單親天地

收藏本版
發帖
返回列表
跳至頁

首頁
678910

尾頁
   3
sallytamsh


男爵府

積分: 6095


181#
發表於 10-7-19 00:21 |顯示全部帖子
原帖由 lihomahk 於 10-7-14 11:11 發表
Hi, Sally
用了兩日, 一口氣睇了你的post, 為你的經歷而難過, 但, 路始終是要行, 不要將自己困在兩年前的婚變中, 你不值為一個不愛你的男人而傷心, 他變心已經是一個事實, 讓他成為你生命中的回憶, 不要知道他的近況 ...


可能你說中了......我可能仍將自己困在兩年前的婚變中...
可能我對佢太信任, 大家平時的相處亦很融洽和諧, 連我們的同事都覺得我們很幸福, 就連我及大家的父母都沒想過佢會出現婚外情...這突如其來的轉變, 可能仍令我陷於困境中......
如果平時大家吵吵鬧鬧, 可能我會有預兆, 但我們的相處真的很好, 加上我的脾氣真的很好(搵個位讚下自己 , 我係講真的, 識我的人都係咁講架), 真的很少吵鬧, 所以我沒估到他會出現婚外情....

雖然我們沒有小朋友, 但我們有一隻小狗, 我倆都當牠是仔仔. 我真的很掛念小狗, 每次諗起佢, 我都會 , 我真的很想去見佢...
我很感謝ex的父母, 他們對小狗很好. 我一年前買了一張感謝咭, 很想送給他們, 但...自己沒有勇氣...連送張咭向他們說句多謝都不敢, 因為我怕令他們尷尬或為難了他們......所以那張咭到現在仍未送出...我真的很沒用......
私人傳訊

sallytamsh


男爵府

積分: 6095


182#
發表於 10-7-19 00:30 |顯示全部帖子
原帖由 wai@wai 於 10-7-14 21:05 發表
講得好好,希望SALLY你真的可以為自己生活得更好,雖然不能忘記,但時間總會慢慢沖淡一切,我們一齊加油!


wai wai,
其實, 我係一個愛人多過愛自己的人. 如果我識愛自己多d, 就唔會咁......
經過呢件事, 我已改變了少少, 我會對自己好dd, 但我仍舊會愛我身邊的人多dddd, 哈哈, 可能呢個係我的性格, 死性不改, 哈哈, 我亦覺得無需要改, 因為我覺得咁樣做人會開心d.
沒錯, 一切回憶是沒可能忘記的...我只好暫時將它們放在一旁, 讓時間沖淡又好, 偶爾翻來回味又好, 隨心吧!
大家一齊努力! 加油吧!
私人傳訊

sallytamsh


男爵府

積分: 6095


183#
發表於 10-7-23 23:57 |顯示全部帖子
原帖由 三個白白豬 於 10-7-22 23:48 發表
兩個人一起是很難的事 , 但要識得放手更加係一件超難事 , 希望樓主能夠快 d "放得低",明天會更好.


三個白白豬,
多謝你的鼓勵! 我會努力!
能夠真正"放得低"真係一件好難好難好難...的事, 不過我會盡力, 希望唔好再唱: 為何永遠"放不低"啦! ^_^
謝謝你的鼓勵! ^_^
私人傳訊

sallytamsh


男爵府

積分: 6095


184#
發表於 10-7-27 00:29 |顯示全部帖子
原帖由 moon_moon 於 10-7-24 08:00 發表
咁就乖啦！抵錫..

呢度好多人關心你架，知道嗎？好好保重自己啦..!快點去睇番場戲開心下啦..! 耳膜問題就真係要好好留意啦..okay?


你仲抵錫啦, 對人咁好, 又好關心大家!
同學會的校長即係校長!
錫多你兩啖!

依家約緊朋友仔睇"反斗奇兵3", 希望佢地得閒啦, 因為我唔慣一個人去睇戲.
我諗耳膜應該好返晒, 唔好再好似以前咁喊, 就應該沒問題了, 謝謝!

私人傳訊

sallytamsh


男爵府

積分: 6095


185#
發表於 10-7-27 00:55 |顯示全部帖子
原帖由 ah-kam 於 10-7-24 16:50 發表
Sally,
用了一個下午, 好quick咁看完所有post, 可能在一個月前進來, 我當時的我是有未有感受, 或不會留言, 但現在的我經過相似的日子, 也想通了

你經過2年多都不能從c6的陰影中走出來??? blacklist左他的電話號碼, ...


ah-kam,
剛剛睇完你的故事了, 你很叻, 很冷靜去處理.
可能我和你的分別在於你一早感覺到你及你c6當中已出現問題, 而又經過一段時間去處理.

至於我, 是突然間發生, 或可能是我遲發覺, 或可能是他掩飾得很好, 所以在我腦海的印象是覺得很突然, 很難突然間一下子接受......
坦白說, 暫時仲未能從c6的陰影中走出來......如果平時與我pm的bk媽咪就會很清楚我的實際情況......不過, 已好轉咗好多.

我知道, 事情既已發生, 必須要勇於接受, 積極面對, 冷靜處理.......不過, "知道" 與"做到"是兩回事....

請放心! 我雖然未"做到", 但已"做緊".
一齊努力吧!
God bless u!
私人傳訊

sallytamsh


男爵府

積分: 6095


186#
發表於 10-8-5 02:20 |顯示全部帖子
原帖由 QKQKQK 於 10-8-2 00:39 發表
你對他這麼好, 他都這麼對你. 一個男人, 這樣傷害自己的老婆, 你還認為他是男人嗎? 又要和你結婚, 又不守一生承諾, 又出去滾, 這種男人根本沒有良心, 他有沒有關心你吖? 以前你對他怎樣好怎樣好, 他有沒有顧念吖? 呢 ...


他要傷害的, 已傷害了, 我可以點?
以前大家家境一般, 出來社會工作, 賺錢為個家, 為對方, 生活得很簡單, 很開心. 以前見他兼職, 擔心他辛苦, 我知道他兼職, 一來為興趣, 二來為賺錢, 不過都擔心他. 我問他如果辛苦, 便不要做. 他答我: 我唔辛苦, 為咗你, 為咗個家, 唔辛苦." 我真的很感動

那時知道老公想升職, 做妻子的我當然支持他, 希望他得到認同.
當見到老公升職加薪, 我當然很開心. 雖然他賺到的錢都是自己用, 我咁多年都沒有任何家用, 但見到他開心, 我亦很開心! 我已很滿足了!

原以為開心滿足的生活, 竟於剎那間改變.......

沒想過, 升職加薪, 金錢名利, 原來會令人改變.......
更沒想過, 原來身邊最信任最愛的一位....竟會改變得那麼快.....那麼突然.........

金錢名利, 會令人忘本? ..............
如果金錢會令人忘本, 我寧可選擇簡單開心的生活....
私人傳訊

sallytamsh


男爵府

積分: 6095


187#
發表於 10-8-11 23:02 |顯示全部帖子
原帖由 bchi 於 10-8-9 16:36 發表
Sally,

呢個男人, 以後都唔會返轉頭架喇, 就算佢同果隻女人分左手, 都唔會再返你度, 你一定要死心, 唔好對佢留有任何希望知嗎 ?

我有一位好朋友, 佢老公都走左好多年, 佢日日夜夜咁等佢, 等左咁多年, 睇住佢分手 ...


bchi,
多謝你同我分享你朋友的經歷.

我唔會再諗佢回唔回頭. 我個心死未? 唔敢答......我估都七七八八, 最少我唔會再因為佢而喊......

佢同那賤女人係點? 係個女人抓住佢, 定係佢抓住隻賤女人, 我都唔想理會了. 人地要做賤女人, 姣女人, 隨她吧.

我暫時係未放低以往的佢, 以往的回憶.....
唔知用傻來形容自己, 定係用白痴來形容自己.....即使部電話的殼已破了半年, 黏完再甩, 甩完再黏.....家人朋友同事見到我部電話, 都叫我換過另一部, 我都唔肯換, 我細佬話送另一部電話給我, 我都話唔駛....其實, 因為電話入面有佢以前send俾我的messages, 我唔捨得delete....我知道messages是跟卡的, 不過始終唔想換住......

哈哈, 我唔鍾意leon架, 我鍾意劉德華同吳彥祖架)))))
私人傳訊

sallytamsh


男爵府

積分: 6095


188#
發表於 10-8-16 00:22 |顯示全部帖子
原帖由 moon_moon 於 10-8-12 10:44 發表
佢同那賤女人係點? 係個女人抓住佢, 定係佢抓住隻賤女人, 我都唔想理會了.

Sallytamsh,
Good...叻叻.. 升呢啦..haha...hey..聽下我送st比rochui既歌呀...阿Lam既.."曾經"..同"追憶"...好有意思架

睇左Toys ...


moon moon,
雖然我已有一段時間沒有因為佢而喊, 不過間中會因為掛念他父母, 外婆及小狗而喊, 尤其是想起小狗及他的外婆.........好耐沒見過外婆了, 好掛住外婆........

升呢? 無我份......我又衰咗了......
昨晚, 那種傷痛的感覺又返來了............
我昨晚睡來睡去都睡不著, 想起佢, 又擔心佢找到工作未......望住床頭的公仔, 諗返以前佢送俾我的公仔, 一個對佢對我都很有意義的公仔, 可惜我沒有把它帶離舊屋....想起以前的事.....眼淚不斷咁流, 喊了, 今次喊到收唔到, 我叫自己relax d, 但唔得, 眼淚係咁流唔停........... 我估, 到9:00am先瞓到........

呢種傷痛的感覺已有一段時間沒出現了, 但唔知點解, 突然又回來了......
我唔知呢種感覺係突然又回來了, 或是根本無走過.......
今日眼都腫了.....好驚爸媽見到, 不過我估他們見到了.........
私人傳訊

sallytamsh


男爵府

積分: 6095


189#
發表於 10-8-16 00:52 |顯示全部帖子
原帖由 bchi 於 10-8-12 15:11 發表
Sally,

每個女人都蠢過, 白痴過, 不過唔緊要, 最緊要識企返起身, 唔好再留戀一個唔值得你愛的人.

你要的起心肝, 一二三咁換晒同佢有關的東東囉, 一日留係度, 你就一日對佢唔死心啊傻豬.

佢在果隻野果邊, 一早已 ...


bchi,
我的朋友都好似你咁講, 叫我唔好再留戀, 唔值得.......
我明白, 不過知道自己的性格係好難做到.... 你叫我的起心肝, 換晒同佢有關的東東, 我真係做唔到, 應該講, 唔捨得咁做......
我好後悔沒拿走佢送俾我的公仔, 一個陪我睡了10年的公仔, 我那時很想攞走, 不過家姐死都唔俾我攞走, 佢話攞走咗, 唔通它繼續陪我瞓覺? 最終沒有攞走....我真係好想攞走, 寧願攞走後再諗點處理......
好似d結婚相, 我沒有攞走, 留在舊屋, 不過我其實攞走咗d菲林底片.........
我知道自己好傻, 好白痴.....不過當作給我一個紀念或一個回憶吧........... 無論呢個回憶係好或唔好, 都唔緊要......
我都曾經迫自己去定一個時間, 去淡忘或放低一些事或一些人, 不過我的記性在呢方面特別好, 少少的事都會撩起以往的回憶......
一首廣告歌, 一道菜, 一間店舖.....差不多乜都可以勾起...
越想去忘記, 就越難忘記..........
越想去放低, 就越難放低..........
私人傳訊

sallytamsh


男爵府

積分: 6095


190#
發表於 10-8-30 00:18 |顯示全部帖子
ah-kam, moon_moon,

近日見到菲律賓的事件, 個人的心情都好down, 明白珍惜身邊的一切, 好自然又令我想起ex.
掛心佢&佢家人&小狗的近況, 又擔心佢是否已找到工作, 所以寄了email問候一下他.

不過, 我點都無諗到佢竟然回覆一d涼薄的說話.......
佢竟然話: "一切都由你而起的", 又話自己好慘......
全部都係責怪的說話........
我收到回覆後, 個心拿住拿住, 個心實晒......乜原來佢變成咁? 不論旁人(甚至佢的同事及朋友)之前同我講佢做的一切真係好衰, 好過份, 我都繼續相信佢, 信佢講一時迷失而做錯咗....佢上年仲同我講, 全部都係佢自己的錯, 與人無尤, 但現在竟將一切的責任歸咎於我.......

原來他一直怪責我之前把他們婚外情一事告知他們其中一位同事, 一直怪責我在bk內提及此事.

我錯, 錯在與他學校的同事聯絡, 但他有無諗過, 他不聞不問, 自己在外風流快活, 我問他想怎樣, 不如離婚, 他卻逃避, 不覆電話, 我說若不覆電話, 我惟有打電話去學校找他, 但他又叫我不要打電話去學校, 我一一都聽他的, 但多次聯絡不上, 我可做什麼? 我逼不得已才與他一名同事A(我和那同事都相識, 但不熟絡)聯絡. 他便怪我將事情告知同事A.

我錯, 錯在在BK上開topic將事情講出來, 但佢有無諗過, 我開topic的時候, 是他走了出去, 剩我一人住在屋內, 面對四面牆, 日等夜等, 終日以淚洗臉? 坦白說, 我不是在這裡宣洩情緒, 有bk mami 安慰及開解, 我可能一早死了.....

大家都知道我很憎那賤女人, 明知個男人有老婆都攪, 簡直連雞都不如!
有BK MAMI曾經將那女人的照片打格仔放上網, 我亦特登叫版主刪去! 我錯了, 我唔應該叫版主刪去! 我應該讓張相片繼續留在BK!

佢姑姐都同我講:"何必為了一個已變心的人投放心情及時間入去呢!.......是時候您應該醒呢!"
我真係要醒了!
私人傳訊

sallytamsh


男爵府

積分: 6095


191#
發表於 10-8-30 00:55 |顯示全部帖子
Ex,

你那番涼薄的說話, 令我傷心, 令我痛心....
痛心的, 是我真係估唔到你講出這番涼薄的說話....
你姑姐講得啱: "這當頭棒喝雖然令您傷心,但這是否是時候您應該醒呢!"
你的涼薄, 令我明白, 現在的你, 已不是以前我認識的你了.

你話你地好慘! 一切都是由我引起的!
我真係好希望你地有d良心, 捫心自問一下: 究竟誰慘? 究竟誰被傷害? 究竟婚外情係邊個攪出來? 究竟邊個自私得要我獨自住在家中大半年, 叫我繼續住, 等你返來?

為什麼你要辭職? 你怪校長迫你辭職, 但你有無怪過自己?究竟係咪其他人叫你兼職? 我以前都叫你同校長講有兼職, 你就話唔駛, 又話即使校長知道都唔驚佢, 又話係"光榮".

現在, 你又將一切責任歸咎於我? 是我叫你攪賤女人? 是我叫你兼職?

你終日只是怨天尤人, 怨自己點解唔出生在有錢家庭? 又成日講點解自己daddy唔係李家誠? 你daddy及媽咪對你唔好嗎? 他們供你讀書做人, 屋企又唔係無錢開飯? 點解你要咁怨?
由我決定同你一齊, 我知道你睇重錢, 我明白你的擔憂, 所以沒有叫你買樓. 我需要的是家, 不是屋! 我覺得大家開心, 租屋都唔緊要, 好過買大屋, 而沒有溫暖.
好吧! 你現在找到隻有錢雞, 無憂錢銀方面的問題, 咁你仲怨什麼?
你姑姐都罵你: 自己無咗份工, 只係識怨旁人, 你有無真正諗下自己有無問題? 自己有無責任? 婚外情係邊個攪出來? 邊個攪到你咁? 係你自己!

為求自保, 為求聲譽, 你及那賤女人在同事及其他人面前講埋d不符合事實的說話, 他們都不值你地的所作所為而聯絡我. 你有無諗下點解?
你的同事之前已不只一次同我講:"早d認識及離開你, 是我的福氣."
我都覺得你唔係咁既, 以為你真係迷失了, 認為他們看錯了, 我仲白痴到甚至為你講好話.
即使你曾經對我做過一d極之傷害我的事情, 我都無在bk講出來, 亦不敢告訴我的家人及朋友, 我只敢同一個好朋友傾訴.
但現在的你可能真的如你自己所言:"我已變了........."

沒錯, 你真係變了.....
人變了......心變了......質都變了.........

請你及你身邊"那隻不知廉恥連雞都不如的賤女人"用你們丁點的良心去反省一下吧!
私人傳訊

sallytamsh


男爵府

積分: 6095


192#
發表於 10-8-31 01:02 |顯示全部帖子
7哥, moon_moon,

謝謝你們, 我諗我諗通咗很多了!
我當bk好似一個blog, 一唔開心, 便會上來呻下, 個人都會舒服好多. 雖然係對住空氣講, 不過講完的感覺真係好好多, 我唔想屈住屈住, 怕屈到自己有抑鬱 (我估暫時無啩).
有時自己執迷不悟, 對感情太執著. 上bk, 聽下大家的意見, 希望可以改變一下自己的諗法. 當然好多時明白大家的意思, 不過難於做到, 因為始終未放低......

moon_moon, 好多謝你一直的安慰, 鼓勵及支持! 真的很感謝你!
你, 可樂魚及edea, 我都會記得你們的.
當然, 我一定會記得成日pm我, 支持我的bk mami 啦! 如果無你地的支持, 我瞓低咗好耐了!

無論誰對誰錯, 呻完便算了!
好了, 我是時候要醒了! 我會加油!
希望我下次有機會開topic的話, 係一d開心的topic吧!
(但係我如果真係唔開心, 都俾我呻下吧, ok? 哈哈!)

祝各位bk mami及daddy,
happy & healthy!
私人傳訊

sallytamsh


男爵府

積分: 6095


193#
發表於 10-9-24 23:00 |顯示全部帖子
原帖由 annachee 於 10-9-11 15:40 發表
唔好為左d賤人傷心..要多謝佢早d睇清楚佢個真臉目呢...
我係你我就嚇破佢個膽..得閒就call佢話上去攤牌..就算唔做都要玩下佢...聽你咁講佢根本都唔會返轉頭啦佢都唔值得你去等...
告佢通姦係必然架啦..而+有好多人都講婚姻衹係一張紙 ....根本冇保障....但就係要做比果d賤人睇....其實佢係有法律效用架.....做左既野(簽左名)就要承擔責任!

唔好當結婚好似玩咁..結婚唔係拍拖呀..錯意就隨時甩拖..


對某d人來說, 可能當結婚係玩? 但我絕對唔係, 所以先至咁hurt........
佢話一直對我係認真, 我相信的.
佢好認真咁狂追我, 好認真發誓呢樣又發誓那樣, 好認真話同我結婚, 好認真話一生只愛我一個.....

但係, 如果真係認真, 真係有責任心, 就唔會拋低頭家, 拋低我, 我病了, 都唔返黎睇下, 淨係識得吼我返工時靜雞雞回家"取"走晒d文件, 證件, 衫褲鞋襪, 之後又叫我留低邊d傢俬俾佢搬走, 梳化, 電視機, 雪櫃, 微波爐.
我淨係取走了鞋櫃及電腦, 佢想要乜就要乜吧!

人變了, 就變了, 亦都認真咁變了.......
私人傳訊

sallytamsh


男爵府

積分: 6095


194#
發表於 10-9-24 23:03 |顯示全部帖子
原帖由 QKQKQK 於 10-9-13 23:51 發表


GOOD! ADD OIL !
祝你重新振作!
忘記 9公(賤男), 忘記 大眾9公廁(姣婆)!


QKQKQK,
Thanks! 我會加油的!
大眾9公廁, 好名!
私人傳訊

sallytamsh


男爵府

積分: 6095


195#
發表於 10-9-24 23:13 |顯示全部帖子
原帖由 MissWong123 於 10-9-21 23:36 發表
點解...俾人炒左....佢都有今日啦, 衰公....但點解個狐狸精反而升左做主任....係唔係有d陰謀呢?


miss wong,
你係咪好耐無上bk? 好耐無見了.
見到你, 唔覆都唔得, 哈哈!

賤女人不是升做主任, 應該係佢學校將全部行政人員都叫做主任. 不過她升唔升, 都係一樣, 政府每月都係要俾接近4萬元人工養呢d不知廉恥的老師.
陰謀? 我覺得個女人有陰謀多d, 勾人老公, 扮可憐, 算唔算有陰謀?
私人傳訊

sallytamsh


男爵府

積分: 6095


196#
發表於 10-9-27 22:28 |顯示全部帖子
原帖由 MissWong123 於 10-9-24 23:25 發表
死佬依家係唔係冇工開...如果係.真係要慶祝吓,等佢咁爽去包二奶...二奶間學校睇怕都捱唔耐, 咁少班
Sally..要好好振作...我信..天有眼, 你心地好, 一定會有好好嘅未來 ...


miss wong,
咁又唔好咁, 佢無工開, 無人想的, 我都唔想佢無工開.
不過佢真係唔應該將所有責任推在我身上...

不過我真係好感恩, 亦好愧疚....
感恩, 係因為佢父母對小狗很好, 我真係好感激他們!
愧疚, 係因為我唔可以再見小狗, 唔可能再照顧小狗...
我都好想見小狗, 不過相信無乜可能了...唯有寄望佢父母好好照顧小狗.
以前佢離家出走的時候, 乜都唔理, 連揹隻狗去寵物店剪洗澡指甲, 都係由我去做, 有時更因為佢父母想隻狗陪他們行山, 我就由葵芳(我們家)乘van去荃灣寵物店, 再乘兩程巴士去鴨脷洲(他父母家), 留低隻狗兩星期, 再接返牠回家. 差不多兩星期便一次.
那時, 我90多磅, 隻狗10多磅, 都幾重的. 重唔緊要, 但佢淨係識得去混, 我先至心up.
佢爸爸那時都話佢玩到顛, 連小狗的沐浴液都唔去買, 叫了很多次佢先買, 整到隻狗個身成陣味都唔同佢沖涼或洗腳. 我聽到都好唔開心, 如果我一早知, 我買埋去佢父母家啦!

不過算了, 佢連我呢個老婆都唔理, 更加唔會理隻狗. 以前當牠係仔, 依家? .....
我只係寄望佢父母對小狗好d, 而小狗又健健康康, 可以陪兩老行下山, 氹下佢地開心, 我已心滿意足了! 其實, 都好掛住佢地兩老...
私人傳訊


首頁
678910

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見