hinhei 寫道:
校服問題.........唉!!正如所講,真係唔會再講啦!因為就係因為繼唔繼續準穿背心都搞到咁,若要再改校服款式就真係.........
到時會出現
部份家長唔想轉款,因又要買新的!
款式.......個個家長意見唔同,顏色、質地都有排講.........就好似冷外套咁,又係個個意見唔同,初講好深藍色,跟住又有人話唔靚,跟住又某位家長直情去唔知乜廠攞咗堆貨板返來,結果又係個個唔同意見,一時又話貴,一時又話質地唔好!!
總之好煩!!
hehehheeeeeee
網頁.........唉!!
你哋都唔知,好似幼苗樂呀,相呀個啲!初我就要成日吹學校比嘢我去同佢哋update,大佬,我義務架咋!真係皇帝唔急太監急!好似個個家長通告個頁咁,我叫佢哋把要出的通告成板copy返落去咁簡單都係做唔到!!!
搞到我都無再去理,無再去問佢哋.........
不過我都會同你哋反影返,希望佢哋肯去做啦!其實只要佢哋出聲,要幫佢哋搞無所謂,最慘係佢哋自己愛理懶理...........
下年,我唔做囉!!我成日唔得閒開會,我巳一連三次無去開啦!次次都撞著我自己有事唔得閒!!加上大仔上小學,星期六唔得閒囉!!
不如你哋諗諗佢呀!我會投你哋一票架!!