我餵人奶就黎6個月, 因為我唔想反工or反媽咪屋企要拎奶泵,所以買左幾個唔同牌子既手動/電動奶泵,(當然有因為壞左而要買過新既), 所以想寫出黎分享下使月過後既感受. 希望都幫到有需要或者買泵既媽咪們
1) Avent 手動/電動
電動雙泵我係amazon買既, 係第一個買既奶泵, 都用到宜家。so far 都OK, 但對我黎講
個力度唔係我用過最大力果隻, 所以有時塞左都幫唔到。但用就好舒服, 唔會泵到痛。
單手電動泵同手動泵,我係BK 向個BK媽咪買既, 但手電動單泵係我反工後用唔夠一個月就壞左LU, 個摩打突然間壞左,所以都掉左。因為用手泵手會比較攰, 所以我比較少用。不過如果遇到乳腺塞果陣, 用佢都幾好, 力度比電泵大。不過單泵就需要多一倍時間, 每次泵一邊,另一邊就再谷D同埋滴緊奶, 唔係咁舒服。
好處: 快(唔識分清唔清),最多泵到300ML 一次 (不過我唔係富媽媽, 塞左/發炎果陣都補下奶粉, 自己無咁大壓力,先可以再堅持落去)
壞處: 最大既唔好處係唔知點解有陣時會漏。不過次數同數量都唔係好多,但遇到果陣就比較"輪俊"。同埋用左個零月,個泵嘈左D,都係唔知咩原因導致咁。另外, 覺得D parts 好多, 每次用都要搞一陣, 有時又俾條管"click"到, 搞到倒瀉D奶。
2) 韓國Unimom
因為Avent手電動單泵爛左, 所以要買反個擺係公司。見BK 有媽咪LEE 隻OK 又抵用, 所以我走左去買。幾千零蚊既價錢, 已經算係好好。我覺得比Avent 電泵靜, parts 少D, 方便D。
好處arts 少, 機身比較細同輕, 最多泵到320ML
壞處:
要兩邊喇叭吸實個乳房, 如果有邊鬆左, 兩邊都會停左, 所以唔可以free 到雙手,除非搵D 野固定個位
3) Medela 手泵
吸力OK, 但唔知點解, 覺得好似唔穏陣咁。因為係借朋友既用, 用既次數唔多, 所以個無辦法俾多D comment 。
4) Simpliss 手泵
因為係手泵, 所以都好少用。感覺係泵得好舒服, 個喇叭好得意, 係平既, 唔會成個Nipple扯住。力度就唔係好大, 但又泵到。好多時用都係因為太谷, 要泵D 出黎, 所以無記錄泵幾多。但每次泵果D, 兩分鐘都有3oz, 可能我係用摩打手,勁快泵。
5)美國 Mii baby電泵
Lee 隻電泵應該係好少人知, 我都係係間shop 度先見到。Lee 個泵既size 細, 幾輕身。可以調較吸力。個吸既方法好得意, 唔係好似其他泵, 兩邊夾(我唔識形容),係一下一下咁, 有節奏。個力度都算大, 遇到塞既日子, 用LEE個泵多數都搞掂。
Parts 唔多, 清洗都方便。我後期都鍾意用LEE 個多D。因為比Avent靜好多( 可能Avent 用得多, 勞損得快。
好處: 泵力夠, 最高泵320ML; 塞左果陣, 用佢最好
壞處: 暫時未見到