大仔大女媽媽會

收藏本版
發帖
返回列表
跳至頁

首頁
12345...20

尾頁
   0
花花


大宅

積分: 4334


41#
發表於 03-5-26 16:33 |顯示全部帖子

Re: 2001年4月BB請進

hohan

嘩! 終於見到令公子啦! 好靚仔呀! :-P
私人傳訊

花花


大宅

積分: 4334


42#
發表於 03-5-27 10:42 |顯示全部帖子

Re: 2001年4月BB請進

各位, 我終於買左部三輪車, 因上星期六帶埋個囡, 去荃灣接老公放工, 在愉景新城行過間 BQ 時, 亞肥妹見到架三輪車就衝左入去, 好興奮地叫姐姐比佢坐, 跟住"賴"死唔走, 跟住我睇到架車幾得意, 但見到個 price 成$279, 想緊之時, 個sales staff 話因只剩一架, 亦係display 貨, 亦唔會返貨, 仲同我打去倉問係咪冇貨, 跟住就話可以用 $199 買比我, 咁我見架車都好新和乾淨, 終是買左啦, 呀! 架車仲會唱歌呀!

佢好鐘意架車, 成日用自已洗完面手巾幫架"跳跳虎" 抺面, 刷teeth, 食飯又喂佢食, 幾攪野.








jsmami, kanax

我都想考個車牌, 但又怕考試肥左, 要左比錢考過, 又怕考左後冇機會揸, 第時揸唔到浪費. 所以暫時呢個項目未列入我的 planning 之內. 我想都係等仲左 mark six 先再講.
私人傳訊

花花


大宅

積分: 4334


43#
發表於 03-5-27 16:56 |顯示全部帖子

Re: 2001年4月BB請進

Fannie :

係呀! 比你提醒偷車呢家野, 真係比人偷左, 我都想像唔到個囡會掂, 都唔知點”死” 返架車出來, 於是即刻打比亞媽同老公講, 佢地笑到碌地.

Jsmami, hohan, Christ, sheryl, 靖嵐 :

呀! 肥妹而家 30lb, 約84 cm 高,(比較矮細). 佢好似我咁週身肉, 仲點肉位係tummy 和大脾, 所以我成日都咬佢大脾和patpat, 夠圓麻, 係味好變態呢!

Jsmami, 靖嵐和其他媽咪 :

你地電話聯絡我, 去定唔去沙灘, 我會睇下當日天氣, 同去都係3:00pm 後, 其實我諗緊, 不如去 mcdonald 到當開生日會咁, 當gathering, 找間地方就腳和好d 地方, 一來又唔貴, 二來出入都方便. 大家點睇?

Jsmami :

找學校方面, 我真係冇什麼心得, 但我會覺得小朋友是否鐘意間學校好重要, 所以我每次去睇學校, 一定帶埋花女去, 試下佢同d小朋友玩下, 睇下d先生有什麼反應, 點樣對d小朋友, 感受下d老師是出自真愛心, 定只是交行貨等. 你知我地女人特別敏感嫁啦!
私人傳訊

花花


大宅

積分: 4334


44#
發表於 03-5-30 11:15 |顯示全部帖子

Re: 2001年4月BB請進

嵐嵐 21 :

好耐冇見啦! 2 位小公主點呀! 你自已要食多d保品, 要照顀佢地.

Pauline.c, Jsmami :

係呀~ 這幾日抱起肥妹都覺得佢又重左, 我想都超過 30lb, 同佢個 tummy 有成 22.5 吋, 嘩! 人地佘詩曼都係 23 吋, 都想佢減減肥. 但d 朋友話要”儲多d 彈藥, 返學就會病和廋”, 唉, 真頭痛!

Jsmami :

咁我地能否做到親家, 就要你加下d咀頭啦! 哈! 哈! 哈!

Cutie_mommy :

你仔仔真係幾高噃!

Christ :

我都想八下, 咁結果你有冇找到answer?

我個囡而家都只係用牙刷刷牙, 仲係洗白白時, 同佢一齊刷, 佢要我又刷佢又刷, 所以要一人一隻牙刷, 有機會映d洗白白刷牙 video 比你地睇, 我冇理佢用d洗白白水乾淨與否, so far 佢都冇事, 不過睇完你地情況後, 都會買返支 chicco strawberry 牙膏比佢試下, 是不可以食落肚? 同佢都未識 pu d 水出來.

佢明天第一日返幼兒園啦! 唔知會點?

喂! 各位如果攪個 gathering 响尖沙咀星光行或太古廣場 mcdonalds, 日期暫定 29/6, 場地不用租或比錢, 食品就食幾多計幾多, 時間約1-1.5 小時, 大家有冇興趣? :-P

私人傳訊

花花


大宅

積分: 4334


45#
發表於 03-5-30 17:35 |顯示全部帖子

Re: 2001年4月BB請進

靖嵐 :

嘩! 個小妹妹真係好高大, 更加顯得靖嵐嬌小玲瓏, 係呀! 我個囡個 tummy 因太大, 買褲或裙都要買大2個碼, 而家有d衫,褲或裙都係買4歲., 如買3歲就會睇落好貼身.

Fannie

呀! 真係流年不利你, 小心身體, 多問幾個醫生比d意見, 再決定比較好d.

各位 :

我剛剛book 左尖沙咀星光行間 mcdonalds, 個經理話每為小朋友一定要買果份 12 禮物才可, 我同傾過佢會送有4份禮物(包括生日主角個份)作 lucky draw, 同會有 balloon 給每位小朋友, 如10個家庭總數約$700 (連禮物)埋單, 我覺得都ok 啦!

日期 : 6月29日(星期日)
時間 : 1:30-3:00pm (1.5 小時)
地點 : 尖沙咀星光行老麥
招牌 : “on-line 4月份生日會”

大家盡量安排時間參與, 等我地4月小朋友聚埋一齊玩下啦! 就响呢到報下名啦!

1. 花花+花佬+花囡
私人傳訊

花花


大宅

積分: 4334


46#
發表於 03-6-2 11:41 |顯示全部帖子

Re: 2001年4月BB請進

Kanax :

你是否會參加今次聚會? 如是的, 請你報上你會有多小人參加. Thanks

瑩瑩 :

我昨天去左”維景灣畔” 個club house 到玩, 真係唔錯, 地方好大整得好好, 可惜有一個兒童圖書館連玩具室 close 左, 果個好啱花囡玩. 响另一個大遊樂室到, 亞花囡比個小妹妹打左一巴, 因佢地爭玩具, 但花囡從來唔識還手, 只是望住個小妹妹搶佢玩具同被打一巴, 我冇angry, 爭係叫個小妹妹不要搶和打人, 跟住花囡又叫”唔該” 個妹妹比個玩具佢, 唔知當時佢個父母响邊到呢??? 跟住佢仲响維景放了 “2 次” 浮金(嗅嗅), 佢未試過出街要攪大件事嫁. 我老公就同d朋友打波, roll ling 等, 回家時, 我地3個到好累, 因我地要坐成 2 個鐘頭車去, 來回即4個鐘…… 好累.

各位 :

上星期六, 花囡返了學(幼兒園), 因為用暫托名義, 只是2 個鐘, 佢冇喊到, 入到學校, 非常好奇, 開頭有d怕羞, 要我抱住一齊做運動, 跟住已經不怕, 同d哥哥姐姐一齊走和玩, 跟住我離開半個鐘, 回去時, 老師話佢冇喊到, 只是叫了幾聲媽媽, 跟住老師同佢講, “媽媽, 去了買東西”, 佢對個答案好滿意, 跟住又繼續玩和食茶點, 佢都係未識守秩序, 去排洗時, 佢冇排隊, 好彩有小朋友和老師教佢, 不過佢都係唔知發生什麼事. 整體來說, 老師說佢好好, 係一個好主動和開朗小朋友, 返學應該冇問題. 由今日開始, 佢會每日返2 小時或長d時間, 比佢習慣和適應.

學校老師仲比左個 tips 我話, 如希望小朋友初返學時不會大喊或難適應, 應開始時, 返1-2小時, 但一定要响佢玩得最開心時候帶佢走, 令佢永遠記住返學係好開心, 咁個小朋友會容易d接受返學, 所以我個囡星期六都返唔足2個鐘, 約1 小時 45 分鐘到, 佢走時好開心, 不停同小朋友 say bye bye!

今早我亞媽同佢返學, 又冇喊, 仲走入課室同d小朋友一齊食早餐, 但我冇比早餐錢???? 唉! 真為食!!!!

大家睇下佢第一日返學 look 啦!



hohan :

我地冇改到日期呀! 我想你指係 8/6 個日, 係我約靖嵐去黃金沙灘, 睇下大家有冇興趣, 29/6 係正式嫁, 盡量安排時間來啦!
:-P :-P :-P :-P :-P
私人傳訊

花花


大宅

積分: 4334


47#
發表於 03-6-2 16:59 |顯示全部帖子

Re: 2001年4月BB請進

J’smami :

喂! 咁快d post 張相來, 等justin同花囡相體, 到 29 號一見面時, 即來一個big hug, 正!!!!!!

Hohan :

(等我扮小小代表啦! )我想 jsmami 未必會答你的問題, 因都好多人問過, 你估下啦!!! 哈! 哈!

嵐嵐21/靖嵐 :

我唔 angry, 因個小妹妹同花囡差不多大, 就算我話佢, 佢都未必明, 同我當時見唔到佢父母再場, 所以講都無謂. 不如, 用來教自己個囡好過, 作為一個反面教材.

但如果好似靖嵐case, 個小朋友咁大, 又有父母再場, 我一定駡佢, 你唔教你仔女, 係你的事, 但你打我個囡就係不對.

Sheryl :

好彩你講左你個case 同大家分享, 我真的不知道原來唔刷牙或清潔口腔會咁嚴重, 都要多d同花囡刷牙先得. 今晚叫老公買 chicco 士多啤梨牙膏, 是否可以食落肚?

等下幫你問下花囡可唔可以比一半肥膏過你!!! 哈!

靖嵐 :

呀! 咁勁! 點寫呀! 教下我, 因我叫花囡坐定定都好難.


:-P
私人傳訊

花花


大宅

積分: 4334


48#
發表於 03-6-3 17:31 |顯示全部帖子

Re: 2001年4月BB請進

J’mami

係呀! 同花囡big hug 真係唔易嫁, 等花囡d熱情溶化 Justin d 臭脾氣. (因花囡好鐘意 give a big hug with somebody). 嘩! 你咁多friend 連老公都上來 bk, 咁真係唔能夠暢所欲言. 我老公知我上 bk, 但佢冇興趣睇我地d message, 因佢成日上去d hi-fi 網到睇.

Sheryl :

你仔仔 potty training 幾好呀! 我相信過多1星期到就 ok 架啦. 呢排老公要ot 都冇時間同我去 chicco 買牙膏, 真係心急.

Kanax :

明白, 收到, 唔好意思, misunderstanding 左. 你地唔駛唔緊張個小朋友, 佢地會自已懂得調節去適應個環境, 太保護可能會對佢有負面影響. 我個囡都會食隔夜飯, 一星期一次湯水, 冇vitamin drops 或燕窩, 在climb鋼架跌落來, 只是幫佢拍心口, 再玩過, 自己拿嗅嗅片片/或衣服去掉/洗衣桶. 但都冇問題, over 30lb, 開開心心, 肥肥黑黑 (佢本身d 膚色係黑) 唉! 多咀左, 希望你不要 angry with me, 我只是想講出心裡說話.

Hohan :

我都係晚上同佢洗白白時, 先用d洗白白水同佢刷牙, 有時早上佢早起身, 都會叫佢同我一齊刷.

靖嵐 :

等我都試下同佢寫下日記/週記, 但呢排教緊佢認字咭, 比較忙, 可能週記會好d.






私人傳訊

花花


大宅

積分: 4334


49#
發表於 03-6-5 12:09 |顯示全部帖子

Re: 2001年4月BB請進

Pauline.c :

係呀! 我都想講下你囡囡張相真係好正和”索”. 呢d情況唔會响我個囡身上找到, 因佢好男仔頭, 一d 女仔温柔都沒有.

Jsmami, 靖嵐 & Pauline.c

我都係最近2 星期開始教佢認字咭, 我只教佢中文和用普通硬咭紙, 剪成2張再用 marker 筆寫上字比佢認. 每晚比佢睇4張, 全部都是佢熟識東西, 如輕鐵, 巴士, 芝士等. 進度都是一般, 我覺得不是太理想, 一來囡囡比較難坐定和concentrate 一件事和佢識d字但唔係讀出來, 都幾頭痛. 但我會順其自然, 因不能強迫.

Jsmami :

這個方法是可行的, 這是我朋友教我, 佢地2公婆都相信0歲教育, 佢個仔細我個囡1個星期, 但在佢1.5歲時, 同個仔已經可以見到字咭, 讀出如, 巴士, 的士, 救護車, 消防車等, 我都在場, 而家仲識念詩, 佢個大囡(今年12歲) 都係同樣教育方法, 故可以跳班, 舊年拿了奬學金去了澳洲升學, 今期 bb雜誌都有訪問佢一家. 但我唔會期望, 我囡囡好似佢d小朋友一樣, 但我朋友都鼓勵我, 用這樣教方法, 因既然我有一個環境和時間, 就比自己小朋友這樣去學習.

我同我先生教育概念, 可能同大家有少少不同, 我地係冇睇電視習慣(由囡囡出世開始), 只教一種語言, 整天都開著收音機或音樂比佢聽, 要佢參與家裡家務… 等, 要佢知道家佢都有份. 所以我冇話要開電視送飯呢個問題. 同我好應同 project approach 呢一個教育概念, 所以我比佢返幼兒園直至小學.

幼兒園係用project approach 方法, 好似星期二, 我個囡在學校包左隻糉回來, 當然亞嬸包9成佢做少少, 但佢學識這個是糉, 同有一份參與感, 被人認同, 對個小朋友自信心好重要. 我就更加開心, 個囡第一件送比我製品, 雖然內面d料攪到亂曬. 原來佢地當日, 仲有d不用返工媽媽在學校幫手包, 這個方法, 我又好歡迎, 等家長多了解學校情況. 另一方面, 我想佢學會獨立,自我照顧, 幼兒園返全日, 就可以做到啦!

(唔好意思! 阻大家時間, 唔知點解, 我一講呢d, 就收唔到個口咁, 我老公都叫我收下口, 怕被人”媽”你!!!)

瑩瑩 :

謝謝你幫手呀! 我會盡量抽時間去攪!

各位 :

今次聚會, 大家想唔想切蛋糕呀? 我想可以不用訂, 那麼貴. 在美心買一個, 約2 磅到都 ok 啦.


:-P :-P
私人傳訊

花花


大宅

積分: 4334


50#
發表於 03-6-5 18:23 |顯示全部帖子

Re: 2001年4月BB請進

Pauline.c :

係呀! 如果小朋友有個學習對象, 真係學野快好多, 凱蕎有個哥哥真係好啦! 一講到呢d, 我真係好羨慕你有2個小朋友, 我都想再, 但環境不容許…… 唉!

呀! 我都有比 vcd 比個囡睇, 但只是都是 d cartoon, tweenies, 低低b等, 星期六日就可以睇埋新聞報導, 新聞透視, 星期六檔案等, 其實係我地睇多, 佢都幾悶下. 嘻嘻!

靖嵐 :

我仲記得你一個比人寸的 case, 當時你話靖嵐7 個月已經識行, 但有d媽媽 challenge 你, 跟住我同 elsa 即刻出來做證明係見到你個囡真的識行. 我都係過句, “一様米, 養百樣人”, 我地不能夠要所有人認同自已, 但求冇愧於心. 我從來唔覺得你曬命, 只是靖嵐學習能力比一般小朋友強, 係一件好事. 我都好相信和開心我地四月媽媽冇”媽” 我地, 同係比d空間我發表我的見解. 謝謝各位媽媽!!!

花囡都有唱歌, 最鐘意唱 twinkle twinkle little star, the wheels on the bus, the spider…. 仲之响 twennies 找到. 近來仲發現佢跟住容祖兒個隻”我的驕傲” 內英文段唱, 幾好笑, 因d 音唔準.

Sheryl :

博博都好叻仔, 又一次証明, 小朋友能力係不容忽視. 努力呀! 你都開左個頭, 不要give up, 佢好快就會忘記了, 白費心機.

Jsmami :

我都唔知係可以跳班架, 我都係睇到佢編訪問先知, 因佢2公婆好低調, 原來係教育專家. 你 pm 你個 fax no. 比我, 我 fax 比你睇, 佢地唔想太高調張揚佢地個訪問, 所以我一直冇响 bk 講.

至於幼兒園用 project approach 的方法, 已經好耐, 而呢間幼兒園係我弟弟讀過 (21 年了), 所以我亞媽同佢地認識, 所以我參觀過間學校, 睇過佢地上堂, 和工作紙. 亦同佢地個校長傾過, 佢地十年前己用這方法, 開頭不是 run 得太好, 冇經驗, 而家好好多, 同我鐘意佢地只專注一種語言, 因我覺得連母語都未學好, 就去學其他, 咪2頭唔到岸, 我自己就係响呢種環境下產生出來人版, 亦係而家好多年青人, 中英都唔掂問題發生. 所以個校長話, 佢第一次聽到有家長話唔鐘意有外籍老師在學校教英文, 話我d思想有點另類. 同我以前接觸好多外國人, 有d人的英文法音真的好有問題, 帶有鄉音, 好唔準. 但有d學校亂請一d 有張文憑老師來教就叫交功課比d家長睇, 可能佢地係唔識教或d音根本唔準, 受害咪係自己d小朋友. (希望在此, 不會得罪其他人, 又係說出心底話)

呀! 要放工, 明天再講.
私人傳訊

花花


大宅

積分: 4334


51#
發表於 03-6-6 12:40 |顯示全部帖子

Re: 2001年4月BB請進

靖嵐 :

係咪”資優” 唔緊要啦, 順其自然, 可能會第二個機會或途徑試到靖嵐是否”資優” 呢, 只要自己比心機去教佢, 在旁扶助佢成長做個有用善良的人就好了.

講開對 roller skates, 在你介紹後, 我立即走去買回家比花囡玩, 佢居然唔係玩, 不願去試下, 而家對 skates 成為家裡一個裝飾品, 仲有你講 chicco 士多啤梨味牙膏, 佢又係聞到唔要, 淨係要支牙刷刷牙, 我覺得佢好似佢 daddy 一樣咁 stubborn!!!!!

Cutie_mommy :

你仔仔介片進度好好呀! 相信一個星期內, 可以不用再著學習褲了,. 其實照顧一個小朋友, 真得對我們成年人一個好大挑戰, 特別係個人EQ 和忍耐力, 因每個小朋友都有佢反叛或不聽話時候, 但我地作為大人不能好像以前般, 打或大聲駡佢, 要講道理, 但又要面對工作或生活壓力, 好多時會有發脾氣情況. 我好贊成 Jsmami 做法, 用手抱實佢, 等佢claim down (有時自己都會), 再慢慢解釋或比一個眼神佢, 令佢知道你不滿他的行為. 現今父母真的不易為呀!

Christ :

一定要你仔仔表現唱麥兜d 歌來助慶啦! 我都好認同, 小朋友細時係一張白紙, 你比什麼佢, 佢就會跟住學習, 我地真的要好小心我所比他們的是什麼東西來.

Hohan :

唔緊要啦! 下次再參加過啦! 不過, 我今次真的想你來參與, 因我們大家(小朋友)未見過面, 想多d小朋友一起玩. 再加埋我又係”八婆” 一名, 想見下你, 同你面對面傾下計.~~~~~~~

你不用覺得慚愧, 每個家庭環境都不同, 只要自已盡左力去教自已小朋友已足夠了. 大家多d 交換心得啦!

:-P :-P
私人傳訊

花花


大宅

積分: 4334


52#
發表於 03-6-6 16:16 |顯示全部帖子

Re: 2001年4月BB請進

jsmami :

Justin 真係好有肉, 同花囡有得揮. 可唔可以响 29 果日, 叫佢比個 big hug 亞花姨, 得唔得?
私人傳訊

花花


大宅

積分: 4334


53#
發表於 03-6-6 16:52 |顯示全部帖子

Re: 2001年4月BB請進

Sheryl :

嘩! 博博的 sleeping problem, 都好大問題, 你係咪成晚要抱住佢, 真係好辛苦. 有冇試過找出原因 (即係個 root cause), 博博是否同你一齊 sleep, 定佢自已 sleep, 都會有d分別嫁. 希望你快d solve 到個問題, 因真的會好影響你早上返工架.

你講開”教育小組” 內的媽咪, 我都覺得佢地唔係咁接受一d 不同意見, 佢地只會跟住本書來做, 即係果d 教育家寫的書, 但佢地冇想清楚究竟是否合佢地自己小朋友, 同果d 多數係外國生活作家, 佢地寫內容可能香港小朋友未必合用. 好似我之前同另一個媽媽响一個topic 提佢地, 不要花太多時間或金錢到去整字咭, 應花時間在教導小朋友, 亦提到其實周圍日常生活有好多東西, 都可以教小朋友, 如逛 supermarket 等. 個topic 發起人話我地個意見好好, 結果, 我還見到佢講自己花左幾多時間整左幾多張字咭, 有什麼類型, 點樣整先好, 要點過膠, 個小朋友點參與等…. 從來冇見到佢地分享個小朋友進度, 遇到問題, 提供意見, 交換心得…. 所以我而家已經冇再睇或參與佢地 topic 了.

你睇左我朋友份訪問後, 你就會明白我以上所講內容, 真的不雖要花大量金錢和時間去準備材料, 只要你係花時間和心機去陪/教個小朋友學習就夠了. 因你係小朋友媽媽/爸爸.
私人傳訊

花花


大宅

積分: 4334


54#
發表於 03-6-9 17:02 |顯示全部帖子

Re: 2001年4月BB請進

Pauline.C

凱蕎好番味呀? 為什麼會發燒和肚痌, 我昨天冇去到黃金, 因黃金受到污染, 要暫時封閉, 我老公唔贊成我地去, 結果去左圖書館, 我還要向靖嵐講聲 sorry, 昨天因電話short 左, 同大頭蝦唔記左通知靖嵐, 唔好意思呀, 我地為有等29號見啦!

Cutie_mommy

呀! 我都有適量體罰比花囡, 如打佢手仔或叫佢企响屋企角落到, 等佢知道我不滿, 因佢實在太頑皮, 不受控制, 唔知這個階段是否第一個反叛期. 有時我都冇晒辦法, 所以我話照顧一個小朋友真係對自己 EQ 好大challenge.

Jsmami :

佢今日第六日返學, 並且開始返半日, 即食完午飯才放學, 老師話佢表現好好, 只係還要學習守秩序, 佢可以自已食午飯不用餵, 老師問我亞媽是否不是常常有湯飲, 因花囡每次飲2碗湯, 有冇攪錯,衰囡, 我個個weekend 都有煲湯比佢飲架, 居然隔離湯好飲.…..!!!!!

我同老公都覺得花囡返左學後, 比以前仲開心, 多了好多野講, 講來講佢學校遇到事情, 雖然有d都唔知佢講什麼. 今日, 佢上堂畫了一幅比”畢加索” 還要勁的圖畫回來, 我亞媽話”鬼畫符”咁, 等我今晚返去睇下先. 其實佢而家上課情況, 會學什麼東西我不太清楚, 但我今個星期三回同老公一起帶佢返學, 到時同校長和老師了解下.

至於你話 playgroup d 家長情況, 我响 library 都見唔少, d 家長好少同小朋友一起參與活動, 只覺得自已責任係負責接送, 其他便交給導師, 因覺得比你錢, 你就要照顧我個小朋友. 所以我比較鐘意d有親子一起參與活動.

Fannie :

晶晶真係大個囡了, 我响上面都講左, d 小朋友的不受控情況真的令人頭痛. 可能佢地長大了, 開始對呢個世界好奇和有自已主見, 所以真的要比千萬陪心血去教佢地. 同晶晶個臭臭case 都幾攪野.

各位 : 我花囡要減肥啦~~~~~! 話說, 上星期六同佢去健康院檢查, 個姑娘根據佢身高和體重比例後話, 佢身高屬中細碼, 但體重就屬加大碼, 即 over-weight, 要佢減肥, 介食零食, 但我話我地冇比零食佢, 咁姑娘問有什麼小食, 我話有 cheese, bread, yohurt 等, 佢話要停食呢些小食. 但我不會同佢特別介小食或減肥, 因我相信佢返學後, 一定會病跟住會瘦, 而家儲定彈藥好過.
私人傳訊

花花


大宅

積分: 4334


55#
發表於 03-6-12 12:16 |顯示全部帖子

Re: 2001年4月BB請進

各位 :

這2天比較忙, 冇上來傾下, 等我而家又講下先.

嵐嵐21 :

睇到你2個小千金都好可愛, 我想嵐嵐現時stage對妹妹係好好奇, 可能覺得係一件好有趣玩具, 你真的要多花心機照顧佢地.

亞花囡都會尖叫嫁, 每次玩到好興奮時就會尖叫, 我地成日就叫佢唔好尖叫咁多怕會破壞聲帶.

瑩瑩, Pauline.c, 靖嵐, jsmami :

我同老公會輪流同花囡洗白白, 佢對我個 nipples 都好奇, 成日好 press button 咁噤下佢, 又會噤埋爸爸嫁喎, 同佢一齊洗白白時又會撫下我地d “陰毛”, 叫”毛毛, 你好嗎?, he he”, 我地就順手教佢這是”陰部, d 毛用來保護……..” 佢就會眼碌碌咁望住你, 唔知佢明定唔明, 不過最好笑係, 佢成日走去用手指篤爸爸d “加拿大”個到d毛, 我老公最怕, 因係佢死穴, 但我又迫佢教個囡這是什麼, 佢為有硬住頭皮, 忍住笑, 講比個囡聽, 每次我見到都笑埋一份.

上星期六, 去健康院見醫生時, 她都提醒我們, 小朋友在2歲開始,可以教佢一d有關性教育事情, 同教佢不可隨便給 “私處”給別人接觸, 其實之前我己同老公達到共識, 佢同個囡洗白白到3歲後就不能和她一起洗了, 因囡囡已懂很多東西. 同花囡又細至大都不喜歡別人(包括我) 同佢抺/洗陰部, 宜家我多數比濕毛巾佢自已抺, 跟住我就硬住來同佢好快咁洗吧了.

我作天同老公帶左個囡返學, 我自己就好興奮, 老公冇什麼反應, 佢只是顧住睇間學校個樣同d先生有否注重衞生, 成個QC 咁, 佢之前都睇過間學校??? 花囡入到學校門口要換鞋和探熱, 同有其他同學仔都剛回來, 所以場面都幾混亂下, 後來得校長批準, 我同老公可以入內參觀, 花囡就一手拖我入去, 帶我去大仔班到同d哥哥姐姐玩, 跟住老師帶佢去洗手, 我再去睇下佢地上課程序表, 發覺佢地細班, 比較多大肌肉, 音樂活動, 課程真的好淺, 校長話今個學期只會教1-5, 但我話花囡可以數到1-10(中英文), 和a-g, 我再睇清楚d 佢地全年教按, 發覺佢地對咁細小朋友比較注重, “德育”和自我照顧能力和要引導小朋友去尋找學習興趣, 即如守秩序, 愛護公物和你親人朋友, 珍惜食物等. 好簡單一樣排隊洗手, 原來有好多 steps, 我睇我個囡果班同高一班小朋友去洗手情況都有點驚訝, 小朋友真的可以做到/記到好多野.

後來, 我同老公在學校外, 偷看佢食早餐情況, 佢好定亦食得好快. 中午時, 我亞媽接佢放學, 其中一個老師可能不太熟我囡囡生活情況, 午餐時, 只比了半碗飯我個囡食, 比我亞媽知道, 佢即語帶緊張不滿話 :”我個孫一路都係食開一個大人碗份量的飯”, 個老師好緊張同校長即連忙解釋. 後來, 花囡一回家即飲了 7安士鮮奶先去 sleep, 我比我亞媽攪到好好笑.

講真! 响心底裡, 這間學校校舍我只可叫做接受, 程度係好淺, 但我好喜歡這裡老師和校長, 拒到比我感受到或睇到佢地係一班有心機和愛心老師, 不是全為份工而去愛, 會企响小朋友角度去睇. 而學校辦學理念同我要求有80% match. 最緊要係近我屋企.


:-P
私人傳訊

花花


大宅

積分: 4334


56#
發表於 03-6-16 11:52 |顯示全部帖子

Re: 2001年4月BB請進

各位 :

昨天因天氣不好, 所以冇出街, 只是焗左個提子牛油蛋糕(不過失敗左) 同煮左餐飯比花囡爸爸食, 好平淡咁過左一個父親節. 不過, 花囡响學校畫左張父親節咭比爸爸, 當然係鬼畫符咁啦!

星期六, 參加左花囡學校新生聚會, 雖然因落雨不是好多人, 但有一樣令我驚喜, 就係佢地有收到 “兼收”學生, “兼收” 學生係來至一d 有好輕度弱智或有殘障小朋友, 我地一般人就咁望係睇唔出, 要實際上堂時就會知道. 一般學校會收2-3 個, 教署會加多一個專業老師去協助. 我個人好鐘意呢d學校, 因我們小朋友同佢地一齊上堂時, 要學習點樣去幫呢d 特別小朋友, 如佢睇野可能不清楚, 咁其他同學仔要幫佢拿水杯, 碟來用茶點, 從而學會去照顧別人, 體諒別人, 人係冇分高低歧視, 要互相尊重. 因我覺得現今青年人, 已經不懂去體諒或照顧別人了, 我記得我大肚成8,9 個月時, 有個16,17 歲青年同我响地鐵爭位坐, 死味!

(sorry, 又阻大家時間, 又發”偉”論)

今日花囡會响學校午睡, 3點先放學, 唔知佢會唔會喊呢? 同埋, 我真的發覺花囡好百厭, 好難叫停佢, 好似失控咁款 每次要我同老公發火, 先停下, 都唔似一般女仔咁斯文, 最近又喜歡掟東西, 佢將掟波mix up 左, 真令我頭痛.

Sheryl :

嘩! 維記真係好”掠” 水, 咁一開學咪已經唔見好多錢, 間學校是否好勁架? 因我唔太熟香港區學校, 但咁細個要用咁多野? 至博博同人 social 問題, 我想佢返學後會好, 因多了與同學仔溝通, 同性格係天生, 好難改變, 順其自然吧.

Wfc：

好耐冇見你出現啦！　我睇到醫生叫你休息２wks 等個bb 肥d, 你真係要聽醫生講呀? 你係咪之前太辛苦呀, 要好好養胎呀! 仲之, 照顧大仔之外, 還要照顧你肚個同你自已.

Kanax :

你仔仔真係好高, 係咪你地2公婆都好高大呀? 佢好聰明呀! 識得咁多字句, 努力啦!

Cutie_mommy :

因我屋企係企缸, 所以我地會放佢個bb 浴盆在企缸內, 同佢一齊沖, 有時太熱, 中午要洗白白就會同佢沖花洒, 如佢一齊沖, 佢就唔驚, 但有時佢會突然好驚個花洒, 要你抱住佢沖, 幾攪野.

Jsmami :

唉! 花囡係冇睇電視, 咪一樣玩到失控咁大叫, d 小朋友真係好精力, 我老啦, 陪佢玩到得返半條人命.

Yee! Justin 幾時返學校呀? 記住唔好咁快教佢屋企幾多號電話呀!! 哈!


唔記左邊個媽咪問我個囡讀邊間, 花囡係讀屯門仁濟幼兒園.
私人傳訊

花花


大宅

積分: 4334


57#
發表於 03-6-17 15:30 |顯示全部帖子

Re: 2001年4月BB請進

christ

謝謝你提醒呀!

各位 : 下個星期日, 係我地聚會日子, 請大家記得準時到呀!為方便聯絡, 請大家pm你們聯絡方法給我好嗎?

日期 : 6月29日(星期日)
時間 : 1:30-3:00pm (1.5 小時)
地點 : 尖沙咀星光行老麥
招牌 : “on-line 4月份生日會”

1. 花花+花佬+花囡
2. Jsmami+Jsdaddy+Justin
3. 嵐嵐21+嵐嵐爸+嵐嵐
4. 靖嵐+靖嵐媽+靖嵐爸
5. 瑩瑩 +瑩佬+ Jackie
6. 聰聰+聰聰媽咪+聰聰爹地
7. christ + 爸爸+卡諾b
8. pauline.c + 凱喬爸+凱喬+仔仔
9. fannie + 爸爸 + 晶晶囡

我仲想緊有什麼親子遊戲, 大家有冇好提議呀!~ :-P
私人傳訊

花花


大宅

積分: 4334


58#
發表於 03-6-17 17:21 |顯示全部帖子

Re: 2001年4月BB請進

Jsmami :

如果選最 naughty 的話, 花囡都會 win 架, 佢真係好 naughty, 到時你就會見到, 同我好似個 mad woman 咁睇住佢.

Hohan :

係呀, 我係住屯門架, 仲係屯門大架, 而家住响青山醫院對面, 你真係好有心, 為左個仔仔搬屋.

29 個日, 你都盡量來參與啦, 我地有咁多媽媽响到, 一定幫你手, 拿野食, 跟手跟尾到可以. 大家 happy 下啫!

Sheryl :

我都冇數亞花囡有幾多隻牙, 因佢唔肯比我睇, 一係就勁大力咬我, 我想都已經出齊.

各位 :

我有個問題想大家幫幫手, 比d 意見, 就係花囡老師問我, 想花囡用邊隻手 hold 筆, 因發現佢而家左右手都用, 同2隻手都有力 drawing. 我個人心底裡想佢用左手, 因我都係左手的人, 除寫字外, 因細個比人打到要用右手, 可是另一方面, 又怕學校老師冇人用左手, 會教唔到佢, 都唔知點算?


:-P
私人傳訊

花花


大宅

積分: 4334


59#
發表於 03-6-20 11:21 |顯示全部帖子

Re: 2001年4月BB請進

hohan：25/04/01，九龍法國醫院
fannie：11/04/01，浸會醫院，足月開刀生
瑩瑩: 03/04/01，半山嘉肋撒醫院
pauline.c: 11/04/01, 浸會醫院
cutie_mommy: April 21,01, USA
jsmami: 26/04/01, St. Paul, 見紅開刀生, 3kg, 52cm
花花 : 23/4/01, 屯門醫院
私人傳訊

花花


大宅

積分: 4334


60#
發表於 03-6-23 16:06 |顯示全部帖子

Re: 2001年4月BB請進

Fannie :

你同晶晶情況怎樣呀! 不要太擔心!

今年書展, 有什麼”正”野介紹呀! 我今年去書展好方面, 因我office 就响會展對面.

Hohan & Sheryl :

你們今個星期日, 會否來參加我地 gathering? 真的好希望見到你們, 有需要 pm 比我或到時去到 mcdonald’s 找我, 我好易認, 最大聲, 又成個八婆咁款肥婆企响到果就係我啦!

瑩瑩 :

煩請你準備 d 人名label 比我們. 謝謝!

各位 :

我想order 一個2 磅蛋糕, 到時比大家小朋友切下開心下, 每個家庭約$23-$25, 大家有冇問題?

請大家記得帶相機, 我會叫 mcdonald 姐姐同每個家庭照張家庭照, 同大合照呀!

講開生囡過程, 我就冇什麼特別, 痛左不是好耐, 生時又冇痛, 又冇大叫, 又冇開刀, 因 ……… 我痛到立即舉手叫麻醉師來同我做”冇痛分娩”. 我零晨1:55分(呢世都記得), 以為急尿去 toilet, 原來穿水, 于是叫埋老公齊齊去醫院, 去到又唔痛, 只係不停流水, 姑娘叫我臥bed等, 入到產房開始有少少痛, 再聽到隔離房個大肚婆大叫後, 我仲覺得痛和驚, (但我老公仲可以hold 住杯 coffee 坐响到飲, xy@z), 我勁hold 住個氧氣罩係咁吸, 姑娘叫我放都唔放, 我亞媽入到來產房叫我放手不要再吸, 我死都唔聽, 結果有個麻醉師行埋來, 問我要唔要”冇痛分娩”, 要就舉手, 我立即第一時間舉手啦! 跟住我亞媽話我”冇鬼用” , 忍多陣都唔得!! 但我好肯定係同助產士講明, 如非到最後一秒或危險情況, 我都一定要自已推個bb 出來, 好彩我都得賞所願, 順產.

你地有冇响產房內影bb 出世果一刻的相呀? 我老公有影, 果時花囡個咀, 真係”血盆大口” 咁, 跟住姑娘同我地影全家幅, d 姑娘仲話我地, 點解唔帶埋 video 來拍, 佢地可以幫手拍. 真有趣.

通常星期六日, 我地都多數會留响屯門, 一個月約出2次街, 如响屯門, 會去聖堂, 跟住去library, 帶花囡去 park’n 買餸, 公園玩, 遲d去swimming和沙灘, 我就整野食, 煲湯等. 係咪好老土呢!!!! 但今個星期日, 就會出城, 因為要見你地嘛!
:-P
私人傳訊


首頁
12345...20

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見