正正b 發表於 20-2-25 21:46
想請問下你小朋友讀成點, 有冇話第時出黎通常會做咩 同埋起薪點大概幾多咖, 我仔話佢朋友做左2-3年, 依家 ...
叫你仔唔好見人好就覺得好易,廣告行頭除咗講天資之外,際遇都好緊要,遇到伯樂有人指點就行少好多冤枉路,但有經歷捱過亦係一種得著。做廣告要襯後生,始終都係要捱行抵夜,長時間OT,花腦力又要話頭醒尾,以前行頭百花齊放,食正條水嘅就扶搖直上,身價如坐白金升降機咁,而家行頭窄咗,分工細咗,唔可以再只識一瓣,要周身刀,最好張張利,所以要時刻增值,要一眼關七,要留意時事,走跟得上潮流。
廣告公司入職人工低,好多人捱唔到,一兩年走轉行大有人在,不過廣告行業見嘢多,識人廣,係一個令人大開眼界嘅行業,有時間有心嘅,值得入去走一回。
花旗太太生活在花旗國,留意時差,你問我未必即時答到。