一年前無意中撞番一個小學同中學時期噶同學,原來大家住隔離,細個果時都係一齊玩果種。後來佢中學後就出來做嘢,大家一路都无联系,而我就繼續升學。撞番後噶一年幾兩年時間,都係我主動約佢出來,或約佢仔仔同阿仔玩,仲成日叫佢上來屋企玩。我都上過佢屋企,但都係我經過果頭,問佢方唔方便先上去,無一次係佢叫我上去。佢仔仔同阿仔玩,佢好似好唔中意阿仔咁,因為,阿仔比較百厭,佢仔仔較靜,幾次都搞到阿仔被佢好大聲咁話,我都過意唔去。其實,我系好珍惜呢份純真噶友誼,但多次主動電聯或約會之後,佢都未主動過,我就唔想再約啦,其實,每個人都忙,都有做唔晒噶野,做得fd就無計較咁多。但另一方面又諗:佢系咪唔當我係fd,如果唔係點解佢無次主動約我,或打俾我傾偈,佢係咪唔想同我繼續交往?友誼,係要雙方去維繫,既然係咁,我都唔知仲可以點?究竟佢仲當唔當我係fd???