有d長篇,辛苦大家⋯⋯聽我呻,不喜勿插,
我係xxx全日嬰院班媽媽,好易搵唔開名,我明白元朗全日班學位有限,所以一早報定幾間,當中xxx嬰院收左,但小朋友今年升唔到原校N班,我都理解,因為開學前都有講,咁我問轉日托得唔得,初初都話得既,到最近又話日托都話冇位,校長本來應承左,
升唔到原校n班,比我日托,但依家又話冇位,要留比非原校生(街外人),
我問校長點解要留比街外人?校長話要對街外人公平d,
咁我話:對我地原校生都好唔公平,原校生冇得讀,留位比街外人?咁我地班媽媽咁早報名為咩?咁點解我早報你唔比機會我,比d機會遲報名既?你比機會我in,in完唔得,
都知表現唔好,所以錯失機會,都知咩原因⋯⋯又或者你可以同我講學校係嬰院一條隊,幼稚園一條隊,咁我可以分2邊報名⋯學校話我地得一條隊,嬰院入唔到就自動轉幼稚園部,但我再問咁點解我未出世就報,我都要排1000+?
咩道理?唔明!嬰院班一班18個bb,0-2歲,N班18-20個位左右,嬰院有8個bb升到N班,其他有d直升K1,可以升K1 bb數目不詳⋯⋯我小朋友係7月頭bb,可以升上去既bb係5月前既bb⋯⋯其實係有能力升哂所有bb上N班,但冇,只有8個b升到N班,但我相信如果同所有媽媽講,N班升唔到上原校K1,K1升唔到K2,
我諗未必有咁多媽媽報讀N班⋯⋯
如果係咁可不將小朋友放向屋企,做掌上明珠大魚大肉,食好住好⋯
我自問唔算好勤力去足咁多元朗幼稚園開放日,家長會,其他同班既媽媽好多都好勤力⋯⋯⋯
但我都會早小小報名(預產期前3個月)又好彩咁啱有人唔讀,先有個位,所以先入到嬰院,依家到小朋友出年n班,升唔到原校,我都理解⋯⋯但校長應承左我,升唔到n班,會比我日托,但點解做唔到?點解做唔到又應承我,係咪敷衍我?
小朋友讀開呢間,就唔想佢再轉校,再從新適應⋯其實呢間學校好多野好好,有自己廚房,小朋友唔洗食獨立包裝食物,姨姨好好人好記性,我好小接bb放學,但姨姨會記得我係邊個bb既媽媽,我bb鐘意食咩唔食咩,老師一班有3個,好細心好專業,識用方法教小朋友,家長好放心,係學位分配,行政方面混亂⋯⋯負評
我小朋友學校表現普普通通唔算好乖,唔算太曵,
做媽媽既我當中為左小朋友學位,雖然好唔開心,打左比校長幾次了解,但當然平心靜氣地討論,我問學校行政點解會咁混亂,令家長無所適從,而學校就只會話:我地好透明好公開,但我上網冇資料,打去問冇結果⋯
除左學位問題,其他既都會配合學校活動,積極參與,除非真係請唔到假唔去,我係在職要輪通宵班媽媽,我冇4大長老湊小朋友,只有好心鄰居姐姐,出手相助,幫手湊亦好錫bb,好整齊清潔,我真係有需要,先會咁早申請定全日制嬰院,奈何事與願違,所有野我都無言,無助,
亦只可以默默接受,依家最壞打算,唯有唔讀N班,K1再努力,希望有好消息,祝其他媽媽亦有好消息