吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 9w完全冇胃口食野

懷孕前後今日: 11|主題: 329759

收藏本版

回覆發帖

返回列表

跳至頁

查看: 6534 | 回覆: 12

9w完全冇胃口食野 [複製鏈接]

lleung001

複式洋房

積分: 287

1^#

發表於 23-7-31 20:45 |只看該作者 |倒序瀏覽 |打印

大家好！我係一個準爸爸，目前老婆佢9w完全冇胃口食野，一日食既野半碗飯都冇，今日朝早咬左一口包，晏就食左三啖意粉（轉個頭又嘔返哂出黎）
夜晚仲係冇胃口食，
我已經唔逼佢戒口，叫佢盡量食鐘意食既野，屋企冇既我就出去買比佢食啦，但係佢仲係咁樣，基本上除左去廁所落床之外，全日都會係床到，會唔會算係正常情況？其實9w係咁要郁動下會好d?
各位媽咪會唔會都係咁既情況？第一胎，我完全投哂降，冇哂符

0 0 0

私人傳訊回覆引用

kybeee

大宅

積分: 3992

2^#

發表於 23-7-31 21:43 |只看該作者

lleung001 發表於 23-7-31 20:45
大家好！我係一個準爸爸，目前老婆佢9w完全冇胃口食野，一日食既野半碗飯都冇，今日朝早咬左一口包，晏就 ...

爸爸，
分享下我嘅經驗（我都未過12週），我同你太太情況一樣，食唔到野，基本上食到少少已經好叻！如果太嘔，可以同醫生講，醫生都會開啲孕婦止嘔藥食下。
同埋個人真係會好累，基本上係唔想郁，咩都做唔到。有時冇出街嘅日子，涼都唔想沖。
但日子慢慢過，會好起來的，係有盼望嘅！
其實我自己身體咁嘅情況，都好大無力感，因為想做個「正常人」，食野，行路都做唔到。
知道你都好錫太太，會心痛佢，但只能夠做嘅就係默默嘅陪伴同體諒。
加油呀！

祝福你哋！

私人傳訊回覆引用

72leelily

珍珠宮

積分: 31117

3^#

發表於 23-7-31 22:24 |只看該作者

回覆樓主:

吽仔階段好多人食唔落中式飯餐
超市買日本極酸糖含下
食下酸辣米線日式加喱飯越泰菜

私人傳訊回覆引用

lleung001

複式洋房

積分: 287

4^#

發表於 23-7-31 22:29 |只看該作者

kybeee 發表於 23-7-31 21:43
爸爸，
分享下我嘅經驗（我都未過12週），我同你太太情況一樣，食唔到野，基本上食到少少已經好叻！如果太 ...

多謝你先(emoji)(emoji)(emoji)(emoji)(emoji)(emoji)聽到你咁講，我都定d
望見老婆2個星期瘦左5kg ，都幾擔心佢係咪特別嚴重，
我都有帶佢睇中醫，個中醫開咩竹茹湯飲，照閃閃個陣醫生又開左止嘔藥，都係幫助不大，
女人有左都係辛苦哂你地，男人冇咩幫到手

私人傳訊回覆引用

lleung001

複式洋房

積分: 287

5^#

發表於 23-7-31 22:35 |只看該作者

72leelily 發表於 23-7-31 22:24
吽仔階段好多人食唔落中式飯餐
超市買日本極酸糖含下
食下酸辣米線日式加喱飯越泰菜

我都想老婆佢食下呢d，但係問親佢，都係話唔想食，有左變左好揀飲擇食，米線佢9w以黎食過一次，食左兩啖就又係停哂口
極酸糖未試過，我聽日去買先，多謝你建議(emoji)(emoji)(emoji)(emoji)(emoji)(emoji)

私人傳訊回覆引用

katielingmui

複式洋房

積分: 212

6^#

發表於 23-7-31 23:51 |只看該作者

lleung001 發表於 23-7-31 20:45
大家好！我係一個準爸爸，目前老婆佢9w完全冇胃口食野，一日食既野半碗飯都冇，今日朝早咬左一口包，晏就 ...

過度期嚟，我之前都係咁
我嘔唔算嚴重，但每餐食唔到之前1/3，話咩小食多餐，但我食一餐頂住4個鐘，到食到野已經係下餐，根本冇多過。都係8周左右開始，我差不多4個幾月先正常返。
我都跌咗3kg左右，不過照超聲波話BB周數量出嚟大實際5日，所以我都好放心。每晚嘔清先食營養丸。醫生話食唔落就多食蛋白質野，少碳水化合物。好多人分享都係話梳打餅、乾身食物易入口啲，我自己最鍾意食pizza, 脆口嘅野，慢慢發掘下。同埋我會飲豆奶時，鈣思寶有款係高蛋白質嘅，咩都唔食就飲下。
中間有因為流啡又困住係屋企一星期，真係冇郁之後，行步路都喘氣，如果可以都真係落下街行好啲，加油！

私人傳訊回覆引用

tracykayau

大宅

積分: 1202

7^#

發表於 23-8-1 04:10 |只看該作者

孕初期係比較辛苦！我頭3個月都係無胃口，甚至怕咗食嘢，見到食物都有啲抗拒，個口有陣苦味，食嘢會覺得食之無味/鹹到有苦澀味…我已經好幸運，只係有啲反胃，無嘔過，但都瘦咗5kg! 加上我有流啡情況，要服用黃體素，所以日日都好頭暈無力，有時連沖涼都無力，去到10-12周開始會正常返好多～
試吓食乾性食物例如梳打餅、鹹味麵包（芝麻豬仔包、腸仔飽）或麥當勞

私人傳訊回覆引用

tracykayau

大宅

積分: 1202

8^#

發表於 23-8-1 04:11 |只看該作者

私人傳訊回覆引用

HOPEFORBB

子爵府

積分: 14054

9^#

發表於 23-8-1 09:48 |只看該作者

回覆 lleung001 的帖子

我自己都經歷緊，真係好辛苦，我食完仲要想等佢落格，但最後都係回吐

如果唔係要返工，我淨係想係張床度攤，唔想郁，無神無氣咁

我都唔知幾時會好啲，我記得之前第一胎，差唔多12週度就正常返，希望今次都係

私人傳訊回覆引用

kate_chan

複式洋房

積分: 380

10^#

發表於 23-8-1 17:13 |只看該作者

我6week開始作嘔，現時策略係少食多餐，胃脹/作嘔時食梳打餅/水果（奇異果、提子），會舒服啲，最近買咗隻鹽檸檬糖代替話梅，獨立包裝，隨身攜帶，胃唔舒服就食粒

私人傳訊回覆引用

kukucat

複式洋房

積分: 472

11^#

發表於 23-8-1 22:10 |只看該作者

我啱啱開始一日嘔足7次，連飲水都想嘔，放假一個星期5日都拎去瞓覺。當嘔到面都青埋先驗有冇 BB，醫生都只係開咗我3日止嘔藥多都唔想畀我。

我好珍惜啲止嘔藥，每日坐車返工之前未嘔就食定費事喺車度嘔。不過止嘔有度唔好，食完好眼瞓，眼瞓完藥力過咗其實都一樣好想嘔。

M 記同埋沙律有種神奇嘅力量，嘔嘅機會少啲。我比較建議早上食，夜晚早啲瞓好過勉強去食嘢。有排老公撈咗好多沙律畀我食，佢話買生果啲錢仲貴過佢食嗰餐飯XD

早上起身好想嘔就盡情飲大杯水，好快就會嘔返曬啲水出嚟。跟住就可以食嘢，通常啱啱嘔完好少再嘔過。而且嘔水係比嘔其他嘢舒服好多。

其他時間真係食唔落最好 Keep 住飲鮮奶，會有神奇嘅飽肚感覺。不過唔好一次飲太多，一個鐘飲幾啖慢慢嚟。

如果唔駛做嘢瞓下覺都好，瞓著咗就唔會想嘔啦。不過又唔好唔食嘢，太肚餓瞓咗一樣會想嘔。

私人傳訊回覆引用