吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 婚姻點解令人咁累？長

夫婦情感今日: 7|主題: 42454

收藏本版

發帖

返回列表

跳至頁

樓主: ricky0223

1 2 345

積分: 19549

61^#

發表於 17-5-25 17:44 |只看該作者

本帖最後由 aidan08 於 17-5-25 17:52 編輯

樓主，雖然我無試過獨自湊小朋友，但睇到你個post同D jm的回覆。有幾點可能會有用︰

1) 有位jm講得好啱。你要以重要程度排序。我自己意見，一定係同老公感情最重要，因為無論你煮幾多餐好餸，帶幾多次個仔去公園，整到屋企幾乾淨。如果你同老公感情唔好，一切都係無意義。你愛你個仔，更應該盡最大努力維繫同你老公的感情。你同老公感情好，係送比個仔最好的禮物。

所以，你生活壓力大，唔好發洩喺老公身上。代入男人角色，諗吓如果你係佢，你返到屋企想見到咩景像？係一個日日三餸一湯井井有條但老婆燶晒面個仔又喊又嘈的家？還是間屋少少亂，個仔少少百厭，餸未必日日豐富，但老婆總係笑笑口，會噓寒問暖，對自己體貼溫柔的家？唔好問點解樣樣要我做佢又唔做先？點解佢又唔體諒我？點解我要取悅佢？因為人係應該先要求自己，少要求人地。要改變現況，一定從改變自己開始。吓吓問點解人地唔係你心目中咁樣，你唔會改變到人，亦唔會改變到現況。

做女人唔好咁蠢，辛苦嘢做到足，但容易又可以加分的就唔去做！你focus老公，把口甜D，誇張D都要比佢知你唔想佢放工後煩到佢，比佢知道你重視佢感受，就算家務做漏少少，飯菜難食少少，男人都會體諒，肯定好過你而家咁。

唔好expect男人會幫到你，無期望就無失望，尤其你老公嚟自一個女人做晒D嘢嘅家庭，佢會認為咁係正常。你太執著，你老公又無唔肯幫你湊一陣個仔等你做嘢，點解你要介意佢點湊？睇吓電視i pad有咩咁大問題？你比得佢湊就唔好理佢點湊。話你知，你其實試吓讚佢湊得好，佢會仲努力幫你。男人係鍾意女人讚，試咗你會明。

2) 我真係要提吓你。你唔可以咁就個仔，因為個苦果係自己吃。佢唔去公園就扭計？由佢扭，只要你係喺屋企就唔驚佢扭，佢扭多幾日知道你唔會就佢就唔會再扭。教細路如果你驚咗佢扭計，你會有排受！我有個朋友就係好驚個仔扭計，所以一直只講道理同埋好就住個仔，佢個仔而家八歲了，脾氣只係愈來愈差，也愈來愈難搞。細路仔你一定要學識不妥協，夠忍心，等佢知邊個先係話事嗰個。你個case你更加要令佢聽你話，咁會幫輕你好多。唔食飯由佢，餓佢一晚半晚唔會有事的。教小朋友你態度一定要firm。你個仔跟開你，會好驚你唔理佢，有時用吓ignore佢個方法嚟罰佢，我仔細個都係百厭星，都試過大脾氣，但比我馴服到而家好聽話。

仲有，我發現有D人唔識靈活變通的好難湊到小朋友。佢唔可以有一日唔去公園，係咪覺得屋企好悶？你有無諗過呢？你有無令到屋企好玩D呢？我仔從來唔會因為要離開一個地方而扭計，因為喺屋企都好好玩。你要佢返屋企，有無利誘吓佢，搵d嘢吸引吓佢？轉移吓佢線綫？我見到有D人本身個人就係睇嘢一條直線，唔識點樣氹細路，點樣控制佢哋，所以比細路舞到頭暈。

3) 你會唔會係一個好執著嘅人？覺得細路一定要食自家製，唔可以食糖，一定唔可以睇電視，玩ipad一定唔好？勸你放鬆少少，無嘢係一定的，間中做吓D放縱嘢係無問題的。你太執著的話，自己又辛苦，小朋友又唔見得開心。樣樣嘢其實只要唔過量，根本係問題不大的！佢有樂趣之餘，你條橡筋又唔會拉到太行。ipad都有好多教育性強的玩意，電視都好多嘢教到小朋友的，得閒食吓糖，佢大個唔會你唔喺身邊時，有人一比糖佢佢就發狂食！樣樣嘢其實都係睇你點睇的。

你值得開心嘅係，你老公仲會講你知佢感受，佢想點，而且佢個心仲喺頭家。你真係要珍惜同諗方法幫自己過得輕鬆D。人人都鍾意開心的人，做個開心的太太同媽媽，百利而無一害。加油！

私人傳訊

Sinkayukat

大宅

積分: 1103

62^#

發表於 17-5-25 19:57 |只看該作者

vet 發表於 17-5-25 00:28
再買洗碗碟機

good丫，2樣都有買

私人傳訊

章魚妹妹

男爵府

積分: 8319

63^#

發表於 17-5-25 20:11 |只看該作者

逼到自己咁緊咁高要求會好辛苦架，小朋友我唔會太就佢，我堅係得閒先帶佢玩一陣唔會日日去，我呢排唔舒服都係等老公放假先會去，佢要扭要喊我會由佢喊哂先同佢講道理！歲半打後食野都跟大人，唔會再額外整，有時間先會整下麵包，唔係就烚下蛋同粟米生果做下午茶，家務隔日做唔會有大問題架，但同老公要傾下，大家體諒下大家，男人總係少條筋！

私人傳訊

Eason_mama

別墅

積分: 898

64^#

發表於 17-5-25 22:52 |只看該作者

其實我之前同你都有D似，後來對c6發過幾次老脾佢都係咁，我就直接同佢講：我地其實係咪無咁感情所以你先會咁？定係我地係為咗小朋友先一齊生活？好，所有我都接受！我以後唔會對你有任何意見任何要求！除咗小朋友的事，我地各自各精彩！
之後佢先知大件事，依家成日主動湊bb，又問寒問暖咁。
但大家唔好學啊！費事真係出事，我擔當唔起

私人傳訊

dadamatrix

大宅

積分: 2377

BK Milk勳章

65^#

發表於 17-5-25 23:18 |只看該作者

太多家務係會迫死自己，無工人既生活就要降低自己要求，地唔使日日拖日日掃，衫唔使日日開機，煮飯叫個仔坐係度陪你煮，當玩煮飯仔，涼就一齊沖，沖到3歲左右就叫佢自己沖，一日買定幾日餸，來回慳好多個鐘....每個人得24個鐘，小朋友好快大，要學懂好好enjoy呢個時候..

私人傳訊

kinki621

大宅

積分: 1281

66^#

發表於 17-5-25 23:53 |只看該作者

ricky0223 發表於 17-5-24 21:12
一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街 ...

樓主我同你一樣我仲要湊2個 5,2男仔
因為工人走左我辭工做左半年ftm
大仔k2上午無坐校車自己送半小時車程
每日一早起搞2個送番學買送番屋企拿拿林煮lunch 拖地又夠時間去接放學番黎食完飯2個訓覺我又準備晚餐洗衫晾衫等等有2日有興趣班又再接送
番到再煮飯洗碗
我半年得1,2次勉勉岀走去同朋友食左幾粒中飯最近大仔準備揀小學細佬未有好offer讀n
壓力太大無好好舒發岀黎加上琴日接送番學淋左幾場大雨結果琴日終於爆發
爆到一發不可收拾同時我先生都係
掃哂我啲嘢落地我心都好痛唔知甘辛苦為咩
好似做既野無人認同覺得好委屈
到今日我又繼續起身湊仔生活都一樣要甘過
只我同自己講盡力做好一個好媽媽仔女一定會明白
加油呀好多人支持你

私人傳訊

samsam0428

大宅

積分: 1272

67^#

發表於 17-5-26 00:05 |只看該作者

我都係ftm一打二，過程中不斷學習，而家進展到搞到晒兩隻b同屋企家頭細務，仲可以四圍wet,有小小心得分享下：

1. 買餸整餸煮飯洗碗佔好多時間，唔洗迫自己日日煮到飯，煮到就煮，大人出街食真係無乜所謂，如果你想阿b食得健康d，你可以等老公返屋企前蒸盒魚同菜，肉餅之類，然後出街食街既白飯，係我立場，兩歲已經可以食街外清淡野都得

2. 買部洗碗機，奶樽，碗碟，煲乜都洗到，慳番時間同仔玩，你買左之後會覺點解買得太遲

3. 仔瞓左先集中時間做家務，佢地搞搞震，明明15分鐘做好既家務，佢纏住可以一個鐘都做唔到

4. 一次過買2日餸，得閒就整定餸或bb粥飯料分好一盒盒

5. 每日出街食個靚早餐開始美好既一天，出街前煲落飯底/粥底，之後帶仔食早餐再去公園同買餸，返到屋企就直接加之前預備好既飯料，係等佢熟既同時，幫阿b沖涼就開得飯

6. 報下pg比自己抖下，2歲可以唔洗父母陪，憶佢習慣下pre n 生活

7. 同老公傾下你既難處，set 幾件佢可以幫到手又易成功既事，例如幫阿仔沖，食臨瞓之前餐奶，曬衫，點都要分擔下，同佢講ftm做到病就湊唔到仔，人人出下力，家庭先會和諧(emoji)(emoji)(emoji)

加油呀，你阿b就返學，好好享受呢幾個月獨處既時光(emoji)

私人傳訊

tammy2008

水晶宮

積分: 50566

68^#

發表於 17-5-26 00:06 |只看該作者

ricky0223 發表於 17-5-25 10:50
好多謝你既意見，大家都係咁講，我諗要好認真諗下點改善，唔洗成日唔開心家嘈屋閉
可能我性格太 ...

迷你洗碗機資訊 : RASONIC 剛係香港出咗無耐, 但有消息話遲幾個月美的都會出類似SIZE 但功能更好既....

私人傳訊

uglyfufu

大宅

積分: 3287

69^#

發表於 17-5-26 00:14 |只看該作者

SeaOtter 發表於 17-5-25 13:56
同意, 吸塵機械人加洗碗機! 你太focus on 小朋友, 其實佢已夠大要train 紀律, 咩叫落少次公園就唔得? 咁你 ...

私人傳訊

艾森

子爵府

積分: 11164

70^#

發表於 17-5-26 01:02 |只看該作者

Eason_mama 發表於 17-5-25 22:52
其實我之前同你都有D似，後來對c6發過幾次老脾佢都係咁，我就直接同佢講：我地其實係咪無咁感情所以你先會 ...

呢招我出過，次次都係好一排又發作，佢發作我又當返佢透明，佢費事睬我一、兩日後，又對你好d

不斷重覆又重覆

私人傳訊

Gengen4321

大宅

積分: 1581

71^#

發表於 17-5-26 01:12 |只看該作者

其實可以去少一轉公園

私人傳訊

大豬既老婆

伯爵府

積分: 17539

72^#

發表於 17-5-26 08:37 |只看該作者

同意其他JM講，時間安排同工作上可以再調整。

1. 買送同洗衫唔需要日日做，最好去買送個日就唔洗衫，兩樣野錯開好d。屋企買定d急凍野如豬扒雞翼牛仔骨，唔洗餐餐都新鮮野。
2. 晚餐亦唔一定要三送一湯白飯任裝。撈個排骨，擺埋落個飯煲度煮排骨有味飯（同樣apply去蒸雞飯或者海南雞飯），又一餐！湯亦唔需要日日煲，一次煲兩日份糧，第二日返熱無問題，唔好不斷狂煲就ok。再講，一餐半餐無湯都無咩所謂啦。
3. 似乎你個仔一扭計你就投曬行，比如去公園，我覺得帶小朋友去公園放電係需要，但亦唔係話必定一日要兩次。小朋友已經兩歲，聽得明道理，亦可以係適當既時候唔順距意，距都要知道呢個世界唔係距講乜就係乜。
4. 其實做女人唔容易，你係你個仔既媽咪，亦係你老公個老婆。你老公需要一個老婆，唔係一個家務助理。

私人傳訊

greenpea

珊瑚宮

積分: 106986

親子王國15週年勳章 BK Milk勳章

73^#

發表於 17-5-26 10:02 |只看該作者

見到你的分享都心痛

自己都過走你現在的路

你小朋友已經 2 歲，9 月送佢返學啦，咁你會多啲時間處理家務事，一齊會變得輕鬆啲

你就快捱出頭，有柱光了，加油！

如果你覺得自己真的唔適合做 FTM，等小朋友開學做返野，你計下多一份收入可不可以搬去一個有工人床位的地方，你做返野啦

自古小朋友細時個個媽媽都係捱出頭的，不見得以前啲男人會幫手㗎啦係咪，大家一齊都係捱緊㗎

有壓力就上嚟傾下啦

私人傳訊

RAY媽

伯爵府

積分: 19370

2024年龍年勳章

74^#

發表於 17-5-27 12:04 |只看該作者

samsam0428 發表於 17-5-26 00:05
我都係ftm一打二，過程中不斷學習，而家進展到搞到晒兩隻b同屋企家頭細務，仲可以四圍wet,有小小心得分享下 ...

題外話，邊部洗到煲?

私人傳訊

Nancy20090615

瑪瑙宮

積分: 128865

75^#

發表於 17-5-27 12:23 |只看該作者

本帖最後由 Nancy20090615 於 17-5-27 12:24 編輯

大豬既老婆發表於 17-5-26 08:37
同意其他JM講，時間安排同工作上可以再調整。

1. 買送同洗衫唔需要日日做，最好去買送個日就唔洗衫，兩樣 ...

同意, 樓主的家務編排問題攪到自己好攰. 改善下, 唔好比自己一世困响家務度.

私人傳訊

samsam0428

大宅

積分: 1272

76^#

發表於 17-5-27 14:06 |只看該作者

RAY媽發表於 17-5-27 12:04
題外話，邊部洗到煲?

西門子，大P,九陽，Rasonic全部得，只要你個煲隊得入而佢可放洗碗機洗就得.....如果廚房大就買部座地式大機，真係大鑊，幾個大煲都洗到(emoji)(emoji)(emoji)(emoji)(emoji)(emoji)(emoji)(emoji)(emoji)(emoji)(emoji)(emoji)(emoji)(emoji)(emoji)......我買左洗碗機2年，堅後悔買得太遲，點解唔一結婚就買黎用，有洗碗機，老公都可以幫手入機，落洗碗粉開制就得，洗完就有洗到超乾淨又烘乾既碗等緊你