Re: 哈..鐘意就入黎傾下啦^-^
我今日都仲係勁b, 要走來走去呀! 所以我唔會去c 豆呀!
溫完哂書...............講hinma 先!
hinma, 你同我一樣, eq 低. 有好多時, 人要抖下氣, 日日勒到自己好緊, 自己會好辛苦. 我都試過同隻佬為左d 好minor o既野argue 完, 之後我沖涼時喊到成個豬頭咁. 自己問返自己, 仲乜喊得咁勁呀? 自己都答唔出, 不過係得一個人而又無人見到o既環境, 就會無la la 喊左出來.
我同你唔係好熟, 不過有時見到你post 出來你老公d 野, 又係幾激心. 你唔好諗住同老公講2 句, 就可以改到. 不如你試下自己take action 先, 我而家每日都會同老公send e-mail, 有好多野個口講唔出, 寫會比較easy d. 就算你琴晚同佢有咩argue, 你都可以寫出來, 講返比佢知你點解會有hard feeling, 你提議佢可以點樣做..........又或者你同佢鬧完交之後, 你見到佢o既態度好差, 你又話返比佢知, 你寫明話你寫出來, 唔係要佢改, 只不過想比佢知你個feeling. 如果佢唔send e-mail, 咪send sms 囉, 好多野寫好過講. 佢唔識send, 你就send 比佢先, 跟住問佢收唔收到? 再教番佢reply 你囉.
人人都話我老公都算ok, 好似am 老公咁, 年中都唔知收幾多次花, 佢又肯share 湊阿b, 對我又唔算"姑寒"..........but 家家有本難唸的經.......佢發脾氣時, 個面口嚇c 我..........
樣樣野都有第 1 步, 不如你答我你係咪想同佢一齊行埋落去先? 如果係yes, 與其自己係到諗得咁灰, 不如自己take action 先, 我成日都覺得一對夫妻係一面鏡, 你點做得多, 另一方面係不知不覺中就會學到. 以前我睇書都唔係100%信, 不過自從阿b 返左ok , 自己湊返之後, 好多野係如果我開口叫佢點做點做來配合我, 老公佢好難記得點做. but 我唔理佢, 我照做, 時間耐之後, 我會慢慢都睇到, 原來佢都可以做到.
一世人溜溜長.................幾時先喊得完個人生呀!
hinma, 出來抖下氣啦(同邊個都好啦, 你自己都有d best gf 架嘛), 好多野你成日worry 老公做唔到, 你試下放手, 其實個情況, 一定唔係你想像中咁差架.
hinma, 希望你明我講乜啦! 不過如果有d 唔o岩聽, 就當睇唔到, 細路仔唔識世界
多謝am 幫我搵個好英o既buzz 呀! 特此鳴謝!!!