講開病,有次圖圖4個月大既時候,佢既氣管第一次發作,透唔到氣hehe
聲,之後我即刻帶佢去急症,當時係豬流感高危時期,個急症室姑娘叫我地
去政府其他睇流感既地方排隊,我即刻抱左圖圖去睇私家,點知私家醫生
聽完圖圖個肺有雜音應該氣管炎要入院,佢連診金都唔收寫野比我上番
急症排期,之後又見番個姑娘我唔同佢嘈,佢睇到張野之後即刻先幫圖圖
探熱之後安排上房當時我地係2點去到急症,3點左右去到睇私家,之後
3:30左右又上番急症,跟住我地一路等等等等等,一直都冇人理我地,
我就開始顛啦等到5點幾,我問姑娘究竟幾時先可以上房,佢仲串我乜你
唔見我地好忙咩,要大醫生簽名你地先可以上房,大醫生而家仲做緊急救,
我話我個仔塊面變紫啦,我唔覺你地好忙,忙既定義係掛住傾計掛住講笑,
掛住食野掛住溝女呢d叫忙咩,跟住個姑娘先死死氣幫我睇下醫生秩左
名未,我頂呀原來一早簽左,後來安排上房之前佢話要等排板出,我話又要
等幾耐呀,佢話排板都要做野架,你而家都見個哥哥好忙啦,我話我見呀,
頭先佢又唔做,掛住食野溝女,跟住個哥哥望住我,我跟手爆句,話緊你呀x
街,唔駛等多5分鐘排板即出可以上房,因為要格離,圖圖又要抽血,驗小便,
好多野攪,佢地抽血唔肯比我望住怕我心痛,不過d眼淚我都流緊出黎,後
來先知個衰仔中左甲型流感,跟住再照到個右心臟偏大,當時我淨係識狂
喊,後來好彩而家圖圖2歲幾,之前再照個心係正常番,唔做阿媽係唔知自
己d仔女有病既時候個種痛苦同無助係點
除了你我誰都不愛,to have but not to hold