Baby Kingdom - 親子王國 香港 討論區 › 首頁 › 烹飪搵食› 買左個新焗爐,點用呢?

烹飪搵食

收藏本版
發帖
返回列表
跳至頁

首頁
34567...17

尾頁
   1
Dau


大宅

積分: 2106


81#
發表於 03-12-8 11:45 |顯示全部帖子

Re: 買左個新焗爐,點用呢?

Zen,
睇唔到呀!好心急呀!快d post上來睇!

blythemia,
原來蓉同泥係唔同的,咁我都係做返蕃薯/香蕉穩陣d,不過原來都幾多功夫,但我都好想試呀! 你通常做一個蕃薯戚風,cake中包含蕃薯,中間再夾兩層蕃薯蓉,要買幾多個蕃薯呢?
本來尋日諗住做scones,點知一睡睡到好晏,跟住又要做家務,所以都冇做到啦!下個星期再努力!
lavender味香油我都好有興趣呀!x'mas要做一個cake去party,睇來都要去一轉二德惠先得啦!

crystal,
你跟cookeasy做的海綿蛋糕是否rickey果個?
我昨日都在jusco買了一隻r字頭牌子的香油,是紅色的草莓味,$7.x唔知加落cream度係咪都有色呢!好期待呀!
私人傳訊

Dau


大宅

積分: 2106


82#
發表於 03-12-8 14:20 |顯示全部帖子

Re: 買左個新焗爐,點用呢?

crystal,
等我返去試下先,tks!!
你買的香芋味香油是否呢隻?


blythemia,
你買的lavender係咪咁?

我係二德惠個網頁到見佢話呢隻係冇顏色的,不如你都用crystal個方法在水到try try先,唔好side左d忌廉.

zen,
勁呀!紙包蛋糕點整?用muffin pan?d紙又點舖呢?
個cream cake都幾好呀!最緊要好味!一齊繼續努力呀!我仲未識jit花呀!

aristeo,
earl grey cookie的粉要過篩兩次,而且個篩要夠密,如果唔係d低筋粉唔夠幼細,可能會冇咁黏,可能係呢個原因,我都係估下ja!
私人傳訊

Dau


大宅

積分: 2106


83#
發表於 03-12-8 17:04 |顯示全部帖子

Re: 買左個新焗爐,點用呢?

crystal,
嘩嘩嘩,勁x10000000000呀!
你仲遲過我學整餅,但係d製成品靚過我果d好多呀!勁呀!好羡慕你呀!

aristeo,
你可以試下呢個,都幾容易,又好味!

Chocolate Chips Muffin

材料：１０個份
牛油 (室溫退冰) １１５克
低筋麵粉 １８０克
砂糖 ６５克
發粉 １茶匙
黃糖 ２湯匙
牛奶 １/２杯
蛋 (室溫退冰)２隻
朱古力粒 適量

做法
1.預熱焗爐200C，muffin pan塗油或用紙模墊底
2.牛油以電動打蛋器打軟，加入砂糖和黃糖，打至淡黃色，加入雞蛋拌勻，一次一隻
3.麵粉加發粉過篩後分數次伴入，最後加入牛奶拌勻
4.把麵糊倒進模內，加少許朱古力粒再於上面倒一層麵糊(如喜歡可加朱古力粒在面裝飾)
5.放入焗爐焗25分鐘或金黃色。

私人傳訊

Dau


大宅

積分: 2106


84#
發表於 03-12-9 10:14 |顯示全部帖子

Re: 買左個新焗爐,點用呢?

Blythemia,
結婚十週年,一定要賀一賀佢啦!一於整個靚cake,一家三口一齊歎!
豆豆13號都birthday,我好想整d野比佢食,但係見出面d dog food recipe全部都有好多花生醬,我又唔係好想比佢食咁濃味ge野喎,都係諗諗先,或者整個唔落糖的小戚風啦!
你之前講過blythe都好似係12月生日喎,咁你12月咪好忙?
銀珠試過一次,係食teresa festival的cheese cake時上面有的,好似食子彈糖咁,不過好硬,我成日係citysuper見到都覺得好靚,好想買來自己做裝飾,但都幾貴呀!

crystal,
你個cake真係好正呀,連裏面都咁正,我係你honey都冧哂啦!
尋晚同老公去左邊到hing祝呀?

花花,
咁你大大話話咪要整成10個cheese cake?不過見到朋友鍾意食自己做的cake,辛苦d都唔緊要啦!
我都睇過教人整果jam的書,好正呀!整完再將d有果肉的果jam淋上cake面,好美味呀!你都可以試下淋上你d美味cheese cake上面wor!

私人傳訊

Dau


大宅

積分: 2106


85#
發表於 03-12-9 14:36 |顯示全部帖子

Re: 買左個新焗爐,點用呢?

blythemia,
因為我記得blythe同豆豆同月birthday ma!

豆豆&豆豆ee祝blythe妹妹生日快樂,快高長大,身體健康,永遠聰明漂亮,孝順媽咪!
私人傳訊

Dau


大宅

積分: 2106


86#
發表於 03-12-10 11:48 |顯示全部帖子

Re: 買左個新焗爐,點用呢?

Joshmom,
我都覺得個檸檬炸彈唔夠檸檬味,下次刨d檸檬皮落去我諗會正d,不過都算好味!
我個都係忠臣牌17l,做cho.muffin時都係照食譜preheat oven 200度,然後放入去焗25mins,但最後果5mins一定要睇住,因為有時烤温會因為muffin大小而唔平均,所以焗至金黃色就可以停or差唔多時就舖鍚紙係面以免佢燶.
呢個食譜的温度係要用muffin pan,再在pan上放muffin杯的,如果只係用紙杯,唔用muffin pan的話就要減度數同時間,而且更加要睇住個火先得.
我唔知黃糖同原蔗糖同唔同,但我買的黃糖直情係寫住黃糖,或者你去d大d的超市再揾下.

pingku,
唔該哂,你provide個網址好正呀!但係豆豆唔同一般狗仔,佢只得一個腎,所以要好小心飲食,唔可以食d味道太重/某種物質太高的食物,所以我諗到時整一個唔落糖的小戚風,中間夾小小香蕉同orange粒粒比佢,佢己經好滿足啦!因為佢平時食慣d冇乜味的野,對佢來講呢d己經係狗間極品.thank u!

blythemia,
嘩,史先生好正呀!真係好攪鬼,諗呢個cake的人都好有創意喎!乜囡囡今次鍾意呢個cake咁特別,一路食時有冇一路笑同聞下佢?
私人傳訊

Dau


大宅

積分: 2106


87#
發表於 03-12-10 16:21 |顯示全部帖子

Re: 買左個新焗爐,點用呢?

aristeo,
我平時焗雞翼會用200度預熱焗爐5mins,放雞翼入去(毛孔果面向底先),焗10mins,然後反轉再焗10mins就食得,我就冇用鍚紙包,你可以try try.
而平時用鍚紙焗野食我都係啞色果面向食物,唔知啱唔啱呢,我見人地bbq包粟米都係咁,咁跟law. :-P
私人傳訊

Dau


大宅

積分: 2106


88#
發表於 03-12-11 12:15 |顯示全部帖子

Re: 買左個新焗爐,點用呢?

aristeo,
係呀,chiffon cake = 戚風蛋糕 = 雪紡蛋糕
其實焗好戚風後,拿出來倒轉呢個程序叫倒扣,係連住個模一齊倒轉,直至個cake連模完全涼先至起返個cake出來的.
我平時係咁倒扣

而luck底模其實係一個有活動底板的蛋糕模,即是
+
到個cake倒扣完就用刀仔起返出來,首先起個圓邊,再跟住個cake就會連支軸同個底一齊出左來,再用刀仔介下中間個hole的周圍,最後就再介個底,咁就起左個cake出來啦!

我平時就跟cookeasy呢個食譜做,都幾容易,但我就會減20g糖,因唔鍾意食太甜 http://www.cookeasy.com.hk/content/dessert_index/dessert_content/cake/cake_19.htm

blythemia,
真係喜事重重呀!祝你同蝦子餅恩恩愛愛,白頭到老!

pingku,
唔緊要啦!慢慢來,除左焗爐之外仲有好多其他野要買的,買齊架生先開工啦!
原來你都鍾意狗狗,得閒去寵物趣談到傾下狗經呀! 如果我成功做左狗餅,一定post上來比大家睇下!
私人傳訊

Dau


大宅

積分: 2106


89#
發表於 03-12-11 14:30 |顯示全部帖子

Re: 買左個新焗爐,點用呢?

aristeo,
1.係呀,係成個蛋糕連模倒轉放涼,到完全放涼後先用刀仔介返個cake出來的.
2.倒扣時間很難講,不過要完全放涼起碼都要個零鍾.
3.我自己就未試過用唔luck底的模做戚風,但我想以你的情況,可以試下在蛋糕模底部掃油or鋪牛油紙,但係軸邊同圓周邊就唔好掃,因為咁樣倒扣時先會痴住,唔會跌左個cake出來,到完全放涼後先用刀仔介個圓周邊同軸邊,咁個cake就會易d起到出來.
4.我用的是luck底模,所以唔洗掃油,用刀仔介就得,但你個模唔係luck底,底部難起,所以可以只在底部掃油/鋪牛油紙.
5.多謝呀,味道都ok ga,比個內部組織你睇下ar!
私人傳訊

Dau


大宅

積分: 2106


90#
發表於 03-12-12 10:38 |顯示全部帖子

Re: 買左個新焗爐,點用呢?

chilli,
叻女呀!第一次整真係好叻好成功呀!繼續努力呀!

crystal,
嘩,原來個芝麻cake要咁多功夫,仲要用風筒吹個邊,你真係好心機呀!d芝麻要磨碎,咁你個顏盅咪有用law!

blythemia,
oic,乜原來用non-stick的戚風模係可能會發唔起?但我見坊間都有好多stick同non-stick的唔luck底的戚風模賣,如果luck唔到底又唔掃油,咁咪好難起返個cake出來law?咁有咩方法會好d又唔會side左個模?我見呢d模jusco/uny都要賣成百蚊個,如果真係買左又用唔到真係好肉赤呀!
好彩之前聽你教路買左個luck底款.

jjhk,
我個oven係loyala 17l,有得自轉烤雞果個model.
私人傳訊

Dau


大宅

積分: 2106


91#
發表於 03-12-13 14:21 |顯示全部帖子

Re: 買左個新焗爐,點用呢?

hi all,
豆豆今日生日呀!希望佢愈大愈乖,身體健康啦!

豆豆's birthday cake




仲整埋blythemia的scones,好味呀!tks!
私人傳訊

Dau


大宅

積分: 2106


92#
發表於 03-12-14 19:20 |顯示全部帖子

Re: 買左個新焗爐,點用呢?

tsaleung,
哈哈,好開心係到見到你呀!飯煲同湯碗好嗎?
我用緊果個係loyala牌17l焗爐,2百幾蚊咋,好抵用,豐澤同實惠都有得賣,你都考慮下呀!爐野食好好玩ga!

小米米,
多謝你對豆豆的祝福,我都最希望佢身體健康,好緊要呀!
你真係過奬啦!我一d都唔叻呀!都係多得呢到d高手媽咪成日教我,先可以錯小d,乜原來你都有興趣焗野食嗎?咁就事不宜遲啦!快d一齊整野食,滿足感真係好大呀!由其是見到食的人開心的時候.
豆豆個cake我係用平時做chiffon的份量除4,減左糖同埋小小油,因為佢係得一個腎,好多野都唔食得,今次我係破介ga,不過一年一次唔緊要啦!係個cake面到都唔敢放生果or其他人食的野,所以放左平時佢一個星期先可以食一次的濕dog food同埋vet話佢唯一可以食的doggie cookie,但佢己經好滿足啦!
乜原來史先生有老婆的===>史太太,好過癮呀!可以可以影幅相來睇下,睇下佢地襯唔襯?
我第一次整的食物是cookie同muffin,都好易上手呀!你都試下啦!

pingku,
thank u,豆豆係個cake仲响個焗爐時己經開心到跳來跳去啦!其實佢次次都係咁,不過佢每一次都冇份食,今次終於可以還佢心願啦!

chilli,
你果邊d蛋糕用具真係好鬼貴呀!但我就好羡慕你可以買好多平護膚品

blythemia,
多謝呀!你真係勁呀!咁都估到,我地同佢吹完candle之後,佢第一時間就係食左個狗餅先.
果日整完你個scones之後,趁佢仲熱熱地,切開中間,抺d blueburry 醬上去食,真係好好味呀,tks!
私人傳訊

Dau


大宅

積分: 2106


93#
發表於 03-12-15 13:27 |顯示全部帖子

Re: 買左個新焗爐,點用呢?

嘩嘩嘩真係好熱鬧呀,好野,愈多人傾愈開心呀!

mau mau,
你第一次整,都算係非常之成功啦!由其是見你cup大笨象同bear bear果d模,你都掌握到,好叻呀!
你好有創意喎,d眼仔你點整?好鬼cute,唔怪得mau女搶住食.
你都落唔小本喎,第一次就買左咁多個模,sorry果日唔記得提你可以係二德惠買埋手指餅,突然記得你話想整tiramisu,不過超市都有得買.
講個秘密比大家知,mau mau屋企有一座oven,注意,係一座果隻呀!羡慕死我啦!
你下次用佢地教的方法,用竹簽篤下個心,如果仲未熟就鋪錫紙係面,咁個面就唔會燶,焗耐小小就得啦!

tsaleung,
除左blythemia講的地方有薄力粉買之外,呢度都應有盡有,包你買到唔捨得走,仲比出面平tim,
CLICK HERE
今日一於去買oven啦!
我昨日係街見到隻哥基囡囡,立刻想起湯碗,佢大個左好多?咁個pat pat一定好肥美啦!有新相記住send比我睇呀!

blythemia,
你d cookie好靚呀!你囡囡有個咁叻的媽媽好有face.
你係咪開cake shop?如果係真我第一個去報名交學費呀!
今日好開心,同事去完korea旅行買左d x'mas曲奇模比我做手信,好靚,一個santa claus,一個x'mas tree,一個雪人,不過好大塊.

小米米,
你米生好好喎,仲負責買用具,恨死隔離啦!如果我老公有好似米生咁支持我整蛋糕就好,我weekend整親佢就話:難得放假就抖下啦!.......激死.
我等你幅史太太艷照呀!

chilli,
我平時整chiffon cake係落粟米油,應該會比橄欖油淡味,你下次試下呀!
你係咪用左果個軟模,所以一反轉佢就好快luck落來呢?
順便係呢邊答埋你,之前pingku提供左一個好好的網址,有doggie cookie食譜,你研究下呀!http://leilako.com/recipes/dog/dog_list.html
提子我諗紅提好d,因為青提焗完之後唔知會唔會好深色,唔係青色.

pingku,
我覺得你個cheese cake都幾靚喎,繼續努力呀!會愈整愈好ga!我見呢度有人討論整敏敏牌cheese cake的技考,你可以參考下==>
CLICK HERE
而個cookie真係過左火,下次睇實d就得啦!

crystal,
你d唧花技術真係令我嘆為觀止,你好叻呀!你個姨甥女係咁就係封利是比你老公果個?

claudia,
梗係好歡迎你啦!多d入來傾,你咁多經驗要多d入來教下我先得,我爐齡得幾個月,好多野都未整過,好多野唔識,多多指教呀!
我都有一隻狗狗,係史立莎囡囡,今年3歲

zen,
做咩咁唔小心?隻手冇事嗎?整左50個muffin?好厲害呀!咁你唔好濕咁多水住啦!一係就戴手套先開工!
私人傳訊

Dau


大宅

積分: 2106


94#
發表於 03-12-15 15:15 |顯示全部帖子

Re: 買左個新焗爐,點用呢?

Claudia,
haha,你誤會左啦!我係叫tsaleung今日快d去買oven. 我自己就用緊loyal 17l.

cpy,
如果你還掂都要買電子磅,不如自己儲印做vip啦,,好易就儲到啦!個磅都要$200.
我覺得果到好多野都好抵買呀,低筋粉,cream chesse,牛油等都比出面平,仲有如果諗住會做cake送比人就可以買埋蛋糕盒.

mau mau,
aiya,乜你咁大頭蝦?果日同你傾電話都叫左你記住發粉=baking powder=泡打粉喎,仲叫你去百佳買,係魚膠粉隔離,你yai yai冇耳性呀! :-P

aristeo,
咁不如你去二德惠買返個戚風模呀,幾十蚊比日本公司果d平好多.
私人傳訊

Dau


大宅

積分: 2106


95#
發表於 03-12-16 10:30 |顯示全部帖子

Re: 買左個新焗爐,點用呢?

cottntail,
乜原來你睇左呢個topic咁耐,仲乜唔出聲呀!一齊多d傾下會多d原動力,而且有問題又可以大家研究下,得閒多d入來傾計呀!

claudia & chilli,
見到你地d狗狗水泡餅就流哂口水,最衰豆豆唔係成日可以食啦!不過我都會抄低佢先,等節日就整比呀囡食,haha,就黎又x'mas,又可以比藉口自己同個囡啦! 請問呢隻冇salt fat-free牛油係咩牌子呢?同埋係咪軟身的?tks!

abc-abc,
我用緊的係萬能達電動打蛋器,175w,有兩支鋼的打頭,亦有兩支膠的頭可替換(膠頭係用來打玻璃or易潔器皿時用),我覺得都幾好用,當時jusco特價$190(約3個月前),有兩個速度可選擇,好似kenwood都有同類型的款,你可以慢慢選呀!

tsaleung,
恭喜你呀!終於迎接左個oven返屋企呀!咁就快d開爐大吉啦!實惠d野真係唔平呀!只係有幾個4吋luck底模平d,$20.x,我見佢平平地又made in japan先買來做下cheese cake,可以同老公一人一個.

joshmom,
多謝哂呀!我代豆豆多謝joshmom ee,祝返你廚藝猛進呀! 叫埋你兩個friend上呢度傾呀!多d人傾好開心呀!

chilli,
今次個earl grey cookie好成功喎,恭喜恭喜,你終於揾啱粉啦!我18/12會去二德惠,你要唔要入貨?不如你上佢地個website到睇下想買咩,我一次過幫你買哂佢,然後寄過來比你(平郵同空郵價錢相差幾多?),你睇睇呀!
我整cake都試過用芥花子油做沙律油,味道ok呀!但同唔同太陽花油我就唔知啦!不過我諗大家都係植物,差唔多gwa!hehe

mau mau,
哈哈,你的一座焗爐好大迴響呀!對唔住呀!又破壞左你低調的作風tim! :-P

dor,
仔仔咁捧你場,係咪好happy呢?不過個腦成日諗下下次整咩食,又真係好開心,好過成日記住d煩惱野呀!學識整野食之後,我都覺得自己個人開心左好多呀!

crystal,
好呀!等我下次學jit cream時係個碗到練下先!
你個黑森林好鬼正呀!乜原來做呢個cake 材料好貴?有d咩料?
我都想知你miss做過d咩喎,睇到你眼突突,佢係咪唔洗手呀?

pingku,
嘩,你真係買左好多野呀!係咪好想快d試呢?

cpy,
你今日買完野,聽日就實習一次,星期六再整cookie,一定成功的,放心啦!

zen,
咁你以後小心d啦!一心急就好易整親.你有冇買左夾去夾起d cookie?方便d安全d.
私人傳訊

Dau


大宅

積分: 2106


96#
發表於 03-12-16 11:05 |顯示全部帖子

Re: 買左個新焗爐,點用呢?

claudia,

我睇左你個相部啦!你真係好勁呀!連bread都識整,我一直都覺得做包難度好高.仲有我好鍾意食美心的脆脆蛋糕,你都識整?!真係好叻呀!可唔可以教下我,仲有我都諗住呢個weekend試下做雞pie,見到你個album的雞pie好靚,流哂口水呀!
我都有個webshots相部,不過d作品賣相梗係同你差好遠啦!等我得閒都整係簽名相到先!
私人傳訊

Dau


大宅

積分: 2106


97#
發表於 03-12-16 11:14 |顯示全部帖子

Re: 買左個新焗爐,點用呢?

crystal,
個miss真係好唔衞生喎,最恐佈係插隻手指入去試味呀!

cluadia,
因為我狗狗一年前因為一次意外冇左一個腎,所以而家乜都唔食得,只可以食獸醫糧ja,好可憐,不過大時大節我就會破例比小小特別野食佢,唔洗咁慘,不過實比獸醫罵ga! :-P
我想請教專刨朱古力的刨係點ga?我之前唔識,用刨蘿白絲的刨來刨,刨極都刨唔到,又要好大力,係咪有一個係專刨朱古力的呢?tks!
私人傳訊

Dau


大宅

積分: 2106


98#
發表於 03-12-16 12:07 |顯示全部帖子

Re: 買左個新焗爐,點用呢?

CPY,
金鐘太古廣場seibu地庫有great呀!
私人傳訊

Dau


大宅

積分: 2106


99#
發表於 03-12-16 20:50 |顯示全部帖子

Re: 買左個新焗爐,點用呢?

hi all,
我今日去log-on,買左一樽做蛋糕裝飾的野,一盒有4樣野,有銀珠叫dragees,藍色一粒粒好似crystal的叫blue sugar,一粒粒好似芝麻咁細粒的叫white non pareils,仲有一d藍色同白色的小星星,都幾靚ga,有效期有一年,$30,不過買完先發覺應該唔食得落肚,大家可唔可以幫我解下疑難呢?個樽寫住--non-edible dragees, for decoration only,係咪即係唔食得?如果係就呻bun啦! 不過都幾靚的!
我又買左塊可以舖響枱面的膠"jin"送比朋友做x'mas gift,有成70x60cm,好大塊,可以在上面搓粉同look粉,亦可以入雪櫃,$78,我自己都好想買呀!

blythemia,
我今日見到你的靚靚樹葉cookie模重出江湖,$58一盒,好靚

dor,
你今日都去左log-on?你去邊間呢?唔知我地有冇撞到而唔知呢?
私人傳訊

Dau


大宅

積分: 2106


100#
發表於 03-12-17 10:30 |顯示全部帖子

Re: 買左個新焗爐,點用呢?

Claudia,
d相係webshots係link唔到上bk的,要先係www.imagestation.com到開個account,upload d相上個album先,再copy返個link係img果到先得ga,你試下啦!

cpy,
我係惠康買過一隻入爐朱古力係啡啡地色的,好似m&m咁的包裝,放係面粉附近,牌子係baker,都ok啦,你可以買來試下做muffin.

=============================
我今日去log-on,買左一樽做蛋糕裝飾的野,一盒有4樣野,有銀珠叫dragees,藍色一粒粒好似crystal的叫blue sugar,一粒粒好似芝麻咁細粒的叫white non pareils,仲有一d藍色同白色的小星星,都幾靚ga,有效期有一年,$30,不過買完先發覺應該唔食得落肚,大家可唔可以幫我解下疑難呢?個樽寫住--non-edible dragees, for decoration only,係咪即係唔食得?如果係就呻bun啦! 不過都幾靚的
============================
有冇人答到我呀,係咪只係dragees先唔食得,其他都食得呢?tks!

chilli,
塊膠墊係 for 整餅用的,可以係上面搓粉團同cup模,我朋友屋企整餅慣左係廳張飯枱到做,呢張啱哂佢啦!

pingku,
今次d cookie同muffin好靚呀!睇火真係有用ga,因為個個oven的火力cover都唔同,有時時間未夠己經ok,跟足佢可能會過火呀!今次好成功,叻叻,繼續努力呀!
私人傳訊


首頁
34567...17

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見