chancheryl 發表於 21-7-31 07:14 
何以同微微都好好睇好跟足小說情節。杉杉開頭都ok既，不過男女主角都oo做得麻麻（fans唔好打頭）而 ...
杉杉電視劇注水好多，加咗好多戲份俾男女二果對，但又唔係真係咁好睇，仲要夾硬製造誤會俾男女一，然後杉杉堂姐個角色又係多餘，編劇專登製造阻礙俾男女主，後面由24開始大概有七八集係多餘，如果照小說拍可能係唔夠火花，但勝在唔會搞到杉杉人設有少少變質。
何以同微微都冇睇，主要係女主兩個都唔鍾意，男主我又冇咩興趣，今次睇榮耀有驚喜，幾乎照足小說內容，睇後面預告片，應該連番外拍埋，求神拜佛唔好又加戲俾金晨同季肖冰，一陣又整D咩誤會出嚟就多餘，喬晶晶同于途兩個嘅阻滯係來於兩個人嘅背景同心態，而唔係第三個人嘅界入，否則又係毀劇。見有人彈楊洋，公道講句，佢演于途已經有80分，本身夠靚仔，同玉兔大神幾吻合，見佢好多表情都叫做可以到位，唯一可以吐糟係佢太過蹦緊，演大神OK，演普通人就有點太疏離，唔夠人氣，成日有種「端著端著」嘅感覺，于途喺喬晶晶眼中同學科領域上的確係大神級，可遠觀而不可褻玩焉，但作為普通人，佢嘅表情太少，對住佢科研所嘅同事，一齊食飯傾計，明顯佢表現得太似外人，雖然當時佢係決定咗辭職，心裡面有各種複雜情緒，但就係見唔到佢同同學嘅親密感，冇理由同事咁耐，仲係好似一個外人咁。同關在相處亦然，觀乎潘粵明就好接地氣；對住胡所、張教授王教授亦係，玉兔大神仍然好似一個大神，唔應該係咁囉；去到佢對晶晶動心，有D表情未到，等睇下後面佢拒絕晶晶後嘅內心掙扎同決心追番晶晶後嘅甜寵表現係點。
花旗太太生活在花旗國，留意時差，你問我未必即時答到。
, 
發表於 
好跟足小說情節。杉杉開頭都ok既，不過男女主角都oo做得麻麻（fans唔好打頭）而且後段情節唔知想點，20中直接棄劇
返回列表
