Day 1~Ducktour,FlyerDay 2~Zoo,魚尾獅公園,牛車水,
Day 3~Legoland themepark
Day 4~ Legoland waterpark+themepark
Day 5~Little big club+hello kitty town,santosa
Day 6~santosa resort world閒逛
Day 1--09:00機,大約1點到樟且機場,到達後聯絡jason拎ducktour同zoo既入場卷,之後就taxi返酒店(swissotel the stamford),呢間酒店位置非常好,樓下就有24hr麥當勞,隔離就係商場,酒店2樓係同商場互通,落雨都唔洗帶遮,check in時要求要2床房同bb床(因為2個小朋友一向都自己瞓,唔慣同大人瞓)所以咁要求,而酒店方面就話bb床冇問題但會俾king size bed room同另加一床俾我免收費,咁ok la,房間都乾淨,係叫拎沖涼盤催左幾次都未拎到嚟,搞掂晒都2點幾,就去隔離商場搵野食,食完就出發去ducktour,我揀左flyer上車諗住順便睇埋flyer,ducktour都係陸上遊一陣再落水,沿途會見到sands同魚尾獅,之後就返酒店休息一陣,夜晚再同朋友食飯
Day 2--起身落樓下m記快食個早餐就出發去zoo,我係搭酒店的收費coach,架車嚟到已經坐左一半人,我地上到去已經冇位坐,但我同老公一人抱一個b所以好彩有人讓座,不過bb車仍要自己拎住真係好呢hea,約30mins就到了zoo我地睇左大象show,沿路見到有d綁橡筋的跳彈床,大女話要玩就俾佢試下啦,佢又彈得好開心wor,之後就去左zoo入面個嬉水池玩,大女玩得超開心,但細佬就唔肯落水,玩完之後想去騎象,騎象時間係1:15-2:15,我地1:20去到已經賣晒飛><,之後就係園內食野,再睇下動物,around3點半就再搭返酒店coach,抖一陣5點再出發去魚尾獅公園,去到都係行一陣影相咁,6點就搭taxi去牛車水,夜晚都係入面food court食野*coach收費大人sgd5,小朋友sgd3,人多搭taxi好d,約sgd26
*zoo有動物餵食時間,有部份係可以買野自己餵,想餵就要留意各樣動物的時間(參考map),另外騎馬同騎象都有特定時間,建議預早排隊買飛
Day 3--約左jason 9am去新山legoland,我地準時出發,10點就去到啦,(原來咁近...)一去到,嘩~簡直係小朋友天堂呀,淨係個lobby已經好好玩,由於當時未有房,所以我地寄存左行李就去themepark啦,酒店去2個park都超方便,酒店搭life去L2,左面係waterpark,右面就係themepark啦,park入面多數遊戲都要90cm高先可以玩,大部份要夠100cm,最剌激的2個就要110cm,我大女所有佢玩得既遊戲都有玩,只有2個110cm既未夠高,佢第一次玩過山車,仲非常鐘意,玩完又玩,相反細仔就只可以坐火車同揸船仔,但揸船仔佢一樣咁開心,就係咁,係park入面玩左成日,晚飯就去酒店附近既食肆
*個人認為legoland themepark遊戲只適合3-7歲小朋友,大d可能會覺得悶,如果好鍾意lego另計,小朋友有110cm高已可玩晒park內所有遊戲
Day 4--原本諗住起身就去waterpark,點知女女一起身就話要玩過山車,加上老公驚朝早水凍,好啦,又去左themepark,玩到11點就返房換衫去waterpark,入面有個細池有幾條滑梯,女女好鍾意,之後去左飄流,女女喊到拆天,因為唔鐘意不停有水噴出嚟淋到眼,午餐園內食,食完女女又繼續玩滑梯,玩到3點我地就返房沖涼,諗住俾小朋友瞓覺,點知沖完涼女女竟然又話要玩過山車,天呀佢真係有無窮精力,一場嚟到好啦再同去入themepark再戰過山車,2日共玩左8次仲未肯收手....晚飯再去酒店附近既食肆
Day 5--10點去到hello kitty town玩到12點再去little big club(樓上嗰層但要另外買飛),自從玩完過山車後呢度所有野女女都話慢同唔好玩,不過呢度真係唔好玩,又細,一眼睇晒,有時間都唔好嚟,午餐就係個mall度食,食完就返酒店攞行李返singapore.約左jason3點,佢準時到達,我地住santosa shangri la,酒店員工服務好好,check in時主動問我地翌日係轉酒店定返hk,知道我地夜晚機就話我地check out後仍可以享用酒店設施,會有地方俾我地沖涼,我地返到房換衫準備去酒店泳池游水,其間stuff按鐘問我地是否需要添加房內用品如沖涼液,水等..我地去到泳池,有滑梯玩,小朋友啱晒,泳池行出小小就係沙灘,可以玩獨木舟,踩船仔,酒店住客仲可以免費玩一項,,面泳池有毛巾可用,又有水可以飲,真係五星級的家咁款,讚,夜晚就去左long beach食黑胡椒蟹,飯後去食貓山王
Day 6--起身女女又話要游水,游完梳洗後12點check out,再搭島上免費巴士去resort world食lunch,之後行一陣就返酒店拎行李,去完老公想去的模型鋪後就去機場啦