, 更加重負擔, 好想逃避, 唔想做, 只想回到呀媽懷抱之中.

咁我唔知要等幾耐, 教幾耐, 至可以有一個合格老公? 對女會長大, 變化不斷, 返學, 做功課, 考試, 識朋友, 升學, 仲有無時間顧呢個問題老公? 佢要睇電視又唔嘈得, 對女又要做功課, 理邊樣? 佢又聽埋家姐d理論, 咁我咪好煩?

對女既將來緊要d? 定係一個問題大人緊要d? 家嘈屋閉既所謂家庭齊全d? 定係開心既單親好d? 其實2種都會好辛苦, 要再諗清楚.

私人傳訊

KiuShaBB

珍珠宮

積分: 31492

24^#

發表於 09-6-18 15:02 |只看該作者

原帖由 jacquesau 於 09-6-16 17:48 發表
如果真係離婚, 你都唔好諗佢會一直對你or對女好呀！.....佢而家個心應該覺得有啲對你唔住, 所以暫時會先答應你既要求, 但他日真的正式分開, 莫講話佢會唔會識第二個丫, 只要佢呀媽日娥夜娥, 佢遲早都會唔理你地, 到時又話要收返層樓咁....你重有排煩！

我根本就覺得佢好無耐性, 日子長咗, 對女大咗, 唔係好跟佢, 佢都未必會好掛住對女.

我估當日段對話有d令佢覺得內疚啩? 日子耐咗, 佢就會嘜都唔記得. 我都驚佢地要收返層樓, 都要再傾吓點做.

私人傳訊

KiuShaBB

珍珠宮

積分: 31492

25^#

發表於 09-6-18 15:08 |只看該作者

原帖由 tantanmama 於 09-6-16 17:52 發表

咁賣咗冇手尾都好嘅, 最緊要你覺得舒服, 唔洗再怕佢地煩你.
至於公屋, 你曾經係業主好似要等幾年先可以申請. 同埋有入息同資產限制, 我諗你可能會超額, 你要問清楚房署. ...

係呀, 我細佬話幾年內曾經有層樓都唔可以申請公屋. 咁層樓有我名又唔可以申請法援, 要俾律師賺多d.

私人傳訊

KiuShaBB

珍珠宮

積分: 31492

26^#

發表於 09-6-18 15:15 |只看該作者

原帖由 十一月 於 09-6-16 19:37 發表

不過我睇樓主所寫的post, 真係覺得好無奈, 一個男人既無責任心, 一唔鍾意就離家出走既不成熟, 一個無責任心又不成熟的爸爸, 再拖落去只會一家人辛苦, 希望樓主唔好再為呢種男人難過, 亦都唔好不捨, 你仲後生, 可能將來會有一個更珍惜你的人, or 佢經過今次希望能成長, 能夠做回一個真真正正值得比女女嗌的爸爸, 再唔係只做人背後的裙腳仔。(我覺得樓主有機會編你所寫的post 比佢睇or 佢屋企人, 等佢地睇下幾多人支持你的決定)

咁佢唔肯俾自己長大, 我都無辦法. 佢好似仲停留喺"你唔聽我話, 我唔同你玩"既階段, 同對女玩就最好, 可惜對女一扭計, 佢就走頭, 唉.

佢d屋企人直頭拍晒手啦, 真係好似等咗呢一日好耐咁. 我覺得有d唔抵啫, 我咁努力落得咁既田地, 佢地? 可能係"一早都話咗會咁架啦".

私人傳訊

KiuShaBB

珍珠宮

積分: 31492

27^#

發表於 09-6-18 15:19 |只看該作者

原帖由 pomanlife 於 09-6-17 09:24 發表
KiuShaBB:

你要同你c6講清楚, 佢俾層樓你地住唔等於益左你, 兩個囡囡佢有份既, 即使係離左婚, 佢都要提供住既地方&俾贍養費俾囡囡, 加上你同c6結左婚嗰7年期間, 你都有份供樓架, 所以唔好似為佢係益左你, 係你應得 ...

係呀, 層樓我都有份供架. 以前佢無嘜野做, 都係欠住家用先, 遲d都唔知會唔會又係咁, 真係要小心d.

私人傳訊

禮媽

子爵府

積分: 11255

2018復活節勳章好媽媽勳章

28^#

發表於 09-6-18 15:19 |只看該作者

原帖由 KiuShaBB 於 09-6-18 15:08 發表

係呀, 我細佬話幾年內曾經有層樓都唔可以申請公屋. 咁層樓有我名又唔可以申請法援, 要俾律師賺多d.

唔係咁樣，如果你層樓係居屋，你要賣咗後兩年先可以入紙申請公屋，但，如果你嗰層樓係私人樓宇，咁你可以喺賣咗後就可以入紙申請，只要你名下無物業就可以了，但，你要睇清楚你入息是否超額，同埋，如果你個人資產超過咗亦都唔會申請到

私人傳訊

KiuShaBB

珍珠宮

積分: 31492

29^#

發表於 09-6-18 15:25 |只看該作者

原帖由 A.C.C. 於 09-6-17 11:42 發表
你老公仲好細路仔, 可能呢個就係你地無辦法相處到嘅原因.
一個無擔當嘅男人, 實在唔適合做爸爸.

佢唔係壞人, 亦唔似對你同囡囡無晒感情......
但係就未成熟到識得處理自己同身邊人嘅關係, 乜都係身邊嘅人同佢揸主意 ...

你係完全定確.

正如社工所講, 我係不斷進步, c6係唔肯用腦, 只知聽呀媽話, 佢呀媽係用緊幾十年前郷下既方法, 接唔接受到呢? 我地既gap只會越來越大, c6咁大個人, 亦唔去辨別佢呀媽既方法是否合時, 只知逼我相就, 咁點同佢相處?

私人傳訊

KiuShaBB

珍珠宮

積分: 31492

30^#

發表於 09-6-18 15:29 |只看該作者

原帖由 A.C.C. 於 09-6-17 11:42 發表
依家既然已經行到最後一步離婚, 可唔可以先分居一段時間?
佢無咗你地係身邊, 可能會迫到佢長大; 而且佢番去奶奶到長住, 就未必好似之前咁"蜜月期", 佢同你奶奶姑奶日對夜對, 磨擦就會慢慢出現, 到時佢就未必會咁聽阿媽話.

呢個就係我要佢返去呀媽到既其中一個原因. 佢地又返到未結婚時咁, 日哦夜哦, c6又想走路, 佢又覺得呀媽煩都未定, 希望佢可以正視個問題.

希望佢唔好誤會, 係我叫佢爭番一個女, 咁就煩喇.

私人傳訊

KiuShaBB

珍珠宮

積分: 31492

31^#

發表於 09-6-18 15:33 |只看該作者

原帖由禮媽於 09-6-18 15:19 發表

唔係咁樣，如果你層樓係居屋，你要賣咗後兩年先可以入紙申請公屋，但，如果你嗰層樓係私人樓宇，咁你可以喺賣咗後就可以入紙申請，只要你名下無物業就可以了，但，你要睇清楚你入息是否超額，同埋，如果你個人資產超過咗亦都唔會申請到 ...

原來係咁, 唔該晒.

單我一份入息要養2個女, 應該未超額, 如果計埋c6俾既錢就唔知, 最慘係我媽有錢喺我戶口, 好, 等我揾吓資料先, thank you.

私人傳訊

kalincliff

複式洋房

積分: 236

32^#

發表於 09-6-18 15:46 |只看該作者

如果你係單親應該可以早D申請到公屋GA!
問下社工知唔知?
我係單親家庭,我覺得係香港單親真係好多福利!書費/車費都唔使點俾~

我覺得你唔好咁快原諒佢!你應該利用呢段時間裝備自己,例如瘦下身,扮下靚~一個人長期唔開心真係會殘好多!你而家少左個壓力,你就盡量令自己開心D~又可以換下傢具/擺設,轉換下心情~等佢黎探女既時候,見到你咁容光煥發,見到屋企靚晒,生氣勃勃,冇左佢都冇緊要~佢就知驚啦!到時睇下佢表現先!

如果你咁快原諒佢,我驚佢好快會打回原形

私人傳訊

KiuShaBB

珍珠宮

積分: 31492

33^#

發表於 09-6-18 16:16 |只看該作者

原帖由 kalincliff 於 09-6-18 15:46 發表
如果你係單親應該可以早D申請到公屋GA!
問下社工知唔知?
我係單親家庭,我覺得係香港單親真係好多福利!書費/車費都唔使點俾~

我覺得你唔好咁快原諒佢!你應該利用呢段時間裝備自己,例如瘦下身,扮下靚~一個人長期唔開 ...

你係單親? 係你單方面申請離婚? 定係雙方同意架? 前日我去家事法庭攞表格, 單方面申請要先入表, 再分居. 跟住雙方同意離婚的話, 又話入手表前要先分居一年, 知唔知係咪分居一年後至入表? 唔係好明.

瘦身? 我一向都好瘦, 而家仲廋. 我都諗住遲少少要換過d櫃呀, 執吓野, 而家多咗櫃統擺野.