大仔大女媽媽會今日: 0|主題: 177860

收藏本版

發帖

返回列表

跳至頁

查看: 819 | 回覆: 2

[2006年] WHY???? [複製鏈接]

kchy

複式洋房

積分: 418

1^#

發表於 07-8-8 10:40 |只看該作者 |倒序瀏覽 |打印

點解老公總係叫我俾囡囡俾99湊者..
成日都叫我掉低下囡囡去玩..
我真係好想問下各位媽咪..
係一個許可既情況底下, 你真係捨得掉低BB自己去玩嗎?
我自問真係做唔到, 要我掉低個女自己去玩..
玩都玩得唔開心啦.. 一係就同埋個女去玩..
如果唔係, 我寧願唔去, 留係屋企陪個女..
佢每次叫我俾99湊, 我都話唔好, 佢就話我硬頸..
係呀, 我係硬頸, 我係唔想俾囡囡佢地湊..
因為係囡囡岩岩出世個3個月, 佢地成日都霸住囡囡..
令我極度反感.. 所以每次我都唔會放低個女俾佢地湊..
為左呢件事, 都好幾次同老公對抗..
當然, 佢都無我辦法! 因為我點都唔肯讓步..
我寧願自己同囡囡係屋企!!!!

做daddy既會放心將個女放係屋企去返工..
咁當然, 因為佢地始終都要返工..
做mami既, 如果係做家庭主婦+自己一直湊開BB的話,
我相信任何情況底下都唔會放低個BB.. 出街都一齊出..
但點解老公每次都唔明???

未有BB前, 99唔開心, 就要我陪佢去街..
去過一次, 問佢想去邊, 佢話事旦, 問佢想睇咩, 佢又話事旦..
睇自己d野咩, 佢又悶.. 真係得個行字.. 完全無意思!
老公再一次叫我同99行, 我話唔去.. 佢又話呢樣又話個樣..
根本就無意思.. 到囡囡出世, 99又呻話無人陪..
老公又話我.. 咁我要睇住個囡, 陪鬼陪馬..
叫62陪佢囉, 62又唔使返工..
到我同老公一家三口去玩返3日2夜..
夜晚返黎, 囡囡訓左, 老公又話俾99見下, 又話99掛住..
我話, 個囡訓左, 見咩者.. 唔爭在等聽日啦..
佢又俾晒面色咁.. 我真係頂唔順囉!!

每次放假, 諗住一家三口, 去邊都好啦, 只要一家三口就夠..
往往都係變左同埋6299.. 大佬.. 住又一齊住..
連放假諗住有自己一家既時間都無埋..
有時我知自己係諗得自私d.. 但.. 我都想有家既感覺者..
3年喇.. 一齊住3年, 好坦白咁講, 我從來都無「家」既感覺..
點解老公仲係唔明白我???? :-(

呻完!!!! 舒服晒!!!!

0 0 0

私人傳訊

dnbb2006

大宅

積分: 1774

2^#

發表於 07-8-8 11:25 |只看該作者

kchy,

呻完舒服哂就好囉. 99呢種動物, 有d人話好, 有d人話衰. 我呢....我唔駛同99住, 因為我知道"相住好, 同住難", 99同姑仔d生活習慣我完全睇唔過眼,好彩老公又鍾意2人世界, 唔係實"火星撞地球".
我同你一樣, 一分一秒都想陪住阿b, 出去玩都一定要帶埋佢, 除左返工就俾自己阿媽湊. 所以老公話想去旅行, 我寧願唔去, 除非帶埋阿b去....

我坐月時開始勁唔likely我99, 我阿b個面仔初吻都被佢偷左去, 激到我c.....
老公點解成日想你放低個囡, 係因為佢想佢父母開心囉. 老人家見到自己個孫點會唔開心丫. 所以我老公而家每個禮拜至少都要俾阿b我99見一次, 有時我地約左人唔同佢食dinner都要食lunch....以前既我直情唔想見佢地, 每個禮拜都同佢地family day我就最憎, 我只想要一家三口既family day咋. 為左呢件事, 我地之前冷戰過一次, 而家老公都尊重我意見, 唔駛每個禮拜order式咁一定要返99度, 會問下我. 相反, 佢尊重我時我都尊重吓佢, 可以的話咪俾99見下囉, 佢都係會錫個孫而唔會害佢既, 咪由佢囉. 而家相處落都ok, 99都唔係咁討厭啫. 佢係你老公個媽黎架嘛, 俾少少面啦.