加州繼續落雨落雪，呢波天氣反常唔知要去到幾時？每逢周末就落雨，然後我返公司果日又落雨，不過都慣咗午飯自己帶，留喺公司食，一來實在貴，二來有唔少以前去開嘅餐館執咗笠，唔想行太遠，路上人少又驚，見到有人又驚，屋企呢邊一向治安OK，最近幾條街外話有人持鎗打劫搶車，心諗駛唔駛玩到咁大？社會經濟環境差令好多人不安。剛剛發生，聽到樓下有把女人聲尖叫，一直持續由樓下叫到街另一邊，然後把女聲又走返轉頭，我望落樓下又睇唔到人，聽佢開始講嘢，中文夾雜英文，我仔話好似俾人搶嘢，老公原本上樓瞓，我打電話俾佢，佢話落樓睇下，之後我都落去，仔女話陪我，去到樓下，見到兩個大喼放門口，大閘打開，心知不妙，原來把女聲係我地同樓嘅住客，佢打電話報警話自己今晚飛，企路邊等緊朋友嚟接佢，點知有架車停低，佢睇緊手機查飛機航班，有人伸手拉走咗佢個手袋，袋入面有護照有銀包，而家警車嚟到，同佢落緊口供，今晚佢飛唔到，仲要報失証件信用咭，有排煩。
上個星期SVB同Signature Bank of NY雙雙出事，跟住FRB又傳不穩，SVB同FRB喺我地呢度係有少名氣銀行，客戶唔少有D錢，今次唔只係因為聯邦加息（當然影響好大），cyptocurreny嘅風險亦係原因之一，startup同靠集資嘅公司應該好艱難，原本呢一年我都有積極搵吓工，不竟魚不過塘不大，但市場太多不明朗因素。SVB同FRB之前高薪挖走好多大銀行員工，人工比市價高出兩三成，擴張快但業務風險高，如果唔係驚影響太大，相信聯邦唔會出手救。
花旗太太生活在花旗國，留意時差，你問我未必即時答到。
。我喺屋企吉好mark好晒，用咗兩塊1/2 size sheet pan，整多個燒汁，去到擺低d人自己拎去燒。又唔洗我睇火，又唔洗我carve。往年成隻雞咁大隻捧出來，肥騰騰滴到周圍汁，未食見到都飽咗一半。可能今年“的式”d，樣樣一條一粒一啖咁，又慢慢燒hea住食，結果冇乜剩。不過meatball我整得唔好，跌咗出來，其餘嘅結果要煎熟。其他人預備咗酸梅湯，涼拌，同埋切開就可以燒嘅瓜菜菇菌，甜品有自家製特濃抹茶雪糕同陳皮紅豆沙。感覺上今次好relax，出年好大機會會再玩過。
發表於 
返回列表
