自由講場今日: 2299|主題: 1303894

收藏本版

發帖

返回列表

跳至頁

查看: 2501 | 回覆: 10

婚姻/婚前/戀愛輔導: 相處唔係太和諧/想進入下一步但有疑慮 [複製鏈接]

hihi123ah

複式洋房

積分: 474

1^#

發表於 23-6-5 21:13 |只看該作者 |倒序瀏覽 |打印

大家有感情問題都會上來問意見，講下，但似乎呢度唔多人去婚姻/婚前/戀愛輔導，所以想提倡一下。什麼是婚姻/婚前/戀愛輔導:
婚姻/婚前/戀愛輔導當中有個專業既社工/輔導員/臨床心理學家去梳理一下大家既感情，相處模式，價值觀，原生家庭，理想家庭模式，生活方式，找出衝突後面雙方真正被漠視既情感需求(被尊重，被感激，被愛，被重視)，以及雙方如何更充滿愛地滿足大家既情感需求，調和大家既相處模式，係可能可以幫助大家相處和諧一D，令大家重新感受到兩個人當初點解選擇一生一世。

為何要去?
因為自己/對方/雙方有時好難克服某D野，有個人幫自己同對家梳理下，制止/提醒下自己/對方既不良言語行為，調整下期望，治療下創傷，安無下自己，可能已經好好多，至少相處平穩D。

係咪要好嚴重先去?
唔一定要嚴重先去輔導，可能生活有d唔夾/好似無左開心既感覺/有d大家收埋左唔講，表面好似無事但大家銀住銀住都可以去輔導一下，就當同個有專業眼光既朋友傾下家庭事/呻下，攞下額外意見咁。

係咪要好嚴重先去?
唔一定要嚴重先去輔導，可能生活有d唔夾/好似無左開心既感覺/有d大家收埋左唔講，表面好似無事但大家銀住銀住都可以去輔導一下，就當同個有專業眼光既朋友傾下家庭事/呻下，攞下額外意見咁。

個個都唔去我地/我去咪好失敗?
其實真係好好既家庭/一對唔多，大多數都係有e樣果樣問題，只係:
大家無習慣去輔導->以為得好少數人好嚴重要->覺得自己唔需要/去左好羞家失敗-->大家無習慣去輔導: 惡性循環。
我自己既觀察係:
理想情況係，一對普通情侶都係需要配對一個社工/輔導員，因為一對情侶係可以好複雜: 原生家庭，婆媳關係，價值觀，相處方式，經濟，理想家庭，心入面既早年創傷，情傷...呢D都可以影響一個家庭，而自己未必所以野都可以克服的。
以前既家庭唔識/羞於找幫助，結果好多子女都不幸地有家庭上既創傷，咁我地而家呢代開始搵人幫，希望以後子女累積既創傷少D，惡性循環少D，快樂相處多D。
求助唔係軟弱無能。正如背隻良痕，自己r唔到叫人幫你r下唔代表你隻手做唔到野/唔努力，因為只要係人都會有盲點/手難以觸及之地方，咁唔係無能/無做好自己。

對家唔肯去
可以自己去住先，當有個專業中立第三方幫自己解困，唔解決到d咩呻下都好。可以佢覺得叫佢去=話佢係個好失敗既伴侶/有其他有關佢既負面訊息，咁你可以澄清一下，無呢個意思。
亦希望大家稍微注意一下提議輔導果陣時既語氣/態度，就算對方不情不願/hea，只要佢肯去試，都希望你俾D鼓勵對方，至少唔好潑冷水(例如: 叫左你咁耐先去，應該一早去啦/無誠意算數)，因為可能對方都有自己既困難而好累/無動力，肯hea你既後面可能已經係克服左勁多困難。

係去都係對方去，唔係我去
1. 提倡去/主動去唔代表自己既錯。就算係對方既錯，都希望可以放下對錯/專嚴/面子陪對方去。感情路上大家都有對有錯，有改進空間；除左分對錯，都耍大家互相扶持走下去，只要你想大家一起走下去。
如果對方真係極錯，例如家暴/有第三者:
咁一係直接分手，就自己一個去下，咁就可以有個人幫自己檢視/收拾心情，幫自己重新出發；
如果想挽救，就要有人睇下係咪對方有咩難以解決既心結/過去經歷等等，要點解決，自己既心情如何處理...
唔知點算，都可以搵人傾下，幫自己梳理下。
2. 對方可能做錯,但自己或者都有改善空間/有野可以幫下佢。一起去有助發現呢D細節。

一定有效?
咁當然得唔得就唔一定，都要看對方是否配合，輔導員是否同你們夾等等但至少俾自己個機會試試. 有唔少人係，呢段感情挽救唔到,但同輔導員傾下係可以幫自己整理/吸收經驗/下一段感情做好少少。

Conclusion:
希望大家趁感情未去到一發不可收拾就去婚姻輔導，可能感情生活上就少d遺憾同傷痛...

邊間先好?
有個小秘訣就係:
看看個機構website(google搵婚姻/婚前輔導就有)既真實個案/用家反映看下係咪啱自己，同埋上佢地個youtube(如有)，看看佢地既真實case既video，睇下入面講既野自己有無共鳴；亦可以打過去中心電話，同佢地初步傾下時間/風格看下是否啱自己.

Google Search例子：
https://www.hkpcc.hk/v2/zh-hk/feedback/

如果機構有宗教背景而你唔信，你可以同佢哋講的。

本主題由王國執事於 23-7-5 15:52 關閉

0 0 0

私人傳訊

hihi123ah

複式洋房

積分: 474

2^#

發表於 23-6-6 13:00 |只看該作者

推post

私人傳訊

mimi199188

子爵府

積分: 13103

3^#

發表於 23-6-6 13:17 |只看該作者

最重要相信自己直覺，只挑選，不改變。人的性格習慣行為如果要改變好容易有情緒病。所以選擇一個夾到，好過勉強自己去改變或者改變人地。
我會直接分手好過去做輔導。
如果真係無一個夾到我寧願單身。
遇到我老公前我遇到都吾少男人，但吾夾，好快就分手，直接遇到我老公，相處一個月就決定結婚，同佢真係好夾，相處好舒服。所以真係吾好勉強，直接分手好過

私人傳訊

hihi123ah

複式洋房

積分: 474

4^#

發表於 23-6-6 14:34 |只看該作者

唔同人有唔同做法同處境。

例如有D有埋仔女想走就難D，有D係有D唔夾但又未真係想走，因為對方有好既一面，有D年紀大少少，有D同對方ok但婆媳先係問題又唔想因婆媳分手。。。。。。咁輔導係可以慢慢幫下既。

同埋去輔導唔係一定話要勉強自己改變/好用力忍D咩，而係話可能有D惡性循環雙方都想走出來但走唔到，所以想局外人幫手看下大家點係可行情況下走出來；更重要既可能既係有人聽下自己呻一D平時無人聽/開解到自己既野。當自己/對方對另一半慢慢有新發現/眼光(原來係咁咁咁既)，或者自己/對方係輔導中疏理左情緒，想法而平靜左，唔洗勉強，良性循環自然慢慢建立。無人會勉強人去做D咩。

就好似你以為有朋友偷錢，你當然會嬲啦，想自己唔嬲都唔得。但之後你知道只係誤會，怒氣就自然消失，絲毫無須勉強。輔導有少少似係咁。

咁實際上是否做到，就睇大家同輔導員夾唔夾等諸多因素啦。

不過，呢個只係建議，唔係話一定要輔導先得，只係俾多條路大家參考。

似乎你已經揾到啱自己既路，咁係最好的。