Baby Kingdom - 親子王國 香港 討論區 › 首頁 › 烹飪搵食› 買左個新焗爐,點用呢?

烹飪搵食

收藏本版
發帖
返回列表
跳至頁

首頁
23456...7

尾頁
   1
Blythemia


大宅

積分: 4462


61#
發表於 03-11-10 22:03 |顯示全部帖子

Re: 買左個新焗爐,點用呢?

Dau,
我鍾意你個大理石,睇落都知道好鬆軟啦.
朱古力戚風同原味戚風基本上一樣,只係將五之一麵粉換成可可粉就得,不過記住唔好落朱古力,因為會造成溶洞.
除左敏忌廉,有冇試過唧花?重好玩.

其實D杏仁片都幾難痴上去架,早排見到Citysuper個間Backheim有幾個痴滿啡黃色杏仁片既餅,咪諗住試下,但係結果都唔係太理想,下次要再試過.

我反而幾鍾意D糖霜,因為以前係超市買左一盒太X糖霜,呢頭洒個頭就溶哂.做唔到好似落雪既效果.今次係新信興買左包十蚊既防潮糖霜,真係一D都冇溶過.就算用來洒落整色曲奇度都好靚架.

花花,
張相係咪你囡囡既大作?佢幾大呀?你想定蛋糕就易啦,呢度天天新款,你想揀邊個咪隨便攞去囉.
私人傳訊

Blythemia


大宅

積分: 4462


62#
發表於 03-11-11 21:35 |顯示全部帖子

Re: 買左個新焗爐,點用呢?

Dau,

睇到你同mau真係好溫馨呀 .

唔該哂你放曲奇食譜上來呀,如果唔係我就要打多次.

唧花既問題,我都唔係好明你邊度出問題,不過我既次序同你有小小唔同,我會先係個膠袋口剪個小洞,然後將個唧咀放入袋,再輕輕拉下佢,等佢露番出來,然後將個袋口反低,成個long係隻杯上面,先至放忌廉入去.用手lin住個袋口.,將D忌廉唧番近個咀,咁就可以開工.我唧花唧左五六次左右,效果大致滿意.或者你試下咁樣得唔得.

下個星期個女學校旅行,我諗住整D有形狀既曲奇俾佢.整好再俾大家睇丫. 我有一套好靚既樹葉模,重有飛機同車船.做出來都好愛架.
私人傳訊

Blythemia


大宅

積分: 4462


63#
發表於 03-11-17 19:45 |顯示全部帖子

Re: 買左個新焗爐,點用呢?

Dau,

你個芝士蛋糕好靚呀.味道係咪似日式蛋糕架?
私人傳訊

Blythemia


大宅

積分: 4462


64#
發表於 03-11-19 23:42 |顯示全部帖子

Re: 買左個新焗爐,點用呢?

唔好意思,呢兩個星期工作好忙,冇時間打個曲奇食譜俾大家.而家補數:

無鹽牛油 200克
糖粉 200克 (唔鍾意甜可以落少D)
全蛋 60克
低筋粉 320克
杏仁粉 80克
(可做約78個直徑6厘米既曲奇)

1.牛油回温,用手指背壓平,加入糖粉,用刮板壓擠切拌至混合.
2.加蛋再切拌混合.
3.粉類混合過篩後,放進2.大致拌勻後用手揉成麵糰.(不用完全混合,還有些乾粉殘存亦可)
4.取出麵糰,整平成立方體.用保鮮紙包好,再調整成約2厘米厚,放進雪櫃至少兩小時.
5.取出後用擀麵棍把麵糰擀成約半厘米厚,就可用模切出形狀.
6.焗爐預熱後調成170度,焗20分鐘即成.

*留意度數和時間要視乎焗爐大小而調節,容量小的焗爐很容易過熱,一定要降低溫度,縮短時間.我自己做呢款曲奇只焗7分鐘,溫度降至140度,如果唔係件曲奇會成件焗焦.

呢款曲奇唔係鬆化個種,而係有D咬勁.我諗如果太稔身,可能唔係咁適合做咁多形狀卦.我張相D曲奇上面洒左D防潮糖霜,唔係杏仁粉.套樹葉模係Citysuper買既,五十幾蚊成盒,一共有八個.飛機個套膠模一共有三個,係吉之島十蚊店買.而家CitysuperD曲奇模的確好鬼吸引,如果大家鍾意食gingerman cookies重岩,D人仔模好得意.另外天使.冬青葉都好靚,但係確實太貴嘞.有冇去過佢係國金IFC既新店?好正.

花花,

你個Mrs.Fields Cookies好成功丫,隻顏色真係冇辦法,因為係可可粉本身既顏色來架嘛.不過,如果你想睇落冇咁礙眼,或者可以加D野落去,好似白朱古力粒,提子乾,果仁之類,可能會好少少,而且一定會更好食.

至於戚風紙模我都用過兩次,效果唔太理想.第一次唔知,冇再降低溫度,結果底面都焦,要切左至送得俾人,第二次諗住會好D,但都只係勉強OK,而且結果都係要撕爛個模至做得裝飾.成十蚊個,真係唔多化算.

最緊要記住,紙同金屬受熱既情況唔同,一定要減低溫度,但又要小心中間唔熟.若然焗到一半發現個面焦,記住舖番張錫紙,咁就可以唔會繼續焦,個蛋糕可以焗落去.

Dor,

你唔鍾意牛油味就一於做戚風啦,因為佢係用沙律油而唔用牛油架.

私人傳訊

Blythemia


大宅

積分: 4462


65#
發表於 03-11-21 09:00 |顯示全部帖子

Re: 買左個新焗爐,點用呢?

飛機輪船同火車係好耐之前係銅鑼灣吉之島十蚊店買既,早兩星期都重見有,十蚊三個,好抵.樹葉個套係 又一城log-on買既,成五十幾蚊,有八個.曇花一現,冇再見過.
私人傳訊

Blythemia


大宅

積分: 4462


66#
發表於 03-11-24 21:00 |顯示全部帖子

Re: 買左個新焗爐,點用呢?

我係中環國際金融中心第二期新開既Citysuper見到唔少聖誕岩用既曲奇模,不過實在好貴,成廿幾蚊一個.一年都係用個兩次咋o番.
我包防潮糖霜係新信興買既,十蚊包,洒上蛋糕同曲奇都好靚,係完成哂所有步驟做好哂至落既.超市個D完全唔掂,千祈唔好哂錢.
私人傳訊

Blythemia


大宅

積分: 4462


67#
發表於 03-11-24 23:39 |顯示全部帖子

Re: 買左個新焗爐,點用呢?

monmon616,

我有失敗既經驗,所以完全明白 :-P .首先,舊麵糰一定唔可以俾佢軟到一Pat咁,一路搓時其實因為室温同雪櫃唔同,佢會自己變軟.但當你發現佢比較軟身時,就要停手,放番入雪櫃冰格一陣,等佢硬番少少再cup過.如果唔係,你從枱面拎起曲奇時,佢一定會變形變到好醜樣.

第二樣就係唔好試圖好似個D中空模咁,想個麵糰cup起嵌住個模,咁樣一定攞唔番出來.個D坑紋一定冇哂,而且某D部分,好似飛機機尾同螺旋槳個D位一定會斷.我既方法係將個印模壓落麵糰之後,成個模攞番起,唔好痴住個麵糰,咁就會睇到枱面上個塊麵糰好清楚咁現出印模既圖案,然後至用刀幫手挑番起個曲奇,咁失敗既機會就會細好多.而且唔會點變形.

希望你成功.有問題再攞出來研究下丫

花花,

杏仁粉係真杏仁磨成既粉,同杏仁霜唔同,我諗你都係唔好試,費事浪費其他材料.如果你鍾意朱古力味就改用可可粉,不過份量應該唔一樣,我都要查下書至知.
其實大間既超市會有得買既,再唔係Citysuper,Great,新信興,二德惠同吉之島都會有.
私人傳訊

Blythemia


大宅

積分: 4462


68#
發表於 03-11-26 20:38 |顯示全部帖子

Re: 買左個新焗爐,點用呢?

做曲奇多數會用糖粉caster sugar而比較少用糖霜icing sugar,我估做曲奇既話分別未必會好大,但做蛋糕就唔知.

wilnita,

多謝你讚賞,我都係從錯誤中學習o者.真羨慕你,竟然有座焗爐.我都好恨呀.我個爐好細,最大都係做八吋蛋糕咋.其實曲奇本身薄,比較少有底面唔熟既情況,你有冇留意上下火既掣係咪正常?我懷疑你係開左下火,冇開上火.即只有下方既發熱線開著.咁上面咪受唔到熱囉.其實每個爐都會有D唔同,時間同溫度都唔一定可以跟足食譜,要自己調節.試多幾次就會掌握得到架嘞.
私人傳訊

Blythemia


大宅

積分: 4462


69#
發表於 03-11-27 09:01 |顯示全部帖子

Re: 買左個新焗爐,點用呢?

wilnita,

冇人一出世就咩都識哂既,所謂熟能生巧,每樣野都有個過程,今次失敗咪檢討下,再黎過o羅,有心做既話,一定會有進步既.我第一次開爐焗榛子,都焗到全部變黑炭啦.

唔記得答你添,呢款曲奇係唔駛用打蛋器既,只要用粉刮,作用係撈勻d粉同牛油糖,平既十蚊都有,應該好多地方都有得賣.
私人傳訊

Blythemia


大宅

積分: 4462


70#
發表於 03-11-27 19:54 |顯示全部帖子

Re: 買左個新焗爐,點用呢?

christy-mama,

歡迎你,係咪覺得我地好瘋狂呢 :-P

你問既攪拌,要視乎做緊咩,如果係曲奇既話多數只需要用粉刮,muffin會用到手動打蛋器.至於電動打蛋器就多數用來打起忌廉同蛋白,將D料打到膨脹好多倍.不過咁樣既步驟一般會叫做打發或打起,而唔係攪拌.

另外,等我報下料先.今日去西武間Great,發現淡忌廉好抵.我地平日多數用500ml佢賣32.5,同百佳惠康差唔多,但一公升只係49蚊咋.可惜唔係時時用到咁大盒.
私人傳訊

Blythemia


大宅

積分: 4462


71#
發表於 03-12-1 11:41 |顯示全部帖子

Re: 買左個新焗爐,點用呢?

Dau,

唔好意思,呢兩日比較忙,所以睇左你個message都冇時間覆你.其實早個排我打過scone既食譜俾花花,唔知花花重有冇係度呢?因為個食譜我係影印番來既,如果花花冇soft copy,我就試下搵塞左去邊丫,再打過俾你.

忙既其中一個原因係父親大人生日.佢好鍾意食蕃薯,所以我又整左個蕃薯戚風俾佢.呢次做到三層夾心,用日本黃色蕃薯做.
私人傳訊

Blythemia


大宅

積分: 4462


72#
發表於 03-12-2 11:15 |顯示全部帖子

Re: 買左個新焗爐,點用呢?

花花:

麻煩哂你幫我俾scone既食譜Dau. Thanks a lot!

粉糰放入雪櫃係冇問題既.記得用保鮮紙包好,焗之前放係室溫一陣,等佢唔好太乾太硬就得架喇.我都試放兩日,冇所謂.用剩既話重可以做芝士餅餅底或者果撻批皮,都唔錯架.

曲奇模我係銅鑼灣吉之島買既,應該同你個d一樣架o番.早兩個星期都見到有.不過點解你冇中間d坑紋既?

焗爐火力唔均勻既情況好常見,特別係比較細既爐.我個13公升都有少少,不過唔算太嚴重.冇計,惟有盡量就.如果係曲奇,就盡量唔好放係太熱既位,或者半途將已焗好既先拎出來,未得既就焗多一陣.焗蛋糕就到咁上下時鋪錫紙.

我影相唔鍾意用閃燈,唔夠光就寧願開著周圍d燈,因為閃燈既光好硬而且唔夠自然,影出來唔得溫柔
私人傳訊

Blythemia


大宅

積分: 4462


73#
發表於 03-12-2 22:44 |顯示全部帖子

Re: 買左個新焗爐,點用呢?

siupak01,

恭喜哂你呀 .第日我地除左整野食,重可以傾兒女經添. 而家係咪比較攰呢?多D休息,生番個又健康又可愛既BB.
私人傳訊

Blythemia


大宅

積分: 4462


74#
發表於 03-12-4 13:08 |顯示全部帖子

Re: 買左個新焗爐,點用呢?

報下料先.

大家有冇諗住做d聖誕曲奇送係d小朋友呀同事呀咁呢?我就有喇,我見citysuper有冬青葉同天使仔既模,成廿八蚊廿蚊一個,實在太費,所以十五十六.琴日行過陳枝記,見到一模一樣只係賣十二蚊一個,拿拿林買左兩個,加埋本身買落既星星心心同聖誕樹,呢次真係可以整番d來送禮咯.
私人傳訊

Blythemia


大宅

積分: 4462


75#
發表於 03-12-4 20:34 |顯示全部帖子

Re: 買左個新焗爐,點用呢?

Dau,

係呀,蛋糕上面D紋就係咁隨手刮上去,好容易,效果都唔錯.
第二個問題關於蕃薯份量.根據我影印番來既資料,呢D叫做泥狀既成分,好似南瓜.紅蘿白,香蕉之類,份量唔可以多過蛋白.譬如我呢個八吋蛋糕用160克蛋白,就用番160克蕃薯.應該係加完沙律油同熱水之後,加入粉之前放進去.

Siupak01,

我未睇過中醫,我深信有D中醫真係好掂,亦有好多方面會比西醫優勝.但係中醫係香港暫時都未係好系統化,規管都未係好全面.所以一定要熟人介紹,最好係第一身試過,唔好隨便道聽途說.因為中醫學實在太神妙,有好多野唔容易用好科學化既方法解釋,所以更加要小心.希望你搵到仁心仁術既大夫.最緊要補好身體,迎接新生命既來臨.
私人傳訊

Blythemia


大宅

積分: 4462


76#
發表於 03-12-5 12:50 |顯示全部帖子

Re: 買左個新焗爐,點用呢?

我早個排都係度講過挑起件曲奇既小小心得,你睇下有冇幫助.
陳枝記地址如下:
九龍上海街316至318號地下
灣仔堅拿道西24至25號E座地下
祝你多多斬獲.
私人傳訊

Blythemia


大宅

積分: 4462


77#
發表於 03-12-5 17:11 |顯示全部帖子

Re: 買左個新焗爐,點用呢?

好鬼cute呀 紫色個D係色素定係咩來架?
私人傳訊

Blythemia


大宅

積分: 4462


78#
發表於 03-12-5 23:07 |顯示全部帖子

Re: 買左個新焗爐,點用呢?

紫色香芋油好正喎,有冇香橙,士多啤梨.奇異果,檸檬?
私人傳訊

Blythemia


大宅

積分: 4462


79#
發表於 03-12-6 09:21 |顯示全部帖子

Re: 買左個新焗爐,點用呢?

我講笑咋,真係有架? :-P 咁咪唔駛買色素都可以做到好靚既顏色咯!!好野,多謝報料!!
私人傳訊

Blythemia


大宅

積分: 4462


80#
發表於 03-12-7 00:33 |顯示全部帖子

Re: 買左個新焗爐,點用呢?

我終於忍唔住去左二德惠一轉,買左一支薰衣草同一支草莓香油,下次整忌廉可以試下色.佢地有Merry Christmas既牌仔同好細既聖誕樹,用來放係蛋糕面做裝飾,都只係兩三蚊一個.

Dau,

如果用果泥又唔同計法喎,書話因為果泥含水成分重,落水既份量就要調節,否則會發唔起.等我聽日同你睇下應該點搞.你講磨茸係咪指蕃薯?呢類就要先蒸熟,趁熱搓好,再壓過篩,都幾多功夫架.我第一次用本地蕃薯,第二次用日本蕃薯,感覺上日本種幼細D,易整少少.我估如果做蜜桃,可能要用攪拌機.
私人傳訊


首頁
23456...7

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見